Førde kommune Styre, råd og utval Møtedato Saksnr Planutvalet 03.12.2015 046/15 Bystyret 10.12.2015 070/15 Sakshandsamar: Ole Jakob Sande Arkiv: FA-L12 Arkivsaknr.: 15/765 Detaljregulering Hafstadreina bensinstasjon, gnr. 61 bnr. 8 m.fl. - Planvedtak Vedlegg: Dok.dato Tittel Dok.ID 18.11.2015 143220150005_Hafstadreina_Føresegner.pdf 184805 18.11.2015 Plankart_143220150005-Hafstadreina-bensinstasjon.pdf 176883 18.11.2015 Plankart_143220150005-Hafstadreina-bensinstasjon_flyfoto.pdf 176884 18.11.2015 Planbeskrivelse_Hafstad_171115.pdf 184806 18.11.2015 143220150005 - merknader off ettersyn samla 184863 20.11.2015 Uno X Førde - ladepunkt for elbil 185091 23.11.2015 Bildeeksempel Uno-x 185261 Bakgrunn for saka: Planutvalet gjorde i sak 035/15, den 17.9.2015, vedtak om at privat framlegg til Detaljregulering for Hafstadreina Bensinstasjon, gbnr. 61/8 m.fl, vart lagt ut til offentleg ettersyn i samsvar med PBL 12-10. Planen har som hovudføremål å legge til rette for ein automatstasjon for sal av drivstoff. I tillegg vert tilkomst til næringseigedomen gbnr. 61/425 (Rema1000) regulert i samsvar med overordna regulerings- og kommuneplan. Også sykkelfelt, busslomme og fortau er innlemma i planområdet. 1
Saksutgreiing: Framlegg til reguleringsplan har i samsvar med Planutvalet sitt vedtak vore ute på høyring og offentleg ettersyn i perioden 26.9.15 til 9.11.15. Merknadsfrist var sett til 9.11.15. I samband offentleg ettersyn er det motteke slike merknader: Førde kommune Teknisk drift; Har ikkje merknader til planframlegget. Sogn og Fjordane Fylkeskommune; Har i dag ikkje kunnskap om automatisk freda kulturminne i området og har såleis ikkje avgjerande merknader. Peikar likevel på potensiale for slike minne, og gjer tiltakshavar merksam på varsemdsplikta som ligg i 8, 2. ledd i Lov om kulturminne. Fylkesmannen i Sogn og Fjordane; Natur og miljø rår kommunen til å vurdere om det bør innarbeidast konkrete føringar om t.d. taktype, material- og fargebruk i BKBområdet i høve til at planomtalen skisserer tiltaka som eit komplett konsept utan høve til endring eller lokal tilpassing. Peikar også på at det i vedtaket for offentleg ettersyn er gitt føringar for tillegg i føresegnene som ikkje er gjort. Konstaterer at planframlegget er vurdert etter naturmangfaldlova, og har elles ikkje merknader til planen. Landbruk konstaterer at planframlegget er i samsvar med føringar i overordna arealbruk, og har ikkje merknader til planframlegget. Samfunnstryggleik og beredskap peikar på at ROS-analysen for nokre tema er stikkordsmessig og knapp, og ikkje gir tilstrekkeleg informasjon om kva vurderingar som er gjort eller kva kompetanse som er konsultert. Det vert peika på tema som tilstrekkeleg sløkkevasskapasitet, konsultasjon med brannfagleg kompetanse og om det er teke høgde for framtidige klimaendringar. Føreset at kommunen må sikre at desse vurderingane vert gjort og kjem tydeleg fram i planmaterialet før planvedtak. Statens vegvesen Region vest; Peikar på at krysset som er vist vil ha relativt stor trafikk i dimensjonerande time, og at det bør vurderast om det er trong for kanalisering i sidevegen. Stiller også spørsmål ved lokalisering og utforming av busslomma nært inntil krysset med E39. Vurderer at av- og påstigning er meir aktuelt 2
knytt til Hafstadparken/ bustadområde lenger nord, og at det vil vere ei meir naturleg lokalisering. Noregs vassdrags- og energidirektorat (NVE); Har ingen merknader til planframlegget. Rådmannen har bede tiltakshavar sin konsulent om kommentarar til merknadane. Konsulenten har gått gjennom merknadane og, etter dialog med rådmannen, oppdatert planomtale og føresegner som vart sendt kommunen 18.11.2015. Justerte plandokument er i tråd med rådmannen sine vurderingar nedanfor. Rådmannen sine vurderingar: 1. ROS-analyse: Tiltakshavar sin konsulent har gått gjennom ROS-analysen på nytt og utdjupa dei forholda som er kome merknad til. Rådmannen har ikkje ytterligare merknader og meiner aktuelle forhold er grundig vurdert. 2. Busslomme: Busslomme er med i planområdet med bakgrunn i at planarbeidet skulle legge til rette for vidareføring av sykkelfelt langs Hafstadreina heilt til kryss med Hafstadvegen (E39). Den er ei direkte oppfølging av gjeldande reguleringsplan, men med busslomma utforma i samsvar med utbetringsstandard i handbok N100, då det ikkje er plass til busslomme utforma etter standard krav. Flytting av busslomma har ikkje vore nokon føresetnad for planarbeidet. I samband med Førdepakken er det starta ein prosess med å sjå på plassering av busstopp i heile Førde, og det er vidare starta ein diskusjon om det i større grad skal nyttast kantstopp framfor lomme. Desse drøftingane er ikkje sluttført. Rådmannen meiner at ei flytting av busslomma nærare Hafstadparken vil få vesentlege konsekvensar for vestleg del av bustadområdet i detaljregulering Hafstadtuna. Dette bustadprosjektet vil snarleg starte opp, og å krevje ei omregulering for å flytte busslomma utan at ei heilskapleg plan er landa, vil vere urimeleg for utbyggaren. 3. Kanalisering sideveg: Det har ikkje vore nokon føresetnad i planarbeidet at det skal gjerast nye utgreiingar på trafikksituasjonen, og planframlegget vidareførar prinsippa i gjeldande regulering. Rådmannen meiner det ikkje er grunnlag for å krevje nye vurderingar i denne fasen av planarbeidet, og viser til at det også er inngått utbyggingsavtale for gjennomføring av vegtiltaka i området. 4. Ladepunkt El-bil: Plandokumenta vart lagt ut til offentleg ettersyn utan endring, men med eit planvedtak som gav føringar for at ladepunkt for el-køyretøy måtte vurderast. Tiltakshavar Uno-X Automat AS har ikkje ladestasjon som verksemd, men har vore i kontakt med aktuelle aktørar i marknaden. I tillegg har det vore drøfta med grunneigar for Rema1000 butikken å plassere eventuelle ladestasjonar nærare butikklokala. Vurderingar knytt til etablering og drift av ladestasjonar ligg ved plandokumenta som eige skriv. Plankonsulenten har etter drøftingar med rådmannen justert føresegnene, slik at det er opna for å etablere ladepunkt i området. 3
Rådmannen meiner ei slik løysing er tilfredstillande og gir høve til å etablere ladepunkt når marknadssituasjonen tillèt det. Rådmannen finn ikkje at det er grunnlag for å krevje at Uno-X skal syte for ei slik etablering i samband med si etablering i Førde. 5. Føringar for materialbruk osb.: Fylkesmannen har i sin merknad peika på at kommunen bør vurdere å setje føringar for materialbruk og fargeval, ut i frå at tiltaka bør tilpassast omgjevnadane. Forslagstillar har i planframlegget vist ei utforming av anlegget i samsvar med Uno-X Automat AS si profilering. Det er klart at slik utforming er valt for å gi god eksponering, og det vil vise igjen i landskapet. Uno-X Automat AS opplyser at lyssetjinga vert dempa med om lag 40% når det ikkje er bilar eller bevegelse på stasjonen. Takoverbygget er i firmaet sin gule farge på undersida og med ein vinkel som profilerer denne flata. Oppå er taket gråfarga. Dei opplyser vidare at alle deira anlegg er like i heile landet. Rådmannen har via Google streetview samla eit knippe bilete av ulike Uno-X stasjonar i sør Norge som ligg ved saka. Ut i frå bileta ser det ut til nyare stasjonar er utforma med same profil som er planlagt i Førde, medan stasjonar med «gamle» takoverbygg har fått ei tilpassa utforming med variasjonar i mengde gule flater. Uno-X AS stadfestar at det stemmer, og at ny profilering/ takoverbygg er nytta på stasjonar bygd etter 2010. I høve til infoskilt opplyser Uno-X at nokre få kommunar har sett krav om at den skal vere grå, medan standarden til selskapet er gul. Både takoverbygg og skilt er ein del av firmaet si profilering, og vil bli vurdert etter kommunen sine reglar for skilt og reklame i byggesaka. Rådmannen meiner at planhandsaminga ikkje treng skjerpe eller lempe på krava i reglar for skilt og reklame i denne saka. Oppsummering: Rådmannen vurderer at planframlegget tek i god grad vare på dei allmenne interessene, og viser til at det er regulert forlenging av sykkelfelt langs Hafstadreina til kryss med E39, samt at busslomme i gjeldande reguleringsplan er oppgradert til utbetringsstandard. Rådmannen meiner slik regulering er den rette sjølv om det framleis går føre seg ein prosess med ein heilskapleg vurdering av plassering av busslommer. Uno-X har ei stram framdrift på byggearbeidet føresett eit positivt planvedtak, og har søkt om parallell handsaming av plansak og byggesak i samsvar med PBL 12-15. Grunna ei upresis tilbakemelding frå rådmannen, har tiltakshavar difor teke sikte på å starte arbeidet måndag 7.12.15. Rådmannen har signalisert at gravearbeidet kan få starte på eige ansvar då, med føresetnad om ei positiv handsaming i Planutvalet 3.12.15. Rådmannen sitt framlegg til vedtak: 4
Handsaming i Planutvalet 03.12.2015: Samrøystes tilråding PLAN-046/15 Vedtak: Handsaming i Bystyret 10.12.2015: Avrøysting: Planutvalet sitt framlegg til vedtak vart vedteke mot 1 røyst BY-070/15 Vedtak: Førde, den 23.11.2015 Ole John Østenstad Rådmann Odd Harry Strømsli Leiar Byggesak og arealforvaltning Tlf. 57612715 5