STRATEGISK PLAN FOR OPPVEKSTSEKTOREN I LEIKANGER KOMMUNE Kunnskap og læring for livet
INNHALD Bakgrunn:... 3 Innleiing:... 4 Nasjonale prioriteringar og myndigheitskrav:... 5 Samfunnsmandatet til skulen... 5 Læringsplakaten - dei grunnleggjande pliktene til skulen... 6 Samfunnsmandatet til barnehagen... 7 Visjon:... 8 Mål og prioriteringar for Leikanger kommune... 9 Overordna målsetjing... 9 Oppvekstsektoren i Leikanger skal:... 10 Oppfølging - årleg dialogmøte... 14 Strategisk plan for oppvekstsektoren i Leikanger kommune 2
BAKGRUNN: Kommunestyret handsama 17.06.10 rapport om Leikanger-skulen frå RO- Ressurssenter for omstilling i kommunane. (vedlegg 1) Formannskapet vedtok i møte 27.10.10 å oppnemne ei arbeidsgruppe med mandat å vurdere nærare dei tiltaka som var drøfta i kapittel 7 og 8 i sluttrapporten frå ROsenteret, og koma med tilråding om konkrete tiltak på dei einskilde områda. Arbeidsgruppa sin rapport (vedlegg 2) vart handsama i kommunestyret 14.04.11, sak 25/11 (vedlegg 3). Punkt 1 i kommunestyret sitt vedtak lyder slik: Det skal utarbeidast ein strategisk plan for oppvekstsektoren i kommunen. Planen bør omfatte både barnehage og skule. Arbeidet med denne planen må tydleg forankrast politisk. Det vert oppnemnd ei arbeidsgruppe på 5 personar sett saman av 3 politikarar og 2 foreldrerepresentantar som får i oppgåve å utarbeide ein strategisk plan. Denne nye arbeidsgruppa fekk frist til 1. oktober med å levere sin rapport. Kommunestyret har i møte 29.09.11 utsett fristen. Arbeidsgruppa vart i formannskapsmøte 11.05.11 utvida med ein ekstra representant for foreldra. Arbeidsgruppa fekk denne samansetjinga: Jan Sigurd Haugen - kommunestyret (leiar) Tobias Dahle - kommunestyret Susan Husabø - kommunestyret Kjersti Døssland - foreldrerepresentant for barnehagane Aase Vagstad / Kjartan Hove - foreldrerepresentant for ungdomsskulen Tom Sølve Myklebust - foreldrerepresentant for barneskulen Rådmannskontoret - sekretariat Strategisk plan for oppvekstsektoren i Leikanger kommune 3
INNLEIING: Dette dokumentet er Leikanger kommune sine overordna målsetjingar for oppvekstsektoren. Oppvekstsektoren er her avgrensa til barnehage og skule. Planen skal vera styrande for planlegging og drift av oppvekstsektoren. Administrasjonen skal følgje opp planen og vurdere konkrete tiltak som må til for å nå kommunen sine definerte målsetjingar. Planen og grad av måloppnåing skal avstemmast i dialogmøte mellom rådmannen og driftseiningane. Planen skal reviderast kvart 4. år. (Alle bileta er Leikanger kommune sin eigedom og er brukte med løyve.) Strategisk plan for oppvekstsektoren i Leikanger kommune 4
NASJONALE PRIORITERINGAR OG MYNDIGHEITSKRAV: Overordna nasjonale mål og prioriteringar innan oppvekstsektoren vert til ei kvar tid fastsett av regjeringa og Stortinget og er fundamentet for korleis all opplæring i barnehage, skule og bedrift skal gjennomførast. Samfunnsmandatet til barnehage og skule er uttrykt i formålsparagrafane i dei respektive særlovene. SAMFUNNSMANDATET TIL SKULEN Opplæringslova 1-1. Formålet med opplæringa Opplæringa i skole og lærebedrift skal, i samarbeid og forståing med heimen, opne dører mot verda og framtida og gi elevane og lærlingane historisk og kulturell innsikt og forankring. Opplæringa skal byggje på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som òg kjem til uttrykk i ulike religionar og livssyn og som er forankra i menneskerettane. Opplæringa skal bidra til å utvide kjennskapen til og forståinga av den nasjonale kulturarven og vår felles internasjonale kulturtradisjon. for den einskilde si overtyding. Ho skal fremje demokrati, likestilling og vitskapleg tenkjemåte. Elevane og lærlingane skal utvikle kunnskap, dugleik og holdningar for å kunne meistre liva sine og for å kunne delta i arbeid og fellesskap i samfunnet. Dei skal få utfalde skaparglede, engasjement og utforskartrong. Elevane og lærlingane skal lære å tenkje kritisk og handle etisk og miljøbevisst. Dei skal ha medansvar og rett til medverknad. Skolen og lærebedrifta skal møte elevane og lærlingane med tillit, respekt og krav og gi dei utfordringar som fremjar danning og lærelyst. Alle former for diskriminering skal motarbeidast. Opplæringa skal gi innsikt i kulturelt mangfald og vise respekt Strategisk plan for oppvekstsektoren i Leikanger kommune 5
LÆRINGSPLAKATEN - DEI GRUNNLEGGJANDE PLIKTENE TIL SKULEN Skolen og lærebedrifta skal: Gi alle elevar og lærlingar/lærekandidatar like gode føresetnader for å utvikleevner og talent individuelt og i samarbeid med andre Stimulere lærelyst, evne til å halde ut og nyfikne blant elevane og lærlingane/lærekandidatane Medverke til at lærarar og instruktørar står fram som tydelege leiarar og førebilete for barn og unge Sikre at det fysiske og psykososiale arbeids- og læringsmiljøet fremmar helse, trivsel og læring Stimulere elevane og lærlingane/lærekandidatane til å utvikle eigne læringsstrategiar og evne til kritisk tenking Leggje til rette for samarbeid med heimen og sikre at foreldre/føresette får medansvar i skolen Stimulere elevane og lærlingane/lærekandidatane i personleg utvikling og styrking av eigen identitet, i det å utvikle etisk, sosial og kulturell kompetanse og evne til demokratiforståing og demokratisk deltaking Leggje til rette for å trekkje inn lokalsamfunnet i opplæringa på ein meiningsfylt måte Leggje til rette for elevmedverknad og for at elevane og lærlingane/lærekandidatane kan gjere medvitne verdival og val av utdanning og framtidig arbeid Fremme tilpassa opplæring og varierte arbeidsmåtar Stimulere, bruke og vidareutvikle kompetansen til den einskilde læraren Strategisk plan for oppvekstsektoren i Leikanger kommune 6
SAMFUNNSMANDATET TIL BARNEHAGEN Barnehagelova 1. Formål Barnehagen skal i samarbeid og forståelse med hjemmet ivareta barnas behov for omsorg og lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i kristen og humanistisk arv og tradisjon, slik som respekt for menneskeverdet og naturen, på åndsfrihet, nestekjærlighet, tilgivelse, likeverd og solidaritet, verdier som kommer til uttrykk i ulike religioner og livssyn og som er forankret i menneskerettighetene. Barna skal få utfolde skaperglede, undring og utforskertrang. De skal lære å ta vare på seg selv, hverandre og naturen. Barna skal utvikle grunnleggende kunnskaper og ferdigheter. De skal ha rett til medvirkning tilpasset alder og forutsetninger. Barnehagen skal møte barna med tillit og respekt, og anerkjenne barndommens egenverdi. Den skal bidra til trivsel og glede i lek og læring, og være et utfordrende og trygt sted for fellesskap og vennskap. Barnehagen skal fremme demokrati og likestilling og motarbeide alle former for diskriminering. Strategisk plan for oppvekstsektoren i Leikanger kommune 7
VISJON: Leikanger kommune sin visjon for oppvekstsektoren: Kunnskap og læring for livet Læring skjer gjennom heile livet og er ein grunnleggande føresetnad for utvikling og vekst hjå mennesket. Uformell læring skjer i alle sosiale samanhengar frå den dagen du vert fødd. I Leikanger kommune skal det leggast til rette for at den læringa som skjer i barnehage og skule vert ein basis for den livslange læringa. Barn er av natur nysgjerrige og kunnskapssøkande. Oppvekstsektoren i Leikanger skal sørgje for at barn og unge vert stimulerte til å søke kunnskap og gjere gode læringsval. For å oppnå dette må oppvekstvilkåra vere gode og trygge, noko barnehagane og skulane våre skal bidra til ved at kvar einskild vert sett og møtt med respekt. Strategisk plan for oppvekstsektoren i Leikanger kommune 8
MÅL OG PRIORITERINGAR FOR LEIKANGER KOMMUNE OVERORDNA MÅLSETJING Leikanger kommune skal ha høg kvalitet i barnehage og skule. Oppfylling av måla i denne strategiske planen for oppvekstsektoren i Leikanger skal gje grunnlag for gode oppvekstvilkår. Barn, unge, foreldre og tilsette si samhandling gjennom positiv deltaking er viktige føresetnader for å få utvikle og vedlikehalde dei gode vilkåra for trygg oppvekst. Tidleg innsats og tilrettelegging for livslang læring er viktig. Observasjon og vurdering skal vere grunnlag for utvikling og forbetring. Kvalitet i overgangane må sikrast. Oppvekstsektoren skal sjåast på som ein heilskap som skal bidra til å skape gagns menneske. Barn og unge som veks opp på Leikanger skal ha same høve til utvikling og læring uansett kva for eining dei høyrer til. Strategisk plan for oppvekstsektoren i Leikanger kommune 9
OPPVEKSTSEKTOREN I LEIKANGER SKAL: 1. HA EIT SYSTEMATISK OG FORPLIKTANDE SAMARBEID MED HEIMEN Systematisk kontakt og samhandling med heimen er naudsynt for å ha ei felles forståing av oppvekstsektoren sitt arbeid og ansvar. Kontakten må vere gjensidig forpliktande slik at ressursar og aktivitet kan verte tilpassa den enkelte. 2. GJE OPPLÆRING UT FRÅ FØRESETNADENE OG BEHOVA TIL DEN ENKELTE Tilpassa opplæring er eit grunnleggande prinsipp i oppvekstsektoren. For at alle skal få utvikle sine evner, føle seg verdsett og bli motivert gjennom oppgåver på sitt nivå, må opplæringa tilpassast kvar enkelt. Tilpassinga skal ta omsyn til den enkelte sin bakgrunn, føresetnader, interesser og talent. Alle skal få møte utfordringar dei kan strekkje seg mot slik at dei får oppleve meistring av nye oppgåver. 3. UTVIKLE BARN OG UNGE SINE EVNER OG DUGLEIK SOM EIT GODT GRUNNLAG FOR VIDARE LÆRING. Barnehage og skule skal sørgje for at barn og unge si måloppnåing etter læreplanane vert så høg som mogeleg. Gutar og jenter skal ha same høve til å oppnå gode resultat. Dei skal oppleve eit læringsmiljø som gjev varierte utfordringar og stimulerer til læring. Strategisk plan for oppvekstsektoren i Leikanger kommune 10
4. HA GODE RUTINAR FOR ALLE OVERGANGANE FRÅ BARNEHAGE TIL VIDAREGÅANDE SKULE, DER ALLE LEDD SKAL LEGGJE VEKT PÅ SAMANHENG OG FAGLEG PROGRESJON. Overgangane skal vera prega av heilskap, tryggleik og dialog. Dei skal byggje på likeverdige partnarskap og kunnskap om kvarandre sine planar og mål. God overgang skal sikrast gjennom dokumentasjon, gjensidig kontakt mellom tilsette og klare rutinar. Vidareføring av kunnskap om den einskilde er ein viktig føresetnad for god og tilpassa opplæring. Gode relasjonar må til for at alle møter overgangane med positive forventningar. Tidleg innsats er avgjerande for å redusere omfanget av fråfall i vidaregåande skule. Oppvekstsektoren skal vera prega av god fagleg samanheng og tydleg progresjon. Det kunnskapssøkande mennesket skal takast vare på og utviklast og det skal leggast til rette for at alle deltek aktivt i læringsprosessen. 5. HA HØG KOMPETANSE HJÅ DEI TILSETTE FOR AT LÆRINGSUTBYTET I BARNEHAGE OG SKULE SKAL VERTE OPTIMALT. Tilsette skal ha høg utdanning og rett kompetanse, og stimulerast til å vidareutvikle seg fagleg og pedagogisk. Tilsette skal vere medvitne sitt ansvar for å skape lærevillige og trygge barn og unge. Læringsutbytet vert optimalt når tilsette er tydelege og ser kvar einskild. Læringsmiljøet må vere slik at det vert naturleg å lære av kvarandre og det vert stilt krav til den einskilde slik at den får høve til å strekke seg. Strategisk plan for oppvekstsektoren i Leikanger kommune 11
6. SIKRE AT BARN OG UNGE HAR REELL MEDVERKNAD PÅ INNHALDET I KVARDAGEN SIN I BARNEHAGE OG SKULE. Medverknad gir meir motiverte barn og unge. Dei får betre oversikt over eigen opplæringssituasjon noko som fører til større trivsel, betre tilpassa opplæring og betre resultat. Reell medverknad føreset struktur og rammer for opplæringa. Innafor desse rammene må barn og unge få ein stor grad av ansvar. Dei skal ha reelt høve for påverknad. Medverknad fører til at barn og vaksne vert meir tydlege for kvarandre. Dei må klargjere forventningane til kvarandre, planlegge i fellesskap, blir einige om realistiske målsetjingar og evaluerer saman. 7. SIKRE BARN OG UNGE EIT GODT FYSISK OG PSYKISK LÆRINGSMILJØ. Eit godt læringsmiljø vil gi gode faglege prestasjonar og sosial kompetanse. Alle i oppvekstsektoren har eit felles ansvar for å skape eit godt læringsmiljø. Tilsette har eit sjølvstendig ansvar for å engasjere seg og medverke til at born og elevar opplever eit trygt og inkluderande læringsmiljø. Born og unge skal sjølve vere med på å skape eit godt læringsmiljø. Strategisk plan for oppvekstsektoren i Leikanger kommune 12
8. HA GODT SAMARBEID I ALLE FASAR AV UTDANNINGSLØPET. Ein god samarbeidskultur mellom alle ledd og institusjonar i oppvekstsektoren er eit felles ansvar. Samarbeidet skal vere prega av respekt for kvarandre sine roller, deltakarane skal vere opne og ha tillit til kvarandre og det skal vere vilje til å oppnå resultat. 9. STIMULERE GOD FYSISK OG PSYKISK HELSE HJÅ BORN OG UNGE God fysisk og psykisk helse er ein viktig føresetnad for at barn og unge skal fungere sosialt, lære, utvikle seg og meistre eigen kvardag. Barnehage og skule skal ha gode læringsprosessar som fremjar god helse. Strategisk plan for oppvekstsektoren i Leikanger kommune 13
OPPFØLGING - ÅRLEG DIALOGMØTE Den strategiske planen for oppvekstsektoren skal vere eit viktig grunnlag for einingane sine målsetjingar og tiltaksvurderingar. Tiltaka skal setjast inn i aktuelle handlingsplanar. Driftseiningane og rådmannen skal ha eit årleg dialogmøte der kommunen sine mål og prioriteringar er tema. På møtet skal det også vere ein gjennomgang av institusjonane sin ressurssituasjon, oppnådde resultat og aktuelle tiltak. Referatet frå møtet skal innehalde aktuelle tiltakspunkt med overslag over økonomisk verknad. Referatet skal gå til formannskap og kommunestyret og vere ein del av grunnlaget for budsjett og økonomiplan. Strategisk plan for oppvekstsektoren i Leikanger kommune 14