SAKSFRAMLEGG Sakshandsamar: Geir Afdal Arkiv: 614 H30 Arkivsaksnr.: 12/1433 Ny korttidsavdeling og framtidig augeblikkeleg hjelp tilbod ved Gaupne omsorgssenter. Sak om uttrekking av fellesstove. Rådmannen si tilråding: ::: Sett inn innstillingen under denne linja 1. Formannskapet godkjenner at fellesstove ved ny korttidsavdeling ved Gaupne omsorgssenter vert trekt ut av byggeprosjektet. Som kompenserande tiltak vert det bygt foldevegg i eksisterande fellesstove slik at det vert høve til deling av stoveareala. 2. Tiltaket gir ei innsparing på kr.355.000,- inkl.mva som vert innarbeidd i ny kostnadsråma for prosjektet i tertialrapport 2. Årlege innsparingar i driftsutgifter vert anslagsvis kr.10 000,-. ::: Sett inn innstillingen over denne linja... Sett inn saksutredningen under denne linja
Saksutgreiing: Prenta vedlegg: Teikningsutsnitt fellesstove Teikningsutsnitt korttidsavdeling og framtidig augneblikkeleg hjelp tilbod Pris frå Vestlandshus Sogn AS på uttrekking av fellesstove Uprenta vedlegg:t2,omtale av investeringsråme for ny korttidsavdeling ved Gaupne omsorgssenter. Samandrag: I utbygginga av ny korttidsavdeling ved Gaupne omsorgssenter var det lagt opp til å bygge ei ny fellesstove i tilknyting til utbygginga. Rådmann har stilt spørsmål ved behovet for denne og i tertialrapport 1 tilrådde rådmann at stova ikkje vart bygt ut frå ei kost/nytte vurdering. Rådmann fekk i kommunestyret si handsaming av tertialrapport 1 i oppdrag å vurdere saka på nytt. Dette er gjort og i saka opprettheld rådmann tilrådinga inkludert at det vert tilrådd å etablere ein foldevegg i eksisterande stove slik at det vert høve til oppdeling av rommet når det skulle vere behov for det. Tiltaket vil gi ei innsparing i investering på kr.355.000 og kr.10.000 i årlege driftsutgifter. Utval som har vedtaksmynde: Formannskapet Fakta: I kommunestyremøte den 20.06.2013 i sak 53/13 «Rekneskapsrapport pr. 1.tertial 2013. Budsjettendringar» bad kommunestyret rådmannen om på ny vurdere, ut frå behovet til brukarane ved ny korttidsavdeling, om det var mogeleg å behalde fellesstova ved utbygginga på Gaupne omsorgssenter. Sak skal tilbake til formannskapet for avgjerd. I tilbodskonkurransen for ny korttidsavdeling ved Gaupne omsorgssenter vart tilbydarane i forhandlingsrunden utfordra på å gi revidert pris der fellesstove utgjekk. Dette vart gjort etter at ein såg at dei innkomne prisar for alle fag i tilbodsopninga førte til ei overskriding på 3,6 mill kr. I forhandlingsrunde med hovudentreprenørar varierte fråtrekka for fellesstova mellom kr 678 750,- inkl. mva. heilt ned til kr 262 500 inkl. mva. Entreprenøren som hadde lågaste tilbod på hovudentreprise gav eit frådrag på kr 500.000,- Dei andre tilboda gitt i fyrste forhandlingsrunde er som fylgjer: Sideentreprise elektro, frådrag fellesstove kr 43 438,- inkl. mva. Sideentreprise ventilasjon, frådrag fellesstove kr 6 573,- inkl. mva. Sideentreprise røyr, frådrag fellesstove kr 3 737,- inkl. mva. Totalt frådrag som kan oppnåast er 553 748,- inkl. mva. I tillegg vil ein spare investeringsutgifter til laust inventar, der det er planlagt 2 sofaer, sofabord, fjernsyn og ei sittegruppe med eit møteromsbord og 6 stolar som synt på vedlagt teikningsutsnitt. Anslegen innsparing kr 50 000,- inkl. mva. På bakgrunn av vedtaket frå kommunestyre i møte den 20 juni sak 53/13 vart det gjennomført ein ekstra forhandlingsrunde der uttrekk av fellesstova ikkje vart med i vurderinga i val av entreprenør, men at tilboda vart vurdert inkl. bygging av fellesstova. Val av entreprenørar er så gjort på bakgrunn av prisar som inneheld bygging av fellesstova. Hovudentreprenør har så gitt ny pris på uttrekking av fellesstove kr. 273.000,- eks. mva, 341.250,- inkl. mva.
Vurdering: Det er gjennomført drøftingar med dei tilsette ved korttidsavdelinga og dei ynskjer å behalde den planlagde fellesstova. Deira argument for at dei treng både den eksisterande og den planlagde fellestova er følgjande: «Det er til tider mange pasientar med rullestolar, rullatorar, preikestolar ol som skal bruke stova på same tid, dette krev plass. Stove blir også brukt til spisestove, kjøkken og opphaldsrom. Dei meinar at det er ikkje mogleg med situasjonar der 16 pasientar kan bli aktuelt. Ei fellestove vert nytta av pasientar/pårørande som har behov for å vera for seg sjølv. Spesielt ved terminalpleie er det ofte mange pårørande innom, dei treng som oftast å få vere for seg sjølve etter eit dødsfall, me har ikkje slike muligheiter med bare ei fellesstove. I tillegg kjem behov for skjerming av pasientar, som vert umogleg ved ei fellesstove med for liten kapasitet. Mange pårørande ber om 1:1 samtale med sjukepleiar, då er det ynskjeleg å kunne bruke eit nøytralt rom (ikkje vaktrom der personale går inn og ut). Dei tilsette meinar og at avstand frå nye rom til eksisterande fellesstove vert lang for pasientar med rullator og rørslehemmingar. Det er ikkje heilt klart kva ein skal bruke alle romma til (fire gamle). Tryggleiksplassar til heimetenesta er føreslege, og då kan det bli mange forskjellige typar pasientar på ein plass. Med ei fellesstove vil det føre til at «unge» og gamle kjem for tett saman.» Den eksisterande fellestova er på ca. 51 m2, den planlagde er på ca. 21 m2. Ved å dele eksisterande fellesstove med ein foldevegg kan ein få ein fleksibel og bra utnytting av areala, ved at ein har to stover som kan opnast til ei når det skulle vere behov for det. Ein må pårekna at ein god foldeveggsløysing vil koste inntil kr.90.000 inkl mva. Sjølv om det med denne løysinga vert noko lengre gangavstand til stova frå nokre rom så er det rådmann si vurdering at ved å gjennomføra ovannemnde tiltak så vert behova for brukarane og dei tilsette ivaretekne på ein god måte. Det er rådmann si vurdering at stover og fellesareal i anlegget har god kapasitet. Innsparing på hovudentreprisen ved uttrekking av fellestove er kr. 341.250,-. Innsparingane på dei andre faga vert som etter fyrste forhandlingsrunde, sum ca. kr. 53.000,-. I tillegg kjem innsparing på laust inventar på ca. kr. 50.000,-. Total innsparing kr. 444.250,- Slik prosessen har vorte både gjennom rådmann si handsaming og det politiske innspelet så har me nok gått glipp av noko innsparing. Det er beklageleg, men rådmann vil likevel oppretthalde tilrådinga frå T1 for å spare kostnader i prosjektet. Ved uttrekking av fellesstova vil ein òg spare ulike driftsutgifter, dei største postane vil vere reinhald, oppvarming og lys, fdv kostnader på vel 500 kr pr m2 tilseier kr. 10.000 pr år. Det er rådmannen si tilråding at fellestova vert trekt ut av byggeprosjektet, og at det vert bygd ein foldevegg i eksisterande fellesstove. Økonomiske råmer vert innarbeidd i T2. Dato: 18.08.2013 Jarle Skartun rådmann Jan Magne Svåi rådgjevar Særutskrift skal sendast: m/kopi til:... Sett inn saksutredningen over denne linja