DETALJREGULERING LANGEDALSHAUGEN DEL AV GNR. 31 BNR. 431 M.FL. PLANID:2016002 ODDA KOMMUNE PLANPROGRAM FOR KONSEKVENSUTGREIING Oktober 2016
Innhold 1.0 BAKGRUNN/ INNLEIING... 3 1.1 Bakgrunn... 3 2.0 DAGENS SITUASJON... 4 2.1 Planområdet... 4 2.2 Gjeldande plansituasjon... 5 2.3 Kort skildring av planområdet... 7 3.0 OVERORDNA RAMMER OG PREMISSAR FOR PLANARBEIDET... 10 4.0 PLANPROGRAM FOR KONSEKVENSUTGREIING... 11 4.1 Kort om planprogrammet... 11 4.2 Utfordringar og viktige problemstillingar for utgreiing i plan og konsekvensutgreiing 12 4.3 Utgreiings- og kunnskapsbehov... 12 4.4 Framdrift... 13 4.5 Informasjon og medverknad... 14 Side 2
1.0 BAKGRUNN/ INNLEIING 1.1 Bakgrunn Forslagsstillar: Utarbeidd av: Tungesvik Bygg AS, v/ Trond Rune Tungesvik Leknestangen, Pb. 96, 5594 Skånevik, Tlf.: 97520815 e-post: trond.rune@tungesvik-bygg.no Gøtz AS v/ Martin Gøtz og Line Hatlevik Kunnskapshuset, Sæ 132, 5417 Stord Tlf.: 47 26 36 39 e-post: martin@goetz.no Tlf.: 99 38 48 35 e-post: line@goetz.no Planområdet er del av kommuneplanen Solfonn-Langedalen som vart vedtatt 23.01.2001. Det er utarbeida ein felles bebyggelsesplan for alle felta i området. Bebyggelsesplanen er noko meir avgreinsa enn kommuneplanen, og omfattar hovudtilkomst inn i utbyggingsområda fram til Langedalen, alle utbyggingsfelt i tilknyting til hovudvegen samt nytt kryss E-134 og Solfonn/Langedalenvegen. Dei ulike felta tilhøyrer ulike grunneigarar og vil bli utbygd kvar for seg. Planområde er i kommuneplanens arealdel og bebyggelsesplanen for Solfonn-Langedalen avsett som byggjeområde for fritidsbustadar, næring og frilufts-/naturvernområde. Endringar i høve til bebyggelsesplanen gjeld i hovudsak O-feltet og delar av T-feltet som tidlegare har vore regulert til næring. Dei områda i T-feltet som allereie er regulert til fritidsbustader vil forbli uendra, men er teke med i planen for å skapa mest mogleg heilskap i området. I samband med utbygging av O-feltet har ein opplevd dårleg respons i høve til marknaden for næring/utleigehytter med høg utnyttingsgrad (fleire einingar per hytte). Samstundes ser ein at etterspurnaden for meir vanlege enkelhytter er stor. I samband med utbygging av O-feltet blei det difor søkt om mindre reguleringsendring for enkle fritidsbustadar i dette området. Slike endringar har det også vert i andre utbyggingsfelt, noko som har ført til ei kraftig redusering i tal hytteeiningar totalt i området. For å kompensere dette ynskjer ein å utvide O-feltet nordover med ca. 42 enkelhytter. Utvidinga er ikkje i tråd med gjeldande arealførmål, men vil forsterke ei viktig satsing i Langedalen. Endringa vil ikkje føre til ei auking av total tal på einingar i høve til gjeldande plan. I samband med utvidinga ynskjer ein også å tilpasse trassen for skiløypen, etablere barneskiløype og evt. skibakke for barn. Den 01.04.2016 hadde ein oppstartsmøte med Odda kommune. I oppstartsmøtet vart det mellom anna vist til at planen skal byggja på hovustrukturane/typologiane som er satt i gjeldande kommunedelplan og bebyggelsesplan. Gjeldande plan for Solfonn-Langedalsområdet opnar for fleire einingar i området enn det som er regulert i dag. Kommunen var positive til planen, og såg seg samde i at det ville vera økonomisk gunstig å regulere inn fleire einingar i området. Dette med tanke på store investeringskostnadar som kommunen hadde i samband med etablering av tekniske anlegg i området. Det vart også avklåra at arbeidet ville utløyse krav om planprogram og konsekvensutgreiing. Tungesvik Bygg AS har engasjert Gøtz AS til å hjelpe til med planprogram, konsekvensutgreiing og reguleringsplan. Reguleringsplanen for område med fritidsbustadar skal vere ein overordna plan med plankart, føresegner og utgreiing. Planprogrammet vert utarbeidd på vegne av tiltakshavar og skal handsamast av Odda kommune. Planprogrammet skal til offentleg ettersyn og på høyring, før det (eventuelt etter justeringar) vert vedteke og skal leggjast til grunn for vidare planarbeid og kosekvensutgreiing. Føreliggjande planprogram er det formelle programmet for arbeidet med reguleringsplanen og konsekvensutgreiinga, noko som etter lova skal gå føre seg parallelt med planarbeidet. Side 3
Føremål Føremålet med reguleringsplanen er å endre næringsføremål til fritidsbustadar, regulere inn fleire hyttetomter og oppdatere planen i høve til fleire godkjende mindre regulringsendringar. I samband med utvidinga ynskjer ein også å tilpasse trassen for skiløypa i området og etablere barneskiløype. Utbygginga skal skje med best mogleg tilpassing til eksisterande natur og landskap. Alle partar er opptatt av at området skal bli fint og funskjonelt. Planframlegget skal ha fokus på lokale og regionale føresetnader i Odda kommune. Planarbeidet vil spesielt leggje vekt på konsekvensar av endra arealbruk, landskapstilpassing og friluftsliv. 2.0 DAGENS SITUASJON 2.1 Planområdet Oversiktskart som viser lokalisering av planområdet. Planområdet ved Solfonn og inn mot Langedalen i Seljestad, 22 km frå Odda sentrum i nord og 12 km frå Røldal Skisenter i søraust. Planen omfattar eigedom gnr. 31 bnr. 431 m.fl. Side 4
Det samla området som skal inngå i reguleringsplanen er vist på kartet nedanfor med avgrensing. Planområdet utgjer totalt ca. 197 daa. Kart som viser plangrensa. 2.2 Gjeldande plansituasjon Området inngår i kommunedelplanen for Solfonn- Langedalen, vedteken i år 2001, og er regulert i Bebyggelsesplan for Solfonn-Langedalen, vedteken i år 2006. Planområdet omfatter utbyggingsfelt O, delar av felt T og delar av tilgrensande frilufts- og naturområde. I kommunedelplanen ligger planområdet med føremål for framtidig næringsverksemd, framtidig kombinert næring- og fritidsbusetnad, framtidig fritidsbusetnad og framtidig friområde. Kommunedelplanen har også knytt fleire illustrasjonar til seg som ikkje er juridisk bindande, men som bl.a. syner viktige grøne korridorar. Ein av desse går gjennom planområdet, og er sikra i gjeldande bebyggelsesplan som frilufts- og naturvernområde. Gjeldande bebyggelsesplan syner ei vidareføring av føremåla frå kommunedelplan. Området er i dag regulert med føremål for fritidsbustadar, samt for herberg og bevertningssteder med utleigehytter. Tilgrensande areal er vist som naturvernområde og friluftsområde. Side 5
Utsnitt frå kommunedelplan for Odda kommune (PlanID S030) og illustrasjon av grønnkorridorar. Utsnitt frå bebyggelsesplan for Solfonn-Langedalen Side 6
2.3 Kort skildring av planområdet Grunnforhold Arealis viser at grunnen i planområdet i hovudsak består av Granittisk øyegneis. Området har lite lausmassar, og kan beskrivast som område med bart fjell, der meir enn 50% av arealet er fjell i dagen. Det er ikkje registrert rasfare i området, men i følgje Arealis og NGU, ligg planområdet innanfor eit større felt med radon som har aktsemdgrad 2: «høg aktsemdgrad» (sjå radonkart). Kart som viser aktsemdgraden for radon. Kjelde: Arealis. Terrengforhold Terrenget er noko kupert, med mest høgdevariasjonar og brattast terreng i nord, sør og aust. Sentralt i planområdet er det eit lite høgdedrag. Høgdevariasjonane her er forholdsvis små, og terrenget lite kuppert. Planlagt byggjefelt vil bli liggjande like nord for O-feltet, rundt og på nordsida av høgdedraget. Lite høgdevariasjonar gjer området godt eigna for utbygging. Det høgste punktet i planområdet ligg på ca. kote +663 (sentralt) medan det lågaste punktet ligg på ca. kote +600 (nord). Naturressursar og -verdiar Ynskja utvida areal ved O-feltet omfattar delar av eit større område som i gjeldande plan er merka som «Spesialområde naturvernområde på land» (SP1). Naturvernsområdet vart verna i samband med utarbeding av Bebyggelsesplan for Solfonn-Langedalen i 2006, kor det i samband med konsekvensanalyse for natur og biologisk mangfald vart registrert eit større, samanhengande naturområde med gamal fjellfuruskog. Det omsøkte området er i dag adskilt frå resten av naturvernområdet med veg og utbygging på alle kantar. Naturen her vert såleis ikkje rekna som inngrepsfri og samanhengjande, med unntak av ein smal grøntkorridor som er bevart i sør. Slik konsekvensutgreiinga vart inndelt ligg elles planområdet innan det som i Bebyggelsesplanen er beskrive som sone 1. I ein KA rapport om «reiselivssatsing og hytteutbygging med miljøprofil» (30.11.2000) vart det påpeika av NNI at utbygging i sone 1 ville kunne svekke fjellfuruskogen og dens biotoper. Samstundes vart det konkludert med at utbygging i denne sonen, også omtalt som randsonen, var mest anbefalt blant alle sonane på Side 7
Solfonn-Langedalen-Lontjørn med tanke på omsyn til biologisk mangfald. Dette på bakgrunn av at sonen alt var knytta opp til ubygde områder, og påverka av ferdsel, inngrep, støy og forureining (NNI-Rapport nr. 63). For å sikra mest mogleg av naturverdiar og friluftslivsinterresser i Solfonn-Langedalen er det i samband med kommunedelplanen avsett areal for grøntkorridorar gjennom Langedalen og over Langedalshaugane. Grøntkorridorane er plassert på bakgrunn av analyser og dokumentasjon av viktige biotopar for vilt og planteliv, samstundes som ein har forsøkt å oppnå høveleg balanse mellom utbygging og vern. Den eine av grønkorridorane vil gå gjennom austleg del av planområdet. Plan for grøntkorridorar, utarbeidd i samband med kommunedelplanen (Illustrasjon: Blom Bergen AS) Ein vil i samband med reguleringsplanen føreta ei synfaring der ein kartlegg naturverdiar ut i frå landskap, naturtypar og artsførekomstar i området. Konsekvensar for naturen i området vil bli nermare omtalt under konsekvensutgreiinga for planen. Kulturminne og kulturmiljø Det er ikkje registrert nokon automatisk freda kulturminne eller kulturmiljø innanfor plangrensa. Spesielle miljøforhold, støy og luftforureining Planområdet ligg i nær tilknyting til eksisterande hytter og trafikkert areal, men ein kjenner ikkje til problem knytt til luftforureining, støv eller lukt i området. Planområdet ligg med relativt god avstand frå hovudveg E134 og utanfor raud og gul støysone (sjå kart under, Statens vegvesen, 2016). Den trafikkauken som utbygginga vil føre med seg, vil vere av same art som den trafikken som er i området i dag. Auken vil i hovudsak koma frå småbilar og omfanget vil ikkje verta så stort at det vert problematisk. Side 8
Biletet viser støysonekart for strekninga langs E134. (kjelde: Statens vegvesen) Trafikktilhøve, tilkomst Planområdet ligg i overgangen til høgfjellet på Seljestad, vest for E134. I samband med reguleringsplanen Solfonn-Langedalen er det etablert ein privat samleveg (Veg1, PV 99373) via Solfonn med mindre avgreiningar ut i dei ulike felta. Samlevegen samt Veg2 (vest i grensa til planområdet) er eigd av Langedalsvegen AS, medan stikkvegane inn til planområdet vert drifta av hytteforeininga. Samlevegen er dimensjonert med høgde for utbygging av totalt 412 einingar. Skiløyper som fylgjer grøntkorridorane vil gje samband internt i området og enkel tilgang til fjellområda rundt. Vegane i området vil få ei låg fartsgrense, og biltrafikk vert ikkje rekna som eit problem. Teknisk infrastruktur VA-anlegget er bygga av Odda kommune, og er ferdig utbygd. Anlegget er dimensjonert for alle opprinnelege einingar i planen, 412 einingar, pluss det er tatt høgde for ytterligare utbygging av hytter. Nærmiljø, sosial infrastruktur Planområdet ligg i naturskjønne omgjevnadar og har lenge vore eit ettertrakta område for folk som er glade i friluftsliv. Gamle Solfonn hotell som tidlegare låg ved innfallsporten til området (Solfonnkrysset), var lenge vitne til eit tidlegare aktivt reiseliv. Hotellet er i dag revet og erstatta med 92 stk. leilegheiter, i tillegg til at det her er regulert inn eit nytt byggetrinn. Like ved Solfonnkrysset inn mot Langedalen er det nyleg også opna kafè og etablert stor parkeringsplass med tilknyting til skiløype. Seljestad er mellom anna kjent for å vere eit av Noregs mest snøsikre områder, og vinterstid finn ein milevis med oppkøyrte skiløyper i området. Planområdet ligg dessutan berre 10-15 min frå Røldal skisenter. Nermaste daglegvarehandel er i dag på Skarsmo, ca. 5 min med bil frå Solfonn. Side 9
3.0 OVERORDNA RAMMER OG PREMISSAR FOR PLANARBEIDET Reguleringsplanen må forholda seg til dei lover, forskrifter, føresegner og retningslinjer som gjeld for kommunal planlegging og verksemd. Ulike forvaltningsnivå og ulike planreiskapar skal samspela i ein heilskap. Dei utgjer rammer og premissar for kommunen som lokal planstyremakt. Dersom kommunen ikkje føl opp overordna styringsareal i fysisk planlegging, kan dette føre til motsegner til planen. Nedanfor følgjer ei liste over dei nasjonale, regionale og lokale planane og retningslinene som kan få innverknad for planforslaget. Stortingsmeldingar - St. meld. nr 14 (2015-2016), Natur for livet. - St. meld. nr 18 (2015-2016), Natur som kilde til helse og livskvalitet - St. meld. nr 35 (2012-2013), Framtid med fotfeste Kulturminnepolitikken. - St. meld. nr 26 (2012-2013), Nasjonal transportplan 2014-2023. - St. meld. nr 26 (2006-2007), Regjeringens miljøpolitikk og rikets miljøtilstand. - St. meld. nr 16 (2004-2005), Leve med kulturminner. - St. meld. nr 40 (2002-2003), Nedbygging av funksjonshemmedes barrierer. - St. meld. nr 42 (2000-2001), Biologisk mangfold - St. meld. nr 58 (1996-1997), Miljøvernpolitikk for en Bærekraftig utvikling. - St. meld. nr 29 (1996-1997), Regional planlegging og arealpolitikk. - Andre aktuelle stortingsmeldingar Rikspolitiske retningsliner, rundskriv og forskrifter - Miljøverndepartementet sitt rundskriv T-2/98B. Nasjonale mål og interesser i fylkes- og kommuneplanlegging. - Forskrift om konsekvensutgreiingar for planar etter plan og bygningslova, 01.01.2015. - Statlege planretningslinjer for samordnet bolig-, areal- og transportplanlegging, fastsett ved kgl.res av 26.09.2014. - Rundskriv, T-2/08 - Miljøverndepartementet, Om barn og planlegging. - Regjeringa sin handlingsplan for universell utforming og økt tilgjengelighet 2009-2013. - Andre aktuelle retningsliner Relevante planar og dokument - Fylkesplan for Hordaland 2005-2008 (forlenga inntil vidare) - Regional plan for folkehelse 2014 2025 Fleire gode leveår for alle - Regional transportplan for Hordaland 2013-2024 - Trafikksikringsplan for Odda kommune 2010-2014 (forlenga intil vidare). - Kommuneplan for Odda kommune 2013-2025. - Planstrategi Odda kommune 2013-2016 - Kommunedelplan samfunnsdelen 2013-2025 - Kommunedelplan idrett og friluftsliv del. 2 Fysisk aktivitet og folkehelse - Kartlegging og verdisetting av Naturtypar i Odda - Miljø og skjøtselshåndbok for Seljestad, Odda kommune (2001) - NNI-rapport nr. 56, miljø - Kartleggjing av Kulturminner - Naturmangfald kartlegging i samband med reguleringsplan Data og kartleggjingar som ligg til grunn for planarbeidet Side 10
4.0 PLANPROGRAM FOR KONSEKVENSUTGREIING 4.1 Kort om planprogrammet I samsvar med plan- og bygningslova 4-1 skal reguleringsplanar som kan ha vesentlege verknader for miljø, naturressursar eller samfunn utgreiast nærare. Reguleringsplanen legg opp til arealbruk som avviker frå kommuneplanen. Etter plan- og bygningslova 4-2 og 2 d i forskrift om konsekvensutgreiing, skal planen difor konsekvensutgreiast. Eit planprogram er eit verktøy for tidleg medverknad og avklaringar av viktige omsyn i planarbeidet. Planprogrammet skal fortelje om føremålet med planarbeidet, avklare viktige problemstillingar, avklare utredningsbehov og seie korleis planlegginga skal gjennomførast. Planprogrammet gir alle interesserte moglegheita til å kome med innspel og synspunkt tidleg i prosessen, før det er trekt nokon konklusjonar. Forslag til planprogram vert utarbeidd som eit ledd i varsel og kunngjering om oppstart av planarbeidet. Dette betyr at alle interesserte kan kome med innspel og synspunkt på korleis planarbeidet er tenkt, før det vert endeleg fastsett. Etter ein slik forprosess vert det utarbeidd eit planforslag på bakgrunn av eit fastsett planprogram. Planprogrammet har sitt opphav i Forskrift om konsekvensutgreiingar for planar etter plan- og bygningslova av 01.01.2015. Føremålet med konsekvensutgreiingar er at omsyn til miljø, naturressursar og samfunn vert teke omsyn til under førebuinga av planar og tiltak. Planprogrammet skal utformast slik at det i etterkant kan takast stilling til om planframlegget med konsekvensutgreiing er utforma i tråd med planprogrammet. Målsetting med planprogrammet Gjennom planprogrammet skal ein: - Avklare premissar og føremål med planarbeidet - drøfte problemstillingar i planarbeidet - samanfatte noverande status - vise korleis medverknad og framdrift i planarbeidet skal gå føre seg - fastleggje kva utgreiingar som skal gjennomførast - vise organisering og framdrift Det viktigaste med planprogrammet er å fastsetje kva alternativ som skal utgreiast, og kva konsekvensar som skal utgreiast. Ein skal konsekvensutgreie eit "0- alternativ" saman med eitt eller fleire andre alternativ. 0- alternativet For å kunne samanlikne og vurdere konsekvensar av aktuelle løysingar og forslag som planarbeidet kan dra opp, bør ein samanlikne dei med eit 0- alternativ. 0- alternativet er dagens situasjon der ein ikkje legg til rette for bygging av fritidsbustader, med dei konsekvensar dette medfører. Side 11
4.2 Utfordringar og viktige problemstillingar for utgreiing i plan og konsekvensutgreiing Etter forskrift om konsekvensutgreiing vert det stilt krav til at planforslag som kan ha vesentlege verknader skal utreiast. Konsekvensutgreiinga skal byggje på faglege vurderingar. Ein skal konsekvensutgreie eit 0- alternativ saman med eitt eller fleire andre alternativ. Konsekvensutgreiinga sitt arbeid skal byggje på kjent metodikk. Ein nyttar mellom anna Miljøverndepartementet si brosjyre T-1177 som retningsgjevar. Ein vil her kort drøfte dei viktigaste tema som skal skildrast i reguleringsplanen, og som såleis vil vere tilhøve som det må leggjast vekt på i konsekvensutgreiinga. Tema for utgreiinga er valt i høve til forskrift om konsekvensutgreiingar, med lokale tilpassingar. 4.3 Utgreiings- og kunnskapsbehov Nedanfor har ein lista opp viktige utgreiings- og kunnskapsbehov som må avdekkjast og gjennomførast som følgje av ynskja endring i gjeldande plan. Tema for konsekvensutgreiing er utarbeidd i samråd med Odda kommune. Under oppstartsmøte 01.04.2016 vart ein einige om at følgjande tema skal konsekvensutgreiast: a) Endra arealbruk frå friområde/naturvern til område for fritidsbustadar, b) nærmiljø, friluftsliv og grøne interesser, c) naturmangfald d) grøntstruktur. I undervegsmøte med Odda kommune 03.10.2016 vart ein i tillegg einige om å utgreiie tema e) landskap/fjernverknad som eige punkt. Dette punktet har ein valt å kalle landskapsbilete. Tema for utgreiing Skildring/metodikk Endra arealbruk frå friområde/naturvern til område for fritidsbustadar Nærmiljø, friluftsliv og grøne interesser Naturmangfald Grøntstruktur Store delar av planområdet er regulert til friområde/naturvernområde i gjeldande kommunedelplan/bebyggelsesplan. Ein må vurdere verdien av dette arealet og sjå på konsekvensane av endra arealbruk. Vidare må ein sjå planforslaget i høve til framtidig utbyggingsstrategi og arealstrategi i området. Ein må sjå på kor eigna området er for fritidsbustadar og kva kvalitetar området har som gjer det attraktivt for nettopp denne typen utbygging. Ein skal også vurdere kva utnyttingsgrad og type bustader som eignar seg for dette området. Konsekvensane for kvart av desse tema skal omtalast i konsekvensutgreiinga, med utgangspunkt i opplysningar om planområdet som ein finn ved hjelp tilgjengleg informasjon på internett (AREALIS, Kilden- kart, Askeladden osv.) og eksisterande kunnskap. Konsekvensar for naturmangfald i området skal vurderast og omtalast i konsekvensutgreiinga. Utgreiinga skal baserast på synfaring/feltarbeid, og supplerast med eksisterande informasjon. Mål og prinsipp i naturmangfaldslova skal leggjast til grunn for vurderingane. Utbygging skal skje med omsyn til markerte landskapsdrag, eksistarande stiar og grøntdrag gjennom utbyggingssonane slik at dyreliv og turgjengarar har fri passasje. Nye fritidsbustadar på Langedalshaugen skal illustrerast i høve til landskapseffekt/synlegheit. Side 12
Landskapsbilete Tema omhandlar estetiske verdiar i landskapet og menneskleg visuell oppleving av omgjevnadane, og korleis dei visuelle aspekta ved omgjevnadane kan endrast som følgjer av det aktuelle tiltaket. Under dette tema skal ein også sjå på korleis tiltaket er tilpassa landskapet i forhold til nær- og fjernverknad. Utgreiings- og kunnskapsbehov. I tillegg til dei tema som er lista opp i tabellen over vil mellom anna følgjande tema bli drøfta i planomtalen: - Naturgrunnlag: - Veg-/Trafikksituasjon, tilkomst/avkøyrsle: - Trafikktryggleik og tilgjenge: - Parkering: - Støy/forureining: - Born og unge sine interesser: - Landskap: - Estetikk: - Naturvern: - Vatn, avløp og overvatnshandtering: - Renovasjon: - Helse, miljø og tryggleik: - Risiko og sårbarheit: 4.4 Framdrift Planprogrammet si oversikt over planprosessen, aktuelle fristar og framdrift fram til endeleg fullført konsekvensutreiing er gjeve i prosjektplanen nedanfor. FASE MEDVERKNAD POLITISK HANDSAMING FRAMDRIFT Førehandskonferanse/ oppstartsmøte 01.04.2016 Utarbeiding av planprogram April - Mai 2016 Kunngjering av oppstart 6 veker høyringsfrist Mai 2016 Offentleg ettersyn av planprogram 6 veker høyringsfrist Mai 2016 Fastsetjing av planprogram Utarbeiding av konsekvensutgreiing, planforslag og føresegner Undervegsmøte med kommunen Vedtak i Utviklingskomitè Oktober 2016 Oktober 2016 Oktober 2016 Side 13
1. gangshandsaming av planforslag Justere etter evt. merknader Vedtak i Utviklingskomitè November 2016 November 2016 Offentleg ettersyn av planforslag Handsaming av merknader/revisjon av planforslag (min) 6 veker høyringsfrist Gøtz AS, Odda kommune November - Desember 2016 Januar 2017 2. gangshandsaming av planforslag Vedtak i kommunestyret. Kunngjering av stadfesting Evt. klager vert først lagt fram for forvaltningsstyret og deretter sendt til Fylkesmannen i Hordaland for avgjerd Vedtak i Utviklingskomitè 3 veker klagefrist Vedtak i kommunestyret Vedtak i Utviklingskomitè Februar 2017 Februar 2017 Mars 2017 Arkivering av vedteken plan Prosjektplan med framdriftsplan. April 2017 4.5 Informasjon og medverknad Gøtz AS står for den praktiske utarbeidinga av framlegg til planprogram og konsekvensutgreiing. Der det er trong for utgreiingar som krev spesialkompetanse, vil ein hente inn naudsynt fagleg kompetanse. Planprogrammet vart send på høyring samstundes med at det vart meld oppstart av planarbeidet. Oppstart av planarbeidet vart varslast i avisa "Hardanger Folkeblad". I tillegg vart det varsla på kommunen sine nettsider. Naboar og dei partane som saka gjeld, samt offentlege og private høyringsinstansar vil bli informert om planprosessen etter krava i lova. I den vidare planutgreiinga vil det leggjast til rette for høyringar med tidsfristar som vist i framdriftsplanen. Dato: 12.05.2016 Rev.: 06.10.2016 Side 14