Jondal kommune Sakspapir SAKSGANG Utval Møtedato Saksnr. i utval Hovudutval for teknisk, næring og kultur Saksbehandlar: Arkiv: Arkivsaknr Sigbjørn Haugen 13/170 1. GONGS UTLEGGING TIL HØYRING OG OFFENTLEG ETTERSYN - FRAMLEGG TIL DETALJREGULERINGSPLAN FOR DEL AV GNR 36, BNR 12, 30, 89 OG 90, NÆRINGSOMRÅDE LUNDERDALSHAUGANE TORSNES, JONDAL KOMMUNE. PLANID 12272013006 Dokument i saka: 14.10.2015 Framlegg til detaljregulering for næringsområde, Lunderdalshaugane på Torsnes 01.10.2015 Framlegg til detaljregulering for næringsområde, Lunderdalshaugane på Torsnes 05.01.2015 Søknad om løyve til utsprenging av fjell. 10.11.2014 Vedkomande søknad om løyve til å kopla seg på avlaupsledning frå Jondalstunnelen. 11.11.2014 Uttale til oppstart av reguleringsplan. 23.10.2014 Varsel om oppstart av planarbeid i Jondal kommune 27.03.2013 Notat frå oppstartsmøte - Reguleringsplan for N20 Lunderdal - Torsnes Saka blir avgjort av:. Hovudutvalet for teknisk, næring og kultur Aktuelle lover, forskrifter, avtalar m.m. Plan- og bygningslova 12-11. Kommuneplan for Jondal kommune, vedteken i Jondal kommunestyre 19.12.2012. Saksopplysningar: Geoplan as, 5600 Norheimsund har på vegne av tiltakshavar, Torsnes Næringseigedom AS, 5627 Jondal, ved grunneigarane Hans-Sigvard Galtung og Guttorm Torsnes. utarbeidd framlegg til detaljreguleringsplan for del av gnr 36, bnr 12, 30, 89 og 90, næringsområde Lunderdalshaugane Torsnes, Jondal kommune.
Planområdet ligg ved Fv 107 på Torsnes ved innslaget til Jondalstunnelen, om lag 7 km sør for Jondal sentrum. Det omfattar område regulert til massedeponi og riggområde som vart etablert i samband med bygging av Jondalstunnelen. Området ligg i eit markert dalføre som strekkjer seg frå Torsneselva og i sørleg retning mot Stølheim. Planområdet er på ca. 70 daa. Planområdet er avgrensa innafor byggjeområda N20 og B24 i kommuneplanen og lagt inntil regulert vegformål til Fv. 107. Fylling mot vest. Foto teke av Egil Ulvund. Utsnitt av reguleringsplan for Jondalstunellen med tilkomstveg til framtidig næringsområde, vedteken 09.11.2011
Utsnitt av kommunedelplan for Torsnes, vedteken av kommunestyret 19.12.2012 som endrar arealbruken for området til næringsføremål. Planframlegget består av: 0 Planomtale 1 Plankart, M 1:1000 2 Føresegner 3 Innspel frå dei faste høyringsinstansane 4 Innspel frå partane 5 Notat oppstartsmøte. 6 Notat Geofaglige vurderingar SWECO 7 ROS-analyse
Frå planomtalen: «N1 og N2 - Anna næring er områder som i stor grad er fylt opp av tunnelmassar til ønska nivå. Det er nokre steinformasjonar/berg som stikk opp av fyllinga. Desse vil ein sprenge bort for å kunne nytte området betre til formålet. Inne i området står det att ein del strukturar etter riggplassen til Vegvesenet. Desse strukturane kan stå om ønskelig. Det vert etablert gjennomgåande veg. Vegen gjev veg til eksisterande hyttetomt på vestsida av reguleringsområdet. Vegen kan gje tilkomst til framtidig bustadtomter på B24 området i kommuneplanen. Område N3 er rein fylling. Området er ikkje ferdig utforma. Før utbygging av område kan det takast ut massar mellom kotehøgd 106 116 moh. Området skal formast slik at det vert
optimalt med tanke på næring som skal etablerast etter ferdig uttak. Ved utbygging og forming av området skal ein ta spesielt omsyn til innsikt, utsikt og soltilhøve frå og til naboeigedomar. Fjernverknad sett frå Hardangerfjorden skal vektleggjast. Etter ferdig forming av området skal området ha formål anna næring og bruk som beskrive under N1 og N2 områda. Vegetasjonsskjerm i skråning mot fjord og nabohytte. Området skal revegeterast og nyttast som vegetasjonsskjerm mellom næringsområdet og landskapet rundt. No er det lagt på litt masse med humus slik at det veks litt gras og liknande vekstar. Det er ikkje noko som er til hinder for at humuslaget vert litt tjukkare slik at det kan vekse buskar og små tre. Det er høve til å stelle vegetasjonen i vegetasjonsskjermen med tanke på innsikt og utsikt. Massetak i delar av område for vegetasjonsskjerm. Det er her høve til å ta ut massar for sal. Før det kan takast ut massar skal det føreligge ein plan for uttaket når det gjeld form og uttaksfasar. Sprengsteinsfyllinga skal ikkje ha skråning på over 38 Landbruksformålet ligg på teig ferdig utforma og dyrka til grasproduksjon. Det er og ei stripe langs Torsneselva.» Når det gjeld detaljar om tilhøve til andre planar, merknader og innspel til planarbeidet, skildring av planframlegget og konsekvensar av planen vert det vist til planomtale med vedlegg. Vurdering: Planframlegget er i samsvar med overordna plan og inneheld informasjon og opplysningar i samsvar med plan- og bygningslova. Utgreiingsplikta i høve naturmangfaldslova 8-12 er oppfylt og det er utarbeidd ROS-analyse. Det er kome innspel og merknader til varsel om oppstart av planarbeid som planleggjar har kommentert og dels teke omsyn til i planframlegget. Kommunen ventar med å ta stilling til innspel og merknader til etter at planen har vore til høyring og offentleg ettersyn. Teknisk sjef vil likevel peika på at Statens vegvesen på vegne av Hordaland Fylkeskommune har utforma avkjørsle frå Fv 107 ved endring av reguleringsplanen for Jondalstunellen vedteken 09.11.2011. Dette vart endra etter innspel frå Jondal kommune for å tilretteleggja for framtidig næringsverksemd på området. Planframlegget kan leggjast ut til offentleg ettersyn og sendast på høyring. TILRÅDING FRÅ RÅDMANN: 1. Hovudutvalet for Teknisk og næring og kultur vedtek med heimel i PBL 12 11 at privat forslag til detaljregulering for del av del av gnr 36, bnr 12, 30, 89 og 90, næringsområde Lunderdalshaugane Torsnes, Jondal kommune. PlanID 12272013006, dagsett 29.09.2015 vert lagt ut til offentleg ettersyn.
2. Utlegging av planframlegget skal kunngjerast i Hordaland Folkeblad og kommunen si heimeside. Berørte partar og instansar skal varslast. Siv Helle Prestegard - rådmann