MØTEINNKALLING Utval: PLANUTVALET Møtestad: rådhuset Møtedato: 17.06.2009 Tid: 12.00 Varamedlemmer møter berre etter nærare innkalling SAKLISTE Sak nr. Arkivsak nr. Tittel 5/09 08/1778 REGULERINGSENDRING BALAFJØRA 6/09 08/1864 SØKNAD OM DISPENSASJON TIL RIVING AV HUS 7/09 09/268 SØKNAD OM DISPENSASJON FRÅ KOMMUNEPLANEN - FRÅDELING AV PARSELL YMSE Balestrand 28.12.09 Einar Målsnes Ordfører
Sak 5/09 MØTEBOK Sak nr.: Utval Møtedato 2/09 Planutvalet 12.03.2009 5/09 Planutvalet 17.06.2009 Sakshandsamar: Arne Abrahamsen Arkiv: L12 &21 Arkivsaknr.: 08/1778 REGULERINGSENDRING BALAFJØRA Vedlegg: Bakgrunn: Utkast til reguleringsendring med tekst, føresegner og plankart, 02.03.2009 Utdrag av Reguleringsplan for Bala og Hittunsfjøra, 07.12.1994 Uttaler Fylkesmannen i Sogn og Fjordane, miljøvernavdelinga, 21.04.2009 Sogn og Fjordane Fylkeskommune, kulturavdelinga, 02.04.2009 Rundskriv T-595 (utdrag) Varsel om oppstart, Uttaler i samband med oppstartvarsel frå Fylkesmannen i Sogn og Fjordane, miljøvernavdelinga, 11.12.2008 Sogn og Fjordane Fylkeskommune, kulturavdelinga, 08.12.2008 Sogn og Fjordane Fylkeskommune, kulturavdelinga, 09.02.2009 Fylkesmannen i Sogn og Fjordane, miljøvernavdelinga, 11.12.2008 Sak PU 02/09 Reguleringsendring.. til off. ettersyn, 12.03.2009 Kunngjering, 19.03.09 Brev til høyringsinstansane frå Balestrand kommune, 19.03.2009 Lovheimel: Plan og bygningslova 27-1 og 30 SAKSOPPLYSNINGAR Balestrand kommune mottok privat forslag til reguleringsendring av reguleringsplan for Bala og Hittunsfjøra, 07.12.1994. Det vert søkt om endring av området Spesialområde Bygnings og landskapsvern, naust til nytt område Byggeområde Naust. Det vert vist til framlegg til reguleringsendring samt til gjeldande plan (vedlagt). Bakgrunnen for å fremme slikt forslag om endring av reguleringsplanen er eit gjennomført jordskifte der rettar er avklarte og tomter er målte opp på nytt.
Sak 5/09 Planendringa har vore teke opp i tidleg fase med kommunen og er sidan varsla oppstarta med brev og kunngjering 17.11.2008. Kommunen fekk formelt oversendt planforslaget saman med uttaler i samband med oppstartvarslet, og handsama planen med omsyn på utlegging til offentleg ettersyn i planutvalet i sak 02/09 den 12.03.2009. Planutvalet gjorde då følgjande vedtak: Vedtak Balestrand kommune legg med heimel i Plan og bygningslova 27-1 nr 2, ut Forslag til reguleringsendring for Naustområde i Balafjøra, februar 2009 som endring av reguleringsplan for Bala og Hittunsfjøra, 07.12.1994. Reguleringsendringa vert kunngjort og lagt ut til offentleg ettersyn i tida 20.03.2009 til 22.04.2009. Plandokument vert lagt ut på Balestrand rådhus, Balestrand folkebibliotek og på heimesida til Balestrand kommune. Framlegget vert i tillegg sendt på høyring til berørte styremakter, rettshavarar og naboar med same høyringsfrist. Samrøystes Planen vart kunngjort og sendt til høyring/lagt til off. ettersyn i tråd med vedtaket. Det har kome inn 2 uttaler. Det vert vist til desse (vedlagt). VURDERING Kort oppsummering av merknadene og vurdering av desse: Fylkesmannen i Sogn og Fjordane, miljøvernavdelinga Har ingen merknad til planframlegget. Vurdering Ingen særskild. Sogn og Fjordane Fylkeskommune, kulturavdelinga Fremmar motsegn mot planframlegget. Grunngjev dette ut i frå verneverdi i området og knytt til kringliggjande område. Motsegn vil felle vekk dersom planframlegget vert justert med punkt om at vorrane utover stranda vert tekne vare på samt punkt om at eksisterande naust og naustmurar vert tekne vare på. Det vert vist til uttalen. Vurdering Motsegn gjer at Balestrand kommune ikkje kan vedta reguleringsendringa. Dette gjev kommunen 4 alternativ: 1. Endre planutkastet slik Fylkeskommunen, kulturavdelinga ber om, dvs endre punkt b. og c., ta ut punkt m. og ta inn to punkt formulert i brevet frå kulturavdelinga i føresegnene. Motsegn vil då falle vekk og kommunen kan sjølv vedta planen.
Sak 5/09 2. Ikkje vedta planendringa som har lege ute på høyring. Eksisterande plan vil då framleis gjelde Vil vere relativt likt med omsyn på naustmiljøet, men vil ikkje få med seg endringane med felles privat veg/parkering. 3. Vedta planutkastet ev. med mindre justeringar. Etter slikt vedtak i kommunestyret må planen sendast departementet som avgjer om planen skal stadfestast. Før dette er det vanleg med mekling mellom partane.i flg retningslinene i Runsskriv T-595 er dette ei løysing som berre unntaksvis skal nyttast. 4. Forsøke å få til eit avklaringsmøte med fylkeskommunen direkte i framkant av behandling av sak for om mogeleg komme fram til ei løysing..dette er vanleg prosedyre, jf retningsliner i Rundskriv T 595 (utdrag vedlagt). Alternativt kan kommunen be fylkesmannen vere med som meklingsinstans i denne fasen, dvs før kommunestyret handsamar saka. Når det gjeld fagleg vurdering kan ein ikkje så at det er kome inn nye moment. Det vert vist til vurdering i sak 02/09, og vi må difor konstatere at vi er usamde - og med dette usamde i grunnlaget for motsegna. Samla sett finn ein alternativ 4 med å få til eit forhandlingsmøte til å vere ei fornuftig løysing. Rådmannen si tilråding: Balestrand kommune ber om eit forhandlingsmøte med Fylkeskommunen, kulturavdelinga så snart som råd i tråd med retningslinene i Rundskriv T 595. På slikt møte skal og grunneigarinteressene som har fremma det private reguleringsframlegget vere representert.
Sak 6/09 MØTEBOK Sak nr.: Utval Møtedato 3/09 Planutvalet 30.04.2009 6/09 Planutvalet 17.06.2009 Sakshandsamar: Arne Abrahamsen Arkiv: GBNR 10/41 Arkivsaknr.: 08/1864 SØKNAD OM DISPENSASJON TIL RIVING AV HUS Vedlegg: Søknad om utsetjing av riving, 16.02.2009 Sak 17/05 i planutvalet 15.12.2005 Utdrag av reguleringsplan for Bala og Hittunsfjøra, 07.12.94 Bakgrunn: Brev frå Balestrand kommune om høve til uttale, 15.05.2009 Lovheimel: Plan og bygningslova 7 SAKSOPPLYSNINGAR Balestrand kommune har motteke søknad om utsetjing av frist for riving av hus på eigedom 10/41. Eigar fekk løyve til å rive huset i vedtak i sak 17/05 i planutvalet 15.12.2005. Saka vart handsama som dispensasjonsvedtak då bygget ligg i spesialområde bygings og landsskapsvern i Reguleringsplanen for Bala og Hittunsfjøra, 07.12.94. Vedtak Balestrand kommune gjev løyve til riving av bustadhus på eigedom gbnr 10/41. Løyvet er gjeve som dispensasjon med heimel i Plan og bygningsloven 7 frå gjeldande reguleringsplan for Bala og Hittunsfjøra, 07.12.94. Det vert sett følgjande vilkår til løyvet. 1. Nytt hus på eigedomen skal byggast i same stil som eksisterande hus. Huset treng ikkje ha identisk utforming, men skal ta opp i seg same uttrykk med omsyn til form, materialval og detaljmessig utforming. Framlagt hustype vedlagt brev 26.10.05 er eit godt utgangspunkt føresett liggjande utvendig kledning. Eksakt utforming vert godkjent i samband med handsaming av byggesøknad. 2. Hus og garasje skal ha om lag same plassering som i dag. Bustadhuset kan trekkast inntil 5 meter opp for å få eit betre uteareal nedom huset mot sjøen. Det kan oppførast dobbel garasje som er bygningsmessig er tilpassa nytt hus. Samrøystes.
Sak 6/09 Det vert vist til vedlagd utskrift av møtebok. Bakgrunnen for at det no vert søkt på nytt er at 3 årsfristen for gjennomføring av tiltaket er gått ut. At tiltaket ikkje har vore gjennomført innan fristen vert grunngjeve med personlege omsyn og hendingar som har teke tid og krefter. Saka vart handsama i som sak 03/09 i planutvalet den 30.04.2009. Det vart då gjort følgjande vedtak. Balestrand kommune handsamar søknaden frå Sølvi Sæle som dispensasjonssak etter Plan og bygningsloven 7. Saka vert sendt til naboar og aktuelle fagstyremakter med frist for uttale 01.06.2009. Samrøystes Saka er etter det sent til uttale til naboar og til fylkeskommunen, kulturavdelinga. Då det tok noko tid å få ferdisgstilt møtebok og sendt ut saka, vart uttalefristen utvida til 10.06.2009 for å halde seg innanfor Plan og bygningslova sine krav. Det er så langt ikkje kome inn uttaler i saka. Eventuelle uttaler som måtte komme inn fram mot møtet, vert lagt fram i møtet. VURDERING Det er ikkje noko system for utsetjing av fristar som er sett i Plan og bygningslova for å gjennomføre tiltak. Søknaden må handsamast på line med ny søknad med dei formelle krav som følgjer etter loven. Ein kan ikkje sjå at det er moment som har endra seg frå sist gong saka var oppe til handsaming, men utvalet kan sjølvsagt ut i frå eit fritt skjønn vurdere saka annleis no enn sist. Administrasjonen finn ut i frå dette å legge saka fram med same tilråding som vedtak i sak 17/05 i planutvalet 15.12.2005. Rådmannen si tilråding: Balestrand kommune gjev løyve til riving av bustadhus på eigedom gbnr 10/41. Løyvet er gjeve som dispensasjon med heimel i Plan og bygningsloven 7 frå gjeldande reguleringsplan for Bala og Hittunsfjøra, 07.12.94. Det vert sett følgjande vilkår til løyvet. Nytt hus på eigedomen skal byggast i same stil som eksisterande hus. Huset treng ikkje ha identisk utforming, men skal ta opp i seg same uttrykk med omsyn til form, materialval og detaljmessig utforming. Framlagt hustype vedlagt brev 26.10.05 er eit godt utgangspunkt føresett liggjande utvendig kledning. Eksakt utforming vert godkjent i samband med handsaming av byggesøknad. Hus og garasje skal ha om lag same plassering som i dag. Bustadhuset kan trekkast inntil 5 meter opp for å få eit betre uteareal nedom huset mot sjøen. Det kan oppførast dobbel garasje som er bygningsmessig er tilpassa nytt hus.
Sak 7/09 MØTEBOK Sak nr.: Utval Møtedato 4/09 Planutvalet 30.04.2009 7/09 Planutvalet 17.06.2009 Sakshandsamar: Arne Abrahamsen Arkiv: 142 Arkivsaknr.: 09/268 SØKNAD OM DISPENSASJON FRÅ KOMMUNEPLANEN - FRÅDELING AV PARSELL Vedlegg: Søknad med vedlagt kart og nabovarsel, 25.02.2009 Uttaler Bakgrunn: Planutvalssak 04/09 den 30.04.2009 Kommuneplan, arealdel Lovheimel: Plan og bygningslova 7 SAKSOPPLYSNINGAR Balestrand kommune har motteke søknad frå eigar Anders Alværn om frådeling av ein parsell på ca 0,95 da frå eigedom gbnr 6/2 i Balestrand kommune. Føremålet med frådelinga er fritidsføremål. Eigedomen ligg i dag i LNF-område i gjeldande kommuneplan. Eigedomen har eit totalt areal på ca 38 da. Av dette er 1 dekar bebygd, ca 9 da fulldyrka, medan ca 28 da er produktiv skog. Det er ikkje ordinær landbruksdrift på eigedomen. Den frådelte parsellen har tidlegare vore nytta til eit drivhus. Dette drivhuset er i dag dels demontert. Vegtilkomst vert løyst frå privat veg ned til kommunal veg. Vatn og avløp er føresett tilknytt offentleg nett. Søkanden var handsama i planutvalet i sak 04/09 den 30.04.2009, og det vart då gjort følgjande vedtak: Balestrand kommune handsamar søknaden frå Anders Alværn som dispensasjonssak etter Plan og bygningsloven 7. Saka vert sendt til aktuelle fagstyremakter med frist for uttale 01.06.2009. Det er så langt ikkje kome inn uttaler. Eventuelle uttaler som kjem inn vert lagt fram i møtet
Sak 7/09 VURDERING Ved dispensasjonsvedtak skal føremonane vere klart sterkare enn ulempene. Dette skal vurderast opp mot interesser og omsyn for barn og unge, landskap, miljø, jordbruk, helse og tryggleik, næringsliv og gode bumiljø. I denne saka er fordelane knytt opp til å imøtekomme ein familie sitt ynskje om å halde kontakten med staden. Sett frå eit samfunnsmessig synspunkt er det positivt med tanke på mogeleg tilbakeflytting eller annan utnytting av den menneskelege kapitalen. Ulempene i denne saka er små. Området er relativt tett utbygd av bustader og all offentleg infrastruktur er tilstades. Sjølv om denne eigedomen er eit lite småbruk er den liten og ikkje i aktiv drift. Tomta er også godt arrondert og vil nytte grunn/fundament frå drivhuset som byggetomt. Samla sett finn ein å tilrå at dispensasjon vert gjeve, og at det vert sett vilkår når det gjeld tilkomstveg og vidare utbygging av tomta. Rådmannen si tilråding: Balestrand kommune gjev med heimel i Plan og bygningsloven 7 Anders Alvern dispensasjon frå gjeldande kommuneplan til å dele i frå ein parsell på ca 0,95 da av sin eigedom gbnr 6/2 i Balestrand kommune til fritidsføremål i samsvar med vedlagt søknad. Det vert sett følgjande vilkår for frådelinga: 1. Tilkomstveg til tomta skal vere ned til kommunal veg (Villavegen). 2. Bygg på tomta skal ha Maksimal BYA=20 Maksimal mønehøgd 7 m, gesimshøgd 5 m. Utforming og materialval som er tilpassa kringliggjande bygg