Side 1 SAMLA SAKSFRAMSTILLING Arkivsak: 12/327-2750/13 Saksbeh.: Arkivkode: Saksnr.: Utval Møtedato 7/13 Formannskap/ plan og økonomi 07.02.2013 11/13 Kommunestyret 14.02.2013 Kjersti Næss Finne PLAN soneinndeling SAMLA SAK - DETALJREGULERINGSPLAN BJØRGAMARKA 3, PLANID 2012005, - 2. GANGS BEHANDLING OG GODKJENNING AV PLAN Administrasjonen si innstilling: I medhald av plan- og bygningslova 12-12 godkjenner Kommunestyret privat detaljreguleringsplan for Bjørgamarka 3, P-ID 2012005, slik det går fram av plankart, føresegner og planomtale sist revidert 30.01.13, signert Multiconsult as. Formannskap/ plan og økonomi den 07.02.2013 sak 7/13 Behandling i møte: Møtet kjende ordføraren ugild. Saksordførar: Tove Østlie Administrasjonen si innstilling vart samrøystes tilrådd. Tilråding: I medhald av plan- og bygningslova 12-12 godkjenner Kommunestyret privat detaljreguleringsplan for Bjørgamarka 3, P-ID 2012005, slik det går fram av plankart, føresegner og planomtale sist revidert 30.01.13, signert Multiconsult as. Saksordførar : Tove Østlie Kommunestyret den 14.02.2013 sak 11/13 Behandling i møte: Møtet kjende repr. S. Rørlien ugild. (samrøystes. Fvl. 6.a) Møtet kjende ordførar H. E. Ringkjøb ugild (samrøystes. Fvl. 6.e.1) Vararepr. Ø. Myrmel tok sete. Repr. Tove Østlie la fram saka på vegne av utval for formannskap/plan og økonomi. Røysting: Tilrådinga frå utval for formannskap/plan og økonomi vart samrøystes vedteken. Vedtak: I medhald av plan- og bygningslova 12-12 godkjenner Kommunestyret privat detaljreguleringsplan for Bjørgamarka 3, P-ID 2012005, slik det går fram av plankart, føresegner og planomtale sist revidert 30.01.13, signert Multiconsult as.
Side 2 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * er vedlegg i saka. *Plandokument, Multiconsult AS -planomtale m/vedlegg, sist revidert 30.01.13 -plankart sist revidert 30.01.13 (trykt vedlegg) -føresegner sist revidert 30.01.13 *Merknadsskjema forslagsstillar sine kommentarar til merknader og uttalelser, Multiconsult AS, 02.01.13 (trykt vedlegg) *FAU Bjørgum Skule, 07.11.12 *Solveig Bakketun og Roar Flisram, 25.11.12 *NVE, 29.11.12 *Fylkesmannen i Hordaland, 29.11.12 *Hordaland fylkeskommune, 03.12.12 *Statens vegvesen, 12.12.12 Plandokument og vedlegg til saka ligg på Voss kommune si heimeside under kunngjeringar; http://www.voss.kommune.no/artikkel.aspx?mid1=405&aid=76 Har de problem med å opne dokument på heimesida, ta kontakt med planavdelinga på tlf 56519626, eller send e-post til zehra.causevic@voss.kommune.no 3. SAMANDRAG AV SAKA: Privat detaljreguleringsplan for Bjørgamarka 3 har vore ute til offentleg ettersyn. Det kom inn seks merknader til planforslaget. Planen legg til rette for fire bustadtomter som grenser til eksisterande bustadområde i Bjørgamarka, og ligg nær skule, idrettsplass og barnehage. Området er i kommuneplanen avsett til framtidig bustadføremål. Føremålet med planarbeidet er å legge til rette for einebustader. Multiconsult AS legg på vegne av Voss byggsenter eigedom AS reguleringsplanen fram til 2. gangs handsaming og endeleg godkjenning. Det er gjort mindre justeringar av planen for å imøtekome innspel frå grunneigarar. Administrasjonen rår til at revidert framlegg til privat detaljregulerings-plan for Bjørgamarka 3 vert godkjent. 4. FAKTA OM SAKA: Multiconsult AS har på vegne av Voss byggsenter eigedom AS utarbeidd detaljreguleringsplan for Bjørgamarka 3. Området er avsett til 4 nye einebustader i kommuneplanen, og er ei naturleg utviding av eksisterande bustadfelt i Bjørgamarka. Det vart gjennomført oppstartsmøte 28.02.12 Det vart varsla oppstart av planarbeidet i avisa Hordaland den 05.05.12. Varsel om oppstart av regulering vart sendt ut den 03.05.12. Frist for innspel var sett til 07.06.12. Det kom 4 uttalar frå offentlege instansar og 3 innspel frå private partar i samband med varsel om oppstart. Det vart gjennomført møte med berørte naboar og grunneigarar 16.10.12. Det vart gjort vedtak om offentleg ettersyn i FPL møte 18.10.12 sak 102/12 Planforslaget låg ute til høyring i tida 20.10.12 til 03.12.12 Det kom inn 6 merknader til planforslaget i samband med offentleg ettersyn Føremål med planarbeidet Føremålet med reguleringsplanen er å leggja til rette for utbygging av 4 einebustadtomter.
Side 3 Overordna plan Utsnitt av kommuneplanen for Voss 2011-2022. Reguleringsplanen for Bjørgamarka 3 er i kommuneplanen avsett som område B13, område for 4 nye einebustader. Planområdet Planområdet ligg på Bjørgum ca 10 km aust for Voss sentrum, nær rv 13 mellom Voss og Granvin. Området grenser til eksisterande bustadfelt, skule og idrettsplass, og det er ca 700 meter til barnehage. Planen omfattar i hovudsak gnr 111, bnr 2, samt ein liten del av gnr/bnr 111/1, 161/1 og kommunal eigedom. Planområdet ligg inntil ein fjellskrent, og består av ei skogkledt skråning mot nordvest og ned mot dyrka mark på gnr 161 bnr 1. Mesteparten av utbyggingsarealet ligg 12 15 meter lågare i terrenget enn tilgrensande bustader. Nye bustader vil difor ikkje vere til sjenanse for naboar av omsyn til sol og utsyn. Bustadene vil vere godt synlege frå skule- og idrettsområde, men det vil ikkje vere særleg fjernverkad av utbygginga. Detaljreguleringsplan for Bjørgamarka 3 grenser til reguleringsplan for Bjørgamarka 2, reguleringsplan for Bjørgamarka, Bjørgum skule og idrettsplassen. Innhald i planen Planområdet er på ca 12 daa og har tilkomst frå kommunal veg Tjørnahaugane til område B1 og frå kommunal veg Bjørgamarki via gangveg til område B2. Det er samanhangande gangveg frå skuleområdet til busshaldeplass i Fennavegen. Området har busstilbod til/frå Voss sentrum fram til ca kl 16. Barn og unge sine interesser er ivaretatt gjennom eit felles leikeareal innafor planområdet. I tillegg til er det kort avstand til skule- og idrettsplass. Det er regulert inn ein snarveg/gangveg frå Bjørgamarki til skulen gjennom området. Det ligg rekkefølgekrav om at etablering av gangvegar og leikeplass skal vere opparbeidd før det vert gjeve bruksløyve til bustadene.
Side 4 Universell utforming vert ivaretatt gjennom gjeldande reglar i plan- og bygningslova. Det er ikkje avdekka kulturminneinteresser eller interesser knytt naturmangfald innafor planområdet. Bustadtomtene er frå 0,8 til 1,2 daa, og opnar for store einebustader med mogleg utleigeeining i sokkeletasje. Planen legg rammer for utbygginga gjennom utnyttingsgrad, maks byggehøgde, parkeringsdekning m.m. Det er gjennomført ei risiko- og sårbarheitsanalyse som er tatt omsyn til i utforming av plankart og føresegner. Eksisterande infrastruktur skal nyttast for tilknyting til leidningsnett for vatn og avlaup. 5. ADMINISTRASJONEN SI VURDERING: Det kom seks merknader til planforslaget ved offentleg ettersyn. Fire av desse kom frå offentlege instansar. Merknadene er oppsummert og kommentert av planleggjar i eit eige skriv, - Merknadsskjema, - som ligg som vedlegg til saka. Under kjem ei kort oppsummering av uttalene, forslagsstillaren sine kommentarar og eventuelle merknader frå administrasjonen. FAU Bjørgum skule, 07.11.12 Meiner eit nytt vegkryss vil skape farlege situasjonar for både skuleelevar og i tilknyting til fritidsaktivitetar. Det er registrert farlege situasjonar i samband med parkerte bilar i området, og eit nytt kryss vil forverre situasjonen. Dette må tas omsyn til i den vidare planlegginga. Vurderer 3 nye bustader til å generera ei mindre endring i trafikkbiletet. Avkøyrsla ligg i område med gode sikttilhøve og skal ikkje endra det forholdet. Reguleringsplanen sikrar i tillegg ein gangveg mellom Bjørgum 2 til skule og idrettsområde og kan såleis bidra til mindre biltrafikk grunna betre gangveg. Planen opnar for ei avkøyring i same området som skule og idrettsplass har tilkomst og av/ påstigning. Ein ser at dette ikkje er ei optimal løysing. Samtidig er det snakk om ei avkøyring til tre nye bustader, og det vil ikkje vere gjennomkøyring på vegen. Ved å etablere ny gangveg/snarveg frå Bjørgamarki og gjennom planområdet til skuleplassen, vil ein også kunne redusere barn si opphaldstid langs bilveg. Ut i frå ei samla vurdering er ein einig i forslagsstillar sine merknader om at planen ikkje vil utgjere ei vesentleg negativ endring av trafikkbilete på staden. Solveig Bakketun og Roar Flisram 25.11.12 Eigar av Gnr. 111, bnr. 1 tillet at del av GV2 og leikeareal vert liggjande på deira eigedom (gnr 111, bnr 1) mot at vegen vert bygd som køyreveg fram til sving, og at vegen kan nyttast i samband med uttak av tømmer eller ved. Bakgrunnen for ynskje om køyreveg fram til sving ved gnr 111, bnr 1, er at dei ynskjer å få løyst ut inntil fire bustadtomter på sin eigedom. Dei ynskjer desse tomtene løyst ut uavhengig av regulering av kommuneplanen.
Side 5 Innhaldet i merknaden vil verta del av semje mellom utbyggjar og grunneigar og kommunen sin framtidige arealbruk. Føresegnene pkt 5.2.3 er revidert, og opnar for bruk av vegen som tilkomstveg til gnr 111, bnr 1. Forslagsstiller har kome eigar av gnr 111, bnr 1 i møte ved at det er opna for bruk av køyreveg, KV3 og gangveg GV2 som tilkomstveg til eigedomen. Samtidig er vegen frå bustadene i B1 og vidare innover framleis regulert som gangveg. Dette meier administrasjonen er rett, saman med at ein samtidig opner for bruk av gangvegen som tilkomstveg til landbrukseigedom på same måte som ein har gjort andre stader i kommunen. Når det gjeld ynskje om å få løyst ut fire bustadtomter på gnr 111, bnr 1, meiner ein at dette primært bør avklarast gjennom kommuneplanen. Alternativt må dette søkjast om gjennom ein eigen søknad. NVE 29.11.12 Er i hovudsak svært nøgd med korleis planarbeidet har teke omsyn til skredfare gjennom omsynssone og føresegner. Peiker likevel på at også området nord for omsynssona innafor grøntstrukturområdet burde vore kartlagt med tanke på vidareføring av omsynssona, sjølv om området ikkje skal byggast ut. Har tatt merknaden til etterretning. Fylkesmannen i Hordaland, 29.11.12 Planen er i tråd med overordna plan og regulerer einebustadtomter tilknytt eksisterande bustadfelt. Viser til støymålingane for ballbingen, og for å sikre tilfredsstillande støyforhold bør konkrete støyreduserande tiltak takast inn i føresegnene av planen og settast som rekkefølgjekrav. Vegleiar til støykrav har ingen krav til støynivå frå ballbinge. Støyvurderinga synleggjer at 3 av bustadtomtene ligg innanfor gul sone med støynivå over 60dB. I føresegnene til reguleringsplanen er det i pkt 3.2.3 sett krav om at det ved søknad om løyve til tiltak skal leggjast ved ei utgreiing om korleis støy frå ballbinge vert handtert ved plassering av bustad og garasje i forhold til bustaden sin uteplass. Administrasjonen meiner at ei utgreiing av handtering av støy i samband med byggesak er ei tilfredsstillande løysing i denne saka. Hordaland fylkeskommune, 03.12.12 Har ikkje kjennskap til automatisk freda kulturminne eller andre verneverdige kulturminne innafor planområdet, men oppfordrar til å unngå inngrep på eventuelle kulturlandskapstrekk ved opparbeiding av feltet. Dei viser og til tiltakshavar si meldeplikt dersom ein i samband med tiltak skulle støyte på automatisk freda kulturminne. Utover dette har fylkeskommunen ingen vesentlege merknader til planen.
Side 6 Ingen merknader. Tiltakshavar si meldeplikt er ivaretatt i føresegnene, pkt 2.1. Statens vegvesen, 12.12.12 Har ingen merknader til planframlegget. Oppsummering av endringar etter offentleg ettersyn På møtet med grunneigarar og berørte naboar i oktober, vart det semje med eigar av gnr 161, bnr 1 Anders Fosse, at gangvegen skulle leggjast utanfor hans eigedom. Det skulle også takast med at det skulle setjast opp gjerde mellom gangveg/køyreveg og hans eigedom, for å hindre snarvegar over dyrka mark. Desse innspela vart også fremja av Fosse i samband med oppstart. Plankartet og føresegnene (pkt 3.3.1) er oppdatert i tråd med dette. Konsekvensane av justering av gangvegen er at bustadareal og leikeareal er redusert med 0,3 og 0,2 daa. Dei andre grunneigarane som vart berørt av planen, Bakketun og Flisram, gnr 111, bnr 1 har ynskje om at det vert etablert køyreveg bort til svingen ved deira eigedom, med tanke på etablering av fire bustadtomter på sin eigedom. Dette er delvis tatt til følgje gjennom at dei har fått tilkomstrett via veg og gangveg inn til sin eigedom. Men, deler av denne traseen vil fortsatt ligge som gangveg. Dersom det vert opna for nye bustader i forlenginga av Bjørgamarka 3, må det uansett gjerast ei ny vurdering av tilkomstveg. Det har i vore ein dialog mellom administrasjonen og forslagsstillar om status på gangvegarealet. I planen som vart sendt til offentleg ettersyn var øvste del av gangvegen offentleg, medan den nedste delen var privat. Administrasjonen meiner det er rett at heile gangvegen vert offentleg, for å sikre tilkomst frå innbyggjarane i området. Planen har difor endra status på GV2 frå felles til offentleg. Sjå vedlagte plankart. Utover dette er det ikkje gjort endringar i planen. Konklusjon Detaljreguleringsplan for Bjørgamarka 3 er godt dokumentert gjennom planomtale m/vedlegg, plankart, planføresegner. Det er lagt inn omsynssone for potensiell fare for skred og steinsprang, og det er knytt rekkefølgjekrav til vidare oppfølging av tiltak før utbygging jf. pkt 3.1.2 og og 3.2.1 i føresegnene. Det er sett krav om at det skal lagast ei skriftleg utgreiing på eventuelle støytiltak før utbygging, jf pkt 3.2.3 i føresegnene. Det er i tillegg rekkefølgjekrav til opparbeiding av vegar og leikeareal, før det kan gjevast bruksløyve til bustadene jf pkt 3.3 i føresegnene. Dei nye tilkomstvegane har tenkt å nytte dei eksisterande namna Tjørnahaugane og Bjørgamarki. Administrasjonen rår til at revidert detaljreguleringsplan for Bjørgamarka 3 vert godkjent.