Ørskog kommune Arkiv: FA - A20 - Sunnmørsperla ved Storfjorden - Saksmappe: 14/561 Rådmannen Saksbehandlar: Acos.Websak.Mellomlag.S ak Dato: 25.05.2016 Kvalitetsmeldinga for Ørskogskulen 2015. Utvalssaksnr. Utval Møtedato 25/16 Ørskog tenesteutval 06.06.2016 51/16 Formannskapet 09.06.2016 52/16 Kommunestyret 16.06.2016 Samandrag: I følgje Opplæringslova har kommunestyret som skuleeigar, ansvaret for at krava i Opplæringslova og forskriftene til denne blir oppfylte. Det inneber å ha eit system som sikrar at skuleeigar har kunnskap om tilstanden i kommunen sine grunnskular. Lova seier også at kommunen pliktar å stille til disposisjon dei ressursane som er nødvendige for at krava skal kunne oppfyllast. Som bakgrunn for vurderinga av om krava blir oppfylte, skal det årleg utarbeidast ein rapport som inneheld opplysningar om læringsmiljøet og læringsresultata til elevane i kommunen samt overgangen til og gjennomføringa av vidaregåande opplæring. Kostratala har i fleire år gjenspeila at Ørskog kommune har prioritert grunnskuleundervisninga i kommunen høgt. Men dei siste tala viser at Ørskog kommune no er nede omlag på nasjonalt gjennomsnittsnivå når det gjeld ressursbruk på grunnskule. Og det til trass for at Ørskog kommune så langt driftar to grunnskular, men i rammeoverføringane berre får tilskot til ein. Kvalitetsmeldingane for Ørskogskulen viser at elevgruppene har vorte større siste åra. I elevundersøkelsen kjem det fram at læringsmiljøet på mellomtrinnet er omlag som gjennomsnittet for landet; - ei betring frå i fjor. Ungdomstrinnet derimot viser ikkje positiv utvikling når det gjeld læringsmiljøet. Læringsresultata på dei nasjonale prøvene viser på fleire område ein nedgang frå i fjor og ligg også på fleire område under landssnittet. Talet som viser grunnskulepoeng, er det svakast resultatet siste femårsperioden. Og også når det gjeld overgangen til, - og fullføring av vidaregåande opplæring på normert tid, kan ein sjå ei negativ utvikling. Dersom denne tendensen held fram, må Ørskog kommune vurdere om ein no har nådd eit ressursnivå som går ut over kvaliteten på undervisninga. Vedlegg; Dok.dato Tittel DokID Acos.Websak.Mellomlag.DokVersjon Kvalitetsmeldinga 2015 117631 Saksopplysningar: Oppfølgingsansvaret til kommunen inneber at det årleg skal utarbeidast ein rapport om tilstanden i grunnskoleopplæringa og den vidaregåande opplæringa, knytt til læringsresultat, fråfall og læringsmiljø. Den årlege rapporten skal drøftast av skuleeigar og det er tilrådd at skuleeigar set konkrete mål for kvaliteten på opplæringa. I tillegg er det frå departementet lagt føringar på at diskusjonar rundt kvaliteten på opplæringa bør gå føre seg på alle nivå og på tvers av nivåa i organisasjonen. Dette ligg som ein viktig premiss for å lukkast med å utvikle ein lærande organisasjon.
Ein organisasjon som heile tida arbeider målretta med fokus på resultat, på refleksjon rundt resultata og er opptekne av i fellesskap å vurdere kor vidt og korleis ein kan endre praksis for å oppnå best mogleg læringsmiljø og læringsutbytte for elevane. Forsking syner at skular og kommunar som får til desse dialogane, i større grad lukkast i arbeidet med opplæringa. Under handsaminga av Kvalitetsmeldinga sist år, vedtok Ørskog kommunestyre følgjande målsetjingar for 2015: Ørskog kommunestyre vedtek følgjande mål for Ørskogskulen for 2015. Elevundersøkinga for 2015 skal/bør på alle punkta vise ei betring når det gjeld elevane si Resultat på dei Nasjonale prøvene for 2015 skal/bør vise framgang i høve 2014. Elevane i Ørskog skal/bør i snitt ha minst 41,0 i grunnskulepoeng. Alle elevar skal/bør vere i arbeid eller ha eit tilbod i vidaregåande opplæring hausten etter 10. klasse. Med utgangspunkt i vedtaket frå mai 2015, har skuleleiinga gjennomført eit evalueringsarbeid i høve resultata for 2015. Personalet har i år ikkje vore direkte involverte i evalueringa, slik tradisjonen har vore og slik ein prinsipielt ønskjer. Bakgrunnen for valet er at skulepersonalet no er tildelt arbeidsoppgåver i høve flytting av undervisninga til midlertidige lokale. For utfyllande informasjon om tiltak og evaluering av måloppnåing utifrå desse; viser rådmannen til Kviltetsmeldinga som er vedlagt i si heilheit. I det følgjande vert dei viktigaste funna kommenterte. Talet på elevar, lærarar og assistentar Ein ser at talet på elevar i Ørskog har auka jamt dei siste fem åra, medan talet på lærarar ikkje har auka i femårsperioden. I Kvalitetsmeldinga i fjor vart det peika på at elevgruppene vert større, særleg på ungdomstrinnet. Ein såg at dette hadde uheldige konsekvensar for læringsmiljøet. Skulen har frå hausten 2015 gjort grep for å få ned gruppestørrelsen på ungdomstrinnet. Dette har delvis gått på bekostning av gruppestørrrelsen på mellomtrinnet, men har også samanheng med naturleg variasjon mellom elevtalet på dei ulike årskulla og dei ulike hovudtrinna. Sosial kompetanse Når det gjeld satsingsområdet sosial kompetanse har både barnehagane og skulane klare rutinar for korleis krenkande åtferd skal førebyggast, avdekkast og handterast. Skulen har utarbeidd ny handlingsplan mot mobbing og nye rutinar når det gjeld skulen si handtering av 9a i Opplæringslova, - jfr rektor si orientering til kommunestyret 30.04.15 Kontakt med heimen og lokalmiljøet. Skulen har ma teke i bruk programvaren «Mobilskule», som er ein effektiv kanal for kortare informasjonsspreiing til heimane. Personalkompetanse: Det har vore eit overordna mål at barnehagane, skulane og PPT i Ørskog skal ha eit godt kompetent personale. Siste par åra har ein ikkje greidd å rekrutere nok lærarpersonale med godkjend utdanning. Ein av lærarane har siste året delteke på vidareutdanning gjennom den nasjonale satsinga. Fagleg kompetanse Målet for skulane i Ørskog er at elevane skal få opplæring i tråd med eigne føresetnader og måla i rammeplan og læreplanar. Både i barnehagen og i skulen skal ein legge vekt på tidleg innsats. Elevane skal særleg utvikle dei grunnleggjande ferdigheitene; å uttrykke seg munnleg og skriftleg, å kunne lese og rekne, utvikle digital kompetanse. Læringsmiljø Det overordna målet når det gjeld læringsmiljø, er at barna i Ørskog skal ha eit godt fysisk og psykisk læringsmiljø med særleg vekt på tryggheit, trivsel, tilpassa opplæring og god helse. Tala frå den årlege elevundersøkelsen seier noko om tilstanden her.
Elevundersøkinga 2015 viser at for 7. trinn er målsetjinga oppfylt på alle punkt. For 10. trinn derimot viser resultatet på fem av områda ein dårlegare score enn i fjor. På eitt av områda, - trivsel er nedgangen signifikant og må følgjast opp. Dei nasjonale prøvene skal frå 2014 brukast for å få fram eiga utvikling over tid. I og med at ein så langt berre har to år etter den nye måten å vise resultata på, er grunnlaget lite. Det er likevel grunn til å merke seg at det berre er på eitt område ein har framgang i høve resultata i 2014. Det er også grunn til å notere seg at dei fleste resultata ligg under det nasjonale snittet på 50. Evaluering av Grunnskulepoeng: Her er er målsetjinga ikkje nådd og resultatet er det svakaste i femårsperioden. Når det gjeld overgang til vidaregåande opplæring og gjennomføring av denne, ser ein at tala over tid viser ei negativ utvikling for Ørskog sitt vedkomande. Det er fleire elevar som ikkje fullfører på normert tid, og i fjor var det for første gong i siste femårsperiode elevar som ikkje var registrerte i vidaregåande opplæring hausten etter avslutta grunnskule. Dette har ein teke fatt i, for å finn ut kor vidt dei som ikkje går over i vidaregåande opplæring eller droppar ut, har kome i arbeid eller har anna å fylle dagane med. Felles system for kvalitetssikring. Det er eit lovkrav at Ørskog kommune har gode system for å følgje opp og sikre at kommunen gir tenester i tråd med lover og forskrifter, - samt eksterne og interne satsingsområde og prioriteringar. Skulane har teke i bruk fleire slike kvalitetssystem: Frå 1. januar 2015 har ein teke i bruk dei digitale verktya KF Kvalitetssystem, Moava 1310 og Vokal som skal gje oversikt og sikre at tenestene er i tråd med lovverket, samt gje informasjon om kvantitet og kvalitet i tilbodet. Skulen har vinteren 2015 gjennomført brukarundersøkingar. Utdanningsdirektoratet si elevundersøking, lærarundersøking og foreldreundersøkinga er nytta. Dei to sistenemnde vert omtala i årsmeldinga. Vegen vidare: Det har fleire gonger i saka og i Kvlitetsmeldinga for 2015 vore vist til Ungdomstrinnsatsinga eller Ungdomstrinn i utvikling som det også vert kalla. For at Ørskog kommunestyre som skuleeigar skal kjenne litt til denne store nasjonale satsinga som Ørskogskulane frå hausten vert ein del av, tek ein med litt informasjon om dette. Sjøholt skule, ved ungdomstrinnet, er frå og med hausten 2016 med i den nasjonale satsinga på ungdomstrinnet «Ungdomstrinn i utvikling» (Gnist). Alle ungdomsskular i landet skal innan fire år ta del i satsinga, og vi er med i den siste pulja som set i gang. Dette blir ei stor satsing for ungdomsskulen i Ørskog. Skulen får tilført midlar til ein ressurslærar to timar pr. veke, i tillegg til at vi har rettleiing frå Høgskulen i Volda. Skulen får ekstern rettleiing i tre terminar, noko som for vår del vil seie haust 2016 og vår og haust 2017. Skulen i Ørskog satsar på klasseleiing og lesing i alle fag. Kollegiet har vore med på utval av satsingsområdet, der vi la til grunn fleire faktorar som mellom anna resultat frå kartleggingsprøver, nasjonale prøver m.m. Skulen fekk i fjor også tilbod om å inkludere «vurdering for læring» i satsinga vår. Skulens tilsette har vore på fleire nettverkssamlingar i regi av Sunnmøre Regionråd. Vurdering er eit aktuelt tema i skulen i dag, og det byrjar å kome mykje forsking som viser kor viktig det er å gje rett type vurdering og
rettleiing til elevane i læringsarbeidet. Ungdomsskulen ser det som viktig å sette fokus på både lesing og vurdering framover. Det er mange andre områder som også er viktig å ta tak i, men vi har vore pålagt å gjære ei prioritering gjennom denne nasjonale satsinga. Målet er at vi skal forbetre vår eigen praksis innan desse områda, og i tillegg tileigne oss kunnskap om skuleutvikling som vi sjølve kan dra nytte av i den kommande satsinga. Sjøholt skule er i ein unik situasjon ettersom vi er ein 1-10 skule. Det vil derfor vere naturleg at heile barnetrinnet er med i satsinga på klasseleiing og lesing i alle fag. Modellen under syner alle aktørgruppene som vil ha ei sentral rolle i satsinga «Ungdomstrinn i utvikling». Illustrasjonen viser kven som skal hjelpe skuleeigarar og skulane i arbeidet for økt læring og motivasjon for elevane. Ressurslærarrolla er tillagt ei viktig funksjon når det gjeld å implementere satsinga ute på skulane. Ressurslærar(ane) skal vere eit bindeledd mellom leiinga og dei tilsette ved skule. Dei skal også leggje forholda til rette for eit godt samarbeid og halde seg orientert/oppdatert på det som Udir legg ut på sine sider om satsinga. Ressurslærar(ane) blir kursa gjennom nasjonale og lokale samlingar og er med på å knytte nettverk med andre kommunar. For å kunne gjere denne jobben og vere ein pådrivar på eigen skule har ressurslærar(ane) blitt frikjøpte to timar i veka. Pulje 4 som Sjøholt skule er ein del av, tek til når haustsemesteret startar, men allereie no er ressurslæra(ane) godt i gong med kursing på nasjonalt og lokalt plan. I kvalitetsmeldinga for 2016, vil det kome ei undervegsevalueringa av Ungdomstrinnsatsinga i Ørskog. Når det gjeld det andre satsingsområde Tidleg innsats vil ein også kome med ei undervegsevaluering i neste kvalitetsmelding. Her har staten frå 2016 løyvd ekstra midlar til «Tidlig innsats i skolen gjennom økt lærerinnsats fra 1.-4. trinn» Desse midlane skal brukast til pedagogisk styrking og gje rom for å ansette fleire lærarar på 1.-4. trinn frå hausten 2016. Skulen er også gjennom læreplanane pålagde å gje elevane god digital kompetanse. Rådmannen vil
derfor til slutt i saka gje ein Statusrapport på IKT-området på skulane. I løpet av 2015 er mykje av IKT-arbeidet harmonisert med ekommune Sunnmøre. Namnestandard for PC, brukarar og tilgangar er gjort stadig likare. Det same gjeld tilfang for programvare. Det er framleis Ørskog kommune som er ansvarleg for eiga framdrift og sikring av utstyr og data. Konkrete tiltak i 2015. Det vart kjøpt inn to klassesett PC ar til 8. klasse og til 6. klasse. Det vart gjennomført ein større utskifting av harddiskar på eldre maskinar (til SSD) slik at ein fekk ei auka levetid på ein stor del av maskinparken med ytterelgare 2-3 år. (Dette vart også vidareført vinteren 2016 for eit større antal maskiner.) Alle maskiner som vert nytta av ungdomssteget og mellomsteget er no sett opp med Win7 og med MS-Office som standard programvare. Alle maskiner vert overvaka av ekommune Sunnmøre gjennom eige overvakningsprogram og vedlikehald gjennom «system Center.» Alle elevar ved Sjøholt skule har ei maskindekning på 1:1 frå og med 5. klasse og oppover. Alle elevane på Skarbø skule har ei maskindekning på 1:1 og har same oppsett som maskinene på Sjøholt skule. I løpet av året er det kassert om lag 100 PC ar. (Dette er maskiner som var produserte frå ca. 1998 til og med 2008.) Mange av desse maskinene har blitt nytta som reservedelsmaskiner for maskiner som framleis er i dagleg drift. Ca. 60 maskiner som var for svake til å bli kopla opp mot System Center og ekommune Sunnmøre har blitt sett opp med ein Linux variant. Målsetjinga for desse maskinene er å bli nytta mot internett og for enkle skriveoppgåver. Det er vaksenopplæringa og dei yngste klassane ved Sjøholt skule som nytter desse maskinene. Total maskinpark når det gjeld PC for bruk ved skulane (Sjøholt, Skarbø, vaksenopplæring) er ca. 300. Ørskog er FEIDE godkjent, men vi har valt å vente med aktivering/innføring til skuleåret 2016/2017. Dette heng saman med innføring av nytt skuleadminstrativt system, (IST Hypernet) og nytt IDhandteringssystem. (Bouvet.) IST-Hypernet vil vere operativt for skule frå og med august 2016. I løpet av året er det også teke i bruk «Mobilskole» eit system som gjer høve til å kommunisere med føresette (og elevar) ved hjelp av SMS. Systemet er lagt opp til at all kommunikasjon er dokumenterbar. Det er no interaktive tavler i dei fleste klasserom for mellom- og ungdomssteg. All internettbruk går via trådlaust nett og ved dagens behov er kapasiteten akseptabel. Ved planlegging av ny skule er IKT et sentralt tema og er teke med i prosessen. Det same gjeld for arbeid med mellombels løysning ved flytting til Ørskog vgs. Vurdering: Rådmannen ser at arbeidet med kvalitetsmeldinga ute på skulane, ikkje har vore optimal. Men at dette har si årsak i den pågåande flytteprosessen, og at arbeidet med å analysere resultat og lage oppfølgingsplanar, må vidareførast når arbeidet med flytting av skulen er ferdig. Rådmannen vil be kommunestyret merke seg utfordringa med auka gruppestørrelsar, - ettersom det kan gå utover kvaliteten på undervisninga og føre til dårlegare forhold for tidleg innsats og sosial og fagleg utvikling. Rådmannen ber Ørskog kommunestyre å ta eit val når det gjeld bruk av bør/skal i målformuleringa for Ørskogskulen. Rådmannen legg saka fram med slik Innstilling: 1. Ørskog kommunestyre tek Kvalitetsmeldinga for Ørskogskulen til vitande. 2. Ørskog kommunestyre gir skulane i oppgåve å diskutere resultata i Kvalitetsmeldinga i personalet og i rådsorgana.
3. Ørskog kommunestyre gir skuleleiinga i oppgåve å legge til rette for dialog der ein med utgangspunkt i personalet si evaluering og måla i pkt 4 i vedtaket, utarbeidar konkrete handlingsplanar med tiltak for arbeidet i 2016. 4. Ørskog kommunestyre vedtek følgjande mål for Ørskogskulen for 2016. Elevundersøkinga for 2016 skal på alle punkt vise ei betring når det gjeld elevane si Resultat på dei Nasjonale prøvene for 2016 skal vise framgang i høve 2015. Elevane i Ørskog skal i snitt ha minst 41,0 i grunnskulepoeng. Alle elevar skal vere i arbeid eller ha eit tilbod i vidaregåande opplæring hausten etter 10. klasse. Leiinga ved skulen skal i samarbeid med andre instansar kartlegge i kva grad dei frå Ørskog som ikkje fullfører vidaregåande utdanning på normert tid, har kome i arbeid. 5. Ørskog kommunestyre vil som skuleeigar støtte personalet i arbeidet med satsingsområda og vere med og legge til rette for at ein kan ha særleg fokus på - Tidleg innsats, - for å gje alle elevar like vilkår for trivsel, fagleg læring og sosial utvikling - Ei variert og praktisk retta undervisning i tråd med målsetjinga i Ungdomstrinn i utvikling 06.06.2016 Ørskog tenesteutval Innstillinga vart samrøystes vedteken. ØTU-25/16 Vedtak: 1. Ørskog kommunestyre tek Kvalitetsmeldinga for Ørskogskulen til vitande. 2. Ørskog kommunestyre gir skulane i oppgåve å diskutere resultata i Kvalitetsmeldinga i personalet og i rådsorgana. 3. Ørskog kommunestyre gir skuleleiinga i oppgåve å legge til rette for dialog der ein med utgangspunkt i personalet si evaluering og måla i pkt 4 i vedtaket, utarbeidar konkrete handlingsplanar med tiltak for arbeidet i 2016. 4. Ørskog kommunestyre vedtek følgjande mål for Ørskogskulen for 2016. Elevundersøkinga for 2016 skal på alle punkt vise ei betring når det gjeld elevane si Resultat på dei Nasjonale prøvene for 2016 skal vise framgang i høve 2015. Elevane i Ørskog skal i snitt ha minst 41,0 i grunnskulepoeng. Alle elevar skal vere i arbeid eller ha eit tilbod i vidaregåande opplæring hausten etter 10. klasse. Leiinga ved skulen skal i samarbeid med andre instansar kartlegge i kva grad dei frå Ørskog som ikkje fullfører vidaregåande utdanning på normert tid, har kome i arbeid. 5. Ørskog kommunestyre vil som skuleeigar støtte personalet i arbeidet med satsingsområda og vere med og legge til rette for at ein kan ha særleg fokus på - Tidleg innsats, - for å gje alle elevar like vilkår for trivsel, fagleg læring og sosial utvikling - Ei variert og praktisk retta undervisning i tråd med målsetjinga i Ungdomstrinn i utvikling 09.06.2016 Formannskapet
Innstillinga vart samrøystes vedteken. FS-51/16 Vedtak: 1. Ørskog kommunestyre tek Kvalitetsmeldinga for Ørskogskulen til vitande. 2. Ørskog kommunestyre gir skulane i oppgåve å diskutere resultata i Kvalitetsmeldinga i personalet og i rådsorgana. 3. Ørskog kommunestyre gir skuleleiinga i oppgåve å legge til rette for dialog der ein med utgangspunkt i personalet si evaluering og måla i pkt 4 i vedtaket, utarbeidar konkrete handlingsplanar med tiltak for arbeidet i 2016. 4. Ørskog kommunestyre vedtek følgjande mål for Ørskogskulen for 2016. Elevundersøkinga for 2016 skal på alle punkt vise ei betring når det gjeld elevane si Resultat på dei Nasjonale prøvene for 2016 skal vise framgang i høve 2015. Elevane i Ørskog skal i snitt ha minst 41,0 i grunnskulepoeng. Alle elevar skal vere i arbeid eller ha eit tilbod i vidaregåande opplæring hausten etter 10. klasse. Leiinga ved skulen skal i samarbeid med andre instansar kartlegge i kva grad dei frå Ørskog som ikkje fullfører vidaregåande utdanning på normert tid, har kome i arbeid. 5. Ørskog kommunestyre vil som skuleeigar støtte personalet i arbeidet med satsingsområda og vere med og legge til rette for at ein kan ha særleg fokus på - Tidleg innsats, - for å gje alle elevar like vilkår for trivsel, fagleg læring og sosial utvikling - Ei variert og praktisk retta undervisning i tråd med målsetjinga i Ungdomstrinn i utvikling 16.06.2016 Kommunestyret Innstillinga vart samrøystes vedteken. KS-52/16 Vedtak: 1. Ørskog kommunestyre tek Kvalitetsmeldinga for Ørskogskulen til vitande. 2. Ørskog kommunestyre gir skulane i oppgåve å diskutere resultata i Kvalitetsmeldinga i personalet og i rådsorgana. 3. Ørskog kommunestyre gir skuleleiinga i oppgåve å legge til rette for dialog der ein med utgangspunkt i personalet si evaluering og måla i pkt 4 i vedtaket, utarbeidar konkrete handlingsplanar med tiltak for arbeidet i 2016. 4. Ørskog kommunestyre vedtek følgjande mål for Ørskogskulen for 2016. Elevundersøkinga for 2016 skal på alle punkt vise ei betring når det gjeld elevane si Resultat på dei Nasjonale prøvene for 2016 skal vise framgang i høve 2015. Elevane i Ørskog skal i snitt ha minst 41,0 i grunnskulepoeng. Alle elevar skal vere i arbeid eller ha eit tilbod i vidaregåande opplæring hausten etter 10. klasse. Leiinga ved skulen skal i samarbeid med andre instansar kartlegge i kva grad dei frå Ørskog som ikkje fullfører vidaregåande utdanning på normert tid, har kome i arbeid. 5. Ørskog kommunestyre vil som skuleeigar støtte personalet i arbeidet med satsingsområda og vere med og legge til rette for at ein kan ha særleg fokus på:
- Tidleg innsats, - for å gje alle elevar like vilkår for trivsel, fagleg læring og sosial utvikling - Ei variert og praktisk retta undervisning i tråd med målsetjinga i Ungdomstrinn i utvikling Rådmannen i Ørskog Synnøve Vasstrand Synnes Kommunalsjef Hilde Sørdal