Utviklingsplan skuleåret 2017/2018 Bryne skule

Transkript

1 Utviklingsplan skuleåret 2017/2018 Bryne skule «Me vil gje elevane lyst på livet og evne til å meistra det» 11

2 Innhald: - Innleiing side 3 - Læringsresultat side 3 Skulebidragsindikatorane side 4 Nasjonale prøvar side 5 - Læringsmiljø side 7 - Utviklingsområde side 9 2

3 Innleiing: Utviklingsarbeidet ved skulen har eit langsiktig perspektiv. Forsking viser at endringsarbeid kan ta 5-7 år. Skulen er oppteken av å bruka forsking, kompetanse og erfaring i kollektive prosessar for å få stadig betre kvalitet. Dei metodane skulen bruker er: - Lesson study - Trinnsamtalar - Leiarvandring med refleksjonssamtalar i etterkant - Kollektivt utviklingsarbeid i PU-tid - Faggrupper - Trinnsamarbeid - Utviklingsarbeid i Jærskulenettverket Forsking viser at dersom skulen skal få til gode resultat, er ein avhengig av eit godt lag og ei god organisering der alle kollektivt arbeider mot same mål. Modellen under viser korleis det blir arbeidd med utviklingsarbeid på Bryne skule. Utviklingsarbeidet er eit steg på vegen mot å nå skulen sin visjon om at alle elevane har lyst på livet og evne til å meistra det. 3

4 Læringsresultat: Bryne skule har eit stort mangfald i elevmassen. Det er store sosioøkonomiske forskjellar mellom elevane og omlag 20% av elevane er fleirspråklege. Skulen si målsetjing er at alle elevane skal få ut sitt læringspotensiale, uavhengig av bakgrunn. Skulebidragsindikatorane saman med resultat frå nasjonale prøvar, vil vera viktige faktorar når ein skal seia noko om skulen har lukkast med målsetjinga si. Skulebidragsindikatorane Våren 2017 blei det for første gong publisert tal der alle elevar på alle skular er gjort gjennomsnittlege. Desse tala kjem fram i skulebidragsindikatorane. Gjennomsnittet for heile landet er 3,4. Saman med resultata på nasjonale prøvar, gir dette oss ein indikasjon på om skulen har lukkast med å nå målsetjinga si om at alle elevar skal få ut sitt læringspotensiale. Småskuletrinnet (her er det resultat frå nasjonale prøvar på 5. trinn som dannar grunnlag for tala) 2010/ / /2015 3,3 3,5 3,5 Desse tala viser at skulen sine resultat ligg på gjennomsnittet eller rett over. Det betyr at når elevane kjem i 5. klasse har skulen gitt eit positivt bidrag til elevane si læring på 0,1. Mellomtrinnet (her er det resultat frå nasjonale prøvar på 8. trinn som dannar grunnlag for tala) 2010/ / /2015 3,6 3,6 3,6 Det gler oss at skulebidragsindikatoren for mellomtrinnet viser at me har klart å gje elevane eit positivt bidrag til læring på 0,2. 4

5 Nasjonale prøvar: På Bryne skule er det elevane på 5. trinn som deltek på nasjonale prøvar kvar haust. (På ungdomsskulen er det nasjonale prøvar på 8. trinn. Me har og analysert resultata frå elevane som gjekk på Bryne skule våren 2016). Resultata frå prøvane blir presenterte i tabellane under. Engelsk: Rekning: 5

6 Lesing: Våre analysar viser at me har utfordringar med å få ein større del av elevmassen til det høgaste meistringsnivået i alle fag. Resultata frå ungdomstrinnet viser dei same utfordringane. Våren 2017 har me gjort eit analysearbeid i forhold til kven av våre elevar som presterer på dei ulike nivåa. På meistringsnivå 2 er det ein del elevar som me kan klara å tilpassa undervisninga til, som me kan klara å gjera eit motivasjonsarbeid i forhold til, slik at dei klarer å nå nivå 3. Det same gjeld nokre av elevane som er på nivå 1, men som har potensiale til å vera på nivå 2. Me har vidare sett på kvar dei fleirspråklege elevane våre er. Den analysen viser at me har utfordringar med å løfta dei fleirspråklege elevane til dei høgaste nivåa. Det er kun i engelsk det er fleirspråklege elevar på nivå 3. I lesing er majoriteten av dei fleirspråklege elevane på nivå 1. I rekning er dei fordelte jevnt mellom nivå 1 og nivå 2. 6

7 Læringsmiljø: Hausten 2016 gjennomførte elevane på 6. og 7. trinn Utdanningsdirektoratet si elevundersøking. Vinteren 2017 gjennomførte elevane på trinn den årlege Olweusundersøkinga. Elevundersøkinga viser at elevane på Bryne skule trivst godt, miljøet er trygt, dei får god støtte frå lærarane, dei opplever meistring og dei meiner sjølv at eigeninnsatsen er god. Undersøkinga i år viser nokre forskjellar mellom 6. og 7. trinn på motivasjon. Elevane på 6. trinn tilbakemelder større grad av motivasjon enn elevane på 7. trinn. Lærarane har reflektert over desse forskjellane. 6. trinn har nå hatt Ipad 1:1 i nesten to skuleår. Er Ipad ein motivasjonsfaktor for elevane? Undersøkinga neste haust vil gje oss nokre indikatorar på det. Då vil begge trinna som er med på undersøkinga, ha Ipad 1:1. Både elevundersøkinga og Olweusundersøkinga har spørsmål som gjeld mobbing. Medan Olweusundersøkinga er ei rein mobbeundersøking, er det bare enkelte spørsmål i elevundersøkinga som omhandlar mobbing. Resultata frå elevundersøkinga viste at ingen elevar blei mobba. Olweusundersøkinga viste derimot at det er elevar som blir mobba. Tabellen viser resultata frå skulen dei siste åra. Det gler oss at prosentdelen av elevar som opplever at dei blir mobba, har gått ned dei siste 4 åra. Dette har vore satsingsområde for skulen dei siste åra. Skuleår Mobbeprosent 2013/2014 6,1% 2014/2015 4,7% 2015/2016 4,4% 2016/2017 3,7% Tabellen under viser kva slags mobbing det er mest av på Bryne skule. (Dette er prosent av dei som blir mobba). Kva form for mobbing Prosent Verbal mobbing 75% Slått, sparka 50% Utestengd 25% Utsjånad 29% Digital 0% 7

8 Undersøkinga viser at det er fleire jenter enn gutar som opplever at dei blir slått og sparka. Prosentdelen av elevar som har blitt mobba på grunn av utsjånad, har blitt redusert med om lag 10%. I tillegg er det ingen elevar som tilbakemelder at dei er utsette for digital mobbing. Det meste av mobbinga skjer i skulegarden, så alle vakter må kvar dag ha fokus på å fanga opp om det skjer uønska hendingar. Målet er at alle elevar kvar dag skal ha ein trygg skulekvardag. Skulen ser vidare at Trivselsleiarprogrammet er ein viktig faktor for å hindra mobbing. Elevane som gjennom dette programmet, er med å setja i gang aktivitetar i skulegarden, gjer eit svært viktig arbeid for å auka elevane sin trivsel ute. FAU er og viktige medspelarar i det arbeidet. Heile personalet har eit stort fokus på antimobbearbeid. Skulen er ein sertifisert Olweusskule. Dette inneber at skulen har utarbeidd ein kvalitetsplan mot mobbing, i tråd med retningslinjene i Olweusprogrammet. Denne synleggjer det systematiske arbeidet me driv. Så lenge det er elevar som responderer at dei ikkje har det godt, må me kvar dag ha fokus på dette arbeidet. Skulen har hatt fokus på å redusera talet på elevar som responderer at dei blir mobba. Ein har brukt tid på å undersøka kva skular som melder at dei har lukkast med dette, har hatt fokus på. Det ein har funne ut, er at nokre av desse skulane har hatt faste opplegg innanfor sosial kompetanse. Kvart trinn har skuleåret 2016/2017 laga undervisningsopplegg innanfor sosiale kompetanse. Emna ein skal arbeida med er empati, å vera ansvarleg, humor/glede, samarbeid og sjølvkontroll/samhandling. Desse emna er i tråd med Pål Roland si forsking om gode læringsmiljø. Undervisningsopplegga skal systematiserast og ein skal ta dei i bruk hausten Skuleåret 2017/2018 skal og heile personalet kursast i opplegget «Det er mitt val» utarbeidd av Lions. Dette er eit opplegg for å styrka elevane sin sosiale kompetanse. I tillegg skal to av spesialpedagogane som arbeider på 1. og 2. trinn, kursast i «Zippys venner». Zippys venner er eit tiltak som gjer at ein systematisk kan arbeida for å fremja psykisk helse og eit godt psykososialt miljø. 8

9 Utviklingsområde Målet med skulen sine satsingsområde er sjølvsagt at elevane skal få ut sitt læringspotensiale. Gudmun Hernes formulerte i «Med viten og vilje», NOU 1988:28, heislova. «Alle lærarane skal vera heisførarar og har ansvar for å få elevane så høgt opp i etasjane som dei har moglegheit til å koma. Gode heisførarar får elevane høgare opp enn mindre gode førarar.» Forsking viser at dersom skulen skal få til gode resultat, er ein avhengig av eit godt lag og ei god organisering der alle kollektivt arbeider mot same mål. Dei utviklingsområda ein startar med, må ein kontinuerleg vurdera om er dei beste for elevane. Elevane sine behov skal vera i fokus, ein kjem med ulike løysingar som ein så igjen testar ut i organisasjonen. BLT-metodikken gjer at arbeidet vårt blir stadig utfordra på om har dei beste løysingane for elevane våre. MÅLSETJING SKULEÅRET 2017/2018 Auka læring for alle elevane fagleg og sosialt Resultatmål Delmål på vegen Tiltak i forhold til delmål Laga system på SNO-arbeidet på skulen Ta i bruk Ipad 1:1 på 1., 5., 6. og 7. trinn - Utarbeida rutinar og opplegg for SNOarbeidet innan oktober Kompetanseheving for heile personalet med fokus på læreplan i grunnleggjande norsk Etablera læringsarena for digital deling og læring innan desember Timeplanfesta timar - Ha ei gruppe av lærarar som arbeider med dette - Ein i leiinga skal vera pådrivar i arbeidet - Bli «kursa» av ressursperson frå BKS på planleggingsdag og i PU-tid - Bruka trinntid/teamtid til å reflektera rundt elevane si læring og elevane sin motivasjon i det digitale klasserommet - Bruka trinntid/teamtid til å byggja lærarane sin kompetanse i bruken av Ipad i undervisninga - Ta i bruk Yammer (med fokus på kompetansedeling) - Laga delingsarena i One Note Vurdering av ståstad (evaluering og eventuelt over i drift) Nasjonale prøvar hausten 2018 (del av fleirspråklege elevar på ulike meistringsnivå) Kartleggingsprøvar for trinn våren 2018 Resultat i SOL våren 2018 Læringsstøttande prøvar for mellomtrinnet Nasjonale prøvar hausten 2018 (for 5. trinn) Elevundersøkinga Fokus i trinnsamtalar og i medarbeidarsamtalar skuleåret 17/18 9

10 Undervisning i matematikkfaget etter prinsippa utarbeidd i innovasjonsprosjektet «Utviklande matematikk» på Bryne skule Bruka «Nysgjerrigper» som metode på alle trinn - Alle som underviser i faget skal bruka rutinar som er utarbeidd - Dei trinna som har Ipad, skal frigjera seg frå mattebøkene - Alle elevane skal i løpet av året delta i minst eit tverrfagleg nysgjerrigperprosjekt - Ha faggrupper med utviklande matematikk som tema ein gong i mnd - Ha lærebøker i russisk matematikk tilgjengeleg (der desse er å finna) - Ha tilgjengeleg nye lærebøker i faget på alle trinn - Etablera delingsarena i One Note i forhold til prosjektet innan utg av august - Laga årsplanar i tråd med prosjektet - Bruka teamtid og trinntid til å byggja kompetanse i forhold til dette - Ha fokus på metoden i minst to PU-tider skuleåret 2017/ Leggja «Nysgjerrigper» inn i årsplanane Nasjonale prøvar hausten 2017 og hausten 2018 Læringsstøttande prøvar i rekning på 6. og 7. trinn Kartleggingsprøvar på trinn Medarbeidarsamtalane Evaluering i etterkant av prosjektet med fokus på elevane sin motivasjon Auka talet på elevar som trivest på skulen - Bruka opplegga for sosial kompetanse trinna har utarbeidd og sett i system - Bruka dei eldste elevane på skulen i arbeidet med å sosialisera dei yngste inn i antimobbekulturen på Bryne skule - Kompetanseheving for lærarane - Skulen har felles fokus på hovudemna i den sosiale komeptanseplanen - Skuledag med fokus på antimobbearbeid september Bruka fadrane aktivt overfor fadderungane sine i forhold til sosial kompetanse - Engasjera elevrådet i arbeidet med at dei eldste elevane kan bli gode rollemodellar - Bruka rutinane i Olweusprogrammet - Planleggingsdag for lærarane i «Det er mitt val» Jamlege mobbeundersøkingar på trinna Elevsamtalar Olweusundersøkinga Elevundersøkinga Sjå på antal enkeltvedtak i forhold til mobbing 10

11 11