VESTNES KOMMUNE Saksframlegg Arkiv: 614 Arkivsaksnr.: 2008/1301 Saksbehandlar: Magne Værholm Dato: 09.06.2011 Byggjerekneskap for rehabilitering av Vestnes ressurssenter Utval Møtedato Utvalssak Formannskapet Kommunestyret Administrasjonssjefen si innstilling Byggjerekneskapen for rehabilitering av Vestnes ressurssenter med ein samla byggjekostnad på kr 20.259.636,83 og eit mindreforbruk på kr 2.440.363,17, vert godkjent. SAKSUTGREIING:
Innleiing Vestnes ressurssenter er eit stort bygg på Hellandheimområdet som kommunen overtok frå fylkeskommunen i 1992 i samband med ansvarsreforma. Bygget er i 2 etasjar, kvar på 560 m2. Bygget var frå først av brukt til skule for psykisk utviklingshemma, seinare når kommunen overtok mest brukt til voksenopplæring. Når kommunen vedtok omorganisering og slo saman helsestasjon, PP- teneste, barnevern og tidlegare Vestnes ressurssenter (voksenopplæring) til ei driftseining med namn barne- og ungdomstenesten (BUT) var det føresett at bygget skulle rehabiliterast slik at alle kunne samlast i same bygg. Det var der den økonomiske gevinsten ved tiltaket låg. Bygget var også modent for omfattande rehabilitering og ombygging. Både varme, ventillasjonsanlegg og mykje av det elektriske anlegget måtte totalutskiftast. Det er kontor i underetasje, og store gode undervisningslokaler i hovudetasjen. Politiske vedtak KST 83/06 Kommunestyret godkjente i sak KST 83/06 at den nye driftseininga for barne- og ungdomstenestene i kommunen skulle disponere lokala til Vestnes ressurssenter for framtidig kontor og undervisningslokale. Det var føresett at bygninga vart ombygt/renovert. Antyda kostnad 8,0 mill. kr. KST 138/07 Investeringsbudsjett 2008 Planlegginga og gjennomføring av dette arbeidet vart imidlertid utsett grunna at lokala i 1. etasje i ressurssenteret vart brukt til midlertidig barnehage fram til våren 2008. Grunna utsett byggjestart og kraftig kostnadsauke siste åra vart det i investeringsbudsjett for 2008 antyda at kostnaden ville bli minst 12,0 mill. kr og kanskje meir. Vart løyvd 5,0 mill. kr som startløyvinig. Formansskapssak 65/08 Det vart innleigd arkitekt og konsulentar som utarbeidde planar, tegningar, detaljprosjekt og anbudsdokument på arbeidet. Arbeidet var ute på tilbud sommaren 2008. Det var liten interesse for å komme med tilbud. Samla tilbudssum låg på rundt 20,0 mill. kr, med nødvendige reserveposter og felleskostnader anslo vi ein totalkostnaden til 23,0 mill. kr (eks. inventar og utstyr). Grunna lita interesse frå entreprenørar, høg kostnad og den vanskelege økonomiske situasjonen til kommunen rådde administrasjonssjefen til at anbudskonkurransen vart avlyst. Nemner her at på dette tidspunktet var renta på det høgste med om lag 8,0 %, og renter på lånet ville vore 1,9 mill. kr pr. år. Formannskapet gjorde følgjande vedtak: Vestnes formannskap viser til at tilbudssummen på ombyggjing/renovering av Vestnes ressurssenter ligg langt over gitt budsjettramme og vedtek at tilbudskonkurransen vert avlyst. Formannskapet ber vidare om at byggjenemnda utarbeider nye planar for lokale til Barne- og ungdomstenestene der kostnadane til istandsetting av lokale ligg innanfor gitt budsjettramme.
KST 11/09 Byggjenemnda vurderte ulike alternativ for endring i planane for evt. å kunne redusere kostnadane. Nemnda såg det vanskeleg å klare å gjere store endringar og likevel få plass til heile driftseininga slik føresetnaden er. Nemnda vurderte det og slik at når ein først skulle renovere bygget, som skal brukast i lang tid, burde det skje på ein god og forsvarleg måte. Alternativ til ombygginga var at dei tilsette i BUT måtte fordelast på 2-3 ulike bygg. Det ville også koste å tilpasse desse bygga til eigna lokaler og ein får ikkje den samordningseffekten som var føresett. Nemnda konkluderte med at ein bør lyse arbeidet ut att på nytt med same anbudsdokument som sist. Nemnda vurderte at arbeidsmarkedet hadde endra seg slik at det ville være mogeleg å få til ei ombygging med ei kostnadsramme på 20,0 mill. kr. Endra føresetnader Etter at anbudskonkurransen vart avlyst skjedde det store endringer som gjorde at administrasjonssjefen la saka fram att for ny politisk behandling. Endringane var m.a.: Endra arbeidsmarked, truleg større interesse for å gje tilbud, kanskje lågare pris Renta var kraftig redusert frå over 8 % til 4 %. Tiltakspakke fra regjeringa, i desember 2008 kom regjeringa med ei tiltakspakke der kommunane kan få rentefrie lån til vedlikehald- og investering av skule og symjeanlegg. Vestnes kommune får ei ramme på knapt 18,0 mill. kr til dette. Ein slapp då renteutgifter på prosjektet og situasjonen var helt endra frå då anbudskonkurranen vart avlyst sommaren 2008. Kommunestyret gjorde følgjande vedtak: 1. Vestnes kommunestyre godkjenner planane ombygging av Vestnes ressurssenter. 2. Kostnaden vert finansiert ved låneopptak. 3. Tiltaket vert å søkje finansiert innanfor tiltakspakken der staten dekkjer renter til investeringar i skulebygg. 4. Administrasjonssjefen får fullmakt til å konkurranseutsette arbeidet på anbud og godkjenne tilbud. 5. Kommunestyret vil sørge for finansiering av prosjektet, så snart endeleg og akseptabel kostnad er på plass. KST 51/09 Prosjektet var ute på anbud og denne gang var det større interesse for å gje tilbud. Kostnaden var også noko lågare enn sist den var utlyst. Det vart avsatt ein rimeleg høg sum til reserve. Erfaringsmessig vert det alltid ekstraarbeid på slike ombyggjingsarbeid. Kostnadsramma var eks. inventar og utstyr, som ein skulle ta med i investeringsbudsjett for 2010. Kommunestyre gjorde følgjande vedtak. Vestnes kommunestyre godkjenner at kostnaden på 22,0 mill. kr for rehabilitering av Vestnes ressurssenter vert finansiert ved låneopptak. Av nemnde lån vert rente på 17,6 mill. kr av lånet dekka av staten innanfor tiltakspakken for investeringar i skulebygg. Ordførar får fullmakt til å godkjenne låneopptaket.
KST 106/09 Investeringsbudsjett 2010 Her vart løyvd kr 700.000,- til inventar og utstyr. Vi kan vel hevde at finanskrisa vart redninga for Vestnes ressurssenter, og grunnen til at den vart rehabilitert. Rentefritt lån frå staten gjorde at kommunen kunne akseptere kostnaden. Kostnadsoverslaget var 22,7 mill. kr, av dette 18,0 mill. kr i rentefritt lån. Anbod/entreprise Entreprenørar: Byggfag: Rørfag: Ventilasjon: Elektro: Heis: Entreprenør M. Kristiseter, Åndalsnes Hustad Rør, avd Vestnes Enitec as, Ålesund Total Elektro, Vestnes HK-service, Bergen Byggjeleiar: Byggjenemnd: Vest kompetanse konsult sa, v/ Håvard Fiskaa Magne Værholm (leiar), Helene Brendeløkken, Irene Skjegstad, Øystein Solbakken, Halvor Ulsaker og Finn Talaksen Leiar i byggjenemnda vil få takke nemnda for god innsats. Vil spesielt nemne Helene Brendeløkken som har arbeidd og jobba mykje for at dette prosjektet vart gjennomført som planlagt. Gjennomføring av prosjektet Byggjearbeidet vart sett i gang med eit oppstartmøte med alle entreprenørane den 06.10.2009. Arbeidet starta med fullstendig rensking av alt innvendig innreiing og skiljeveggar bortsett frå taket i hovedetasjen og innvendig berande konstruksjonar. Det dukka ikkje opp vesentlege overraskingar under dette arbeidet bort sett frå manglande fuktsperre under betongen i underetasjen. Oppbygginga i underetasjen starta om lag 01.12.2009. Etter drøfting byggenemnda vart ein enig om å sløyfe sprinkleranlegget i bygget med bakgrunn i svært høg kostnad, ikkje byggteknisk krav og mangel på plass til rør-og kanalføringar. Framdrifta i byggefasen gjekk stort sett etter framdriftsplanen som etter kontrakt hadde ein sluttdato 30.07.2010. Bygget var ferdig til skuleåpning 20.08.2010. Det vart likevel ein del etterarbeid med feil/manglar på ventilasjonsanlegget, brannalarmanlegget og feilkoplingar i samband med dette. Viser til sluttrapport frå byggjeleiar, med fyldigare orientering om gjennomføringa.
Kostnadsoverslag Endeleg kostnadsoverslag vart 22,7 mill. kr dette var inklusiv løyving til inventar og utstyr. Byggjekostnad Byggjerekneskapen viser følgjande hovudtal: Samla byggjekostnad inkl. inventar og utstyr kr 20.259.636,83 Godkjent kostnadsoverslag kr 22.700.000,00 Mindreforbruk kr 2.440.363,17 I byggjerekneskapen er det avsatt kr 500.000,- til å dekkje restarbeid, m.a. asfaltering og utskifting av noe golvflis. Byggjerekneskapen viser eit mindreforbruk på over 2,4 mill. kr. Grunnen til dette er nok at det ikkje vart så mykje uforutsette kostnader/tilleggsarbeid som frykta, noko arbeid er sløyfa m.a. brannsprinklingsanlegg. Men også god økonomisk oppfølgjing frå m.a. byggjeleiar medverkar til det gode resultatet. Finansiering Byggjekostnaden er finansiert som følgjer: Lån kr 19.909.636,83 Bruk av fond kr 350.000,00 Sum kr 20.259.636,83 Revisjon/kontrollutval Byggjerekneskapen vert sendt til revisjon og kontrollutval for gjennomgang og behandling før saka vert lagt fram for politisk behandling. Uttale frå revisjon og vedtak i kontrollutvalet vert lagt ved saka som vedlegg. Særutskrift til: Vedlegg: 1 Vestnes ressurssenter - rapport frå byggjeleiar
2 Rekneskap 3 Revisoruttale 4 Kontrollutvalet i Vestnes si fråsegn til byggerekneskapen til Vestnes Ressurssenter - sak 13/11