Saksbehandlar: Vigdis Rotlid Vestad. Ref.: 2017/2464/FMMRVIVE Til: Felles kommunestyremøte

Transkript

1 FYLKESMANNEN I MØRE OG ROMSDAL Dato: Saksframlegg Saksbehandlar: Vigdis Rotlid Vestad Ref.: 2017/2464/FMMRVIVE Til: Felles kommunestyremøte FELLES KOMMUNESTYREMØTE for kommunane Norddal og Stordal Formål: Dette skal vere eit felles møte for å drøfte 25 i inndelingslova framfor vedtak i dei einskilde kommunestyra. Det skal ikkje treffast vedtak i dette felles møtet. 1. Felles kommunestyremøte I følgje inndelingslova 25 skal Fylkesmannen snarast mogleg kalle saman til eit felles møte med dei aktuelle kommunestyra etter at det er fatta vedtak om samanslåing. Stortinget fatta vedtak om samanslåing av nye Norddal og Stordal kommune den 8. juni 2017 ut i frå Prop. 96 S ( ) Endringer i kommunestrukturen. 2. Saker som må drøftast i felles kommunestyremøte På slike felles kommunestyremøte skal følgjande saker vere drøfta: forslag til namn på den nye kommunen talet på medlemmer i det nye kommunestyret kriterium for samansetjing av og funksjonar til fellesnemnd etter 26 i inndelingslova val av revisor for verksemda i fellesnemnda oppretting av eventuelle andre fellesorgan for å sikre gjennomføringa av samanslåinga

2 2 2 Opplistinga over, jf. 25 i inndelingslova, er eit minstekrav til tema kommunane skal drøfte på eit felles møte. I tillegg til sakene som er nemnd i 25 i inndelingslova bør kommunane i eit slikt felles møte drøfte og bli einige om saker som det er nødvendig å gjere unntak frå i lovverket for å gjennomføre samanslåing, jf. 17 i inndelingslova. Eksempel på unntak frå lovverket er gjennomføring av val(vallova) og harmonisering av reglar for eigedomsskatt (eigedomsskattelova) og kommunal deltaking i ulike råd og organ. Slike saker må også takast med i kongeleg resolusjon, dersom det forutset unntak frå lov eller forskrift. Det skal og drøftast andre tema som kommunane meiner er viktig for samanslåinga. Det skal ikkje treffast vedtak i felles kommunestyremøte. Møtet er av prosessleiande karakter. Diskusjonspunkta som blir diskutert på fellesmøtet må følgjast opp med vedtak i dei einskilde kommunestyra. Viser også til punkt 4 i dette saksframlegget. 2.1 Forslag til namn på den nye kommunen Det går fram av kommunelova 3 at det er Kongen i statsråd som vedtek namn på den nye kommunen. Det vert lagt stor vekt på kommunane sine ønsker. Namnet på den nye kommunen må vere unikt, dvs. eit namn som ikkje er i bruk av andre kommunar. KMD kan be Språkrådet om uttale til det nye kommunenamnet. 2.2 Talet på medlemmer i det nye kommunestyret Det følgjer av kommunelova 7 nr. 2 korleis talet på medlemmar i det nye kommunestyret skal fastsettast. Tal på medlemmar i kommunestyret skal være eit ulike tal, med eit minimumstal ut frå innbyggartal: Innbyggartal i kommunen inntil 5000 Frå 5000 til Frå til Frå til Frå Minimum medlemmar i kommunestyret 11 medlemmar 19 medlemmar 27 medlemmar 35 medlemmar 43 medlemmar 2.3 Kriterium for samansetjing av og funksjonar til fellesnemnda etter inndelingslova 26 Samansetjing: Medlemmar i fellesnemnda skal veljast av og blant medlemmar i kommunestyra Nemnda bør spegle av innbyggjartalet i dei enkelte kommunane. Det skal likevel vere minimum tre medlemmer i nemnda frå kvar kommune. Det er ikkje sett

3 3 noko tak for talet på medlemmer i fellesnemnda. Reglane i kommunelova om val og saksbehandling i folkevalde organ gjeld elles tilsvarande. Nemnda skal samordne og ta seg av samanslåingsprosessen. Funksjon: Funksjonsperioden for fellesnemnda kan starte etter nasjonalt vedtak i Stortinget 8. juni 2017, og etter delegering av fullmakter og ansvar frå dei einskilde kommunestyra. Funksjonsperioden går ut når det nye kommunestyret er konstituert etter reglane i 27 i inndelingslova for den nye kommunen. Reglementet til fellesnemnda blir kva dei einskilde kommunestyra delegerer av mynde og fullmakter, jf. 25 i inndelingslova. Det må drøftast kven som skal sitte i fellesnemnda og andre fellesorgan og kva slags oppgåver og fullmakter fellesnemnda skal ha. Andre oppgåver og fullmakter i tillegg til dei lovpålagte oppgåvene blir også vedteke av kommunestyra. Reglane i kommunelova om møte- og talerett for ordførar, leiar av kommuneråd, administrasjonssjef og tilsette gjeld tilsvarande for nemnda. Reglane i 59 i kommunelova om lovlegkontroll gjeld tilsvarande for avgjerder fellesnemnda tek. Erfaringar frå tidlegare samanslåingar gjev klart uttrykk for at fellesnemnda bør gjevast klare og vide fullmakter frå kommunestyra for å sikre ei god politisk styring og ein effektiv prosess. Dersom fullmaktene blir for snevre vil det føre til at kommunestyra heile vegen må fatte likelydande vedtak for å ta viktige avgjerder. Det kan føre til at prosessen blir meir krevjande og langdryg. Fellesnemnda har ansvar for å førebu arbeidet med økonomiplana, og med budsjettet det første driftsåret, som for Norddal og Stordal kommune er Fellesnemnda skal også uttale seg om årsbudsjetta og økonomiplanane for dei einskilde kommunane som inngår i samanslåinga. Fylkesmannen har i brev frå KMD, datert 17. mars 2017, fått delegert kompetanse til å vere mottakar av desse utalane frå fellesnemnda. Bakgrunnen for denne delegeringa er at Fylkesmannen allereie har delegert kompetanse til å gjennomføre lovlegkontroll med budsjettvedtak etter 28 i inndelingslova. Formålet med lovlegkontroll etter 28 er å kunne kontrollera at kommunar som skal slåast saman ikkje investerer over emne før samanslåinga trer i kraft, og dermed reduserer økonomisk handlefridom for den nye kommunen. Utover dette er det opp til kommunestyra å avgjere kva slags oppgåver og fullmakter fellesnemnda skal ha. Det må også takast omsyn til at fellesnemnda vil få behov for å delegere mynde til andre utval/organ. 3

4 4 Kommunestyra kan gi fellesnemnda mynde til å tilsette administrasjonssjef(rådmann), revisor og anna personale. Dersom fellesnemnda får slik fullmakt, er det fellesnemnda som har arbeidsgivaransvaret for arbeidstakarane som blir tilsett. Fellesnemnda har ikkje mynde til å fatte vedtak på drifta i dei eksisterande kommunane. 2.4 Val av revisor for verksemda i fellesnemnda Fellesnemnda kan etter 26 femte ledd, fjerde punktum, få delegert mynde til å inngå avtale med ein ny revisor, føre vidare deltaking i interkommunalt samarbeid om revisjon eller føre vidare ein avtale med ein annan revisor. Det same gjeld for kontrollutvalssekretariatet. Slike vedtak skal skje på bakgrunn av innstilling frå kontrollutvala. 2.5 Oppretting av eventuelle andre fellesorgan for å sikre gjennomføringa av samanslåinga Etter 26 sjette ledd i inndelingslova kan fellesnemnda gi eit arbeidsutval mynde til å gjere vedtak i einskildsaker, eller i saker som ikkje er av prinsipiell art. Arbeidsutvalet har som oppgåve å behandle saker før dei blir lagt fram for fellesnemnda. Arbeidsutvalet kan få ansvar for å koordinere politiske og administrative prosessar, og fatte vedtak for å sikre nødvendig framdrift på prosessane. Arbeidsutvalet kan også få som oppgåve å lage agenda for fellesnemnda sine møter. Til å behandle saker som gjeld forholdet mellom den nye kommunen som arbeidsgivar og dei tilsette, kan kommunane opprette eit partssamansett utval, jf. kommunelova 25. Erfaringar frå tidlegare samanslåingar syner at det også har blitt oppretta administrativ styringsgruppe og delprosjektgrupper for å førebu arbeidet med samanslåinga. 3. Planlegging av felles kommunestyremøte Fylkesmannen har gjennomført planleggingsmøte med kommunane Norddal og Stordal den 27. juni Kommunane og Fylkesmannen la i dette møtet til rette for felles kommunestyremøte. 4. Etter felles kommunestyremøte Drøftinga i eit felles kommunestyremøte må føljast opp med vedtak i dei einskilde kommunestyra. Dersom kommunane ynskjer ei rask handsaming kan det haldast kommunestyremøte same dag etter fellesmøtet. Etter drøftinga må det vere fatta vedtak om alle punkta i inndelingslova 25 i dei einskilde kommunestyra. Kommunane sender over vedtaka til Fylkesmannen. Fylkesmannen vil deretter sende alle vedtaka til KMD 4

5 5 5 KMD vil starte arbeidet med dei kongelege resolusjonane etter at dei har motteke kommunestyrevedtaka frå Fylkesmannen. 5. Kongeleg resolusjon Ein kongeleg resolusjon er eit vedtak som er fatta av Kongen i statsråd. Det vil seie eit vedtak fatta i det formelle møtet mellom regjeringa og Kongen på Slottet,og som er leia av Kongen. Dette møtet finn stad kvar fredag kl , dersom ikkje anna tidspunkt er annonsert. Ei frivillig kommunesamanslåing skal etter inndelingslova 5 vedtakast ved kongeleg resolusjon. Dersom partane ikkje er einige om samanslåinga skal saka vedtakast først av Stortinget. Alle kommunesamanslåingane som blir nye kommunar frå 2020, og er ein del av kommunereforma, og blei vedteke i Stortinget 8. juni Kommunane får tilsendt brev om vedtaket i Stortinget frå Kommunal- og moderniseringsdepartementet. Vedtaket om samanslåing blir følgt opp med ein kongeleg resolusjon hausten Den nye kommunen får sitt offisielle namn i kongeleg resolusjon. Evt. unntak frå lov og forskrift vil også kome fram i dette vedtaket.