Utval Møtedato Utvalssak Formannskapet Kommunestyret

Transkript

1 VESTNES KOMMUNE Saksframlegg Arkiv: G21 Arkivsaksnr.: 2013/70 Saksbehandlar: Magne Værholm Dato: Interkommunal legevaktordning Utval Møtedato Utvalssak Formannskapet Kommunestyret Administrasjonssjefen si innstilling 1. Vestnes kommunestyre viser til at vi har ei god legevaktordning i kommunen, og kommunestyret ynskjer primært at ein kunne fortsette å ha eiga legevakt. 2. Kommunestyret ser likevel at utviklinga vert slik at ein må søkje samarbeid med andre kommunar for å dekke framtidig legevakt. 3. Administrasjonssjefen vert bedt om å forhandle fram avtalar med Ørskog kommune og Ålesund kommune om legevaktsamarbeid. Formannskapet får fullmakt til å godkjenne avtalane. 4. Det er ein føresetnad at Vestnes kommune får godkjent å bruke Ålesund sjukehus som akuttsjukehus på kveld og natt. SAKSUTGREIING: Bakgrunn: Det er vedtatt ny fastlegeforskrift frå Endringar i forskrifta kan få konsekvensar for legevaktordninga i Vestnes. Tidlegare kunne legar be seg fritatt vakt etter fylte 60 år. Etter ny ordning er denne grensa flytta til 55 år. Det betyr at mange legar på landsbasis kan fritakast for legevakt. I tillegg kan kvinnelege legar be seg fritatt for legevakt ved svangerskap og amming. Administrasjonsjefen orienterte formannskapet om dette i møte , sak FSK 3/2013. Formannskapet gjorde følgjande vedtak: Vestnes formannskap ber administrasjonssjefen utarbeide alternative legevaktsordningar for innbyggarane i Vestnes kommune. Felles legevaktordning med Molde er ikkje aktuelt no. Saka bli lagt fram til politisk behandling snarast råd.

2 I tillegg ba formannskapet administrasjonssjefen ta kontakt med Rauma kommune for å undersøkje om dei kunne være interessert i å delta i felles legevakt med Vestnes, føresett at legevakta var i Vestnes. Noverande legevaktordning i Vestnes Vestnes har sin eigen legevakt utan samarbeid med andre kommunar. Vakta vert dekka av ein lege. Dersom det er turnuskandidat har anna lege bakvakt på telefon. Vanleg vakt på kvardagar er frå til neste dag. Helgevakt går frå lørdag til mandag I Vestnes har det til vanleg, dei seinare år, vore 8 legar som har delt på legevaktordninga. Ein har då fått 7-8 delt vakt, dvs at legane i snitt har ei vakt pr. veke. Noko hyppigare når nokon av legane har permisjon eller er sjukmeldt. Frå nyttår har eine legen gått ut av legevaktordninga, og det er no 7 delt legevaktordning. Vakthavande lege har vakt aleine utan hjelpepersonell. Det vert frå legehold peikt på at dette kan være ei stor utfordring, og til dels belastning. Enkelte legar har har til tider følt seg utrygge ved å arbeide helt aleine nattetider, det har vore episodar med truslar. Det varierer mykje kor mange pasientar ein har på ei vakt og kor mange utrykningar det er, til vanleg 3 8 pasientar pr kveld og mellom 15 og 30 på ei helgevakt. Ikkje kvar natt det er utrykning, i snitt antyda 1 pr. natt. 2 av legane ved Vestnes legesenter har allereie passert 55 år og den tredje passerer grensa våren 2013, dvs at 3 legar kan be seg fritatt for vaktberedskap. På førespørsel frå administrasjonssjefen har ein fått opplyst at alle 3 vil gå ut av legevakttenesta i løpet av våren. I beste fall kan vi då få 5 delt vakt. Vestnes legesenter innfører time same dag Frå 1. mars 2013 innfører Vestnes Legesenter "time samme dag". Dette vert m.a. gjort for å møte krava i den nye fastlegeforskrifta som vart innført 1. januar i år. "Time samme dag" betyr at dei fleste som tek kontakt med legekontoret innan kl 11:30 får tilbod om time same dagen hos fastlegen sin, dersom han har kontordag, eventuelt så snart legen er tilbake på kontoret. Ved tilstander som ikkje kan vente, dvs. øyeblikkeleg hjelp, får pasienten tilbod om time hos den legen som har "øyeblikkeleg-hjelp-funksjonen" denne dagen. Denne ordninga vil truleg også føre til at det vert mindre pågang på legevakta om kveld. Legane sine synspunkt Ei samla legegruppe ved Vestnes legesenter har gjeve tilbakemelding om at 5 delt vaktberedskap ikkje er haldbart. Dei legane det gjeld peikar på at dette ikkje er aktuelt for dei på sikt. Fleire er småbarnsforeldre. 2 av legane bur i Molde og dei må bu på vakthybel her i Vestnes når dei har vakt. Ei ordning med så få legar som går legevakt er også sårbar ved sjukdom.

3 Framtidig rekrutering Frå legehald vert det også peika på at vaktordning har stor betydning for framtidig rekruttering av legar. Allereie no så merkar vi at det er få eller ingen søkjarar til utlyste stillingar, og vi må delvis bruke innleigde legar gjennom utleigeselskap. Dette vert ei svært dyr ordning for kommunen. Søknaden til allmenpraksis er dalande. Det må også nemnast at det no vert utdanna fleire kvinner enn menn til legeyrket. Det kan og føre til meir fråvær av legar frå vaktberedskap under svangerskap/ammeperiode. Det vert hevda at søkjarar til fastlegestillingar vurderer kva legevaktordning kommunen har. Kommunar som deltek i interkommunale legevaktordningar har ein fordel med at det er mindre vaktbelastning. Kva gjer andre kommunar Molde, Eide, Fræna og Nesset har inngått i felles legevaktordning. Legevakta ligg like ved Molde sjukehus. Rauma har fortsatt eiga legevakt og har gitt signal om at det ynskjer ein å fortsette med, i alle fall så lenge ein er avhengig av å bruke ferge for å komme til Molde. Administrasjonssjefen har teke kontakt med Rauma kommune og førespurt om evt. felles legevaktordning med sentral i Vestnes. Rauma var ikkje interessert i det. Haram kommune, her har vi fått opplyst at dei har inngått samarbeid med Ålesund frå og er knytta til legevakta der mellom kl og og i helg. Ørskog, Skodje og Stordal har felles legevaktsentral på Sjøholt. Denne er bemanna med helsesekretær og ein lege frå dei aktuelle kommunar. Her er bemanna fram til kl på kvardagar og på dagtid i helg. På natt har dei avtale med Ålesund og får dekka legevakt der. Mogelege framtidige legevaktordningar I utgangspunkt kan vi vel tenke oss at det er 2 mogelege måtar å organisere framtidig legevakt i Vestnes på: Fortsette med eiga legevaktordning slik som i dag Vi har i dag ei god legevaktordning i kommunen, for innbyggjarane vil eg tru at det beste ville være å kunne fortsette med dagens ordning. For evt. å få til dette må kan følgjande alternativ være aktuelle Gje stimuleringstiltak slik at ein får legane som er over 55 år til å gå legevakt lenger, aktuelle tiltak kan t.d. være økonomiske fordelar, permisjonar med løn, ekstra ferie. Etter det vi har fått opplyst er det slike ordningar Rauma kommune har gått inn på for å kunne fortsatt ha eiga legevaktordning. Det vert gjeve kr 300,- ekstra godgjersle pr. vakttime på kveld/natt, kr 3.000,- pr døgn. Går ein inn på slik ordning må ein nok gje same godtgjersle til alle legane og det vert ein ekstrakostnad på ca. 1,0 mill. kr pr. år. Administrasjonssjefen har fått tilbakemelding frå legane at dei ikkje er interessert i å delta i slik ordning og då er det nok ikkje aktuelt.

4 Tilsette fleire legar, vi har ikkje ledig pasientliste å tilby. Alternativet er å tilsette ein lege/eller leige inn vikarlegar som som berre skal gå legevakt på kveld/natt. Det kan bli vanskeleg å rekruttere legar til dette, og truleg vert det mykje skifte av legar. Uansett må kommunen betale mykje for dette. Erfaring frå siste innleige vi har hatt tilseier at det kan bli ein ekstrakostnad på opp mot 1,0 mill. kr. Og kor framtidsretta og levekraftig ei slik ordning vil være er administrasjonssjefen usikker på. Inngå i eit interkommunalt legevaktsamarbeid Dersom vi ikkje kan fortsette med den vaktordninga vi har i dag, ser administrasjonssjefen at det mest naturlege er å søkje å inngå i eit interkommunalt vaktsamarbeid med ein eller fleire nabokommunar. Vår kommuneoverlege Jan H. Fjellheim, og legegruppa elles, er klar på at beste løysinga er å inngå eit samarbeid med Sjøholt/Ålesund. Molde vert altfor tungvindt, legevakten ligg like ved sjukehuset. Skal vi bruke den vert ein avhengig av ferge/bil og spesielt om natt/helg kan det gå lang tid mellom kvar fergeavgang. Formannskapet såg eit legevaktsamarbeid med Molde som uaktuelt, av praktiske grunnar. Og Rauma er ikkje interessert i å delta når vaktsentralen skal ligge på Vestnes. Samarbeid med Ørskog og Ålesund Kommuneoverlege Fjellheim har hatt kontakt med Ørskog/Ålesund og vi vil få knytte oss til deira vaktordning. Då må vi bruke Sjøholt på kveld, fram til kl 22.00, og Ålesund på natt. Vi kan då også sei opp avtalen om levevaktformidling vi har med Helse Møre og Romsdal HF, Molde. Denne kostar oss rundt kr ,- pr. år. Dersom ein vel å gå inn i eit interkommunalt samarbeid, uansett kva kommune ein vil samarbeide med, må legane frå Vestnes delta og ta vakter på kveld/natt og helg, men antall akter vert mindre enn i dag. Kostnad Legevaktordninga på kveld/natt i dag kostar kommunen om lag 1,0 1,1 mill. kr, i tillegg kr ,- til legevaktformidling. Ved å knytte oss til interkommunalt vaktsamarbeid må vi nok rekne med å betale noko meir enn dette. Men ein vil spare kostnaden med legevaktformidling frå Molde slik at totalkostnaden kanskje vert om lag det same som i dag. Ein vil ikkje gå nærare inn på dette no då forhandlingar om økonomiske vilkår ikkje vert gjort før kommunestyret har gjort sitt vedtak

5 Akuttsjukehus Vert det valt eit samarbeid sørover mot Ørskog og Ålesund må ein også søkje Møre og Romsdal Helseforetak om å få bruke Ålesund sjukehus som akuttsjukehus på kveld/natt når. På dagtid kan ein fortsette å bruke Molde sjukehus som tidlegare. Saksbehandlar har vore i kontakt med administrerande direktør i Helse Møre og Romsdal og fått signal om at dei har som mål å etterkomme kommunane sine ynskjer så langt det er råd. Administrasjonen vil sende søknad om dette. Ambulanse Dersom ein inngår eit interkommunalt legevaktsamarbeid vert det langt viktigare at ambulanse er er tilgjengeleg i kommunen på kveld/natt og ikkje brukt til andre overflyttingsoppdrag. I alle fall at det er ambulanse tilstades enten i Vestnes eller Ørskog. I mange tilfelle kan ambulanse, og det personale som bemanner den, utføre nødvendig akutt hjelp og avhjelpe at det ikkje er bemanna legevakt i kommunen. Administrasjonssjefens framlegg I utgangspunktet ynskjer administrasjonssjefen at vi kan fortsette med å ha eiga legevakt heile døgnet i Vestnes kommune. Dette er ei ordning som, etter administrasjonssjefens vurdering, har fungert godt og som innbyggjarane i kommunen også er særs godt nøgd med. Legevakt i lag med andre kommunar kan føre til lengre reise for innbyggjarane for å komme til legevakten og vil truleg opplevast som eit dårlegare tilbod enn det vi har i dag. Administrasjonssjefen vurderer likevel at det vert ei dyr ordning for kommunen å ha eiga legevakt, og kanskje også vanskeleg å få det til å fungere i praksis. Utviklinga elles i Norge er at kommunane går saman i felles legevaktsamarbeid, dette er nok også ei ordning som er ynskja frå sentralt hald. Administrasjonssjefen rår difor til at ein går inn i eit samarbeid med Ørskog kommune og Ålesund kommune om legevakt på kveld og natt. Eit slikt legevaktsamarbeid vil gje mindre vaktbelastning på legane og truleg gjere det lettare å rekruttere og holde på legane i kommunen. Særutskrift til: Vedlegg: 1 Framtidig legevaktordning - Eventuelt samarbeid mellom Rauma kommune og Vestnes kommune