STRANDA KOMMUNE SAKSPAPIR SAKSGANG Styre, råd, utval Møtedato Saknr FORMANNSKAPET 17.12.2007 164/07 FAST UTVAL FOR PLANSAKER 18.06.2009 050/09 KOMMUNESTYRET 24.06.2009 071/09 FAST UTVAL FOR PLANSAKER 12.11.2009 098/09 Saksansvarleg: Rådmann Ann Kristin Langeland Saksbehandlar: Astrid Eide Stavseng Arkiv: K2-L12 Arkivsaknr 07/1527 REGULERINGSPLAN MØLL RÅDMANNEN SI TILRÅDING TIL PLA 18.06.09: 1. Stranda kommune startar arbeidet med reguleringsplan for Møll med ytre avgrensing som vist på kart datert 04.06.2009. 2. Vedtaket er gjort i medhald av PBL 27-1.1. 18.06.2009 FAST UTVAL FOR PLANSAKER PLA-050/09 Tilråding til kommunestyret samrøystes: 1. Stranda kommune startar arbeidet med reguleringsplan for Møll med ytre avgrensing som vist på kart datert 04.06.2009. 2. Vedtaket er gjort i medhald av PBL 27-1.1. 24.06.2009 KOMMUNESTYRET KOM-071/09 Vedtak samrøystes : 1. Stranda kommune startar arbeidet med reguleringsplan for Møll med ytre avgrensing som vist på kart datert 04.06.2009. 2. Vedtaket er gjort i medhald av PBL 27-1.1. SAKSUTGREIING Bakgrunn for saka
Møllstunet med tilgrensande område er i arealdelen til kommunedelplan for Geiranger av 17.12.03 bandlagt etter Plan- og bygningslova (PBL) 20-4, 1. ledd nr.4, og i tillegg etter Lov om kulturminne. I føresegnene til kommunedelplanen står følgjande: På bakgrunn av området sine høge kulturkvalitetar, skal det i løpet av planperioden utarbeidast reguleringsplan som kan ivareta ei forvaltning av området som knyter etablerte verdiar saman med framtidig trong for rehabilitering, nybygg og vedlikehald. I tida frå arealet vart bandlagt i 2003, er det starta ein fredingsprosess knytt til bebudde og ubebudde bygningar og kringliggande område på Møll. Det har i tillegg vorte utført omfattande restaureringsprosjekt knytt til bygningar og murar i Møllstunet. Bioforsk har også på vegne av Møre og Romsdal fylke utarbeidd ein skjøtselsplan som femner om nedre del av Møllsbygda og heilt til sjøs, i tillegg til Møllsætra. Reguleringsplanen vil i stor grad innlemme og femne om den pågåande fredingsprosessen og tilrådingane til skjøtselstiltak i skjøtselsplanen frå Bioforsk. Saksopplysningar Møllstunet med tilgrensande område inneheld bygningar og kulturmiljø som er rekna for å ha høg kulturhistorisk verdi. Fylkeskonservatoren skriv i samband med varsel om oppstart av fredingssaka, i brev datert 06.12.07, at Møllstunet er eitt av få bevarte klyngetun i Møre og Romsdal, med 11 godt bevarte eldre bygningar av ulik alder og funksjon. I nærområdet er det også andre kulturminne og kulturminnespor som gjerde, rydningsrøyser, bakkemurar og steingjerde. Tuntypen, stort mangfald i bygningsmiljø, samt dei andre vernekvalitetane i det tilhøyrande kulturlandskapet, gjer at anlegget er unikt i Møre og Romsdal. Framlegg om freding etter Kulturminnelova 15 (bygningsfreding) og etter 19 (områdefreding) omfattar gnr. 112, bnr. 1, 2 og 3. Sjå vedlagt brev frå Møre og Romsdal fylke med kartomriss som syner framlegg til freding. Når eit område er bandlagt med tanke på vidare planlegging etter PBL, eller skal sikrast etter anna lovverk, gir dette eit mellombels vern og har rettsverknad i berre 4 år frå planen er vedteken i kommunestyret, jf. PBL 20-6, 2. ledd. I rundskriv T-6/96, punkt 2, står det at mynde til å forlenge verknaden av bandlagde område i kommuneplanens arealdel vert overført til Fylkesmannen. Søknad om forlenging av bandlegginga skal vere fatta av kommunen sine politiske organ, og må vere sendt før fire-årsfristen går ut. Det vart i sak FOR 164/07 gjort vedtak om å søke forlenging av bandleggingsperioden. Ei forlenging kan gjevast for inntil to år, og i brev av 27.02.08 har Fylkesmannen innvilga denne søknaden. Dermed vart bandlegginga gjeldande for to nye år, til 17.12.09. Fristen kan ikkje forlengast yttarlegare. For kommunen var det vesentleg å inneha meir konkret informasjon om fredingssaka og prosess knytt til denne, før oppstart av reguleringsplanen for Møll. 13.05.09 var det møte mellom repr. frå kommunen, kulturavd., landbruksavd. og areal- og miljøavd. i Møre og Romsdal fylke. Føremålet med møtet var gjensidig orientering og informasjon knytt til verneprosess, føreslegne skjøtselstiltak og omfanget av desse, og drøfte avgrensing av reguleringsplanen. Sjå vedlagt møtereferat. Den fysiske avgrensinga av fredingssaka etter Lov om kulturminne er identisk med arealet som er bandlagt i kommunedelplanen, jf. kartomriss. Skjøtselsplanen og føreslegne skjøtselstiltak femner som nemnt om kulturlandskapet i nedre del av Møllsbygda. Skjøtselsplanen deler området inn i
mindre delområde, basert på kulturlandskapsverdiar og føreslegne prioriteringar opp mot skjøtselstiltak. På møtet 13.05. var det semje om at planområdet ved kunngjering om oppstart skulle omfatte skjøtselsområda med nemning A1, A2, B1 og B2, altså eit større areal enn det bandlagte området. Reguleringsplanen vil vere ein god reiskap for å sikre at skjøtselsarbeidet vert utført slik det er ønskjeleg og vil kunne motverke at det kjem inn nye tiltak som vil redusere kulturlandskapsverdiane i området. Vurdering Ansvaret for utarbeiding av reguleringsplan ligg til kommunen som planmyndigheit. Bandleggingsperioden for Møll går ut 13.12.09, og reguleringsplanen vil måtte ha relativt rask framdrift. Det er ikkje krav til at planen skal vere eigengodkjend innan fristen, men det heiter seg at planarbeidet må vere godt i gong. Reguleringsplanen vil gå etter ny planlov (av 1. juli 2009), men vil ikkje utløyse krav til konsekvensutgreiing. Med omsyn til å best mogleg kunne følgje opp dei interessene og målsettingane reguleringsplanen har, vart det bestemt at det skulle setjast ned ei arbeidsgruppe for det vidare arbeidet, beståande av planleggar og evt. ein person til frå administrasjonen, samt repr. frå dei avdelingane ved MR fylke som deltok på møtet. Dette for å sikre både framdrift og å kunne ivareta både verneprosessen og tilrådingane i skjøtselsplanen. Administrasjonen tilrår med dette oppstart av reguleringsplan for Møll i Geiranger. Vedlegg i saka: Dok.dato Tittel Dok.ID 05.06.2009 PLANOMRISS OPPSTART JUNI 09 86363 05.06.2009 SKJØTSELSPLAN MØLL - UTDRAG 86364 05.06.2009 INFO OM VERNEPROSESS MRFYLKE 86365 29.05.2009 REFERAT FRÅ MØTE OM PLANARBEID FOR 86006 KULTURLANDSKAPET PÅ MØLL GBN 112 I GEIRANGER 28.02.2008 MØLL - SØKNAD OM FORLENGING AV 69488 BANDLEGGINGSPERIODEN 05.06.2009 K-DELPLAN UTSNITT 86366 05.06.2009 FREDING - SITUASJONSPLAN 86367 Aktuelle lover, forskrifter, avtaler m.m. Plan- og bygningslova Lov om kulturminner NYE OPPLYSNINGAR I SAKA RÅDMANNEN SI TILRÅDING TIL PLA 12.11.09: 1. Reguleringsplan for Møll datert 28.10.09, med planomtale/føresegner datert 25.08.09, vert lagt ut til offentleg ettersyn i tida 16.11. 28.12.09. 2. Vedtaket er gjort i medhald av PBL 12-10.
12.11.2009 FAST UTVAL FOR PLANSAKER PLA-098/09 Vedtak samrøystes: 1. Reguleringsplan for Møll datert 28.10.09, med planomtale/føresegner datert 25.08.09, vert lagt ut til offentleg ettersyn i tida 16.11. 28.12.09. 2. Vedtaket er gjort i medhald av PBL 12-10. Saksutgreiing: Reguleringsplan for Møll vart vedteken oppstarta i kommunestyret 24.06.09. Dette vart kunngjort, med frist til 15.08.09 for å kome med innspel/merknader til oppstartmeldinga. Ein har motteke 5 innspel/merknader til det vidare planarbeidet. Hovudtrekka i desse vert referert under: Merknad nr. 1, dok. 14 Marit Møll Marit Møll er eigar av Botolvtunet på Møll, gbnr. 112/2. Møll viser til at det i juni 08 vart sendt ein søknad til Fylkesmannen om dispensasjon frå fredinga som er under handsaming. Dispensasjonen omfatta fornying av tilbygg til stovebygning, samt moglegheit for installasjon av septiktank med avløp i filtreringsgrøft. Møll har per dato ikkje sendt søknad om dette til kommunen, men i samband med reguleringsplan vil ho varsle om at dette vil kome. Legg ved brev frå Fylkeskonservator der det vert antyda at arbeidet ikkje skal verte hindra frå deira side. Målet med fornying av eksisterande tilbygg er å få til bad/vaskerom, samt skikkeleg avløp for vannklosett. Septiktank er tenkt montert mellom eiga løe og Leif Møll si løe, og filtreringsgrøft vidare ned og bortover bøen (kart vedlagt). Dette til orientering. Merknad nr. 2, dok. 15 Møre og Romsdal fylke Møre og Romsdal fylke har ut frå sine ansvarsområde følgjande merknader: Landbruk Omsynet til bevaring av dei særs høge kulturlandskapsverdiane må sjølvsagt ligge som eit overordna premiss for reguleringsplanen. Etter deira syn er det lagt opp til ein god planprosess for å legge til rette for dette. Samfunnstryggleik MR fylke minner om plan- og bygningslova sin 4-3 som slår fast at det må gjennomførast ei risiko- og sårbarheitsanalyse for planområdet. Analysen skal vise alle ririko- og sårbarheitsforhold som har betydning for om arealet er eigna til utbyggingsføremål, og ev. endringar i slike forhold som følgje av planlagd utbygging. Område med fare, risiko eller sårbarheit avmerkast i kartet med hensynssone, jf. PBL 12-6. Viser til Fylkesmannen si sjekkliste som eit føremålsteneleg verktøy for ROS-analyse i planar av denne storleiken. Merknad nr. 3, dok. 16 Barn og unges representant Ståle Thunem Barn og unges representant har ingen merknader til oppstart av planarbeidet. Merknad nr. 4, dok. 18 Statens vegvesen Region Midt
SVV viser til varsel om melding om oppstart av reguleringsplan. Reguleringsplanen vil omfatte deler av Ørnevegen. Dette er ei spesiell vegstrekning som også har kulturhistorisk interesse, og SVV ser dermed ingen konflikt mellom omsynet til vegen og formålet med reguleringsplanen. Utover dette har ikkje SVV merknader i denne fasen av planarbeidet. Merknad nr. 5, dok. 19 Rådet for funksjonshemma Rådet for funksjonshemma viser til samrøystes vedtak i sak FUN 019/09 den 08.09.09: 1. Rådet har ingen merknad til oppstart av reguleringsplan for Møll. 2. Utbygging som vedkjem dei funksjonshemma må vere universelt utforma. 3. Når detaljplan for området ligg føre, må forslag til plan sendast over til rådet for behandling. Vurdering: Innkomne innspel/merknader til planen vert vurdert under: Merknad nr. 1, dok. 14 Marit Møll Møll er eigar av Botolvtunet, gbnr. 112/2. Møll viser til at det i juni 08 vart sendt ein søknad til Fylkesmannen om dispensasjon frå fredinga, vedkomande fornying av tilbygg til stovebygning, samt moglegheit for installasjon av septiktank med avløp i filtreringsgrøft. Dette til orientering. Merknad nr. 2, dok. 15 Møre og Romsdal fylke Landbruk MR fylke viser til at omsyn til bevaring av dei særs høge kulturlandskapsverdiane må ligge som eit overordna premiss for reguleringsplanen, og at planprosessen legg til rette for dette. Samfunnstryggleik Fylket minner om at det må utarbeidast ei ROS-analyse, jf. PBL 4-3, og at område med fare, risiko eller sårbarheit må avmerkast som hensynssone i kartet, jf. PBL 12-6. ROS-analyse er innlemma i planomtalen som ligg ved reguleringsplanen. Merknad vert teken til vitande når det gjeld landbruk. Merknad vert teken til følgje når det gjeld ROS-analyse. Merknad nr. 3, dok. 16 Barn og unges representant Ståle Thunem Barn og unges representant har ingen merknader til oppstart av planarbeidet. Merknad nr. 4, dok. 18 Statens vegvesen Region Midt SVV viser til at dette er ei spesiell vegstrekning med kulturhistorisk interesse, og ser ingen konflikt mellom omsyn til vegen og føremålet med reguleringsplanen. Merknad nr. 5, dok. 19 - Rådet for funksjonshemma
Rådet for funksjonshemma har ikkje merknad til oppstart av reguleringsplan for Møll. Utbygging som vedkjem dei funksjonshemma må vere universelt utforma, og forslag til må plan sendast over til rådet for behandling. Når det gjeld universell utforming, vil dette vere område som er av privat karakter. Dersom det er snakk om etablering av eksempelvis museumsdrift eller anna verksemd, vil dette temaet aktualiserast. Samla vurdering/kommentar: Reguleringsplanen har i stor grad fanga opp innspela som kom til oppstartmeldinga. Representantar frå plan og oppmåling var saman med fylkesantikvar Christ-Allan Sylthe på Møll 11.09.09. Det var samtalar med grunneigar Marit Møll og Leiv Møll. Det var også synfaring og kulturminneregistreringar i planområdet saman med Leiv Møll. Kulturminneregistreringane er lagt til som informasjon i plankartet. Med ny planlov iverksett frå 01.09.09 skal det i langt større grad enn tidlegare nyttast hensynssoner i tillegg til reguleringsformål. For heile planområdet er det lagt inn hensynssone for bevaring av kulturmiljø. I tillegg er det på det bandlagde området lagt inn hensynssone i påvente av freding etter kulturminnelova. Reguleringsplanen er utarbeidd i nært samarbeid med representantar frå ulike avdelingar ved Møre og Romsdal fylke. Pågåande fredingsprosess for deler av arealet og innspel/tilrådingar gjennom skjøtselsplanen er innlemma eller vist til gjennom reguleringsføresegnene. Møre og Romsdal fylke står hovudsakleg forutarbeidinga av omtale og føresegner knytt til fredingssaka og ivaretaking av skjøtselsdelen. Kommunen er lovd ei tilbakemelding på desse punkta til møtet i planutvalet 12.11.09. Administrasjonen rår med dette til at reguleringsplan for Møll vert fremja for offentleg ettersyn. Bearbeidd plankart og planomtale med føresegner vert lagt fram på møtet, jf. tilbakemeldigar frå fylket. Vedlegg: Dok.dato Tittel Dok.ID 12.08.2009 MERKNAD - REGULERINGSPLAN MØLL 88672 15.09.2009 KART 88673 13.08.2009 MERKNAD - REGULERINGSPLAN GNR. 112 - MØLL I 88722 GEIRANGER - FRÅSEGN TIL MELDING OM OPPSTART 14.08.2009 MERKNAD TIL REGULERINGSPLAN MØLL 88751 18.08.2009 MERKNAD - REGULERINGSPLAN MØLL - MELDING 88839 OM OPPSTART 14.09.2009 UTTALE FRÅ RÅDET FOR FUNKSJONSHEMMA 89847 05.11.2009 PLANOMTALE MØLL 91798 05.11.2009 REGULERINGSPLAN MØLL 041109 91799 03.11.2009 SJEKKLISTE ROS 91687 03.11.2009 VURDERING AV RISIKO OG SÅRBARHEIT OMR 91688
MØLLSBYGDA