Jondal kommune Sakspapir SAKSGANG Utval Møtedato Saksnr. i utval Hovudutval for Teknisk og Næring 26.11.2013 062/13 Kommunestyret 11.12.2013 047/13 Saksbeh: Sigbjørn Haugen Saka blir avgjort av: Kommunestyret Arkiv: GBNR-32/7 +8, N-521 Arkivsaknr. 10/644 2. gongs handsaming Reguleringsplan Fv550 Jondal ferjeleie Dokument i saka: Dok.nr. T Dok.dato Namn Tittel 9 S 11.02.2011 Oppstart av reguleringsplan Fv 107 Jondal - Sætveithagen og ny oppstillingsplass ved Jondal ferjekai. 33 S 25.10.2012 Reguleringsplanframlegg for Jondal ferjekai - 1. gongs handsaming 34 I 14.11.2012 Advokatane Kvåle og Skeie Ans Merknader til reguleringsframlegget til Jondal sentrum - utviding av Jondal ferjekai 35 I 02.05.2013 Statens vegvesen Region vest Reguleringsplan for Fv 550 - Jondal ferjeleie. PlanID : 12272011.001 37 U 04.06.2013 Statens vegvesen Reguleringsplanframlegg for Jondal ferjekai - Vedtak om utlegging til offentleg ettersyn 39 I 13.06.2013 Advokatfirmaet Thommessen AS Innspel til Forslag reguleringsplan Jondal ferjeleie- Planid 12272011.001. 38 I 18.06.2013 Statens vegvesen Revidert Reguleringsplan og plankart 41 U 10.07.2013 Hordaland folkeblad Annonse 40 U 11.07.2013 Fleire mottakarar. Informasjonsbrev - offentleg ettersyn 42 I 17.07.2013 Fylkesmannen i Spørsmål om vedlegg. Hordaland 43 U 18.07.2013 Fylkesmannen i Oversending av vedlegg per e-post. Hordaland 45 I 13.08.2013 John Arvid Underhaug Merknad til reguleringsplan for Jondal ferjeleie. 44 I 13.08.2013 Fylkesmannen i Uttale- ingen merknader til planforslag.
Hordaland 46 I 23.08.2013 Kystverket Vest Fråsegn. 47 I 03.09.2013 Beate og Birger Johnson; Torbjørg Johnson; Uttale vedkomande reguleringsplan for Fv 550, Jondal ferjeleie. Trygve Johnson 48 I 08.09.2013 Jondal bygdelag Merknad til planframlegg til reguleringsplan. 49 I 10.09.2013 Bjarte Sollesnes m/fl Merknad til framlegg tl reguleringsplan for FV.550 Jondal ferjeleie i Jondal (gbnr 30/153) 54 I 10.09.2013 Hordaland fylkeskommune regionalavd Fråsegn - off. ettersyn - reguleringsplan for Fv 550 Jondal ferjeleie - Jondal kommune 52 I 12.09.2013 Ingunn Valvatne Framlegg til reguleringsplan for Fv. 550 Jondal ferjeleie i Jondal 51 I 12.09.2013 NVE Ingen merknad til reguleringsplan. 50 I 13.09.2013 Meieriet i Jondal AS v/ Innspel til reguleringsplan. Laila Bergsagel 55 U 25.09.2013 Statens vegvesen Region vest Vedlagt fylgjer innkomne høyringsuttalar til Framlegg til reguleringsplan for Jondal ferjeleie Fv 550 56 I 24.10.2013 Statens vegvesen Notat - merknad er etter off.ettersyn. Aktuelle lover, forskrifter, avtalar m.m.: Plan- og bygningslova 12-12 Kommuneplan for Jondal kommune, vedteken i Jondal kommunestyre 19.12.2012. Reguleringsplan for Jondal, 1995. Reguleringsplan for Jondal båthamn 2007. Saksopplysningar: Hovudutval for Teknisk og Næring vedtok i møte 28.05.2013, sak HTN 029/13 at framlegg til reguleringsplan for Fv 550 Jondal ferjeleie skulle leggjast ut til offentleg ettersyn. Planframlegget inneber ei utviding av eksisterande oppstillingsplass mot nord ved at bankbygget vert rive. Vidare er det planlagt ny køyrebru og lenging av kaien med 30 meter til 60 meter. Etter utvidinga vil oppstillingsplassen få ein kapasitet på 86 personbilar.
Planområdet Saka var til høyring og offentleg ettersyn i tidsrommet 10.07.2013 13.09.2013. Det kom inn innspel frå: Fylkesmannen i Hordaland Kystverket vest Hordaland fylkeskommune, Regionavdelinga NVE Advokatfirma Thommessen på vegne av Eide Bygg as (Spar Jondal) John Arvid Underhaug Birger Johnsen, Torbjørg Johnsen, Beate Johnsen og Trygve Johnsen Bjarte Sollesnes mfl Jondal Bygdelag Ingunn Valvatne Meieriet i Jondal as Innspela er oppsummert og kommentert av Statens vegvesen i notat til Jondal kommune dagsett 25.10.2013. Rådmannen har innarbeidd sine kommentarar i notatet.
1. Oppsummering av innspel. Av dei offentlege instansane er det berre Hordaland fylkeskommune som har vesentlege merknader til planframlegget. Planframlegget vil verta oppretta i samsvar med merknadene. Av private innspel er truleg forholdet til Sparbutikken og parkering det innspelet som har størst betydning for denne reguleringsplanen. Elles i merknadane dreier dette seg hovudsakeleg om trafikkstøy, trafikkavikling og forlenging av kai for å få inn større ferjer med dei ulempene det kan føra med seg. Fleire grunneigarar er skeptisk korleis det nye ferjeleiet vil passa inn i den vesle bygda og kva negative konsekvensar dette kan få. 2. Offentlege instansar. 2.1 Fylkesmannen i Hordaland, Syner til brev av 10.07.2013 frå fylkesmannen og har ikkje vesentlege merknader til planframlegget. Kommentar SVV: Ingen merknad. Ingen merknad. 2.2 Kystverket vest. Kystverket vest har ikkje særskilde merknader til planframlegget, men minner om at lenging av kai krev løyve etter hamne og farvasslova. Kommunen er hamnemynde. Ingen merknader. Ingen merknad. 2.3 Hordaland fylkeskommune, Regionalavdelinga. Viser til at planområdet er vesentleg endra og som fører til eit mindre inngrep i sentrumsområdet. Stadutvikling: Ber om at fortog o_g ved oppstillingsplassen vert utvida med 0,5 meter med tanke på plass og tryggleik for fotgjengarane.
Samferdsel: Er oppteken av at ekspressbussen mellom Bergen og Odda får tilfredsstillande haldeplassar og at det det ikkje vert kø-problematikk som hindrar kollektivtrafikken på dagar med utfart.. Kulturminne og kulturmiljø: Saka har vore til vurdering ved Bergens Sjøfartsmuseum og dei kjenner ikkje til at det er kulturminne som vert direkte råka av det omsøkte tiltaket og har derfor ikkje merknader til planframlegget. Det kan likevel vera uregistrerte kulturminne i området. Dersom det i samband med arbeid i sjøområda kjem fram skipsvrak eller andre funn (maritime kulturminne), må arbeidet under vatn straks stoppast og Hordaland fylkeskommune må få melding for ei nærare gransking på staden, jf. Kulturminnelova 8, 2. ledd. Kommentar SVV: Ein er samd i at fortog o_g ved oppstillingsplassen vert utvida med 0,5 meter og at plankartet her vert endra. Når det gjeld haldeplassar og køyremønster for kollektivtrafikken, er dette teke omsyn til i planen og samsvarar med tidlegare framlagde ynskje. Gangfelt skal ikkje vera med i reguleringsplan, men vert vurdert når utomhusplanen vert utarbeidd. Merknaden om kulturminne er registrert. Sluttar seg til kommentar frå SVV. Fortau mot aust skal utvidast med 0,5 meter. 2.4 NVE. NVE har ikkje merknader til planframlegget. Ingen merknader. Ingen merknad. 3. Private merknader. 3.1 Advokatfirmaet Thommessen AS Representerer Olav Eide, Eide Bygg AS (Spar Jondal). Ynskjer at to alternative løysingar burde vore vurdert i planen. 1. Sparbutikken burde vore innlemma i reguleringsplanen med mogeleg utviding av butikken i breidda ved å fylla ut langs kaien. Då ville ein også oppnå at betre parkeringstilhøve. 2. Innløysa butikken og parkeringsareal mot nytt areal over vegen der e-verket står og bakover. Arealet må vera i omfang slik at både nytt butikkbygg og parkeringsareal vert ivareteke etter dagens behov og krav. Lasselunden vert framleis areal for sal av drivstoff. Er elles oppteken av reduksjon i parkeringsareal ved at dette og Lasselunden er med i reguleringsplanen, men ikkje sjølve butikken.
Reguleringsplanen har som hovudmål å utvida Jondal ferjeleie med forlenging av ferjekaien, ombygging til standard ferjebru og utviding av oppstillingsplassen ved ferjekaien. Dette oppnår ein ved å fjerna bankbygget og ein såg det då ikkje naudsynt å ta med Spar Jondal i reguleringsplanframlegget. Planframlegget tek i hovudsak for seg trafikksituasjonen og ikkje anna næringsareal. I dei løysingane som kjem fram i merknaden til planen, er det mest naturleg å vurdera dette i ein eigen plan. Ein ser i planen at det vert redusert tal på parkeringsplassar framfor butikken. Dette er for å få betre tilkomst og opphaldsareal framfor inngangen til butikken og haldeplassen til ekspressbussen. Vi ser ikkje bort i frå, at det under utarbeiding av utomhusplanen kan vera mogeleg å justera planen slik at det kan verta plass til fleire parkeringsplassar. Sluttar seg til kommentar frå SVV, men planen må endrast slik at parkeringsplassane framfor Spar butikken på gnr 30 bnr 188 og 228 i størst mogleg grad kan oppretthaldast. Ved å skilta einvegskøyring mot nord og etablera fortau/busstopp for ekspressbuss, kan ikkje trafikk frå ferja ta snarvegen framfor Sparbutikken mot sør. Skisse, endring av parkering (gnr 30, bnr 188 og 228) og busstopp ved Spar butikken 3.2 John Arvid Underhaug I merknaden vert det føreslått at ferjekaien bør flyttast ut av Jondal sentrum. Dette er mellom anna grunna i at sentrum vert øydelagt av mellom anna støy, eksos, støv og fare med godstransporten. Statens vegvesen har merka seg innspelet i høve forureining m.m. Her viser ein til vurderingane som er utført og beskrive i ROS analysen. Viser til kommentar frå SVV.
3.3 Birger Johnson, Torbjørg Johnson, Beate Johnson, Trygve Johnson Er oppteken av at ferjekaien skal forlengjast og er sterkt imot om dette vert utført i armert betong. Vika innanfor vert nytta til småbåthamn for 7-8 båtar. Er uroa for at større ferjer vert nytta som fører til at kraftigare motorar gjer at grunnforholda vert endre og undergraver grunnen under murar, bryggjer og sjøhus. Ferjekaien er forlenga til 60 meter effektiv kailengde slik at sambandet kan trafikkerast med større ferjer når trafikkbelastninga gjer dette naudsynt. I tillegg er det og avsett plass til ny standard ferjebru (9x12 meter). Det er ikkje teke stilling til konstruksjonsmetode etter utforming av forlenginga av ferjekaien. Dette vil vera ein del av byggeplanlegginga. Viser til kommentar frå SVV. Jondal kommune skal godkjenne planane for lenging av ferjekaien etter hamne og farvasslova. Det vil i den samanheng vere naturleg at kommunen ber om ei vurdering av verknadene tiltaket kan få for naboeigedomane. 3.4 Bjarte Sollesnes Merknaden er skrive på vegne av grunneigarane Bjarte Sollesnes, Torunn Sollesnes, Kari Sollesnes og Kjell Olav Sollesnes, gnr. 30 bnr. 153. Eigedomen har rett til avkøyrsle via oppstillingsplassen og denne retten krev dei vert oppretthalde i den nye reguleringsplanen og at det vert etablert innkøyrsel med port til eigedomen. På grunn av torg, servicebygg og parkeringsplass vert det auka støybelastning på eigedomen og krev støyskjerming og skjerming for å hindra innsyn. Dei har eit sjøhus på eigedomen. Sjøhuset sig grunna utvasking av grunnen der den dominerande årsaka etter deira meining er straum forårsaka av ferjetrafikken. Auka ferjetrafikk vil forverra situasjonen for sjøhuset. Vidare peikar dei på eit kulturminne (fortøyningspåle) som var nytta til fortøyning av seglskuter. Denne vil ikkje kunne nyttast om kaien vert forlenga. Kommentar SVV: Avkøyrsle til eigedomen er ikkje vist på reguleringsplankartet. Eigedomen vil få avkøyrsle frå oppstillingsplassen og dette vert retta opp i plankartet. Støyberekning er ein del av reguleringsplanarbeidet og er utført. Det viser seg at eigedomen ikkje vil få støybelastning over grenseverdiane som utløyser krav om støyskjerming etter gjeldande forskrifter. Eventuelle tiltak på sjøhuset må takast samstundes med utbygginga av ferjeleiet og vert planlagt som del av byggeplanlegginga.
Viser til kommentar frå SVV. Jondal kommune skal godkjenne planane for lenging av ferjekaien etter hamne og farvasslova. Det vil i den samanheng vere naturleg at kommunen ber om ei vurdering av verknadene tiltaket kan få for naboeigedomane. 3.5 Jondal bygdelag Meiner at dette er det dårlegaste framlegget som er presentert. Dei meiner at det er dårleg sikt i krysset ut frå ferja, det må koma gangfelt frå fortoget mot Lasselunden, god merking i vegbana, einvegskøyring framføre Sparbutikken. Dei lurer på trafikkmønsteret dei dagane oppstillingsplassane er full og ynskjer fleire parkeringsplassar for pendlarar. Me kan vera samde i at denne planen ikkje er optimal med det vi kunne yngst, men det er ikkje meir areal til å utforma ei betre løysing for alle partar. Når det gjeld sikt vil ein få dette tilfredsstillande ved at det ikkje vert biloppstilling nær krysset (biloppstillinga vert trekt tilbake). Gangfelt og oppmerking vert vurdert i opparbeidingsplanen. Det vert ein-vegskøyring framfor Sparbutikken. Sluttar seg til kommentar frå SVV. 3.6 Ingunn Valvatne Generell kommaetar om at Jondal sentrum vert eit reint trafikknutepunkt med auka tungtransport i sentrum, herunder også farleg gods. Er elles oppteken av at hennar eigedomsverdi vert forringa som følgje av at oppstillingsplassen kjem så nær hennar eigedom og krev at det vert oppsett støyskjerm mot eigedomen. Er også oppteken av at større ferje gjer at bryggja er byrja å rasa ut. Støyberekning er ein del av reguleringsplanarbeidet og vart utført. Berekninga viser at denne bustaden med støyfølsomt bruksføremål vil få ein merkbar endring i støysituasjonen. Dette på grunn av riving av bankbygninga på eiendom 30/189 og flytting av innkøysel som medfører ein auke i høgaste berekna lydnivå L den ved fasaden på 4 db, fra 51 db til 55 db. Støytiltak skal vurderast nærare som ein del av byggeplanarbeidet. Eventuelle tiltak på bryggja må takast samstundes med utbygginga av ferjeleiet og vert planlagt som del av byggeplanlegginga. Viser til kommentar frå SVV. Jondal kommune skal godkjenne planane for lenging av ferjekaien etter hamne og farvasslova. Det vil i den samanheng vere naturleg at kommunen ber om ei vurdering av verknadene tiltaket kan få for naboeigedomane.
3.7 Meieriet i Jondal A/S Gjev generelle kommentarar, og som merknaden til reguleringsplanen er det særleg venterommet som er omtala. Det er regulert inn føremål for toalett/venterom i reguleringsplanen. Viser til kommentar frå SVV. Sparebanken vest Eigar av eigedomen gnr 30, bnr 189, Sparebanken Vest, har ikkje kome med innspel til planframlegget. Statens vegvesen opplyser at dei er i dialog med banken for å kjøpa eigedomen, men det er så langt ikkje semje om pris. Vurdering: Trafikkauken som fylgje av Jondalstunellen medfører at ferjeoppstillingsplassen i Jondal til tider har for liten kapasitet. Oppstillingsplassen har heller ikkje gode løysingar for nye bussruter. Det er derfor snarast råd trong for å auke kapasiteten. Utvidinga av oppstillingsplassen mot nord ved å rive bankbygget gjev auka kapasitet, men lite areal medfører kompromiss på mange område. På kort sikt er det ingen andre realistiske alternativ. Flytting av ferjeleie ut av sentrum eller ny oppstillingsplass sør for Sparbutikken krev investeringar som i dag ikkje er realistisk å finansiera. Rådmannen rår til at planframlegget vert godkjent. TILRÅDING FRÅ RÅDMANN: 1. Jondal kommunestyre godkjenner med heimel i plan- og bygningslova 12-12 reguleringsplan for Fv. 550 Jondal ferjeleie, PlanID: 12272011.001. Plankartet er dagsett 14.06.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Fortau mot aust skal utvidast med 0,5 meter. Eksisterande parkeringsplassar på gnr 30 bnr 188 og 228 skal inngå i planen. Oppstillingsfelt 1, skal mot sør- aust justerast for å ivareta frisiktsone mot nord ved i landkøyring frå ferja. Siv Helle Prestegard - rådmann
26.11.2013 Hovudutval for Teknisk og Næring Røysting: Tilrådinga frå rådmannen m/endring framlagt i møtet (pk2, 4. kulepunkt) vart samrøystes tilrådd. HTN-062/13 TILRÅDING: 1. Jondal kommunestyre godkjenner med heimel i plan- og bygningslova 12-12 reguleringsplan for Fv. 550 Jondal ferjeleie, PlanID: 12272011.001. Plankartet er dagsett 14.06.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Fortau mot aust skal utvidast med 0,5 meter. Eksisterande parkeringsplassar på gnr 30 bnr 188 og 228 skal inngå i planen. Oppstillingsfelt 1, skal mot sør- aust justerast for å ivareta frisiktsone mot nord ved i landkøyring frå ferja. Avkjørsle til gnr. 30, bnr 153 skal visast på plankartet. 11.12.2013 Kommunestyret Framlegg frå Anna Skogseth Gagnon, Ap Nytt pkt Vi må forlenge kai med tilsvarande lengde/breidde som eventuelt går bort, for å sikre at kaien kan ta i mot lastebåtar av same størrelse som i dag. Framlegg frå Magnar Sollesnes, H og Svein Johan Bakke, Krf: Nytt pkt Planlegging av fergekai må ta høgde for elektrisk fergedrift. Framlegg frå Knut Flatebø, Ap: Saka blir utsett. Røysting: Utsettingsforslaget frå Knut Flatebø fekk 2 røyster (1Ap, 1 H) og fall. Tilrådinga frå HTN vart vedteke med 12 røyster, 4 røysta mot (2Ap, 1 H, 1 uavh.)
Framlegget frå Magnar Sollesnes og Svein Johan Bakke vart vedteke med 12 røyster, 4 røysta mot (2Ap, 1 H, 1 uavh.). Framlegget frå Anna Skogseth Gagnon fekk 6 røyster (4 Ap 2 Sp) og fall, 10 røysta mot KS-047/13 VEDTAK: 1. Jondal kommunestyre godkjenner med heimel i plan- og bygningslova 12-12 reguleringsplan for Fv. 550 Jondal ferjeleie, PlanID: 12272011.001. Plankartet er dagsett 14.06.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Fortau mot aust skal utvidast med 0,5 meter. Eksisterande parkeringsplassar på gnr 30 bnr 188 og 228 skal inngå i planen. Oppstillingsfelt 1, skal mot sør- aust justerast for å ivareta frisiktsone mot nord ved i landkøyring frå ferja. Avkjørsle til gnr. 30, bnr 153 skal visast på plankartet. 3. Planlegging av fergekai må ta høgde for elektrisk fergedrift.