ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2014/2336 Løpenr.: 1523/2015 Utvalsaksnr. Utval Møtedato Ørsta formannskap Saka gjeld: LENGING AV TORVMYRVEGEN - ALTERNATIV TRASE TILRÅDING TIL VEDTAK: Formannskapet syner til spørsmålet om ei alternativ vegløysing for forlenging av Torvmyrvegen. Formannskapet ber rådmannen iverksette ei fagleg utgreiing ved leige av konsulentteneste for å avklare om det er teknisk mogleg med ei slik løysing i området vest sør-vest for dagens flyplassende. Det vert føresett at kostnadene vert dekt ved omprioritering innanfor eksisterande budsjett. Dersom det vert naudsynt å vurdere styrking av budsjettet for fullføring av utgreiinga eller andre prioriterte oppgåver som følgje av omprioriteringa, må anna finansiering avklarast. Utskrift til: Plan- og miljøavdelinga
Saksvedlegg: Ingen Saksopplysningar: I samband med arbeidet med kommunedelplan for E39 Volda-Furene ( Voldatunnelen ), har det i 2014 til 2. gongs offentleg ettersyn kome ein merknad til Volda kommune frå næringskontor/næringslag i regionen (Maritim foreining for Søre Sunnmøre, Stryn Næringssamskipnad, Volda Næringsforum og Ørsta Næringskontor). Merknaden tek opp fleire ulike tilhøve i planframlegget, men har slik ordlyd i høve Furene og Torvmyrvegen: Furene: I konsekvensutgreiing (KU) av 20.12.2011 vart det grunna usikkerheit knytt til effekt av avbøtande tiltak og føre-var-prinsippet tilrådd å søkje andre løysingar for etablering av Torvmyrvegen. Ein konstaterer at Torvmyrvegen er teken ut av planforslaget og har ikkje merknad til det. Som konsekvens av at Torvmyrvegen vert teken ut av planforslaget bør også bru og fyllingar takast ut og E39 leggast langs bakken mellom tunnelen og rundkøyringa i Furene. Torvmyrvegen: Ei ny alternativ løysing for Torvmyrvegen som vil tilfredsstille omsynet til god flyt til/frå flyplass også for kollektivtransport. Utrykking til/frå Hovden og tilgang/samanbinding til næringsareala i Furene og Hovden kan etablerast gjennom ei ny løysing berre i Ørsta kommune. Eit muleg løysingsforslag kan vere vedlagde skisse (sjå side 3). Dette vil bevare hjortetrekket utan ny barriere og med langt betre løysingar for ledegjerde enn slik det er tenkt i dette høyringsforslaget. Bildet ovanfor er skissa omtala i merknaden. Bildet er manipulert både med omsyn til vegar og terreng, m.a. er glattkøyringsbana fjerna frå bildet. Ortofoto utan manipulering ser ut som synt på utsnittet til høgre. Eit liknande framlegg fremja Ørsta kommune i møte mellom kommunen, vegvesenet, Avinor og
Volda kommune i 2008/2009. Det vart då laga ei enkel skisse, det vart konkludert ut frå drøftingar at det ikkje var aktuelt å gå vidare med alternativet sidan ein meinte det ikkje var realistisk å få dette til i høve høgderestriksjonskrava. Skissa såg slik ut: Spørsmålet kom opp att i 2012. Det ligg føre ei enkel skisse: (Det er ikkje heilt klart når denne og første handskissa vart laga då dei ikkje er daterte, men dei syner i alle høve tankar om moglege løysingar i dette tidsromet.)
I desember 2012 vart det av Avinor gitt slikt svar på spørsmål om det kunne vere mogleg med ei slik løysing: Den vedlagte skissen viser en ny rundkjøring øst for miljøtunnelen (viltkulverten), der en forlengelse av Torvmyrvegen er lagt inn fra sørøst over glattkjøringsbanen. Avinor vil nedenfor drøfte en del momenter ved et slikt planforslag: For at Avinor skal kunne akseptere en slik løsning må forlengelsen av Torvmyrvegen ikke komme i konflikt med hinderflatene rundt rullebanen på Ørsta-Volda lufthamn. Hinderflatene er definert i kap. 10 i Forskrift om utforming av store flyplasser, BSL E 3-2, som er hjemlet i Luftfartsloven 7-1. Det er særlig innflygingsflaten i vest (til bane 06) og sideflatene som det må tas hensyn til. I forhold til det som er skissert må man starte forlengelsen av Torvmyrvegen i vestenden av industrifeltet i Hovden. Vegforlengelsen må legges tungt inn i terrenget, dvs. i en betydelig skjæring, samt at første del av vegen må legges ca. 30 50 meter lenger mot sør, jf. vedlagte utsnitt av et tidligere utkast til forlengelse av Torvmyrvegen. Der vegen krysser forlengelsen av senterlinjen på rullebanen, vil maksimal høyde på vegen tillates på kote 77. Det er da lagt inn en dimensjonerende høyde på kjøretøyer på 5 meter. For å få til en slik løsning må den nye rundkjøringen på E39 senkes noe i terrenget. Vi vil vel anta at Statens vegvesen vil kreve at Indre Hovdeveg knytter seg til en slik ny rundkjøring. Den oversendte vegløsningen vil hindre en mindre flytting av landingsterskelen til bane 06 vestover. Glattkjøringsbanen der den ligger i dag, vil det ikke bli plass til lenger. Det vil bli stilt sikkerhetsmessige krav til hvordan en forlengelse av Torvmyrvegen skal opplyses. For Avinor vil den beste løsningen være å forlenge Torvmyrvegen inn på E39 lenger vest slik det vedlagte utsnittet viser. En løsning kan være å etablere en litt lenger kulvert som går under fremtidig E39 mot Volda sentrum og samtidig ivaretar hjortetrekket i området. For Avinor vil denne løsningen være gunstig beredskapsmessig. Avinor kan da også fortsette å bruke glattkjøringsbanen i beredskapssammenheng. Vegvesenet hadde i desember 2012 slik kommentar til skissa og Avinor si vurdering: E39 ligger på kote ca. 85 i det skisserte kryssområdet. Det er derfor helt urealistisk å senke ei eventuell rundkjøring på E39 her så mye at en kan oppfylle kravet til fri høyde i hele innflygingssonen over Torvmyrvegen dersom kravet der vegen krysser forlengelsen av senterlinja på rullebanen er kote 77. Da må i tilfelle hele hjortetunnelen senkes flere meter og Indrehovdvegen legges om med enda større terrenginngrep enn i dag. Ørsta formannskap gjorde 06.11.2014 slikt vedtak: Ørsta formannskap ber om snarast råd å få ei sak frå administrasjonen om moglegheitene for lenging av Torvmyrvegen og tilknyting til dagens E39 ved glattkøyringsbana. I første omgang er det førebelse avklaringar/tilbakemeldingar frå Avinor og Vegvesenet som blir sett på som sentrale punkt i saka.
Vurdering og konklusjon: Sakshandsamar har den 09.02.15 drøfta status for saka med Avinor og med Statens vegvesen, jf. tilbakemeldingane frå Avinor og vegvesenet referert ovanfor. Avinor stadfestar at ein oppsummert og forenkla kan framstille deira haldning slik at dei er positive til ei slik løysing under føresetnad av at det vert mogleg å ivareta krava til høgderestriksjonane som gjeld rundt flyplassen. Det er naudsynt med ei utgreidd løysing som svarar på dette før Avinor kan gi noko vidare synspunkt til spørsmålet. Vegvesenet har i si vurdering stilt seg tvilande til om det er mogleg å finne ei løysing som tek omsyn til høgderestriksjonane samstundes som det let seg gjere å utforme eit kryss med E39, ut frå den høgde E39 ligg på. Ei omfattande senking av hjortetunnelen og ei større strekning av E39 signaliserer vegvesenet må vurderast som lite realistisk og truleg uaktuelt. Til prinsippspørsmålet om å etablere eit kryss på denne staden, peikar vegvesenet på at det er ei streng haldning til kryss på E39/stamveg, og det må leggast til grunn at vegen har slik funksjon i lang tid framover. Spørsmålet må såleis avklarast med vegdirektoratet. Ein uttale utover dette og det som er sagt i tidlegare e-post, vil vere avhengig av at det ligg føre ei nærare utgreiing. For å kunne få fram ei utgreiing som på fagleg grunnlag gjev ei avklaring på om det er mogleg med ei tilknyting av ein forlenga Torvmyrveg i området ved noverande glattkøyringsbane, har rådmannen vurdert at det av omsyn til intern kapasitet vil verte naudsynt å engasjere konsulent med erfaring frå tilsvarande problemstillingar, og har innhenta pris på slik utgreiing frå to konsulentfirma. Pristilbodet gjeld to fasar. Første fase inneber ei grov utsjekking/moglegheitsstudie om det er mogleg å få til ei slik løysing. Dersom dette ikkje fører fram til ein endeleg konklusjon, men at det vert naudsynt å gjennomføre ei detaljplanlegging for å få avklart spørsmålet, er det gitt pris på dette som ein fase 2. Lågaste prisramme er på kr. 22 000,- eks. mva for fase 1, og kr. 30 000,- eks mva for fase 2. Det er ikkje sett av midlar til dette i budsjettet for 2015. Tiltaket er heller ikkje prioritert i den vedtekne planstrategien. Statens vegvesen har altså i si førebelse vurdering uttrykt at det er tvilsamt at det kan vere mogleg å få til ei slik løysing. Rådmannen finn likevel at det er eit behov for å få ei endeleg avklaring som på fagleg grunnlag fastslår om alternativet er mogleg å realisere eller ikkje. Prisen for fase 1 er også såpass låg, at det ikkje burde vere naudsynt å utsetje denne utgreiinga til 2016 trass i at tiltaket ikkje er budsjettert. Alternativa for å finansiere tiltaket i 2015 synest vere anten å nytte formannskapet sin reservepost, eller å omdisponere midlar frå ein annan post i budsjettet. På budsjettet til Plan- og miljøavdelinga er det sett av eit mindre beløp til kjøp av konsulenttenester (kto 1.12700). Denne posten er ikkje øyremerkt til eit spesielt prosjekt, men skal dekke behov for tenester som viser seg naudsynte i løpet av året og kan såleis sjåast på som ein budsjettreserve for å sikre framdrift i prioriterte planoppgåver. Som nemnt har dette tiltaket ikkje vore med i vurderinga ved utarbeiding av årets budsjett. Dersom det som følgje av bruk av midlar til dette tiltaket syner seg at denne budsjettposten seinare på året vert for liten til å dekke naudsynte kjøp av konsulenttenester, vil rådmannen føresette at spørsmålet om å styrke budsjettposten vil måtte vurderast på nytt. Dersom det vert naudsynt å utføre fase 2 av utgreiinga, kan ein nytte same budsjettpost så langt det er dekning eller vert vurdert som forsvarleg. I motsett fall må det finnast anna finansiering på det aktuelle tidspunktet. Ei vegløysing slik det er skissert vil kome i direkte konflikt med glattkøyringsbana. I privatrettsleg avtale mellom NAF og kommunen er det innarbeidd føresetnad om at
øvingsbana må vike dersom flyplassen vert utvida. Dersom det viser seg aktuelt å gå vidare med ei slik vegløysing, må dette tilhøvet utgreiast nærare. Spørsmålet om gjennomføring av eit slikt alternativ kan også utløyse spørsmål knytt til framtidig utvikling av flyplassen. I gjeldande reguleringsplan er det innarbeidd rom for ei forlenging på 60m i høve dagens bane. Det er svært viktig å ivareta flyplassen sine rammevilkår og funksjon i dag og i framtida, både for kommunen sin del, men også i ein regional samanheng. Kva omsyn som må takast i eit slikt perspektiv er ikkje nærare vurdert eller utgreia no. Om det vert konkludert med å vere mogleg å bygge ei slik vegløysing, bør spørsmålet belysast nærare. Ørsta, 16.02.2015 Wenche Solheim rådmann Arnstein Nupen Konst. leiar plan og utvikling