VOLDA KOMMUNE SAKSDOKUMENT Sakshandsamar: Henrik Skovly Arkivsak nr.: 2013/1678 Arkivkode: 209 Utvalsaksnr Utval Møtedato Formannskapet Kommunestyret FINANSRAPPORT 2. TERTIAL 2013 (AKTIVA) Administrasjonen si tilråding: Saka vert teken til vitende. Aktiva (plasseringar i aksjefond, obligasjonsfond og pengemarknadsfond) Volda kommunes portefølje er delt mellom Storebrand og DNB. Tabellen nedanfor viser samla portefølje fordelt på dei ulike aktivaklassane ved utgangen av andre tertial 2013: Totalporteføljen Sum aksjefond 0 0,00 % Sum obligasjonsfond 46 888 069 57,42 % Sum pengemarkedsfond 25 904 446 31,72 % Sum eiendom og alternative investeringer 8 870 847 10,86 % Sum totalt 81 663 362 100,00 % * Marknadsverdi pr 31.08.2013
Tabellen nedanfor viser delporteføljen forvalta av Storebrand fordelt på aktivaklasse og fond ved utgangen av andre tertial 2013: Storebrand Storebrand Global Obligasjon A 10 375 232 20,76 % Storebrand Norsk Kreditt IG 20 12 040 849 24,10 % Storebrand Stat A 901 508 1,80 % Storebrand Obligasjon + 11 742 173 23,50 % Sum obligasjonsfond 35 059 762 70,16 % Storebrand Likviditet 4 235 744 8,48 % Storebrand Rente+ 4 964 323 9,93 % Sum pengemarkedsfond 9 200 067 18,41 % Storebrand Eiendomsfond Norge KS 5 709 703 11,43 % Sum totalt 49 969 532 100,00 % * Marknadsverdi ekskl. valutaterminkontrakter og bankbeholdningar. Tabellen nedanfor viser delporteføljen forvalta av DNB fordelt på aktivaklasse og fond ved utgangen av andre tertial 2013: DNB DnB NOR Obligasjon (III) 11 828 307 37,32 % Sum obligasjonsfond 11 828 307 37,32 % DnB NOR Likviditet (IV) 16 704 379 52,71 % Sum pengemarkedsfond 16 704 379 52,71 % DNB TMT Absolute Return NOK 3 161 144 9,97 % Sum totalt 31 693 830 100,00 % * Marknadsverdi per 31.08.2013 ekskl bankbeholdningar For å kunne evaluere forvaltarane si avkastning i forhold til marknaden forøvrig, er det etablert eit sett av på førehand definerte referanseindeksar. Ein referanseindeks gir uttrykk for ei veid samansetning av verdipapira (f.eks. aksjar) i ein marknad. Endringar i indeksen sin verdi viser marknaden sin utvikling i gjennomsnitt. Storebrand har levert ei totalavkastning på 5,33 % mot indeks 2,79 % hittil i år det vil sei ei meiravkastning på 2,54 %. DNBs totalavkastning er 6,54 % mot indeks 3,59 %, ei meiravkastning på 2,95 %. Avkastninga er samla i overkant av 4,5 mill kr ved utgangen av 2. tertial.
Avvik mellom faktisk forvaltning og krav i finansreglementet Kommunen har behov for auka likviditet framover. Kommunestyret gjorde dette vedtaket I PS 80/2013 (Finansforvaltning vurdering av å redusere aksjeandelen, er med som trykt vedlegg til saka): Kommunestyret ser at det er naudsynt, sett den økonomiske situasjonen i kommunen, å akseptere eit avvik frå gjeldande finansreglement for å vekte seg ned eller selje seg ut av aksjemarknaden. Ein delegerer til rådmannen å vurdere optimalt tidspunkt og omfang for eit slik sal. Nedsalet vart gjennomført i juli/august. Investeringsportefølja avviker difor i forhold til gjeldande Finansreglement. Bakgrunnen for å selje oss heilt ut av aksjemarknaden går fram av vedlegget til denne saka (PS 80/2013). Vi måtte frigjere likviditet blant anna på grunn av: Premieavvik på pensjonsområdet (utgjer over 56 mill kr ved siste årsskifte) Reduksjon av ubrukte lånemidlar Det vert elles vist til PS 80/2013 for nærmare informasjon. Salet vart gjennomført slik: Salet av aksjefonda i DNB (kr. 8.747.000) vart plassert på høgrentekonto i Sparebanken Søre Sunnmøre. Salet av aksjefonda i Storebrand (kr. 10.412.000) vart plassert pro- rata i dei andre aktivaklassane. Sala vart gjort på eit tidspunkt der hovudindeksen på Oslo var ca midt på 490-talet. Vi selte oss dermed ut på eit tidspunkt då kursane var høge. Premieavviket vil ha ei stor auke i tida framover, og vil svekke likviditeten tilsvarande. Reduksjonen i ubrukte lånemidlar vil ha tilsvarande effekt på likviditeten. Ein vil kome tilbake med forslag til revidert plasseringsprofil i samband med revidering av finansreglementet på nyåret. Det er relativt liten skilnad på forventa avkastning på våre plasseringar og villkåra vi har på høgrentekonto ( banken må ha melding om uttak 31 dagar på førehand). Dagens portefølje (81,6 mill kr) har ei forventa avkastning som er ca kr. 4-500.000 høgare enn kan vi kan oppnå i rente på innskott. Porteføljen vil dessutan verte sterkt redusert framover grunna den likviditetsmessige situasjonen. Meiravkastninga er såpass liten at ein må vurdere om det er verdt å ta den ekstra risikoen som det inneber å vere eksponert i denne marknaden. Rådmannen vil som eit resultat av dette, truleg foreslå at all overskotslikviditet vert plassert i bank når revidering av reglementet er klart for politisk handsaming.
Vurdering og handtering av finansiell risiko Kommunen vurderer fortløpande sin finansielle risiko i porteføljen. Marknadskommentar Dette er Storebrand si oppsummering av situasjonen i marknaden: I årets andre kvartal har marknaden hatt hovudfokus på verdens to største økonomiar; USA og Kina. Sentralbanken i USA har signalisert at det kan gå mot ei nedtrapping av dei ekstraordinære pengepolitiske støttekjøpa allereie seinare i år. Signala kjem etter positive tendensar i økonomien og arbeidsledigheita. I Kina er veksten svakare og det er auka usikkerheit om den finansielle stabiliteten i landet. Begge hendingane har bidrege til auka marknadsvolatilitet og gitt eit tilbakefall i dei fleste marknader i avslutninga av dette kvartalet. Volatiliteten har auka noko i aksjemarknaden i 2. kvartal. Generelt har marknaden hatt ein god start på året, men det er store avkastningsforskjellar mellom regionale marknader. Første halvår viser at den amerikanske aksjemarknaden har hatt god avkastning også dette kvartalet og er opp 13 prosent så langt i år pr. 30.06. Europa og framvoksande økonomiar er derimot blant dei svakare marknadane og begge marknadane har falt i kvartalet. Avkastninga er ned henholdsvis 1 og 5 prosent i år. Den japanske aksjemarknaden har hatt ein forrykande start på 2013. Den japanske marknaden steig vidare 10 prosent i 2. kvartal, og har steget 32 prosent hittil i år. Oslo Børs har falt svakt siste kvartal, men er opp 6 prosent siste halvår. Den norske krona svekka seg betydelig i 2. kvartal målt mot ei vekta valutakurv. Svekkinga vart forsterka av at Norges Bank opna for muligheit for rentekutt seinare i år. Bakgrunnen for uttalen er svakare vekstutsikter for norsk økonomi. Korte norske og internasjonale renter ligger stabilt på lave nivå. Signala frå den amerikanske sentralbanken har imidlertid bidrege til at dei lengre rentene, særlig internasjonalt, har stege betydelig gjennom 2. kvartal. Dette har gitt negativ avkastning på lange obligasjonar i 2. kvartal. Kredittpåslaga som har falt jamt det siste året, har stege den siste månaden og er svakt opp så langt i 2013. Kredittobligasjonar har likevel gitt høgare avkastning enn statsobligasjonar i år. Alle Storebrand sine fond og pensjonsmidlar har krav til samfunnsansvar. Vedleggsliste: PS 80/2013 Rune Sjurgard rådmann
Utskrift av endeleg vedtak: Kommunerevisjonen Rådmann Sakshandsamar Klageinstans: