SERVIETTBRETTING Visste du at serviettbretting har eksistert i over 500 år? Det finst over 50 forskjellige bretteteknikkar. Du må kunne minst tre av dei.
SEGLET Brett servietten ut ein gong slik at han ligg dobbelt. La bretten ligge øvst på bordet. Brett det venstre hjørnet mot midten. Brett deretter inn det høgre hjørnet. Slik ser servietten ut no. Brett sidene til trekantane mot kvarandre. Form servietten, og plasser han på tallerkenen.
LØNNEBLADET Brett servietten ut, og brett han dobbelt på skrå slik at du får ein trekant. Brett øvste og nedste hjørne mot spissen på trekanten. Brett hjørnet på skrå, og brett ut igjen. Du har no fått ein firkant. Ta øvste spissen, og lyft opp servietten. Før hjørna litt bakover, og set servietten på tallerkenen medan du trekkjer i spissane og formar servietten til eit trefliket blad.
BLOMSTERKRONA Brett ut servietten. Brett deretter servietten dobbelt på skrå slik at du får ein trekant. Brett ned det øvste hjørnet etter den stipla linja, og brett det ut igjen. Gjer likeins med det venstre hjørnet. Brett òg trekanten dobbelt på skrå, og brett ut igjen. Ta tak i det øvste flaket i det nedste hjørnet,og lyft det opp etter spissen. Brett flaket mot venstre så det dekkjer det venstre hjørnet. Gjer likeins med dei resterande flaka. Når du har bretta det siste flaket over mot venstre, tek du tak i øvste spiss og lyfter servietten over på tallerkenen medan du formar blomsterkrona.
PAVEN Brett servietten dobbelt på skrå. Du har no ein trekant med dei opne hjørna øvst. Brett dei nedste spissane bakover så dei møtest. Stikk spissane inn i kvarandre midt bak. Som ein variant kan du brette ned fliken på framsida.
FLAGGET Brett ut servietten ein gong så han ligg dobbelt med bretten opp. Ta tak i det øvste hjørnet med venstre hand, og rull servietten over handa slik at han dannar eit kremmarhus. Brett høgre halvdelen av servietten over kremmarhuset slik at dei opne hjørna ligg over kvarandre. Brett opp hjørnefliken.
FRANSK LILJE Brett ut servietten, og brett han dobbelt slik at du får ein trekant. Brett dei øvste hjørna ned mot spissen. Du har no ein firkant. Brett opp dei nedste hjørna. Rull opp den nedste spissen. Den samanrulla spissen låser no brettane. Brett servietten saman i ring, og fest ringen ved å stikke endane inn i kvarandre midt bak. Brett til slutt dei fremste flikane ned i kanten nedst.
BISPELUE Brett ut servietten éin gong. Legg han dobbelt på bordet med bretten mot deg. Brett det øvste hjørnet på høgre side mot midten. Brett det nedste hjørnet på venstre side mot midten. Legg servietten som vist på teikninga. Brett servietten dobbelt på langs. Brett opp dei to lause spissane. Brett det høgre hjørnet framover, og stikk det inn bak den yttarste store trekanten. Brett det venstre hjørnet bakover, og stikk det inn i den bakarste trekanten.
BÅTEN Lag ein trekant. Brett høgre og venstre hjørne inn mot sentret. Dei to nedste flippane skal brettast bakover. Brett saman der du har flippane. Dra fram dei fire lause snippane.
RYNKA Brett servietten dobbelt slik at du får ein trekant med dei opne hjørna øvst. Legg ein rett gjenstand i bretten, og rynk servietten saman mot midten. Set den ferdige servietten på tallerkenen.