Gol kommune Arkivsak-dok. 18/02786-20 Saksbehandler Hanne Cecilie Nes Saksgang Utval for natur og næring 1. GANGS BEHANDLING - RENOVASJONSPLASS GOLSFJELLET AUST - GNR. 11, BNR. 1 Saka vert avgjort av: Utval for Natur og næring Vedlegg: Plankart, datert 20.12.2018 Reguleringsføresegner, datert 02.01.2019 Planomtale, datert 02.01.2019 Planskisse, datert 27.11.2018 Ta kontakt med Utbyggingsavdelinga eller sekretariatet dersom det er behov for innsyn i fleire dokument, eller om noko er uklart. Dokument i saka: 1. Brev ut til Ole Berg Infoskriv Renovasjonsplass Golsfjellet aust, datert 17.08.2018 2. Brev ut til Ole Berg Varsel om oppstart, datert 25.09.2018 3. E-post ut til Ole Berg Info om politisk behandling, datert 30.08.2018 4. Referat etter synfaring, datert 30.08.2018 5. Saksframlegg Renovasjonsplass Golsfjellet aust, om vidare politisk behandling, datert 05.09.2018 a. Saksframlegg, datert 05.09.2018 b. E-post inn frå Helge Svarstad svar på merknader nabovarsel Molok avfallsbrønnar på Rekkjeset, sak 16/01803, datert 18.10.2016 c. Søknad om dispensasjon, datert 21.09.2016 d. Renovasjonsplass Golsfjellet øst Aktuelle områder for reguleringsplan, datert 09.08.2016 6. Varsel om synfaring, datert 10.09.2018 7. Vedtak UNN Renovasjonsplass Golsfjellet aust sak 51/18, datert 19.09.2018 8. E-post inn frå NVE Generell uttale til varsel om oppstart, datert 30.10.2018 9. E-post inn frå Fylkesmannen i Buskerud Uttale til varsel om oppstart, datert 05.11.2018 1
10. E-post inn frå Mattilsynet Kort kommentar til varsel om oppstart, datert 07.11.2018 11. E-post inn frå Buskerud Fylkeskommune Uttale til varsel om oppstart, datert 05.11.2018 12. E-post inn frå Asplan Viak Planskisse renovasjonsplass, datert 13.11.2018 13. E-post inn frå Asplan Viak Vedr. planskisse, datert 28.11.2018 a. E-post, datert 28.11.2018 b. Skisse, datert 28.11.2018 14. Planleveranse, datert 02.01.2019 a. Plankart, datert 20.12.2018 b. Reguleringsføresegner, datert 02.01.2019 c. Planomtale, datert 02.01.2019 d. Vedlegg 1 Naturfagleg uttale, datert 14.11.2018 e. Vedlegg 2 Sjekkliste ROS-analyse, datert 19.12.2018 f. Vedlegg 3 Varslingsliste, datert 19.12.2018 Saksopplysningar: Gol kommune har i samarbeid med Asplan Viak utarbeidd forslag til Områdereguleringsplan for Golsfjellet aust. Dei siste åra har den store hytteutbygginga på Golsfjellet ført til for dårleg kapasitet på hyttecontainerane, noko kommunen ikkje har greidd å følgje opp. Ein ny renovasjonsplass skal kunne handtere både dagens og framtidas avfallsituasjon for Golsfjellet aust. Planområdet ligg rett sør for krysset mellom Golsfjellvegen og Einarsetvegen, på eigedom gnr. 11, bnr. 1, og vart bestemt i møte i Utval for Natur og næring (UNN) i sak 53/17 den 22.08.2017. Etter misnøye frå grunneigar vart plassering teke opp i UNN-møte den 18.09.2018 i sak 51/18, men vedtaket om plassering frå førre møte vart oppretthaldt. Plasseringa ligg slik at dei aller fleste hyttene på Golsfjellet aust køyrer forbi renovasjonsplassen når dei skal til/frå hytta, noko som sparar ekstra køyring. Området ligg likevel langt unna hytter og kan delvis gøymast inne i skogen. Skogen er uproduktiv og jordbruk vil ikkje bli berørt av planen. For renovasjonsplassen vil det bli nytta nedgravne molok avfallsbrønnar som skal forhindre avrenning og lukt og auke kapasiteten samanlikna med dagens containarar. Planskissa er rettleiande for utforming av renovasjonsplassen. Det er i plankartet regulert meir areal enn i planskissa, for moglegheit til å utvide med fleire avfallsbrønnar i framtida utan å måtte regulere nytt areal. Planoppstart er varsla 29.09.2018. Det er kome slike merknader til varslinga Merknad/fråsegn: Noregs vassdrags- og energidirektorat: Ingen merknader til oppstart. Dersom planen kjem i kontakt med NVE sine saksområde, skal dei ha tilsendt planen ved offentleg ettersyn. Buskerud Fylkeskommune: Ok 2
Området inngår som ein del av eit svært viktig friluftsområde. Tilrår at planforslaget belyser korleis landskap og friluftsinteresser blir berørt og at det blir lagt til rette for ei løysing som tek vare på landskaps- og friluftsomsyn. Det er ikkje avmerkt kulturminne i området, og fylkeskommunen har difor ikkje merknader til tiltaket. Ber likevel om at føresegn om kultuminnelova blir innarbeidd. Fylkesmannen i Buskerud: Ber om at det blir gjort greie for eventuelle verdiar for friluftsliv og naturmangfald. Må utarbeidast ROS-analyse. Dersom anlegget skal behandlast etter forureiningsregelverket bør dette gjerast greie for i planarbeidet. Mattilsynet: Ingen merknader. Dei reknar med at faren for forsøpling ikkje vil auke ved etablering av eigen renovasjonsplass for Golsfjellet aust. Planforslaget belyser korleis landskap og friluftsinteresser blir berørt. Føresegn om kulturminnelova er innarbeidd. Det er gjort greie for eventuelle verdiar for friluftsliv og naturmangfald. Det er utarbeidd ROS-analyse. Anlegget skal ikkje behandlast etter forureiningsregelverket. Ok Forhold til overordna plan: Reguleringsplan for Rekkjeset, tredd i kraft 01.04.1987, planid 1987002. Området er regulert til jordbruk, skogbruk. Søraust for planavgrensinga er det regulert to hytter. Begge desse er oppført. Kommuneplanens arealdel for Gol kommune 2011 2023, sist revidert i sak K 75/12 den 13.11.2012. Området er avsett til LNFR-område i både reguleringsplan og kommuneplan, og det må difor utarbeidast ny reguleringsplan for området. Miljøkonsekvensar: Det er kommunen sitt ansvar å samle inn husholdningsavfall, jf. Forureiningslova 30. Kommunen har med heimel i forureiningslova vedteke eigen forskrift om avfallshandtering, der målet er å sikre miljømessig, økonomisk, estetisk og helsemessig forsvarleg oppsamling, innsamling, transport, gjenvinning, gjenbruk og sluttbehandling av husholdningsavfall i kommunen. Kommunen har vedteke å regulere renovasjonsplass for Golsfjellet aust. Det skal etablerast eitt returpunkt med nedgravne molok avfallsbrønnar i staden for dagens ordning med fleire mindre returpunkt med containerar. Jf. Forskrift om avfallsbehandling, Gol kommune 1 vil alle punkta i paragrafen bli betra med ein ny renovasjonsplass. Med alt avfall på ein plass 3
skånar ein område som tidlegare har vorte brukt til renovasjonsplass. Dei nedgravne avfallsbrønnane skal vere tette, og skal dermed ikkje ureine grunnen. Molok avfallsbrønnane gjer det og lettare å sortere avfall. Helse-/miljø og beredskapstilhøve: Det er utarbeidd risiko- og sårbarhetsanalyse for området. Analysen viser at trafikkulukke er den mest sannsynlege uønskte hendinga i området. Dette er særleg i samband med påkøyring til Golsfjellvegen ut frå renovasjonsplassen. Det er difor viktig at av- og påkøyringa til Golsfjellvegen har god sikt og er i samsvar med vegnormalane. Ein annan mogleg uønskt hending er ureining av grunn. Det er lite truleg at det skjer då avfallsbrønnane skal vere tette og ha mykje høgare kapasitet enn dagens containerar. Ureining kan likevel skje om avfallsbrønnane blir fulle og folk byrjar å setje avfallet utanfor. Ureining er mindre sannsynleg med molok avfallsbrønnar enn med dagens containerar. Økonomiske konsekvensar: Det er avsett 1,5 millionar i budsjett til renovasjonsplass på Golsfjellet med prosjektnummer 136. Administrasjonen utarbeider reguleringsplanen i eigen regi. Utbyggingsavdelinga får dekt sine utgifter til arbeid med reguleringsplanen gjennom gebyr. Det er innhenta ekstern kompetanse til prosjektering og utarbeiding av planskisse. Kommunen må skaffe seg rett til å ta grunnen i bruk. Dette kan skje gjennom leige eller kjøp. Dersom kommunen ikkje kjem til einigheit med grunneigar er ekspropriering ein moglegheit. Ekspropriering kan gjennomførast etter plan- og bygningslova 16-2. Kommunen må då ta kostnadene som grunneigar har i samband med ekspropriasjonen. Dersom ekspropriering er einaste moglegheit kan ikkje Gol kommune leige grunnen, den må då kjøpast. Det vil vere mogleg å søke Fylkesmannen om å ta grunnen i bruk før skjønn er halde. Vurdering: Den nye renovasjonsplassen krev eit areal på om lag 2 dekar. Planområdet ligg innanfor LNFR-føremål, i uproduktiv blandingsskog. Jordbruket blir ikkje negativt påverka av reguleringsplanen. Naturmangfald, dyreliv eller friluftsliv blir heller ikkje negativt påverka av reguleringsplanen. Det er dermed ikkje utarbeidd konsekvensutgreiing då det ikkje er forventa at planen fører til vesentlege verknader for miljø og samfunn. Det er i planen regulert meir areal enn dagens behov for å sleppe å måtte regulere meir areal i framtida ved kapasitetutviding. Planskissa er rettleiande for utforming av renovasjonsplassen og gjeld for dagens behov. Rådmannen meiner planforslaget er godt gjennomarbeidd og kan 1. gangs behandlast i Utval for Natur og næring. Rådmannen si innstilling: Utval for Natur og næring vil med heimel i 12-10 og 12-11 i plan- og bygningslova legge Områderegulering for Renovasjonsplass Golsfjellet aust, planid 2018003 ut på offentleg ettersyn på følgjande vilkår: 4
I Det skal vere samsvar mellom «Areal erverv» frå planskisse og reguleringsføremål «Renovasjonsanlegg» frå plankart. II Det skal i plankartet endrast overskrift frå «Detaljreguleringsplan» til «Områdereguleringsplan». III Det delegerast til rådmannen å foreta redigeringsmessige endringar i kart og føresegner før offentleg ettersyn. 02.01.2019 Hanne Cecilie Nes Avdelingsleiar Svein Eide Kommunalsjef 5