Saksframlegg Saksnr Utvalg Type Dato 029/15 Plan- og Miljøutvalet PS 26.05.2015 032/15 Bystyret PS 09.06.2015 Sakshandsamar Arkiv ArkivsakID Kjell Aage Udberg ARP - 20120109, K2 - L12 12/2108 Privat detaljreguleringsplan Amfi K-39 K-40 / ARP 20120109. Planvedtak Framlegg til vedtak: Plan- og Miljøutvalet - 029/15 PMUV - handsaming: Tillegg i føresegnene: paragraf 5.1 (etter 1. avsnitt) i denne planen skal også inneholde plan for evt utviding av areal vest for Slakteriet sin eiendom. Framlegg til vedtak med tillegg vart samrøystes vedteke. PMUV - vedtak: Paragraf 5.1 (etter 1. avsnitt) i denne planen skal også innehalde plan for evt. utviding av areal vest for Slakteriet sin eigedom. Bystyret - 032/15 BYST - handsaming:
Framlegg til vedtak vart samrøystes vedteke. BYST - vedtak:
Saksopplysingar: Kva saka gjeld: Innleiing: AMB arkitekter AS har søkt om godkjenning av ny privat reguleringsplan for utvikling av områda K39 og K40 i sentrumsplanen på vegne av Amfi. Områda er i sentrumsplanen avsett til eksisterande og nytt område for sentrumsfunksjonar, og området ligg også innafor omsynsone der gjeldande reguleringsplan (Planid: 20060109) skal gjelde saman med føreseger og retningsliner i sentrumsplanen. Eksisterande handlesenter er ikkje i reguleringsplan eller sentrumsplanen definert som kjøpesenter etter kartforskrifta. Gjenbygging av gateløp frå Skridsholgata mot sjøen er i strid både med gjeldande reguleringsplan og kommunedelplanen. Avviket er ikkje så stort at det er behov for konsekvensutgreiing etter forskrift om konsekvensutredninger. (FOR-2014-12-19-1726). Tilkomst til naboareal kan ikkje endrast. Kvartalsinndelinga i gjeldande plan må visast i ny plan som krav til utforming av fasadar. Planframlegget er ikkje i samsvar med overordna plan. Dette er vurdert av Plan og Miljøutvalet i møte 03.09.2013 som planspørsmål. Plan og miljøutvalet gjorde føljande vedtak: "Med tilvising til saksvurderinga og med heimel i Plan og bygningslova 12-8 og 12-9 og 4 og delegasjonsreglementet vedteke av Flora bystyre, kan Plan- og miljøutvalet gå innfor at det vert igangsett planarbeid med sikte på ny detaljreguleringsplan for området K 39 og K 40. Føresegner og retningsliner som gjeld for sentrumsføremål i sentrumsplanen skal leggast til grunn for planarbeidet. Det skal leggast særleg vekt på publikumsretta aktivitetar med tilkomst frå gangareal i planen. Planavgrensinga skal justerast mot regulert offentleg trafikkareal, eller dette arealet kan takast med i ny plan som tidlegare regulert føremål med føresegner om opparbeiding. Tilkomst til naboareal kan ikkje endrast. Kvartalsinndelinga i gjeldande plan må visast i ny plan. Kvalitetsprogrammet for Blå promenade skal ligge til grunn for utforming av areal mot sjøen. Det er viktig å ivareta dialogen og gode løysingar mellom utbyggar og slakteriet. PMUV ønskjer ein tett dialog og orientering om arkitektonisk utforming." Det har seinare vore ein presentasjon for plan- og miljøutvalet der meir detaljerte planar vart presentert. Plan og Miljøutvalet vedtok i møte 03.02.2015 at planforslaget skulle leggast ut til offentleg ettersyn. Merknadar etter offentleg ettersyn er vurdert av rådmannen i eige vedlegg. Statens Vegvesen har ikkje gjeve merknad fordi ein sakna konsekvensutgreiing som var varsla ved planoppstart. I sak om offentleg ettersyn har kommunen vurdert behov for konsekvensutgreiing som uaktuelt. Ny plan har ikkje endringar når det gjeld parkering eller køyremønster i høve til gjeldande
plan. Alle planar og tiltak er kjende for Statens vegvesen gjennom eige prosjekt for Markegata/RV5. Plansituasjonen for området er grundig omtala og vurdert i planomtale frå søkjar. Vurdering: Gjeldande reguleringsplan er frå 2010 og er vedtatt etter omfattande prosessar. Planen er derfor lagt inn i kommuneplanen som omsynssone for at området skal kunne utviklast etter planen. Omsynssonen er ikkje eit forbod mot å lage ny detaljreguleringsplan dersom intensjonar og styringsreglar i overordna plan vert tatt omsyn til. Sentrumsplanen set krav til korleis dei ulike områda i sentrum skal utvikle seg i generelle føresegner. Når det gjeld det aktuelle området, er det intensjonen at området skal utviklast som ein del av bystrukturen. Området som tidlegare er regulert til parkeringsanlegg er i kommuneplanen avsett til sentrumsføremål. Utvikling av dette området som del av eit handelssenter saman med bustadar er såleis ikkje i strid med intensjonane i sentrumsplanen. Eit større handlesenter kan tilpassast i ein detaljreguleringsplan utan at ein endrar føremål frå sentrumsområde til kjøpesenter (som er eige formål etter kartforskrifta). Føresegner og retningsliner for sentrumsføremål i Sentrumsplanen gjeld overordna for detaljreguleringsplanen. Gjenbygging av gateløp frå Skridsholgata mot sjøen er i strid både med gjeldande reguleringsplan og kommunedelplanen, men avviket er ikkje så stort at det er behov for konsekvensutgreiing etter forskrift om konsekvensutredninger. (FOR-2014-12-19-1726), men i planarbeidet er det gjort ei konsekvensvurdering av fylgjene av å endre gatestrukturen for tilkomst for bil- varelevering og fotgjengarar. Det er i planen foreslått avbøtande tiltak i høve til å bygge igjen Skridsholgata, desse tiltaka går fram av planen både på plankart og føresegner. Tilkomst til naboareal er ikkje endra. Tilpassing til kvartalstrukturen er vist i illustrasjonar. Utviding av handelsareal ligg innafor dei rammene som er fastsett i sentrumsplanen, og dette krev såleis ikkje konsekvensutgreiing. Som del av planmaterialet er det gjort ei grundig vurdering av korleis eit utvida handlesenter kan verke saman med handel og andre publikumsretta aktivitetar i det som er definert som område for detaljhandel i sentrumsplanen. Administrasjonen sluttar seg til den vurderinga som er gjort av søkjar. Vurderinga er underbygd med god dokumentasjon. Forslag til parkeringskrav er i samsvar med krav til forretning og ikkje til kjøpesenter. Administrasjonen vurderer dette som tilstrekkeleg ut frå ynskje om mindre biltrafikk til sentrum. Planen er utforma slik at det er høve til å bygge fleire parkeringsplassar. Det kan vere aktuelt å inngå avtale med Fora kommune om bygging av snuplass på vega (offentleg veg). Kvalitetsprogrammet for Blå promenade skal ligge til grunn for utforming av areal mot sjøen.
Rådmannen rår til at planen blir godkjend. Plankart med bestemmelsegrense for bustad bli ettersendt. Økonomiske konsekvensar: Miljømessige konsekvensar: Aktuelle lover, forskrifter, avtalar mm: Vedlegg: 1216_Amfi Florø_plankart_revidert_20150126 AMFI_FLORØ_VEDLEGG_9_20141113 AMFI_FLORØ_VEDLEGG_8_20141113 Samandrag av høyringsfråsegner til planutkast 1216_Amfi_Florø_regbest_forslag_20150518_revidert Forslag til detaljregulering AMFI Florø