SVAR PÅ SØKNAD OM OPPSTART AV REGULERINGSPLAN FOR NÆRING, NAUST- OG FRITIDSBUSTADER LANGEVÅG SÆVERUDSØY 98/2,5 OG 51 PLANID

Transkript

1 Sak nr D- Vår dato: Vår referanse: / /2015 Vår saksbehandlar: Direkte telefonnr.: Dykkar dato: Dykkar referanse: Linda Djuvik Akvator AS SVAR PÅ SØKNAD OM OPPSTART AV REGULERINGSPLAN FOR NÆRING, NAUST- OG FRITIDSBUSTADER LANGEVÅG SÆVERUDSØY 98/2,5 OG 51 PLANID Bømlo kommune, Utval for areal og samferdsel handsama søknad om oppstart av reguleringsplan for næring, naust- og fritidsbustader Langevåg 98/2, 5 og 51 Sæverudsøy i møte sak PS 157/15. Utval for areal og samferdsel gjorde samrøystes slikt vedtak: 1. I samsvar med 12-3 i Plan- og bygningslova vil rådmannen rå til at gnr.98, bnr. 51 og deler av bnr. 2 og 5 Langevåg, Sæverudsøy i Bømlo vert teke opp til regulering til næring, naust og fritidsbustader med tilhøyrande småbåtanlegg, parkering, badeplass og friområde. Forslagsstillar skal melde oppstart av planarbeidet i samsvar med Plan- og bygningslova Som ein del av arbeidet med detaljreguleringsplanen skal det i samsvar med sjekklistene vist i kap Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for fritidseigedomar, naust og næringsbygg jmf og i føresegner til gjeldande kommuneplan må takast med i reguleringsføresegner og i reguleringsplankart. 4. Bømlo kommune set ikkje krav om konsekvensutgreiing av reguleringsplanen. Saksutgreiinga ligg ved. Faktura på gebyr vert delt og sendt Åsholmen Invest AS og Kari og Jan Peder Torkelsen i eigen sending. Ynskjer at De sender sosi fil inn til kommunen for kontroll før De melder oppstart. Ber om at kopi av vedtak og saksutgreiing frå politisk møte i areal og samferdsel vert sendt til alle høyringspartar i samband med oppstartsmelding. Med helsing Bømlo kommune Linda Djuvik Sakshandsamar arealplan Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: Organisasjonsnr.: postmottak@bomlo.kommune.no Telefax: Bankgiro: Postgiro for skatt:

2 Side 2 av 5 Saksutgreiing til folkevalde organ Dato: Arkivref: / /2015 / 504 Saksbehandlar: Linda Djuvik linda.djuvik@bomlo.kommune.no Sak nr i møte Utval Møtedato 157/15 Utval for areal og samferdsel PRINSIPPSØKNAD FOR Å MELDE OPPSTART AV REGULERINGSPLAN NÆRING, NAUST- OG FRITIDSBUSTADER LANGEVÅG SÆVERUDSØY 98/2,5 OG 51 PLANID Rådmannen sitt framlegg til vedtak: 1. I samsvar med 12-3 i Plan- og bygningslova vil rådmannen rå til at gnr.98, bnr. 51 og deler av bnr. 2 og 5 Langevåg, Sæverudsøy i Bømlo vert teke opp til regulering til næring, naust og fritidsbustader med tilhøyrande småbåtanlegg, parkering, badeplass og friområde. Forslagsstillar skal melde oppstart av planarbeidet i samsvar med Plan- og bygningslova Som ein del av arbeidet med detaljreguleringsplanen skal det i samsvar med sjekklistene vist i kap Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for fritidseigedomar, naust og næringsbygg jmf og i føresegner til gjeldande kommuneplan må takast med i reguleringsføresegner og i reguleringsplankart. 4. Bømlo kommune set ikkje krav om konsekvensutgreiing av reguleringsplanen. Saksprotokoll i Utval for areal og samferdsel Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Akvator AS v/sarah Fagertun Eggereide dato Bakgrunn for saka: I brevet av står det:

3 Side 3 av 5 «Akvator As vil med dette på vegne av Åsholmen Invest AS og Jan P. Torkelsen søkja om prinsippgodkjenning for oppstart av detaljregulering etter PBL 12-3, for næring, naust og fritidsbustader i Langevåg, Sæverudsøy, gnr. 98, bnr. 2 m.fl. Prosjektet vert utarbeidd i samarbeid med arkitektfirmaet JK. Arkitektur AS. Planområdet er om lag 38 daa stort, og omfattar heile eller delar av eigedomane gnr. 98, bnr. 5, 51 og 2. Planområdet er lokalisert på Sæverudsøy, norvest for Svortland i Bømlo kommune. Det aktuelle området er i dag regulert i kommuneplanen som kombinert føremål fritidsbygg og småbåthamn (F/SB). Detaljreguleringa vil i hovudsak vera i tråd med kommuneplanen, med fritidsbustadar og småbåthamn, men det vil i tillegg regulerast inn næring og naust. Kommuneplanen har ei generell byggegrense mot sjø på 50 meter for nye område for fritidsbustadar. Detaljplanen vil differensiere og fastsette nye byggegrenser mot sjø for fritidsbustadane. Planområdet for detaljplanen vil i hovudsak samsvara med det kombinerte føremålet i kommuneplanen (sjå vedlagt kart over omtrentleg planavgrensing og illustrasjon), men det vert naudsynt å ta litt av området som er regulert til LNRF for å få plass til tilkomstvegen. Det må presiserast at planavgrensinga er førebels, og at det kan koma mindre justeringar i denne. Det skal planleggast for fritidsbustadar/rorbu og naust med tilhøyrande småbåtanlegg i området, samt tilkomst, parkering og badeplass/friluftsområde. I tillegg ønskjer ein å leggja til rette for å nytta området til presentasjon for kundar og andre besøkande til Bremnes Seashore AS. Det er planlagt å etablera eit nærings-/representasjonsbygg med mellom anna møtelokale og høve til overnatting. Det skal etablerast tilkomstveg til området med ny avkøyring frå den kommunale vegen. Dei førebelse planane for området er skissert i vedlagte illustrasjon. Dette er ei skisse i ein tidleg fase av prosjektet, og at det vil kunna koma endringar både i tal på og plassering av bygg og infrastruktur. Det aktuelle området har tradisjonelt vore eit næringsområde, og vart frå 1960-talet til 1980-talet nytta til oppdrettsverksemd ac laks og aure. Planframlegget vil dels vidareføra den tradisjonelle bruken som eit næringsområde, men no med ein anna type næring. I samband med oppdrettsverksemda vart det gjort ein del inngrep i området. Delar av strandsona vart til dømes sprengt ut, og massane vart nytta til å fylla ut i andre delar av strandsona. Pollen er i dag stengt i begge innløp, grunna oppdrettsverksemda som har vore etablert der. Planområdet er såleis ikkje urørt per i dag, men det er ikkje bygd ut med bygg eller infrastruktur, og er forholdsvis utilgjengeleg både frå land- og sjøsida. Planen vil medføra at området vert rydda og opna opp, og gjort meir tilgjengeleg, både frå land- og sjøsida. Det er gjennomført oppstartsmøte med Bømlo kommune 3 september Planarbeidet er vurdert i høve til konsekvensforskrifta, og ein ser ikkje at det er behov for planprogram og konsekvensutgreiing då planen er i tråd med gjeldande kommuneplan. Sjølv om det ikkje er krav om konsekvensutgreiing vil relevante fagtema verta skildra i planomtalen. Planarbeidet skal mellom anna sjå nærare på konsekvensar for samferdsle/vegnett, strandsone, friluftsliv, landskap, naturmangfald og fiskeri/akvakultur.» Vurderingar: Det omsøkte området er på gnr. 98, bnr. 51 og deler av bnr. 2 og 5 Langevåg på Sæverudsøy.

4 Side 4 av 5 Søknaden gjeld løyve til oppstart av detaljreguleringsplan for å regulere området til næring, naust, fritidsbustader og småbåthamn. Området er ikkje regulert tidlegare. I gjeldande kommuneplan er området vist som fritidsbygg og småbåthamn. Tiltaket vil i hovudsak vera i tråd med gjeldande kommuneplan, men avvik litt på desse punkta: Næring- og naustføremål Deler av tilkomstveg vert lagt i LNRF Omsøkt areal grensar ikkje til eksisterande vedtekne planar. Føresegner til gjeldande kommuneplan skal følgjast for kvart føremål. Planleggjar skriv at han ynskjer å leggje til rette for fritidsbustadar/rorbu og naust med tilhøyrande småbåtanlegg i området. Ein nyttar ikkje begrepet rorbu lenger. Dette er i dag omtala som fritidsbustader. I prinsippsøknad er småbåtanlegg nytta som føremål. Småbåtanlegg er avgrensa til nærare fastsette eigedomar. Planleggjar må nytta føremål småbåthamn som er i samsvar med føremål i gjeldande kommuneplan. Føresegner til kommuneplan seier dette om utforming og estetikk: «I nye naustområde skal det etablerast felles løysingar for småbåtanlegg». Føresegner til kommuneplan seier dette om flytebryggje: «Innafor føremålet sett av til naust kan det byggjast naust, landfast flytebryggje m/landgang, utliggar og kai. Naust og tilhøyrande kai kan ikkje byggjast lengre ut enn 3 m frå kystkonturen. Flytebryggja kjem i tillegg til dette og kan ha maks storleik på inntil 15m² og maks breidde 2,5m. Den skal ikkje hindre fri ferdsel». Her vert krav til parkering Jmf og i føresegner til gjeldande kommuneplan som seier: 4.3.6: «Fritidseigedomar skal ha tilgang til minst 2 parkeringsplassar. Rett til veg og parkeringsplass må dokumenterast før det vert gjeve delings- og byggjeløyve. Bygging av garasje er ikkje tillatt» : «Det må dokumenterast rett til bilparkering før frådeling- eller før godkjenning av byggjeløyve på tidlegare frådelt tomt. For kontorbygg/næring har ein tidlegare sett kravet til 0,5 parkeringsplassar for bil per 50 m² BRA. Planen skal utarbeidast som detaljregulering jmf i plan-og bygningslova. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing. Det aktuelle området har tradisjonelt vore eit næringsområde, og vart frå 1960-talet til 1980-talet nytta til oppdrett av laks og aure. Langevågen på Sæverudsøy er eit område som har vore nytta i oppdrettsnæringa. Pollen har vore stengt i båe innløp p.g.a. oppdrettsverksemda. Planområdet er såleis ikkje urørt. Rådmannen rår til at det vert gjeve løyve til oppstart av arbeidet med detaljreguleringsplan for dette området på Sæverudsøy som omsøkt.

5 Side 5 av 5 Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Området er heller ikkje avsett til viktig viltområde. Halvparten av planområdet (sør-vest) ligg i omsynssone H 530_3, omsynssone for friluftsliv, Rogøy/Sæverudsøy. Beredskap- og samfunnstryggleik: Som ein del av arbeidet med reguleringsplanen skal det i samsvar med sjekklistene vist i kap Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. Folkehelse: Etablering av naust-/fritidsbustadområde og nærings-/representasjonsbygg vil bidra til utøving av sjørelaterte aktivitetar som er positive i høve til folkehelse. Oppsummering og konklusjon: I kommuneplan for Bømlo er det sett av eit område til fritidsbustader og småbåthamn, Langevåg på Sæverudsøy. No har Akvator AS på vegne av Åsholmen Invest AS og Jan P. Torkelsen søkt om løyve til å starta opp arbeidet med detaljregulering for området. Sidan området er avsett til fritidsbustader og småbåthamn i kommuneplan er det ikkje trong for konsekvensutgreiing av reguleringsplan. Rådmannen finn å tilrå oppstart med detaljregulering for dette området.