Planutgreiing m/føresegner Hangursvegen Terrasse.

Planutgreiing m/føresegner Hangursvegen Terrasse. Detaljreguleringsplan for gnr. 45 bnr. 65 og 113 Voss kommune Plan ID 2012008 MOSSIGE AS ARKITEKTUR Bergsliplass 2, postboks 294, 5702 VOSS baard@mossige.no Tlf 922 48 847 www.mossige.no

Side 2 (18) Planfremjar:... Voss Resort Prosjektutvikling AS Planfremjar sin representant:... Sigbjørn Slåtten Mossige AS plankonsulent:... Bård Våge Mossige Prosjekt nummer... 965 Dokument nummer... 01 Rev. nr.... 02 Dato... 2014-01-14 Rapport antal sider... 17 Utarbeidd... BM Kontrollert... BM Godkjent... BM Signert rapport original fins i arkivet til Mossige AS

Side 3 (18) INNHALD 1 PLANOMRÅDET.... 5 1.1 Bakgrunn og intensjon for planarbeidet... 5 1.2 Oppstart av planarbeidet... 5 1.3 Plansituasjon / gjeldande planar i området... 6 1.4 Skildring av området... 7 1.4.1 Service, offentlege tenester... 8 1.4.2 Vegsystemet... 9 1.4.3 Historie... 9 1.5 Friluftsområde, turvegar.... 10 1.6 Estetikk, nær og fjernverknad... 10 1.7 Skular barnehagar og likn..... 10 1.8 Parkering..... 10 1.9 Leikeareal / opphaldsareal ute..... 11 1.10 Fordelingsstasjon og trafo... 11 1.11 VA - anlegg..... 11 1.12 Renovasjon..... 11 1.13 Energibruk..... 11 2 FRAMLEGG TIL PLAN... 11 2.1 Bustader... 12 2.2 Overordna tankegang og mål... 12 2.3 Generelle kvalitetsmål... 12 2.4 Arkitektur... 12 2.5 Byggjemønster... 12 2.6 Takformer... 12 2.7 Utforming, husvære / tilleggsfunksjonar... 12 2.8 Utforming i høve tilgjenge... 12 2.9 Parkering... 12 2.10 Leikeplass, barn og unges interesser... 12 2.11 Tilkomst... 13 2.12 Vegtilhøve... 13 2.13 Vatn og avløp... 13 2.14 Geologi... 13 2.15 Omsyn og tilhøve til omkringliggande naboar... 13 2.16 Ros-analyse... 14 3.0 REGULERLNGSFØRESEGNER- HANGURSVEGEN TERRASSE... 15 1 FELLESFØRESEGNER... 15 2 BYGGEOMRÅDE - BUSTAD... 16 3 OFFENTLEG TRAFIKKOMRÅDE.... 17 4 OMSYNSSONE... 17 5 FELLESOMRÅDE... 17

Side 4 (18) FIGURAR Figur 1 Avgrensing av planområdet... 5 Figur 2 Planområdet saman med utsnitt plankart Vangstunnelen (2002)... 6 Figur 3 Parti av Vangstunnelen saman med planområdet 7 Figur 4 Oversiktskart med markert planområde.... 8 SEPARATE VEDLEGG Innspel med kommentarar til oppstart ROS-analyse Terrengsnitt og illustrasjonar Illustrasjonsplan Plankart Referat frå oppstartsmøte Voss Energi, stråling

Side 5 (18) 1 Planområdet. 1.1 Bakgrunn og intensjon for planarbeidet Føremål med planarbeidet er å utarbeide detaljregulering Hangursvegen 17 i Voss kommune og legge til rette for utbygging av husvære i blokk saman med parkeringsløysing, tilkomst og leikeareal. Planframlegget er utarbeida av for Voss Resort Prosjektutvikling AS. 1.2 Oppstart av planarbeidet Oppstartsmøte med Voss kommune vart helde 29 mai 2012, referat frå møtet er vedlagt. Klarsignal for å utarbeide og fremje planforslag vart gjeve i møte formannskapet Voss kommune 23.08.2012. Oppstart av planarbeidet vart varsla i dagspressa (Avisa Hordaland) 01.09.2012 og på heimesida til Voss Kommune. Naboar og grunneigarar vart varsla med eige brev datert 30.08.2012. Ved utløp av merknadsfrist var det kome inn totalt 5 uttaler/merknader til planoppstart, der 2 er private. Innspel saman med våre kommentarar til innspela er vedlagt som eige vedlegg. Figur 1 Avgrensing av planområdet

Side 6 (18) 1.3 Plansituasjon / Gjeldande planar i området Arealbruksføremål i kommuneplanen: Avsett som bustadføremål i gjeldande KP. Eksisterande bane er ikkje avsett med føremål. Evt. Gjeldande reguleringsplan: Inngår i reguleringsplan for Nordvestre luten av Vossevangen 1959. Planen viser vegtrasear ikkje føremål. Rikspolitiske retningsliner for born og unge. Rikspolitiske retningsliner for universell utforming. Evt. tilgrensande reguleringsplan: Reguleringsplan for Vangstunnelen ligg under deler av planområdet. Figur 2 Planområdet saman med utsnitt plankart Vangstunnel (2002)

Side 7 (18) Figur 3 Parti av Vangstunnelen saman med planområdet (raude liner). Næraste punkt horisontalt frå planområdet til vegmidte Vangstunnelen er 15,69 m. Høgd på sprengningsprofil her vil vera om lag kote 60,7. Sokkelhøgd i nybygg vest (parkeringsareal) er planlagd på kote 91. Overdekning er då om lag 30 m. Pkt 5.3 i føresegner for Vangstunnelen avsnittet om gjeldande reguleringsplan. Her er føreteke ei «tidsavgrensa» regulering dvs når arbeida med tunnelen er ferdig (slutten av 2013) går planstatusen tilbake til tidligare reguleringsplan (1959), likevel skal alt arbeid i grunnen godkjennast av Statens Vegvesen. Viser til oppstartsmøte der aktuelle spørsmål knytt til Vangstunnelen er teke opp med Statens Vegvesen i skriv datert 03.09.2012 og med svar frå SVV datert 23.10.2012. Geologisk vurdering/rapport skal utarbeidast når bygging vert aktuelt. 1.4 Skildring av området Planområdet si avgrensing fylgjer eigedomsgrensa til gnr/bnr 45/65, 113. Planområdet ligg sørvendt med flott utsyn over Vossevangen og Vangsvatnet og vil ha gode soltilhøve store deler av året. Området inneheld i dag nedre stasjon for Hangursbanen med tilhøyrande bygningsmasse og tilkomst / parkeringsløysing. Terrenget er bratt i øvre del, fine tilhøve for bygging der bygningsmasse parkeringsareal ligg i dag. Øvre del av terrenget bratt. Nye bygg vil i all hovudsak gjera nytte av areal som er nytta i dag. Øvre delar av området, i nordvest, er prega av krattskog, lauvskog. Mykje bjørk, selje og rogn.

Side 8 (18) Figur 2 Oversiktskart med planområdet markert. 1.4.1 Service, offentlege tenester Innkøyring til Hangursvegen Terrasse ligg ca 800 meter frå Tinghuset på Voss. Tilkomst til Voss sentrum er i dag langs kommunal veg Hangursvegen og Gullfjordungsvegen. Avstand til vestre deler av sentrum (Vangskyrkja) er ca 700 m. luftline. Næraste kollektivknutepunkt Voss Stasjon kort gangavstand, der finn ein regionale og lokale kollektivtilbod ved bruk av tog og buss. Ein finn dei fleste servicetilbod i tilknyting til Voss sentrum; butikkar, lege, politi, brannvesen, apotek, bibliotek kommunesenter, barnehagar, barneskule (Gullfjordungen Barneskule 5 min. unna). Elles ligg Voss sjukehus om lag 1,1 km i gangavstand austleg retning nord for sentrum.

Side 9 (18) 1.4.2 Vegsystemet Tilkomstveg Hangursvegen er ein blindveg som endar ved Finne Burettslag. Trafikkmengda er avgrensa og vil etter at tiltaket er etablert vera mindre enn dagens situasjon. Dette då dagens bruk av planområdet genererer meir trafikk enn kva nytt tiltak med 16 husvære vil gjera. Kringliggande veganlegg er vegar i tettbygd villastrøk med avgrensa trafikkmengder. Notat med oversikt over noverande trafikkmengder og venta mengder vedlagt. Kollektivtrafikk i området dekker transport til og frå nærområda og meir regional trafikk då Voss stasjon ligg i gangavstand til planområdet. 1.4.3 Historie Planområdet inneheld i dag nedre stasjon for Hangursbanen. Denne gondolbanen vart bygd i 1963. Banen har sidan den tid vore i årleg drift, sesongen er sumar og vinter. Nedre stasjon inneheld også parkeringsareal for gondoldrifta. Vidare inneheld planområdet ein fordelingsstasjon og ein trafo for Voss Energi. Desse bygga vart etablert nokre år etter gondolbanen. Fordelingsstasjonen har dei siste åra vore lite nytta. Området rundt planområdet er nytta til bustadføremål og har hatt slik bruk sidan 60 talet. Bilde «Dinglo» like før toppen. Planforslaget utløyser fjerning av dagens gondolbane. Framtidsvonene for noverande bane er heller dystre. Banen sin tekniske standar og kapasitet gjer at den ikkje lenger er drivverdig, vidare er tilkomst og parkering knytt til banen for dårleg noko som vil halde fram sjølv om ein oppgraderer banen. Planfremjar jobbar med planar for å erstatte banen med ein ny og moderne bane frå Voss stasjon til Hangurstoppen. Dette gjev ei ny løysing med langt betre kapasitet og vil på alle vis mykje betre stetta dagens krav til ein slik bane.

Side 10 (18) 1.5 Friluftsområde, turvegar Området kring planområdet byr på ei rekke vegar med særs moderate trafikkmengder som høver for turgåing. Om lag ein km sør for planområdet ligg friluftsområdet Prestegardsmoen. Rett nord og oppetter lia finn ein Mølster og Mølsterberget med fleire fine turløyper. 1.6 Estetikk, nær og fjernverknad Nye bygg med husvære skal ha ei utforming, volum og bruk som høver saman med tilgrensande arealbruk. Nye volum vil ha høgder som ligg under topphøgd noverande nedre stasjon. Tilgrensende område aust for planområdet vil såleis truleg få meir sol og ljos enn kva ein har i dag. Ny bruk vil også redusera støy og innsyn til desse eigedomane. Nye bygg skal leggast inn i terrenget og ha tilkomst frå Hangursvegen vest for fordelingsstasjon. Bygningsvoluma for dei 16 husværa skal delast i 2 bygg. Ein vestleg del med parkering i sokkel tilkomst og 4 høgder med husvære over, øverste inntrukken. Austleg del startar ein etasje over nedre plan vestleg del. Under bakken ei høgd med buer tekniske rom mm. Over dette 3 høgder med husvære. Mellom bygga vert det felles tilkomst i form av trappe - og heis hus. Føre austleg del felles sørvendt uteareal med særs fin utsikt og gode soltilhøve. Bygningsmasse vil gjera bruk av områdets topografi på ein god måte utan for store inngrep. Kvart husvære skal ha gode romslege terrassar/altanar mot sør. Fasadar og volum enkle og med eit moderne uttrykk. I høve nær og fjernverknad vil utbygging av planområdet framstå attbygd i vest og noko mindre ruvande i aust. Dvs noverande bygningsmasse vil på avstand vera meir synleg frå aust enn kva nye volum vil vera. Nye bygg vil i liten grad ta utsikt frå andre eigedomar i området. Næraste eigedom i vest vil få noko redusert utsikt austover, men eigedomen vil framleis ha dagens ustikt mot sør og vest. Fargar skal vera avdempa, bygga skal gjera bruk av gode fasadematerialer som held seg over tid og som krev lite vedlikehald. 1.7 Skule barnehagar og likn. Barneskule rett vest for planområdet, Gullfjordungen skule. Området har og vidaregåande skule som Voss Vidaregåande skule (Husflidskulen) og Voss Folkehøgskule. Næraste store barnehage er Lundhaugen Barnehage om lag 1 km aust for planområdet. Elles kort veg til Voss sentrum med alle dei tilbod ein kan nytte seg av der. 1.8 Parkering Planområdet har i dag ei parkeringsløysing som inneheld parkering knytt til nedre stasjon gondolbanen. Vidare er det ei rekke etablerte parkeringsplassar langs Hangursvegen frå trafo i aust til noverande tilkomst/innkjøring til Hangursbanen. Noverande tilkomst til planområdet i vest flyttast lenger aust. Nytt parkeringsanlegg innomhus i sokkel på nybygg planlagt nord for parkeringsplassar langs Hangursvegen. I alt 16 plassar innomhus i parkeringsokkel og 8 utanfor. Dette gjev ein parkeringsdekning på 1.5 pr. husvære.

Side 11 (18) To plassar innomhus tilpassa rørslehemma. Ny utkjøring frå parkeringsanlegg skal ha siktliner mm i samvar med regelverk for avkjøringar. 1.9 Leikeareal / opphaldsareal ute I detaljplanen er det lagt inn areal for leik. Areala sør aust og nord for ny bygningsmasse er sett av til leikeareal. Kravet er 25 m 2 pr. husvære, dette gjev eit totalareal på 400 m 2 avsett til leik. Trafikktryggleik i området er god, Hangursvegen er ein blindveg og har liten trafikk. Hangursvegen er nytta som skuleveg for borna i nærområdet. Flytting av taubanen vil minske trafikken som er der i dag. I nærleiken av planområdet ligg Gullfjordungen skule, der er ballbanar mm. 1.10 Fordelingsstasjon og trafo Fordelingstasjon vil når den er i full bruk ha noko strålingsverdiar tett på. Bygningsmassen er lagt noko frå stasjonen slik at stråling ikkje skal vera tema. Stasjonen har vore særs lite nytta siste åra. Planfremjar har avklara dette forholdet med eigar av fordelingsstajon Voss Energi (sjå eige vedlegg) og ein har ikkje strålingshensyn som er til hinder for prosjektet slik det er planlagd. 1.11 VA anlegg Leidning for vatn og kloakk, med tilstrekkeleg kapasitet, ligg i Hangursvegen. Leidning som fører overvatn til bekk ligg i Hangursvegen 1.12 Renovasjon Handtering av avfall i eige ombygd del i noverande taubane. I sokkelhøgd ut mot Hangursvegen. 1.13 Energibruk Energibruk for husværa skal halda seg til gjeldande regelverk, dvs lågenergi standard. 2 Framlegg til plan vert føreslege regulert til 16 nye bustader fordelt på to bygg med kommunikasjonsareal mellom bygga. Byggeområdet har eit samla areal på 2661 m 2. I tillegg gjera bruk av areal på taket av fordelingsstasjon på gnr 45 bnr 113, dette nyttast til ute opphaldsareal knytt saman med anna planlagd opphaldsareal på bnr. 65.

Side 12 (18) 2.1 Bustader Plankart for Hangursvegen Terrasse viser nybygg med 16 husvære delt på to bygg. Alle husværa vil vera romslege med areal over 80 m2. Husværa skal rette seg etter krav om tilgjenge. På plankartet er det vist løysingar for parkering og maksimal mønehøgde for bygga. Bosshandtering skal løysast i felles bygg i sokkel på tidligare nedre stasjon med tilkomst frå Hangursvegen. Arrangement for post er plassert i gang ved hovudinngang. 2.2 Overordna tankegang og mål Området er planlagt med utgangspunkt i å bruke tomtas topografi på ein god måte utan for store inngrep. Dimensjonerande for tal på husvære har vore areal til parkeringsløysing også den med tanke på skånsam bruk av terrenget. Vidare utnytting volum og høgder med bakgrunn i noverande volum og høgder og ynskje om ikkje utfordre dette nemneverdig. Elles å legge til rette for husvære som tek vare på områdets fine utsikt opphald ute og området kring sine mange kvalitetar. 2.3 Generelle kvalitetsmål Bygningar og anlegg i Hangursvegen Terrasse skal planleggjast og utførast med stor vekt på høg kvalitet; estetisk, funksjonelt og teknisk utforming. 2.4 Arkitektur Bygningar og landskapsbehandling skal ha ei form i samsvar med samtida sine uttrykksmåtar. 2.5 Byggemønster Illustrasjonsplanen er retningsgjevande for byggemønsteret. Mindre justeringar i volum utforming som fylje av detaljprosjektering er mogleg. 2.6 Takformer Flate tak ev. tak som lyfter seg mot sør skal nyttast. Det er eit mål at bygga ikkje skal vera høgare enn det som er naudsynt for å få til ei god teknisk løysing. 2.7 Utforming, husvære/tilleggsfunksjonar Utforminga av husværa, samspelet mellom fleire husvære og fellesareal inne og ute skal leggja vekt på forholda til sol, utsikt, skjerming for trekk, gode private og fellesprivate uteplassar og høve til variert sosialt samspel. 2.8 Utforming i høve tilgjenge Planlegging i området skal utformast i samsvar med prinsippa tilgjenge utforming, så sant dette er mogleg med omsyn til terreng. Alle husværa saman med uteareal skal følgje byggjeforskrift frå 1. juli 2010 (TEK 10) i høve til krav om heis og tilgjenge. Bygga vil få trinnfri tilkomst til alle husværa og til felles uteareal. 2.9 Parkering Parkeringsdekning 1,5 plassar for husvære. Dette gjev for 16 husvære totalt 24 parkeringsplassar. Plassar tilpassa rørslehemma i samsvar med regelverk. 2.10 Leikeplass, barn og unges interesser Krav til leikeareal er 25 m 2 pr. bueining, dvs 16 x 25 = 400 m2.

Side 13 (18) Leikeareala er lagt aust nord og sør for bygningsmassen og det er lagt opp til at ein skal opparbeide desse med leikeareal, friareal og samlingsplassar for born og vaksne. Leikeareala skal vere ferdig opparbeidd ved innflytting i husværa. Leikeareala skal utformast i samsvar med gjeldande regelverk. Med omsyn til utforming bruk og tilgjenge. Det eksisterer elles gode felles leikeareal i nærområdet, ved t.d Gullfjordungen skule mm. 2.11 Tilkomst Hovudtilkomst for gåande og bilar til Hangursvegen Terrasse rett inn frå frå Hangursvegen til parkeringskjellar og hovudinngang. På kvar side av hovudtilkomst langs Hangursvegn parkering for besøkande. 2.12 Vegtilhøve Tilkomstveg Hangursvegen er kommunal veg og har fartgrense 30 km/t. ÅDT (årsdøgertrafikk) er låg. ÅDT under 3000 reknast av Statens vegvesen som låg (ÅDT over 5000 reknast som høg). Ein ventar seg ein nedgang i ÅDT då tiltaket erstattar bruken planområdet har i dag som er taubanedrift. Trafikken vil verta mindre og meir stabil. Tal på gåande og syklande vil også verta redusert i høve dagens situasjon. 2.13 Vatn og avløp VA-system skal planleggast og utførast i samsvar med Voss Kommune sin VA-norm. Kapasitet på VA anlegg er avklara med Voss kommune og tiltaket vil ikkje utløyse nye anlegg i så måte. 2.14 Geologi Før søknad om rammeløyve for tiltak i området skal det utarbeidast geologisk vurdering / rapport som særleg tek føre seg problemstilling knytt til sprenging. Dette med bakgrunn i tilhøva til Vangstunnelen og då spesielt overdekning. Vurdering / rapport må vera i samsvar med gjeldande lover og reglar som vedkjem sprenging. Bygga vil verta utførte med bruk av radonsperre i tråd med byggeforskrifter og kommunen sine krav. 2.15 Omsyn og tilhøve til omkringliggjande naboar. Alle kringliggande eigedomar er sørvendt og har grunna stigning i terrenget gode tilhøve for sol og utsikt. Eigedomar sør for planområdet ligg på nedsida av Hangursvegen og vil ikkje få endra tilhøve knytt til utsikt og soltilhøve. Eigedomar vest for planområdet vert lite råka av tiltaket. Næraste eigedom i vest vil få noko redusert utsikt mot aust. Eigedomar aust for planområdet vil få meir utsikt mot vest og meir sol, pga at nedre stasjon fo Hangursbanen vert fjerna som fylje av tiltaket, desse bygga har høgd over det som ligg i nybygg i planen. Vidare vil ny bygningsmasse ligge lenger vest enn det som er tilfelle for noverande bygningsmasse. Eigedom nord for planområdet er ikkje utbygd. Terrenget har i dette området såpass stor stigning at ei eventuell seinare utbygging av dette området ikkje vil verte råka når det gjeld utsikt og soltilhøve. Endra bruk frå taubanestasjon til husvære i planområdet vil utløyse ein nedgang i trafikken i området og fylgjeleg verka positivt med omsyn til støy synleg og høyrbar.

Side 14 (18) 2.16 Ros-analyse Det er gjennomført Risiko- og sårbarheitsanalyse for planområdet (vedlagt). Her er det gjort vurderingar i forhold til naturbasert sårbarheit, verksemdbasert sårbarheit og sårbarheit knytt til infrastruktur. Det er ikkje avdekka funn i analysen som det bør takast særleg hensyn til. Voss tysdag 14.01.2014 Revidert 18.06.2014 Voss kommune

Side 15 (18) 3 REGULERlNGSFØRESEGNER - HANGURSVEGEN TERRASSE PLAN ID 2012008 1 FELLESFØRESEGNER 1.1 Plankart og føresegner Føresegner gjeld innafor reguleringsgrenser for detaljreguleringsplanen for Hangursvegen terrasse vist på plankart dagsett 18.03.2013 revidert 14.01.2014 Profilsnitt dagsett 14.03.2013 Illustrasjonsplan dagsett 14.03.2013 revidert 29.11.2013 Parallell solstudie dagsett 08.05.2013 Perspektiv solstudie dagsett 08.05.2013 Perspektivskisser dagesett 14.03.2013 Alle overnemnde dokument skal vera rettleiande ved byggesakshandsaming av området i planen. Utbygging som avvik vesentleg frå dette må handsamast som ei reguleringsendring. 1.2 Plankrav 1.1.1 Detaljregulering er i målestokk 1:500 og viser: - Avsett området til tilkomst parkering og bustadføremål med tilhøyrande uteopphalds og leikeareal. 1.3 Rekkefylgje 1.3.1 Før igangsettingsløyve skal det utarbeidast geologisk vurdering/rapport av geolog som tek føre seg tilhøva til Vangstunnelen (sprenging, overdekning) og eventuell skredfare i området. 1.3.2 Før igangsettingsløyve skal sikringstiltak mot skredfare gjennomførast. - Eksisterande vegetasjon må oppretthaldast - Dimensjonert støttemur i skråningen bak planlagt bygningar/alternativt fangnett for jordskred 1.3.3 Før bruksløyve for nye husvære vert gitt skal fyljande tiltak vera ferdigstilde. - felles leikeareal - felles ute opphaldsareal - felles utvendig tilkomst frå Hangursvegen til felles uteareal og heis/trappehus. - areal for avfallshandtering i sokkel gamal del taubane inn frå Hangursvegen. 1.3.4 Detaljreguleringa er basert på at det vert lagt til rette for ein utbyggingsavtale. Før igangsettingsløyve kan verte gitt, må underskriven utbyggingsavtale mellom utbyggar og Voss kommune ligge føre. 1.3.5 Ved søkand om igangsetting skal det føreligge VA plan for området.

Side 16 (18) 1.3.6 Tiltaket skal byggast ut samla. 1.4 Terrenghandsaming 1.4.1 Tilkomst frå bygga til fellesareal skal vera trinnfri. 1.5 Energi For utbygging som får BRA over 500 m2 skal det utarbeidast ei energiutgreiing. Desse skal i hovudprinsippet ha oppvarming basert på vassboren varme. Dersom energiutgreiinga viser til ei betre energimessig løysing utan vassboren varme kan ei slik løysing veljast. jf. TEK 10 14-7. Direkteverkande elektrisitet og fossile brensel vert ikkje rekna som betre energimessige løysingar enn vassboren varme. Energiutgreiinga skal synleggjere kva vurderingar og val som er lagt til grunn for og fremje bruk og utvikling av miljøvenlege/klimanøytrale materiale, produkt og tekniske løysingar med låge klimagassutslepp. 1.6 Universell utforming Bustadblokkene med tilhøyrande uteområde skal, så langt som mogleg vera tilrettelagt etter prinsippa for universell utforming (jmf krav i TEK 10). 1.7 Garasjeanlegg / parkering Sokkelhøgd i vestleg del skal nyttast til garasjeanlegg, gjesteparkering langs etter Hangursvegen etter løysing som noverande. 1.8 Små endringar Små endringar av føremålsgrenser, vegliner og plassering av bygningar kan tillatast. Endringane skal ikkje medføre vesentlege endringar i storleiken til dei ulike føremålsflatene. 2 BYGGEOMRÅDE - BUSTAD 2.1 Bustadblokk (1113) Det kan byggast to bustadblokker med samla inntil 16 einingar. Felles parkeringsanlegg delvis under terreng. I tillegg kan det setjast av parkeringsplassar ute på inngansgnivå (bruk som i dag med justeringar). Det skal vera 1.5 biloppstillingsplass pr bueining, inkludert gjesteparkering. Det skal leggast til rette for parkeringsplassar for rørslehemma, ein utomhus og ein innomhus. Det skal også leggast til rette for sykkelparkering. 2.2 Uteopphaldsareal (1610) 2.2.1 Uteopphaldsareal skal vera tilrettelagt for felles opphald med m.a sitjegrupper, og skal vera opparbeidd i samsvar med situasjonsplan. Det skal setjast av minimum 25 m2 til felles leikeareal pr bueining, med kvalitetskrav i samsvar med pkt. 2.2.2. Privat uteareal skal vere minimum 8 m2 pr eining. 2.2.2 Leikeareal skal ha fyljande kvalitetar:

Side 17 (18) - førmålsteneleg form og samla areal - lett tilgjengeleg og god plassering i forhold til husværa. - Gode lokalklimatiske tilhøve, med dette også gode soltilhøve. - Ikkje brattare enn 1:3 - Støynivå skal ikkje overstige 55 db. - Skjerma frå forureining. 2.3 Grad av utnytting og høgder - Tillaten utnytting nye bygg maks 3500 m2 BRA. - Byggehøgder er gitt som maksimaltillaten kotehøgde, og skal ikkje overstige kote 107. Innstallasjonar, som heishus kan gå høgare opp enn kote 107. 3 OFFENTLEG TRAFIKKOMRÅDE 3.1 Offentleg køyreveg (2010) Byggegrensa er lagt 8 meter frå vegmidte Hangursvegen. 4 OMSYNSSONE 4.1 Frisiktsone (140) Frisiktsone er vist på plankartet ved avkøyrsle, og skal ha fri sikt min 0.5 meter over vegbana. 4.2 Faresone for ras- og skredfare (310) For å oppnå tilstrekkelg sikring etter krav i TEK 10 7-3, sikringsklasse S3, er det naudsynt med enkle sikringstiltak mellom planlagt tiltak og Sivlevegen. Dimensjonert støttemur i skråningen bak planlagt bygg/alternativt fangnett for jordskred. Tiltaka skal stetta krava i TEK for bygningar i sikkerthetsklasse S3. 5 FELLESOMRÅDE 5.1 Felles leikeplass Det er sett av tre fellesområde for leik. Leikeareal er felles for alle husværa. Områda skal utstyrast med leikeapparat for born i ulike aldersgrupper. 5.2 Felles uteopphald Det er sett av område til felles uteopphald. Områda er felles for alle husværa.

Side 18 (18)