SAKSGANG. 2. gongs handsaming av reguleringsplan for del av gnr. 11, bnr. 4 Fritid og turisme, Vik i Herand

Jondal kommune Sakspapir SAKSGANG Utval Møtedato Saksnr. i utval Hovudutval for Teknisk og Næring 22.04.2014 031/14 Kommunestyret 30.04.2014 025/14 Saksbeh: Sigbjørn Haugen Saka blir avgjort av: Kommunestyret Arkiv: GBNR- 11/4, N- 504 Arkivsaknr. 08/9 2. gongs handsaming av reguleringsplan for del av gnr. 11, bnr. 4 Fritid og turisme, Vik i Herand Dokument i saka: Dok.nr. T Dok.dato Namn Tittel 30 S 10.12.2013 2. gongs utlegging til høyring og offentleg ettersyn.framlegg til reguleringsplan for del av gnr. 11, bnr. 4 Fritid og turisme, Vik i Herand, PlanID 12272008002 31 U 17.01.2014 Fylkesmannen i Hordaland mfl Informasjonsbrev -2. gongs offentleg ettersyn - Framlegg til reguleringsplan for fritid og turisme, Vik i Herand, Jondal kommune 32 U 24.01.2014 Fylkesmannen i Hordaland Dokument i saka 33 I 27.01.2014 Statens vegvesen Region vest Uttale frå Statens vegvesen- ingen merknad. 34 U 31.01.2014 Fylkesmannen i Hordaland Oversending av plankart. 35 I 07.02.2014 Nve Fråsegn til 2.gongs offentleg ettersyn av reguleringsplan for fritid og turisme - Vik i Herand - gbnr 11/4 36 I 20.02.2014 Hordaland Fråsegn til reguleringsplan Vik, Herand Fylkeskommune 37 I 24.02.2014 Fiskeridirektoratet Uttale - til 2. gangs høyring om reguleringsplan for fritid og turisme i

Vik i Herand 38 I 26.02.2014 Svein Samland Merknad til reguleringsplan, Gnr 11 Bnr 4, Vik i Herand. 39 I 27.02.2014 Trond Vikane Merknad til reguleringsplan for del av Gnr 11 Bnr 4 Vik i Herand. 40 I 01.03.2014 Lars Tore Haugen Uttalefrist på 1 veke til 07.03.2014 42 I 10.03.2014 Fylkesmanenn i Hordaland 2. gongs offentleg ettersyn - gnr 11 bnr 4 - Vik i Herand, Reguleringsplan for fritid og turisme 41 I 10.03.2014 Kolbjørn Valestrand og Signe Aarhus Merknad til framlegg til reguleringsplan for fritid og turisme, Vik i Herand, 2.gongs off. ettersyn 43 U 17.03.2014 Morten Aasbø Vedlagt fylgjer innkomne høyringsuttaler til Framlegg til reguleringsplan for Vik i Herand 44 I 06.04.2014 Anne Marie og Morten Aasbø Uttale etter mottekne merknader til reguleringsplan for gnr 11 bnr 4, Herand, Jondal kommune 46 I 14.04.2014 Sidsel og Lars Tore Haugen Innspill til reguleringsplan for Vik i Herand, gnr.11 bnr. 4 Aktuelle lover, forskrifter, avtalar m.m.: Plan- og bygningslova 12-12. Kommuneplan for Jondal kommune, vedteken i Jondal kommunestyre 19.12.2012. Saksopplysningar: Hovudutvalet for Teknisk og næring vedtok i møte 20.12.2013, sak HTN 068/13 at privat forslag til detaljreguleringsplan for del av gnr. 11, bnr. 4, Fritid og turisme, Vik i Herand, PlanID 12272008002, dagsett 20.11.2013 skulle leggjast ut til offentleg ettersyn. Planområdet er om lag 11 daa og ligg i Vik i Herand, om lag 12 km frå Jondal mot Utne. Det er planlagt småbåthamn med om lag 30 båtplassar, campingplass, 2 utleigehytter, sørvisbygg, badeplass og 4 nye naust. Dei aktivitetane planframlegget tilrettelegg for er del av ein plan som skal styrke driftsgrunnlaget på bruket. I dag er det fylgjande drift/aktivitetar på bruket: 30 vinterfora sauer Gardssag, leigeskjering og produksjon av ma villmarkspanel frå eigen skog Røykstove for utleige Hundepensjonat med 20 plasser, (deler av driftsbygning ombygd 2011) Omsetning 2013, om lag kr 400.000.

Planframlegg til høyring Fotomontasje

Planframlegget var til høyring og offentleg ettersyn i tidsrommet 14.01.2014 28.02.2014. Det kom inn 9 høyringsuttaler til planframlegget frå: Statens vegvesen, 27.01.2014 Vegvesenet har ikkje merknader til planframlegget. NVE, 07.02.2014 NVE har ingen merknader til planframlegget. Fiskeridirektoratet, 21.02.2014 Viser til Havressurslova og forbod mot fiske nærare enn 100 meter, og ferdsle nærare enn 20 meter frå steng med fisk. Utover dette har ikkje Fiskeridirektoratet merknader til planen. Svein Samland mfl, Herand, 26.02.2014 Har merknad til småbåthamna og viser til merknad frå 2009 ved fyrste gongs utlegging av planframlegget. Stiller spørsmål ved om dei som er fastbuande i området og grunneigarar skal ofre nærmiljøet. Rådmannen sin kommentar: Sjå under punktet Vurdering Trond Vikane, Herand, 27.02.2014 Har merknad til småbåthamna og viser til merknad frå 2009 ved fyrste gongs utlegging av planframlegget. Viser til at både fylkeskommunen og fylkesmannen i tillegg til 5 privatpersonar i Herand gjekk mot etablering av småbåtanlegg. Meiner at å ta vare på kulturmiljøet i Vik er viktigare for bygda enn nye båtplassar for hytteeigarar. Rådmannen sin kommentar: Sjå under punktet Vurdering Kolbjørn Valestrand og Signe Aarhus, Bergen, 10.03.2014 Har same merknad til småbåthamna i dag som i 2009 og viser til merknad ved fyrste gongs utlegging av planframlegget. Rådmannen sin kommentar: Sjå under punktet Vurdering Lars Tore Haugen, Herand, 01.03.2014 og 12.04.2014 Er eigar av bnr 15, bustad vest for planområdet. Ynskjer å kjøpa areal for støyskjerming mellom bustadhuset og campingplassen. Rådmannen sin kommentar: Planføresegnene pkt 3.3.3 Vegetasjonsskjerm VS_1. Mot gnr 11, bnr 15 kan det førast opp vegetasjonsskjerm. Rådmannen foreslår at kan vert endra til skal. Evt kjøp av arealet overlet rådmannen til partane. Hordaland fylkeskommune, 20.02.2014 Dei viser til fråsegn ved 1 gongs høyring og at parkeringsplass, bubilområde og utleigehytter er trekt lenger bort frå strandsonen. Fylkeskommunen har merknader til naust, småbåthamn og kulturminne. Dei peikar på at eksisterande naust i aust, bør restaurerast framfor riving og nybygg. Det er utført kulturhistorisk feltarbeid i 2009 og det vart ikkje påvist automatisk freda kulturminne på

land. Vraket av Embla, bygd i 1894 ligg i sjøen i området for småbåtanlegget. Flytebryggja kan på vilkår etablerast over vraket. Rådmannen sin kommentar: Eksisterande naust er foreslått flytta for å etablera båtopptrekk på austsida av naustet. Sjå elles under punktet Vurdering Fylkesmannen i Hordaland, 11.03.2014. Fylkesmannen er kritisk til bygging av nye naust i området og plassering av bubiloppstillingsplassar og servicebygg så tett på strandlina. Vidare er fylkesmannen oppteken av at næringsområde ikkje i framtida vert tekne i bruk til andre føremål med mindre samfunnsnytte. For å drøfte planen vart kommunen invitert til dialogmøte som vart halde i Bergen 27.02.2014. Spørsmål som vart tekne opp i møtet Fylkesmannen orienterte om innhaldet i motsegnsprosjektet og innvendingane som ligg føre mot planen. Fylkesmannen meiner det er uheldig når det gjeld verdiane i strandsona, inklusive landskapsverdiane, dersom det vert oppført fire nye naust vest i planområdet. Nausta er ikkje i tråd med kommuneplanen. Talet på naust bør som minimum reduserast til eventuelt eitt fellesbygg for brukarane av båthamna, plassert inn til eksisterande kai / bygningsmasse i vest. På den måten kan også verdiane i badeområdet sikrast betre. Generelt meiner Fylkesmannen og at område avsett til næring i overordna plan, må nyttast til utbygging med eit reelt næringsføremål. Fylkesmannen er elles oppteken av at det ikkje bør opnast for faste installasjonar knytte til oppstillingsplassen, for bubilar. Det vil verke negativt på landskapsverdiane og i større grad enn eit mellombels bubilstopp, ha ein privatiserande effekt på badevika. Byggegrense er sett til 25 meter i kommuneplanen. Jondal kommune viste til dialogen om kommuneplanen og peika på at strandlina vest i området er prega av inngrep og utfylling som har skjedd over lang tid. Kommunen meiner at dette fyllingsområdet bør ryddast opp i-/ tilretteleggjast på ein betre måte. Det finst elles ein meir eigna badeplass i nærleiken av området, som er meir naturleg å nytte for ålmenta. Vidare peika kommunen på at eigar av det aktuelle bruket har vore oppteken av å byggje opp mange småskala tiltak, som i sum gjev ei varig inntening til bruket. Oppsummering Sett i lys av Fylkesmannen sitt faglege ansvar, mellom anna for friluftsliv og strandsoneforvaltning, er det i tråd med statleg politikk at dei mest strandnære areala vert haldne ubygde i større grad enn det planen viser. Vi tilrår at kommunen ser på om søre del av planområdet, opp mot vegen, kan utnyttast betre til næringsføremål. Fylkesmannen oppfattar elles etter drøftinga at det er semje om at kommunen bør sjå på planen på nytt, med sikte på å få til ei utbygging som betre tek vare på landskaps- og strandsoneverdiane i området, samstundes som næringsføremålet som området er sett av til, vert oppnådd. I denne samanhengen rår Fylkesmannen til at det nye naustområdet vert teke ut, eventuelt justert slik det er gjort greie for ovanfor. Vidare rår Fylkesmannen

kommunen til å vurdere om parkeringsplassen for bubil kan takast ut eller trekkjast noko lengre bort frå strandsona, og at det i så fall vert utarbeidd klåre føresegner som sikrar mot unødig etablering av permanente bygg- / installasjonar. Planen bør og ta høgde for at badeplassen som skal etablerast blir eigna til bruk også for ålmenta og fastbuande. Fylkesmannen er elles oppteken av at kommunen bør sikre at ikkje dei områda som vert sette av som næringsområde i strandsona vert utbygde på ein slik måte at bygningar i ettertid kan bli søkt omdisponert til private fritidsbustader. I dei gjeldande statlege planretningslinene er det som kjent gjeve ei viss opning for sjøtilknytt næring i sone 3, slik kommuneplanen for Jondal i dette høvet opnar for. Private fritidsbygg som hytter og naust skal likevel normalt ikkje plasserast i desse områda. Kommunen bør difor sjå nøye på korleis ein kan sikre at utbygginga i dette høvet vil gi eit varig inntektsgrunnlag for det tilhøyrande bruket. Rådmannen sin kommentar: Sjå under punktet Vurdering Uttale frå tiltakshavar til innkomne merknader. 06.04.2014 Tiltakshavar har kome med generelle kommentarar til høyringsuttalene og er av forståelege grunnar frustrert over at planprosessen har teke 6 år. Dei meiner at planframlegget no i stor grad tek omsyn til tidlegare innspel. Tiltakshavar foreslår å redusere talet på naust frå 4 til 3 og utvide badeområdet vestover. Vurdering: Generelt Fylkesmannen ber kommunen vurdere om den søre delen av planområdet kan utnyttast betre til næringsføremål. Utleigehyttene og parkeringsplassen er flytta sørover for å redusere ulempene for naboeigedomen i aust etter merknad i første høyringsrunde. Friområdet i sør vest er ein buffersone mot gravplassen som etter rådmannen sitt syn ikkje bør regulerast til byggjeområde. Dette kunne elles vore ei alternativ plassering av naust. Av planføresegnene går det fram at friområde, badeplass og badeområde er fellesareal for campingplassen og ålmenta. (pkt 3.3.1, 3.3.2 og 3.4.2) Småbåthamn. I samband med utarbeiding av kommuneplanen var ei av målsettingane å leggje til rette for fleire båtplassar i Herand. Småbåthamna i bygda er fullt utbygd og kan ikkje utvidast. Det vart vurdert fleire alternativ, men ikkje funne eigna lokalitet som eit alternativ til Vik. Herand båtlag har i dag venteliste på meir enn 20 plassar. Behovet for båtplassar aukar og 30 nye plassar bør dekke behovet i eit 10 års perspektiv. Rådmannen har forståing for det synet at småbåthamna har negativ verknad for kulturmiljøet i Vik, men viser til at tiltaket er i samsvar med arealdelen av kommuneplanen. Campingplassen Reguleringsplanen tek ikkje stilling til utnytting av området utover plassering av utleigehytter og sørvisbygg. Illustrasjonsplanen som syner bubilparkering nærast sjøen er ikkje juridisk bindande. Det er likevel naturleg at det vert tilrettelagt for bubilparkering langs vegen, då dette området i praksis vil verte opparbeidd som ein parkeringsplass.

Rådmannen tilrår at det vert innarbeidd i føresegnene at det ikkje er tillete å etablere permanente bygg-/installasjonar utover utleigehytter og sørvisbygg i området regulert til camping. Naust Planframlegget viser 4 naust ved sjøen vest i planområdet. Det er rett som tiltakshavar skriv i sine kommentarar at det ved synfaring i samband med kommuneplanen vart drøfta naust i dette området i tilknyting til småbåthamna. Fylkeskommunen og fylkesmannen tilrår at nausta vert tekne ut av planen. Fylkesmannen kan alternativt akseptera eit større naust med møneretning langs sjøen. Dei fleste naust i Herand har gavlen mot sjøen. Fleire små naust gjev også meir luft enn eit større som også vert høgare og til større ulempe for bustadhuset vest for nausta. (bnr 15). Kai og sjøhus vest for nausta vil også etter rådmannen si vurdering dempe verknaden av nausta. Rådmannen tilrår at talet på naust vert redusert frå 4 til 3 og at badeplassen vert utvida tilsvarande. For å understreke at dette er naust i næring, skal føresegnene endrast, slik at det går klart fram at dette er naust for utleige i tilknyting til småbåthamna og at dei ikkje kan frådelast bnr 4. Dette gjeld ikkje naustet lengst vest ved sal til eigar av bnr 15. Gesims og mønehøgd skal reduserast frå 3,5/5m til 3,0/4,5m. Framtidig privatisering Når det gjeld endringar eller dispensasjonar frå vedteken plan og føresegner, viser rådmannen til at dette skal sendast til høyring før handsaming i kommunen og/eller vedtak sendast til klagevurdering. TILRÅDING FRÅ RÅDMANN: 1. Jondal kommunestyre godkjenner med heimel i plan- og bygningsloven 12-12 privat detaljreguleringsplan for del av gnr. 11, bnr. 4, Fritid og turisme, Vik i Herand. PlanID 12272008002. Plankartet er dagsett 20.11.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Naustområde i vest skal endrast ved at eitt naust mot aust går ut av planen og område endra til badeplass. 3. Fylgjande endringar skal gjerast i planføresegnene: Pkt 3.3.3 Vegetasjonsskjerm VS_1. I første setning, kan, vert å endra til..skal det førast opp vegetasjonsskjerm. Dette skal også inn som eit rekkjefylgjekrav i pkt 2.3 nytt pkt 5. Pkt 3.1.5 Naust UN_1 Gesims og mønehøgd skal reduserast frå 3,5/5m til 3,0/4,5m.Det skal klart gå fram at det er naust for utleige i tilknyting til småbåthamna og at dei ikkje kan frådelast bnr 4. Dette gjeld ikkje naustet lengst vest ved sal til eigar av bnr 15.

Pkt 3.1.Nytt pkt 3.1.4 C_1 Campingplass. Det er ikkje tillete å etablere permanente bygg-/installasjonar utover utleigehytter og sørvisbygg i området regulert til camping. Ragnvald Joakimsen ass. rådmann 22.04.2014 Hovudutval for Teknisk og Næring Røysting: Tilrådinga frå rådmannen vart samrøystes vedteke. HTN-031/14 TILRÅDING: 1. Jondal kommunestyre godkjenner med heimel i plan- og bygningsloven 12-12 privat detaljreguleringsplan for del av gnr. 11, bnr. 4, Fritid og turisme, Vik i Herand. PlanID 12272008002. Plankartet er dagsett 20.11.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Naustområde i vest skal endrast ved at eitt naust mot aust går ut av planen og område endra til badeplass. 3. Fylgjande endringar skal gjerast i planføresegnene: Pkt 3.3.3 Vegetasjonsskjerm VS_1. I første setning, kan, vert å endra til..skal det førast opp vegetasjonsskjerm. Dette skal også inn som eit rekkjefylgjekrav i pkt 2.3 nytt pkt 5. Pkt 3.1.5 Naust UN_1 Gesims og mønehøgd skal reduserast frå 3,5/5m til 3,0/4,5m.Det skal klart gå fram at det er naust for utleige i tilknyting til småbåthamna og at dei ikkje kan frådelast bnr 4. Dette gjeld ikkje naustet lengst vest ved sal til eigar av bnr 15. Pkt 3.1.Nytt pkt 3.1.4 C_1 Campingplass. Det er ikkje tillete å etablere permanente bygg-/installasjonar utover utleigehytter og sørvisbygg i området regulert til camping. 30.04.2014 Kommunestyret Røysting: Tilrådinga frå hovudutval for teknisk og næring vart samrøystes vedteke.

KS-025/14 VEDTAK: 1. Jondal kommunestyre godkjenner med heimel i plan- og bygningsloven 12-12 privat detaljreguleringsplan for del av gnr. 11, bnr. 4, Fritid og turisme, Vik i Herand. PlanID 12272008002. Plankartet er dagsett 20.11.2013 med tilhøyrande reguleringsføresegner. 2. Fylgjande endringar skal gjerast i det endelege plankartet: Naustområde i vest skal endrast ved at eitt naust mot aust går ut av planen og område endra til badeplass. 3. Fylgjande endringar skal gjerast i planføresegnene: Pkt 3.3.3 Vegetasjonsskjerm VS_1. I første setning, kan, vert å endra til..skal det førast opp vegetasjonsskjerm. Dette skal også inn som eit rekkjefylgjekrav i pkt 2.3 nytt pkt 5. Pkt 3.1.5 Naust UN_1 Gesims og mønehøgd skal reduserast frå 3,5/5m til 3,0/4,5m.Det skal klart gå fram at det er naust for utleige i tilknyting til småbåthamna og at dei ikkje kan frådelast bnr 4. Dette gjeld ikkje naustet lengst vest ved sal til eigar av bnr 15. Pkt 3.1.Nytt pkt 3.1.4 C_1 Campingplass. Det er ikkje tillete å etablere permanente bygg-/installasjonar utover utleigehytter og sørvisbygg i området regulert til camping.