ETNE KOMMUNE SAKSUTGREIING Utval Møtedato Saknr Saksh. Komite Forvaltning 07.02.2013 018/13 FRH Sakshandsamar: Frida Halland Arkiv: N-504, N- 561.6 Arkivsaknr: 2012000380 NY 1. GONGS HANDSAMING AV REGULERINGSPLAN FOR GANG- OG SYKKELVEG FRÅ ETNE SENTRUM TIL MO/STEINE Vedlegg i saka: Kart dagsett 28.11.2012 Føresegner dagsett 29.1.2013 Utrykte saksdokument: Merknader etter 1. gongs handsaming av detaljregulering for gang- og sykkelveg Etne sentrum Vae Planomtale tale med Ros analyse, dagsett 29.1.2013 Saksgang: Komité Forvaltning for 1. gongs handsaming Komité Forvaltning for 2. gongs handsaming Kommunestyre for endeleg vedtak Utskrift til: Utvikling for utsending
SAKSUTGREIING: 1. Kva saka gjeld: Ny 1. gongs handsaming av gang- og sykkelveg mellom Etne sentrum og krysset til FV36 ved Mo/Steine. 2. Bakgrunn for saka: 31.1-2009 vart det meld oppstart for R-117 gang- og sykkelveg mellom Etne sentrum og Vae. Framlegget vart 1. gongs handsama 30.6.2009. I samråd med Statens vegvesen vart det avgjort at framlegg til detaljregulering skulle reduserast til strekninga Etne sentrum Mo/steine ved krysset til FV36. Statens vegvesen bad i tillegg om at E-134 og anna vegareal på motsett side laut vere med i planen. Det er difor teke med busslommer og avkøyrslar i plankartet. Årsaka til at ein har teke med avkøyrslane er at Statens vegvesen ynskjer ei oversikt over kvar av og påkøyringar til europavegen finn stad. Ei regulering av området skal vonleg skape meir oversikt, og flyt i trafikken. Saman med gang- og sykkelvegen er flyt og oversikt vurdert til å vere trafikk sikrande tiltak. Statens vegvesen byrja i 2012 med geotekniske undersøkingar, områda som vert undersøkt er samsvarande med den planen som no kan sendast ut på høyring og leggjast ut til offentleg ettersyn. 3. PROBLEMSTILLING: Innkomne merknader og attendemeldingar etter utlegging i 2009 har leia til at endra og redusert planframlegget. Endringane er vurdert til å vera so store at planframlegget lyt 1. gongs handsamast på ny. 4. Vurdering: Det kom inn merknader frå 4 offentlege instansar ved 1. gongs utleggjing av gang- og sykkelvegen mellom Etne sentruum og Vae. Vidare kom det inn 23 merknader etter 1. gongs handsaming av detaljregulering for gang- og sykkelveg mellom Etne sentrum og Vae frå private og næringsinteresser. Nokre av merknadane har ført til at ein har gjort endringar i planen. Under fylgjer 9 av merknadane: 1. FYLKESMANNEN I HORDALAND, DAGSETT 2.9.2009 1. For jordbruksareal som vert bygd ned til gang- og sykkelveg, forventar landbruksavdelinga at følgjande rekkefølgjekrav vert teke inni planføresegnene: «Før utbygging skal det gjerast greie for handtering av jordressursane. Jord frå jordbruksareal (fulldyrka jord, overflatedyrka jord og innmarksbeite) som vert utbygd skal sikrast vidare bruk, primært til jordbruksføremål».
2. Fylkesmannen minner om at kommunen har ansvar for å rapportere omdisponering av dyrkbar mark som fylgje av vedtak av reguleringsplan, dette skal skje gjennom KOSTRA. Sakshandsamar sin vurdering: 1. Rekkefølgjekravet er teke med i føresegnene. 2. Det er teke til etterretning 2. STATENS VEGVESEN, DAGSETT 16.9.2009: Gang- sykkelvegen er førd opp med 20,5 millionar i NTP-perioden 2014-2019. Statensveg vesen ynskjer å ta større del i planleggingsfasen. Sakshandsamar si vurdering Kommunen i etterkant vore i dialog med statens vegvesen, sjå under: STATENS VEGVESEN, DAGSETT 9.2.2011: 1. Det vart i møte mellom statens vegvesen og kommunen diskutert om ein skulle avgrense planarbeidet for gang- og sykkelvegen, «sett i lyset av planarbeidet for ny E134». Konklusjonen var at ein skal fyrst regulere gang- og sykkelveg mellom Etne sentrum og Mo, so får den resterande biten vente til ein veit meir om framtidig plassering av E134. 1. Avgrensinga har ført til at kommunen har kome fram til dette framlegget. 3. FYLKESKOMMUNEN I HORDALAND, DAGSETT 7 OG 28.8.2009: 1. Fylkeskommunen gjer merksam på at området har stort potensiale for arkeologiske funn og gjev eit kostnadsoverslag på arkeologisk feltarbeid. Fylkeskommunen ber om at Etne kommunen om å avklare kva storleik dei ønskjer på planen. Dette er slik at Fylkeskommunen veit i kva område det er trong for arkeologiske undersøkingar. 2. Fylkeskommunen ber om at Etne kommune trekkjer planen og legg den ut på nytt med reviderte plankart om ein ynskjer eit mindre areal utbygd. 13 merknader frå privat og næringsinteresser. 1. Det framlegget til plan som no ligg føre er avgrensa til det området Etne kommune framleis ynskjer at det skal byggjast gang- og sykkelveg uavhengig av E134 sin framtidige plassering. 2. Sjå framlegg til plan og føresegner.
4.MATTILSYNET, DAGSETT 14.7.2009 1. «Mattilsynet ber Etne kommune og utbyggjar om å ta omsyn til eventuelle private drikkevasskjelder i utbyggingsområda slik at desse ikkje vert forureina, jmfr. Forskrift av 04.12-2001 nr 1372 om vannforsyning og drikkevann 4». 1. Det vert teke til etterretning 5 JON ODDVIN MOE, DAGSETT 3.8.2009: 1. Moe er positiv til vegen og ynskjer støydemping, offentleg vatn og kloakk. Sakshandsamar sin vurdering. 1. Å leggje ned vatn og kloakk er ikkje hovudmålet for denne reguleringsplanen, det ligg ikkje som del av budsjettet til ein gang og sykkelveg. Planen skal hovudsakleg betre tryggleiken for gåande og syklande. Om kostnadane vert dekt er det ikkje utelukka at ein kan leggje røyr og leidningar i gang og sykkelvegen, men det er ikkje prioritert i samanheng med reguleringa, det same gjeld for støydemping. Gang- og sykkelvegen er ikkje rekna for å vere ein støyaukande faktor, men noko støy lyt ein truleg rekne med i anleggsfasa. 6. COOP HAUGALANDET, DAGSETT 7.8.2009: 1. Reagerer på «anna vegareal», at dette trekk høvesvis mykje av deira tomt. 2. Om anna vegareal «kan brukes av oss som parkeringsareal eller intern transportveg, kan forslaget aksepteres mot at dette defineres i reguleringsforutsetningene». 1. Anna vegareal er i denne samanheng nytta for å sikre at ein under anleggsperioden har nok areal til å kunne bygge gang- og sykkelvegen. 2. Bruk av anna vegareal er teke med i føresegnene. 7. GERD ELIN OG GEIR KRINGLEBOTTEN, DAGSETT 21.8.2009: 1. Svært positive til at kommunen har starta planarbeid med gang- og sykkelveg langs E134, men ynskjer ikkje at tunet deira skal verte eit vegkryss for trafikkantar mot eigedomar på Likskar og hus/hytter på vegen mot Enerhaug. 2. «Mottatt forslag til vegløysing vil gi ein svært dårleg utnytting av landbruksarealet vårt med små teigar som blir vanskelige å driva med moderne landbruksmaskiner». 3. Om plassering av gang- og sykkelveg vert for nærme eine huset deira vil det verte aktuelt å krevja erstatning for dette. 4. «Det hadde vore ein stor fordel om kommunen i samband med arbeidet med gang/sykkelveg legg ned vatn og kloakk for tilknyting til eksisterande og eventuelt nye bygg».
1. Krysset er no lagt utom tunet. 2. Det er eit mål å velje den vegløysinga som gjev minst ulemper for anna arealbruk, men det er nokre føringar for kvar ein plasserer gang- og sykkelveg. Ein lyt mellom anna ta omsyn til krav frå vegmyndigheiter når det kjem til utforming, ein lyt halde seg innan budsjettet og ein lyt plassere gang- og sykkelvegen slik at den vert nytta. Dette fører diverre til at noko areal lyt omdisponerast, sjølv om dette i seg sjølv ikkje er ynskjeleg. 3. Sjå Plan og bygningslova 15-3. Sakshandsamar gjer merksam på at krav om erstatning kan fyrst rettast etter endeleg vedtak av plan. 4. Å leggje ned vatn og kloakk er ikkje hovudmålet for denne reguleringsplanen, det ligg ikkje som del av budsjettet til ein gang og sykkelveg. Planen skal hovudsakleg betre tryggleiken for gåande og syklande. Om kostnadane vert dekt er det ikkje utelukka på noverande tidspunkt at ein kan leggje røyr og leidningar i gang og sykkelvegen, men det er ikkje prioritert i samanheng med reguleringa. 8. JAKOB SØRHEIM, DAGSETT 31.8.2009: 1. Sørheim ynskjer å få stadfesta at kommunen ikkje skal nytta areal til anna enn bygging av gang- og sykkelveg og at anna vegareal, som går av hans tomt, vert attendeføret til landbruksareal når bygging av vegen er ferdig. 2. Sørheim forstår det slik at anna vegareal er lagt inn for at ein «i anleggsfasen av gang- /sykkelveg skal kunne ha naudsynt plass/areal til å kunne arbeide utan å forstyrre trafikken på E-134». 3. «Vidare forstår eg det slik, at når det gjeld garden min, (9/1) så er det ikkje behov for noko anna areal enn dei 5-6 meterane som går med til sjølve gang-/sykkelvegen». Og anna areal kan gå attende til landbruk. 1. Det er ikkje kommunen sin intensjon å tileigna seg areal, målet til kommunen er å gjere vegen mellom Etne sentrum og krysset ved Steine tryggare for gåande og syklande, til dette treng ein sjølve arealet som ligg under gang- og sykkelvegen. I tillegg vil ein i anleggsperioden trenge noko meir areal. Når anleggsperioden er over vil det ikkje lenger vere trong for alt anna vegareal, og der det er mogeleg vert det ført attende til tidlegare bruk. 2. Sjå over. 3. Slik planen ligg føre no er intensjonen at landbruksareal som vert regulert om til anna vegareal skal kunne førast attende til landbruk, jamfør 4.1 i føresegnene. 9. Grunneigarar frå Gravelseter til nedre Grindheim, dagsett 27.8.2009 1. Meiner at gang- sykkelveg ikkje bør etablerast før trasé til ny E134 er avklara. 2. Offentleg vatn og kloakk bør vurderast og samordnast i arbeidet med gang- og sykkelstien. 3. Må buffersone vere so breid mellom bilbane og gang- og sykkelfelt? 4. kompensasjon for dyrkamark bør tilsvare kostnader ved kjøp eller opparbeiding av anna mark. 5. overskotsmassane må tilfalla grunneigarar. 6. Stien bør fylgja terrenget mest mogeleg for å unngå store skjeringar og tap av areal.
Sakhandsamar si vurdering: 1. Gang- og sykkelvegen sluttar no ved Mo/Steine. 2. Å leggje ned vatn og kloakk er ikkje hovudmålet for denne reguleringsplanen, det ligg ikkje som del av budsjettet til ein gang og sykkelveg. Planen skal hovudsakleg betre tryggleiken for gåande og syklande. Om kostnadane vert dekt er det ikkje utelukka på noverande tidspunkt at ein kan leggje røyr og leidningar i gang og sykkelvegen, men det er ikkje prioritert i samanheng med reguleringa. 3. Buffersona fylgjer krav sett til areal mellom Europaveg og gang- og sykkelveg. 4. Dette lyt avklarast ved eit seinare høve. 5. Om ein sel areal til Statens vegvesen vert dei eigarane av jorda, eventuelle avtalar om å få jorda attende lyt gjerast med dei. 6. Det vert jobba for best mogleg plassering av gang- og sykkelveg. Fylgjande private interesser har òg sendt inn merknader, men desse er ikkje handsama, då dei omhandlar areal som no er teke ut av framlegget til regleringsplan: Gjøa og Magnus Havreberg, dagsett 17.9.2009 Laura og Erling Sævareid, dagsett 1.9.2009 Anders Ø. Grønstad, dagsett 31.8.2009 Lars Ø. Grønstad, dagsett 31.8.2009 Sjur Inge Stødle, dagsett 30.8.2009 Eva Vae, dagsett 25.8.2009 John Magne Skår, dagsett 31.8.2009 Steinar Grindheim, dagsett 1.9.2009 Karl Grindheim, dagsett 27.8.2009 Naturmangfaldet Det er noko landbruksareal som lyt gå med til gang- og sykkelvegen. Som det kjem fram av føresegnene kan det arealet som går med til annan veggrunn attendeførast til landbruksareal, der dette er råd. Det er elles eit verna vassdrag i detaljreguleringa. Det er lagt inn i føresegnene at ein ikkje skal ureine i verna vassdrag i anleggsperioden. Ros analyse vert utarbeidd. Tomta til Coop og Felleskjøpet vil truleg krevje at det vert lagt inn fleire avkøyrslar enn det planframlegget syner. Fordi ein ikkje veit kvar avkøyrslane kjem, er dei ikkje tekne med i denne planen. Det er ikkje føremålstenleg å vente med planen til plassering vert avklara. TILRÅDING FRÅ RÅDMANNEN: Med heimel i Plan- og bygningslova 12-10 vert framlegg til detaljregulering for gang- og sykkelveg mellom Etne sentrum og krysset til FV36 ved Mo/Steine, med kart dagsett
28.11.2012 og reguleringsføresegner dagsett 29.1.2013, sendt på høyring og lagt ut til offentleg ettersyn i minst 6 veker. 07.02.2013 KOMITE FORVALTNING Knut Erik Ebne (Sp) og Morten Odeen (Ap) fremja fylgjande felles tilleggsframlegg: «Merknad til tilrådinga til rådmannen: Komite forvaltning ber om at busstopp i området ved avkjørsla til Litledalen / Rygg blir tatt inn i planen. Komiteen vil oppfordre til at det vidare arbeidet med planen forsøker å redusera arealet mellom europavegen og gang- og sykkelsti. Dette for å spare dyrka areal.» RØYSTING: Tilleggsframlegget vart samrøystes vedteke. Etter dette ligg det føre slik: FV-018/13 VEDTAK: samrøystes Med heimel i Plan- og bygningslova 12-10 vert framlegg til detaljregulering for gang- og sykkelveg mellom Etne sentrum og krysset til FV36 ved Mo/Steine, med kart dagsett 28.11.2012 og reguleringsføresegner dagsett 29.1.2013, sendt på høyring og lagt ut til offentleg ettersyn i minst 6 veker. Merknad til tilrådinga til rådmannen: Komite forvaltning ber om at busstopp i området ved avkjørsla til Litledalen / Rygg blir tatt inn i planen. Komiteen vil oppfordre til at det vidare arbeidet med planen forsøker å redusera arealet mellom europavegen og gang- og sykkelsti. Dette for å spare dyrka areal.