PLANOMTALE Detaljregulering for Skulehaugane PlanId

Transkript

1 PLANOMTALE Detaljregulering for Skulehaugane PlanId Side 1 av 14

2 Innhold 1. Nøkkelsopplysningar Bakgrunn Tiltakshavar og eigarforhold Krav om konsekvensutgreiing Planstatus og rammer Oppstartsmøte Forvarsling Møte med særskilde grupper Overordna plan Gjeldande reguleringsplanar Temaplanar Statlege planretningslinjer og føringar Planområdet Lokalisering Staden sin karakter Landskap Kulturminne Naturverdiar Rekreasjonsverdiar Landskap/Skogbruk Trafikkforhold, vegstandar Teknisk infrastruktur Luftforureining Støy Radon Rasfare Parkering Universell utforming Estetikk i planområdet Naturmangfaldslova Born og unge sine interesser Renovasjon Risiko- og sårbarheitsanalyse Krav om rekkefølgje Planframlegget Planlagt arealbruk Arealføremål Gjennomgang av reguleringsføremål Bygningar og anlegg (PBL 12-5, nr. 1) Samferdsleanlegg og teknisk infrastruktur (PBL 12-5, nr. 2) Grøntstruktur (PBL 12-5, nr. 3) Omsynssoner (PBL 12-6) Planframlegget sine verknadar Side 2 av 14

3 1. Nøkkelsopplysningar 1.1 Bakgrunn I kommuneplanen sin arealdel (2011) vart det lagt inn to nye areal for bustadtomter i Dimna kalla B 33 og B 35. I utgangspunktet ville det ha vore nok å ha leggje inn eit av desse felta for realisering og utbygging i planperioden, men i planprosessen kom det innspel m.a. frå innbyggjarane i krinsen om at begge areala burde liggje inne i planen. Figur 1: Utsnitt frå kommuneplanens bustadområder B 33 og B 35 på Dimna (henta frå ) Område B33 ligg i eit hauglandskap i utmark under gnr. 33, ytre Dimna. Området grensar til regulert bustadområde Hansvika og Skulehaugen, og har vore aktuelt til bustader sidan talet. Med grov avgrensing er området lagt inn i kommuneplanen sin arealdel, godkjent i Basert på at kommunen hadde fått positive signal om at grunneigarane både for Trælstøylen (B 35) og Skulehaugane (B 33) var interessert i i å selje grunn til kommunen, la administrasjonen fram ei sak til kommunestyret den der Skulehaugane vart vald som alternativ. Teknisk utval var på synfaring og rådde samrøystes til at Skulehaugane vart vald (møte ), og både formannskapet (møte ) og kommunestyret (møte ) gjekk samrøystes inn for Skulehaugane. Basert på dette er det inngått avtale med grunneigar på Skulehaugane om kjøp av grunn til bustadfelt, jf. vedtak i formannskapet der avtale med grunneigar vart vedteke. 1.2 Tiltakshavar og eigarforhold Ulstein kommune står som tiltakshavar bak forslag til reguleringsplan for Skulehaugane på Dimna. Den største delen av planområdet tilhøyrar bnr. 7, som Ulstein kommune eig, medan om lag 1,0 dekar av skissert utbyggingsområde ligg på gnr. 33, bnr. 69, som har privat grunneigarforhold. Side 3 av 14

4 1.3 Krav om konsekvensutgreiing Tiltaket er vurder etter «Forskrift om konsekvensutgreiing» etter plan- og bygningslova. Ein har konkludert med at planlagde tiltak ikkje har vesentlege konsekvensar for miljø og samfunn og at planprogram og konsekvensanalyse ikkje er naudsynt i denne saka. Det vert likevel her vist til risiko og sårbarheitsanalyse (ROS) etter sjekkliste frå Fylkesmannen. Sjekklista ligg som vedlegg til saksutgreiinga. Delar av planområdet er i dag allereie bygd ut. Ingen av dei føreslåtte endringane bryt med føremåla gitt i kommuneplanen, og bryt dermed ikkje med forskrifta om konsekvensutgreiing, sjå utsnitt frå kommuneplanen. 2. Planstatus og rammer 2.1 Oppstartsmøte Det har ikkje vore halde formelt oppstartsmøte sidan kommunen er tiltakshavar og står for planarbeidet. Det vart vedteke oppstart av detaljregulering for Skulehaugane i teknisk utval sitt møte den i sak PS 14/ Forvarsling Planarbeidet vart varsla i gangsett ved annonse i avisa Vikebladet Vestposten/kunngjering på nettsida til kommunen og skriv til grunneigarar og naboar til planområdet, samt aktuelle høyringsinstansar, med frist for innspel den Figur 2: Utsnitt frå varsel om oppstart Det kom inn 17 innspel, der 6 var frå aktuelle høyringsinstansar og 11 merknadar/innspel frå grunneigarar, naboar, grendelag og velforeiningar. Det vert her vist til saksutgreiinga for samandrag av innkomne merknadar. Side 4 av 14

5 2.3 Møte med særskilde grupper Etter kunngjering om oppstart av planarbeidet for Skulehaugane, kom der mange innspel frå folk og organisasjonar i Dimna om at dei ikkje ønskte nytt bustadfelt på Skulehaugane, men heller Trælstøylen. Dei som kom med innspel vart difor kalla inn til møte om saka den på Ulstein rådhus der administrasjonen presenterte arbeidet som var gjort, tidligare politiske vedtak, og merknadsgjevarane fekk presentere sine innspel. Referat frå møtet ligg som vedlegg til saksutgreiinga. Det vart i møtet einigheit om at referat frå møtet og merknadsgjevaranes innspel skulle presenterast for teknisk utval, slik at dei kunne vurdere om saka skulle avsluttast eller vidareførast. Teknisk utval hadde saka til behandling den og gjekk inn for å fortsette arbeidet med detaljregulering på Skulehaugane. 2.4 Overordna plan Området er i kommuneplanens arealdel ( , godkjent ) lagt ut til bustader, kommunal veg, offentleg tenesteyting (skule), leikeareal og friområde. Planframlegget er i samsvar med gjeldande kommuneplan. 2.5 Gjeldande reguleringsplanar Delar av planområdet ligg i dag utan vedtatt reguleringsplan, men ligg inne i kommuneplanens arealdel med plankrav. Figur 3: Utsnitt av gjeldande reguleringsplanar kring Skulehaugen Planområdet overlappar heilt og delvis 3 gjeldande reguleringsplanar, der 2 er eldre planar. PlanID Hansvika. Det har i denne planen vore gjennomført ei mindre reguleringsendring i 2010, som regulerte vegbreidda i tilkomstvegen frå fylkesvegen til 6 m og etablerte bustadområda nærast fylkesvegen. Side 5 av 14

6 PlanID Skulehaugane som var fyrste plan for bustadområdet Storehaugen. Planen har seinare vorte utvida mot sørvest med Storehaugen 4, PlanID Temaplanar Ingen kjende temaplanar er gjeldande for det aktuelle planområdet. 2.7 Statlege planretningslinjer og føringar - Rikspolitiske retningslinjer for samordna bustad-, areal- og transportplanlegging Utbygginga som er planlagt er i tråd med retningslinjene for å oppnå samordna bustad-, arealog transportplanlegging. Retningslinjene går i hovudsak ut på å få ein mest mogleg effektiv, trygg og miljøvennlig transport, slik at transportbehovet vert avgrensa. - Rikspolitiske retningslinjer for styrking av born og unge sine interesser i planlegging For det aktuelle planområdet er det spesielt punkt 5 i rikspolitiske retningslinjer for styrking av born og unge sine interesser i planlegging som går på krav til fysisk utforming. Det er her skrevet: «Følgjande skal visast spesiell merksemd: a. Areal og trafikkanlegg som skal brukast av born og unge skal vere sikra mot forureining, støy og trafikkfare. b. I nærmiljøet skal det finnast areal der born kan utfolde seg og skape sitt eige leikemiljø. Det føreset blant anna at areala: er store nok og eigner seg for leik og opphald, gir moglegheiter for ulike typar leik på ulike årstider, kan nyttast av ulike aldersgrupper, og gir høve for samhandling mellom born, unge og vaksne.» - Nasjonal transportplan: Det overordna målet for regjeringa sin transportpolitikk er å tilby eit effektivt, tilgjengeleg og sikkert og miljøvennleg transportsystem som dekkjer samfunnet sine behov for transport og fremjar regional utvikling. Regjeringa legg vekt på å balansere dei fire innsatsområda; framkomst og regional utvikling, transporttryggleik, miljø og universell utforming på ein god måte. Side 6 av 14

7 3. Planområdet 3.1 Lokalisering I nord: Spjutøysundet I aust: Hansvika I sør: Storehaugen I vest: Litlevågen Figur 4: Utsnitt over området 3.2 Staden sin karakter Planområdet ligg nordvest på Dimna og inneheld to bustadfelt, Hansvika og Storehaugen, samt spreidd bebyggjelse mot aust og sør. Området har dei siste åra vekse i befolkning og er eit ettertrakta område å busette seg i. Det har tidligare vore borneskule i grenda, men den er nedlagt og vert i dag bytta til grendahus. Kring grendahuset er det leikeplass og løpebane. 3.3 Landskap Planområdet ligg i eit hauglandskap i utmark. Terrenget er fjellgrunn (eklogitt) med myrområde og fastmark i mellom knausane. Det er ikkje gjort grunngranskingar i området. Det er såleis noko uvisse om djup på myrområda. Det må reknast med ein del masseutskifting. 3.4 Kulturminne Det er fleire kjende automatisk freda kulturminne i området kring planområdet, men desse har ikkje innverknad på arealbruken ein no planlegg for. Det er likevel potensiale for funn og det må gjennomførast arkeologisk registrering jf. kulturminnelova 9 og 10. Side 7 av 14

8 Figur 5: Utsnitt frå Askeladden som syner nærliggande kulturminner for Skulehaugane (henta , Frå ytre Dimna er det kjent følgjande funn: 1 røy ytst på den nordre enden på Dimnaneset, på eit berg 20 m sør for fyret. Låg, utkasta og overgrodd med lyng. 2-3 røyser skal vere på sørenden av neset. Skaftrenneøks funnet i Litlevågen i ei veite 20 m frå sjøen. Desse funna innverkar ikkje på arealbruken i planområdet. 3.5 Naturverdiar Det er merka i naturbase.no to områder der fuglearten tyvjo (Sterocorarius parasiticus) held til. Fuglearten er av stor forvaltningsinteresse og er registrert som NT (nær trua). Ei utbygging vil ikkje ha skadelege innverknadar på fuglearten. Det er utover dette ikkje registrert andre spesielle naturverdiar eller dyreartar i planområdet. Figur 6: Utsnitt frå henta Rekreasjonsverdiar Planområdet ligg nært mange turmoglegheiter, både mot Dimnaneset og mot Høgåsen. Dimna IL, Trimgruppa i Dima og Dimna grendahus planlegg ein tursti frå grendahuset mot Dimnaneset. Stien vil følgje gamle kjerrevegar og stiar som allereie er etablert i terrenget, og vert oppgradert og grusa for å gi tilkomst for alle, også rullestorbrukarar. Arbeidet vert gjort på dugnad. Turvegen er per i dag ikkje etablert. Side 8 av 14

9 Figur 7: Utsnitt over tursti frå grendahuset til Dimnaneset. Turstien er vist med mørk strek. 3.7 Landskap/Skogbruk Om kring 12 dekar med myr innanfor planområdet er klassifisert som dyrkbar jord. Dette arealet vert å sjå på som omdisponert etter jordlova 9 når detaljreguleringa er vedteke. Reguleringsområdet er ein del av kulturlandskapet «Fjordlandskapet i Herøy, Ulstein og Hareid». Etablering av bustadområde vil ikkje øydelegge desse kvalitetane. Det er ikkje drift av den dyrkbare jorda i dag, og det er ingen kjente skogsressursar innanfor planområdet. 3.8 Trafikkforhold, vegstandar Fylkesveg 26 går i dag frå fylkesveg 61 via Hasund og rundt Dimna. Vegstandarden på fylkesvegen frå Hasund og rundt Dimna er dårlig. Vegen er smal, krappe svingar og er ikkje dimensjonert for den trafikkauken som har vore dei siste 10 åra. Det er i dag ikkje plass til at to bilar kan passere kvarander på store delar av strekninga. Rundt øya er det ikkje regulert eller bygd fortau langs vegen. Det er i dag ingen moglegheit for trygg ferdsel for mjuke trafikantar langs vegen. Tilkomstvegen til bustadfeltet Hansvika frå fylkesveg 26 er regulert til 6 m brei vegbane, men er ikkje utbygd i samsvar med reguleringsplanen. Stigningsgraden er på det brattast 13 % og det er ikkje mogleg for to bilar å passere kvarande. Det er ikkje fortau langs vegen. Gåande bruker ein sti via uteområdet aust for grendahuset for å kome ned til fylkesvegen. Skuleelevane tek skulebussen frå leskuret ved fylkesvegen til barneskulen på Hasund. Det har vore meldt til kommunen at haldeplassen er for liten i forhold til tale på ventande, og nokon vert då ståande uti køyrevegen. Mange bilistar køyrer for på denne strekninga og dette skapar farlege situasjonar. Side 9 av 14

10 3.9 Teknisk infrastruktur Når det gjeld vassforsyning, spillvatn og overvatn er utbygginga føresett knytt til offentleg leidningsnett. Det er i føresegna til planframlegget opna opp for at det innanfor byggjeområda kan setjast opp mindre nødvendige bygningar til føremål som trafo, VA-anlegg og andre kommunaltekniske bygg Luftforureining Planområdet er ikkje særskilt utsett for luftforureining Støy Det er ikkje gjennomført støyberekningar innanfor det gjeldande planområdet. Støytilhøva skal avklarast under arbeidet med planen. Miljøverndepartementets Retningslinjer for behandling av støy i arealplanlegging T-1442 (2012), med tilhøyrande rettleiar, vert lagt til grunn for planlegging og utbygging Radon Frå vart det satt krav til radonnivået i utleigebustader og er målingar som vert gjort på grunneigar sitt ansvar. Det har vore gjort tre målingar innanfor planområdet, der høgaste verdi vart målt til 40 Bq/m3 på grendahuset. Generelt kan ein ut frå dei målingane som er gjennomført, sei at utsleppsnivået av radon innanfor planområdet er låge Rasfare Området er ikkje utsett for rasfare Parkering Parkeringsbehovet er føresett dekt på eige areal. Krav til talet på parkeringsplassar skal vere i samsvar med i føresegnene til kommuneplanen, godkjend Universell utforming Det vert vist til plan- og bygningslova 1-1 og 29-3, jf. også TEK 10. Tomtene i bustadområdet skal byggjast med universell standard og leikeplassane bør kunne nyttast av alle heilt eller delvis. Leikeareal er søkt lagt til gode areal som heilt eller delvis kan opparbeidast med universell utforming. Areala ligg sentralt i det området dei skal dekkje og vil gje eit variert tilbod til born i alle aldrar Estetikk i planområdet Det er viktig at bygga får ei god terrengtilpassing ut frå omsynet til god arkitektonisk utforming, visuell kvalitet og sikkerheit. Byggverk skal plasserast slik at det vert teke omsyn til lys- og solforhold. Det er viktig at ein tilpassar seg terrenget, ved val av avkøyrsle og plassering av bustadar. God terrengtilpassing forutset at byggverket vert utforma og tilpassa mindre variasjonar i terrenget både horisontalt og vertikalplanet. Dette reduserer behovet for oppfylling, utgraving og oppbygging av murar. Side 10 av 14

11 3.17 Naturmangfaldslova 8 12 i Naturmangfaldslova omhandlar kunnskapsgrunnlaget, føre-var-prinsippet, den samla belastinga på økosystemet, kostnadar ved miljøøydelegging skal tiltakshavar bere kostnaden, og miljøforsvarlege teknikkar og driftsmetodar. Delar av planområdet er allereie utbygd. Ved undersøking i dei ulike naturdatabasane finn ein at ingen av dei ulike paragrafane vert gjeldande Born og unge sine interesser Det er avsett tre felles areal til leik i område BLK 1 BLK 3. Det er lett tilkomst til leikeareala. Areala har ved si lokalisering gode lys- og solforhold. Leikeområda vil etter administrasjonen si vurdering ikkje verte særskilt utsette for støy eller støv. Leikeplass BLK 3 er i planforslaget markert med eit stort areal kring grendahuset. Arealet har i dag ein eksisterande leikeplass, løpebane og planar om etablering av ballbinge. Dette er eit areal som passar både til små og store born. BLK 1 og BLK 2 er direkte knytt til nyetablering av bustadhus og har fått rekkjefølgjekrav for kva tid dei skal vere ferdige. Desse leikeplassane skal dekkje behova for dei yngste borna, medan BLK 3 passar meir for dei eldre borna. Kommunen meiner difor at born og unge sine interesser er godt ivareteke innanfor planområdet Renovasjon Området er delvis utbygd, så nye utbyggingar vil nytte etablerte returpunkt til den generelle innsamlingsordninga Risiko- og sårbarheitsanalyse Risiko- og sårbarheitsanalyse (ROS) som er nytta er utarbeidd av Fylkesmannen i Møre og Romsdal, og ligg som vedlegg 1 til planomtalen Krav om rekkefølgje Følgjande rekkjefølgjekrav er sett inn i føresegnene: 1. Før utbygging i BKS 1 vert sett i verk, skal tiltakshavar avklare med kommunen om feltet skal byggjast ut gjennom Utbyggingsavtale i samsvar med i føresegnene til Kommuneplan godkjend Før utbygging av BKS og BFS områda kan starte opp, skal det etablerast eit fortau langs eksisterande fylkesveg frå vegen Hansvika til vegen Storehaugen. 3. Gangveg SGS 1 og SGS 2 må ferdigstillast før det kan gjevast brukløyve i BFS-områda. 4. Leikeplass BLK 1 må ferdigstillast før det kan gjevast bruksløyve for BFS 1, BLK 2 må ferdigstillast før det kan gjevast bruksløyve for BKS 1. Side 11 av 14

12 4. Planframlegget 4.1 Planlagt arealbruk Målet med planen er å leggje til rette for utbygging av eit nytt bustadfelt med frittliggande småhus og eit område for konsentrert utnytting, med tilhøyrande infrastruktur. 4.2 Arealføremål Bygningar og anlegg (PBL 12-5, nr. 1) - Bustader frittliggande småhus, BFS - Bustader konsentrert utnytting, BKS - Forsamlingslokale, BFL - Leikeplass, BLK - Øvrig kommunalteknisk anlegg, BKT Samferdsleanlegg og teknisk infrastruktur (PBL 12-5, nr. 2) - Veg, SV - Fortau, SF - Anna veggrunn teknisk anlegg, SVT - Anna veggrunn grøntareal, SVG - Kollektivhaldeplass, SKH - Parkering, SPA Grøntstruktur (PBL 12-5, nr. 3) - Friområde, GF Omsynssoner (PBL 12-6) - Sikringssone Frisikt, H Gjennomgang av reguleringsføremål Bygningar og anlegg (PBL 12-5, nr. 1) Frittliggande småhus (BFS 1 BFS 9) Det er i planen lagt opp til 9 områder for frittliggande småhus. Det er her høve til å føre opp einebustad med utleigedel i sokkeletasje. Av desse er to områder allereie utbygd (BFS 6 og BFS 7). Dei nye områda opnar opp for 23 nye tomter med maks BYA = 30 %. For BFS 1, BFS 2, BFS 4 og BFS 5 vert det opna for at det kan oppførast eit bustadbygg med to uavhengige bueiningar per område. Konsentrerte småhus (BKS 1 BKS 2) Det er i planen lagt opp til 2 områder for konsentrert utnytting. Av desse to er allereie eit utbygd (BKS 2). Det nye området opnar opp for ca. 2 hus, der kvart hus har 4 bueiningar. Leikeplass (BLK 1 BLK 3) I planen er det lagt inn 3 leikeplassar. BLK 1 og BLK 2 er nye leikeplassar som er lagt inn i det nye bustadområdet. Det vert sett rekkjefølgjekrav til at BLK 1 og BLK 2 skal Side 12 av 14

13 opparbeidast og ferdigstillast før kringliggande bustadområder kan gjevast igangsetjingsløyve. BLK 3 er området kring grendahuset. Her er det allereie opparbeidd ein leikeplass, løpebane og planar om ballbinge. Leikeareala skal utformast etter prinsippa om universell utforming, og bør så langt som råd kunne nyttast av alle. Forsamlingslokale (BFL) Den gamle skulen vert regulert om til å verte forsamlingslokale, med eit ekstra areal på 4 m kring bygget. Kommunalteknisk anlegg (BKT) Det er sett av eit areal for kommunalteknisk anlegg sørvest i planområdet. Det er i dag to pumpestasjonar sør for planområdet som ikkje fungerer optimalt. Det er eit ønskje frå kommunen å samle dei to til den nye lokaliteten, slik at ein får eit nytt anlegg i staden for tre mindre Samferdsleanlegg og teknisk infrastruktur (PBL 12-5, nr. 2) Veg (SV 1 SV 6) Det er regulert 6 vegar i planområdet. SV 1 er fylkesvegen, og er regulert med 6 m breitt køyrefelt og areal på kvar side med «anna vegareal». Dette er ei utbetring av vegen på 2 m frå dagens vegbreidde på 4 m. SV 2 er tilkomstvegen til Hansvika bustadfelt og tilkomstveg til det nye bustadområdet. Gjeldande regulering er vidareført i planen, med 6 m brei køyreveg, og 1 m anna vegareal på kvar side av vegen. Stigningsgraden på vegen er redusert til ca. 8 %. Vidare endring av stigningsnivået er nokså låst av allereie bygde og godkjende avkøyrsler. Fortau (SF 1 SF 4) Det er i planen regulert inn 4 fortau. Fortau 1 er frå nordaust langs fylkesvegen til vegen Hansvika. SF 2 er fortau frå bustadfeltet, forbi grendahuset, til fylkesvegen, og vil vere eit trygt felt for mjuke trafikantar. SF 3 og 4 er fortau langs tilkomstveg inn i det nye bustadfeltet. Kollektivhaldeplass (SKH 1 SKH 2) Det er regulert inn to nye busshaldeplassar i planen, ein på kvar side av fylkesvegen. Dei følgjer Statens Vegvesen sin vegnormal N100. Parkering (SPA 1 SPA 2) Det er regulert inn to parkeringsplassar. SPA 1 er eksisterande parkeringsplass ved grendahuset. SPA 2 har fire parkeringsplassar og ligg slik til at den kan nyttast som gjesteparkering for besøkande i bustadfeltet eller nyttast for folk som ønskjer seg anten på tur eller til sjøen Grøntstruktur (PBL 12-5, nr. 3) Det er i området regulert to området for grøntstruktur. GF 1 er område som skapar luft mellom eksisterande busetnad og det nye bustadfeltet. I tillegg inkluderer dette arealet mellom nye bustadtomter og sjøen. GF 2 er eit grøntområde i bustadfeltet, og som er sett slik at ein tek vare på den karakteristiske topografien til området. Side 13 av 14

14 Det er sett inn byggjegrenser mot friområda på 4 m. Sidan bustadområdet er i naturomgjevnadar så ønskjer kommunen å begrense moglegheitene for at det vert bygd for nære naturområda Omsynssoner (PBL 12-6) Sikringssone Frisikt H140 Frisiktsone i vegkryss må ikkje utnyttast slik at det på noko tidspunkt hindrar fri sikt. Areal innanfor frisiktsone skal planerast ned til 0,5 m over tilgrensande vegars nivå. Det skal ikkje plantast vegetasjon som kan hindre sikta i frisiktsonene. 5. Planframlegget sine verknadar Det nye bustadområdet vert etablert i eit område med myr, og er ikkje tidligare utbygd. Det er ikkje gjort grunnmålingar i området, noko som kan bety at det vert store masseutskiftingar når ein startar opp med grunnarbeid. Dette vil vere ein stor kostnad, men vil sikre at framtidige bustadar og veg står trygt. Tilkomstveg til det nye bustadfeltet vil gå via vegen Hansvika. Til denne vegen er det kringliggande bustadområder med tilhøyrande infrastruktur. Vegsystemet er i dag ikkje utbygd etter gjeldande reguleringsplan og det er ikkje plass for to bilar å passere kvarandre. Ei utviding av vegen til 6 m breidde, pluss anna vegareal, kan medføre at tilgrensande eigedomar må avstå litt areal til vegformålet. Vegkorridoren framstår i dag som relativt trong og bratt. Verknad av å utbetre vegen vil verte betre stigningsforhold, betre køyrekomfort, tryggare køyring og gåande får fortau som dei kan ferdast på i motsetning til å gå i vegen. Dei største verknadane for allereie etablerte i området er trafikkauken etter at området er ferdig utbygd. Med 21 nye tomter, der fire kan byggjast som med to bueiningar, med 8 bueiningar i BKS 1 vert det totalt 33 nye bueiningar som nyttar tilkomstvegen. Det er sett to tomter i BFS 8, med desse vil nytte Storehaugen som tilkomstveg. Om kvar bueining har to bilar, vert dette 66 bilar. Ein auke i biltrafikken vil vere ein negativ verknad for bebuarar i området. Eit avbøtande tiltak for dette vil vere utbetring av vegen. Vert tilkomstvegen utbetra til 6 m slik at to bilar kan møtast, kjem det fortau som sikrar mjuke trafikantar og busshaldeplass langs fylkesvege, meiner administrasjonen at dette kan vege opp for den auka trafikken. Vegsystemet vil verte sikrare og meir oversiktelig for køyrande. Gangvegen langs grendehuset er flytta mot grendahuset, slik at ein går klar av det eksisterande uthus på gnr. 32, bnr. 10. Ved å flytte gangvegen, hindrar ein også litt av innsynet som bebuarar på gnr. 32, bnr. 61 elles ville fått. Det nye bustadområde integrerer godt med eksisterande, og området sitt hovudpreg som bustadområde vert ikkje endra utover at utnyttinga vert noko betre. Det grøne området i planen gjev rom for eit samanhengande tur- og gangvegnett og gjev eit betre leike- og rekreasjonstilbod. Det er sett inn ekstra parkeringsplassar i planen for å gi moglegheiter for turgåarar, besøkande til strandområde og til gjesteparkering. Side 14 av 14