Fylkestinget Saksordførar Rosalind Fosse orienterte. Ruth Grung sette fram slikt forslag a) (primært forslag): «Alternativt forslag:

Transkript

1 Fylkestinget Saksordførar Rosalind Fosse orienterte. Ruth Grung sette fram slikt forslag a) (primært forslag): «Alternativt forslag: Nytt framlegg til punkt 1b: Fagtilbodet og dimensjonering av Nye Voss Gymnas vert som vist i tabell i saka, men med følgjande endring: Medium og kommunikasjon vert vidareført som utdanningsprogramtilbod til ungdom i indre Hordaland. Det er viktig at ungdomar i alle regionane i fylket har eit reelt val av utdanning. Alternativ til punkt 6 i opphavleg innstilling: Bergen Katedralskole vert kompetansesenter for vaksenopplæring i ST fag og Årstad videregående skole vert kompetansesenter for yrkesretta vaksenopplæring. Skulane skal koordinere og organisere VO-kurs og gi opplæringstilbod på skolar for heile Stor-Bergen. Samspelet mellom vaksenopplæring og ordinær vidaregåande opplæring styrkjer læringsmiljøet, aukar fleksibiliteten og har positiv effekt på elevmiljøet. Alternativ til punkt 7 i opphavleg innstilling: Bergen Katedralskole får utvida vgs-tilbodet til 7 parallellar på ST og innføringsklassar som vist i saksutgreiinga. Tilbodet med internasjonal Baccalaureate (IB) vert vidareført og utvida med ein parallell. Nytt punkt: BHG vert seld. Det vert bygd 9 nye klasserom med støtterom samt 30 pedagogarbeidsplassar på arealet til Bergen Katedralskole der brakkene står i dag. Nybygget vert finansiert ved sal av BHG, i tillegg til 35 mill. som er sett av til oppussing av BHG. Føresetnaden er at HFK og Bergen kommune inngår ein liknande avtale som ved Tanks vgs. Nytt punkt: Fylkestinget vil at dei vidaregåande skolane skal spesialisere seg for å styrke læringsmiljøet. Den nye vidaregåande skolen på Nygårdstangen må mellom anna spesialisere seg i realfag i samarbeid med den sterke marine forskingsklynga vi har i Bergen.» Ruth Grung sette fram slikt forslag b) (sekundært forslag): «Medium og kommunikasjon vert oppretthaldne som utdanningsval på Voss gymnas. Vaksenopplæringa vert oppretthalden på Bergen Katedralskole og Årstad videregående skole. Bergen Katedralskole vert knutepunktskule for studiespesialiserande vaksenopplæring og Årstad videregående skole vert knutepunktskule for yrkesførebuande vaksenopplæring. Den nye skulen på Nygårdstangen skal heite Hans Tank videregående skole og BHG vert oppretthalden med 4 parallellar på ST. Vedtaksteksten vert justert tilsvarande.» Mona Røsvik Strømme sette fram slikt forslag: «1. Pkt. 3: Endring: Fylkestinget vedtek følgjande vedk. Amalie Skram vgs, Bjørgvin vgs og Tanks vgs når Amalie Skram vgs vert teken i bruk ved skolestart hausten 2014: Bjørgvin vgs og Tanks vgs vert lagt ned. 2. Nytt pkt. d: BHG sine tilbod på Service og samferdsel (SS) vert flytta til Amalie Skram

2 vgs, og Medium og kommunikasjon (MK) vert vidareført som eit programfag ved same skule. 3. Nytt pkt. g: BHG vert ikkje lagt ned. ST vert vidareført for ein periode på 3 år. Dersom det gode søkjargrunnlaget og søkjeresultat varar ved, så blir skulen oppretthalden. 4. Pkt. 6 nytt: Bergen Katedralskole får ikkje tilbygg, men får etablert nye pedagogarbeidsplassar ved ombygging i eksisterande bygg. Tidsplan for byggjeprosjektet vert fastlagt i saka i mars Tilbodet med internasjonal baccalaureate vert vidareført. 5. Pkt. 9 (nytt): Det vert vurdert å få på plass ein samarbeidsavtale med Høgskolen i Bergen og/eller Universitet i Bergen og Noregs Handelshøgskole etter same modell som på Nordahl Grieg vgs.» Aud Karin Oen sette fram slikt forslag a): «Alternativ til punkt 6: Saka vert utsett til ein kan handsama heile vaksenopplæringa under eitt i marstinget.» Aud Karin Oen sette fram slikt forslag b): «Dersom utsetjingsforslaget fell: Alternativ til punkt 6: Vaksenopplæringa vert oppretthalden med ein desentralisert struktur, både når det gjeld administrasjon og lokalisering.» Aud Karin Oen sette fram slikt forslag c): «Forslag til vedtak: SVs 11 punkt for ein god vidaregåande skule i Hordaland Framlegget til skulebruksplan er distriktsfiendtleg og vil føra til meir fråfall, pendling og hybelbuing. Det er ikkje teke nok omsyn til elevane, til lokalt næringsliv eller kommunane i framlegget. Me spør oss om ikkje ideologiske prinsipp ligg til grunn for mykje av innstillingane til skulenedlegging og samanslåingane i skulebruksplanen. Vart det laga eit kart, for så å meisle ut terrenget etterpå? Hordaland SV har laga eigne prinsipp for kva som skal til for å få gode vidaregåande skular i Hordaland. Her er Hordaland SVs alternative overordna prinsipp for den vidaregåande skulen i Hordaland: 1. Den vidaregåande skulen i Hordaland skal vera eigd og driven av Hordaland fylkeskommune. 2. Den vidaregåande skulen skal vera gratis for alle. Dersom elevar skal bu på hybel, vil dette verta ei ekstrautgift som ikkje alle foreldre /elevar har råd til. Dette kan føra til at elevar vert hindra i å ta den utdanninga dei ønskjer. Elevar som bur på hybel mister oppfølging frå foreldra i skulekvardagen. 3. Ingen skal måtta bu på hybel for å gå på vidaregåande skule. I distrikta må tilrettelagt opplæring, innføringsklassar og vaksenopplæring ikkje verte konsentrert til færre skular enn i dag. Innføringsklassar for minoritetsspråklege må vere i skulemiljøet

3 dei minoritetsspråklege skal inn i, for å gjera integreringa av elevane lettare. Leigemarknaden for bustader er vanskeleg. 4. Fråfallet i vidaregåande skule må reduserast. Å redusera fråfallet er god økonomi. Fråfallet kostar samfunnet mellom 5 og 10 milliardar pr. årskull på landsbasis. På same vis som innan helsesektoren må ein snu utviklinga frå reparasjon til førebygging. Å sikra at elevar fullfører vidaregåande skule er eit av det mest samfunnsøkonomiske tiltaket ein kan gjera. 5. Alle elevar skal ha rett til eit godt arbeidsmiljø fysisk og psykisk. Bygningane skal vera universelt utforma og ha eit godt inneklima og utemiljø. Skulegongen skal ikkje vera prega av mobbing eller seksuell trakassering. 6. Alle elvar skal ha rett til å gå på nærskulen sin. Bustadadresse og interesse skal vera viktigaste kriterium for inntak, ikkje karakterar. Karakterstyrt inntak fører til at ein må skyssa elevar som ikkje har gode nok karakter til å koma inn på nærskulen sin. 7. Klima og miljøperspektivet må ivaretakast i planen. Ein sentralisert skulestruktur fører til meir reising i rushtida. Samling av tilbod i Bergen sentrum vil auka trykket i ein allereie pressa bykjerne. Det ligg an til overkapasitet og sentralisering av tilbod i sentrum. Dette og fordi alle dei private tilboda er der i tillegg til dei offentlege. 8. Elevar som treng spesialundervisning skal få undervisning på nærskulen sin. Dei må integrerast nærmiljøet sitt og ikkje samlast i store institusjonsliknande spesialskular. Det er særs viktig at denne elevgruppa ikkje får for lang reisetid og må bu vekke frå heimen. 9. Vaksenopplæringa og fagopplæringa må vera desentralisert. Tilbodet må vera der behovet og næringslivet er. Det må vera mogleg å etterutdanna seg samstundes som ein går i arbeid. Det er svært viktig for rekruttering av kvalifisert arbeidskraft til næringslivet i distrikta at dei vidaregåande skulane får halda fram med same breidda i utdanningsprogramma som i dag. Dette aukar også sjansen for at elevane vil verta buande i heimekommunen sin i framtida. 10. Fire parallellar må ikkje vera eit krav i distrikta. Her må ein bruka andre kriterium, ikkje minst med tanke på å rekruttera til eit framtidsretta næringsliv som i stor grad er lokalisert utanfor Bergen. Dersom lærlingane forlet distrikta kan det vera vanskeleg å få dei attende. 11. Reduksjonen i talet på vidaregåande skular i Hordaland må først og fremst gjerast i sentrale strok der dette minst mogeleg skaper avstandar/vanskar for elevar og tilsette.» Røysting Oen sitt utsetjingsforslag a) fekk 28 røyster (SV, A, R, Sp, KrF, MDG) og fall. Oen sitt forslag b) fekk 28 røyster (SV, A, R, Sp, KrF, MDG) og fall. Oen sitt forslag c) fekk 2 røyster (SV) og fall. Strømme sitt forslag fekk 17 røyster (H) og fall. Grung sitt forslag a) fekk 22 røyster (A, Sp, SV, R) og fall. Grung sitt forslag b) fekk 16 røyster (A) og fall. Innstillinga punkt 1 vart samrøystes vedteken. Innstillinga punkt 2 vart samrøystes vedteken. Innstillinga punkt 3, 4 og 5 vart samrøystes vedteken. Innstillinga punkt 6 vart vedteken mot 28 røyster (A, SV, R, Sp, KrF, MDG). Innstillinga punkt 7 vart vedteken mot 26 røyster (A, SV, R, 2 Sp, KrF).

4 Innstillinga punkt 8 vart samrøystes vedteken. Innstillinga punkt 9 vart samrøystes vedteken. Innstillinga punkt 10 vart samrøystes vedteken. VEDTAK ( ) 1. Fylkestinget vedtek følgjande vedkomande skole- og tilbodstruktur på Voss: a) Det skal som tidlegare bestemt etablerast to vidaregåande skolar på Voss; Nye Voss gymnas og Nye Voss vgs. Fagtilboda på Nye Voss vgs skal samlokaliserast på Skulestadmoen. b) Fagtilbod og dimensjonering på Nye Voss gymnas vert som vist i tabell i saksutgreiinga. Dette inneber m.a. at musikktilbodet vert oppretthalde. Studiespesialisering (ST) vert utvida til 2 fulle parallellar. Påbyggingskurs til generell studiekompetanse (PÅ) vert plassert på gymnaset, medan Elektrofag (EL) og Grupper for særskilt tilrettelagt opplæring (TO) vert plassert på Nye Voss vgs. Medium og kommunikasjon (MK) vert eit programfag (Medium og informasjonskunnskap) på Vg2 studiespesialiserande ved Nye Voss gymnas. Restaurant og matfag (RM) vert plassert på Nye Voss vgs. c) Dimensjonering av yrkestilboda på Nye Voss vgs vert gjort i saka i mars Skoleutbygginga på Voss vert gjennomført slik: a) Fylkestinget ber fylkesrådmannen sjå om det er råd å ta gymsalen ut av totalenterprisen med oppstart så snart som råd. Informasjon vert gjeve fram imot endeleg vedtak. Det er naudsynt å få framdrift i samlokaliseringa, då Vossaskulane og befolkninga i regionen no har venta lenge nok på iverksetjing av vedtaka kring ny skulestruktur på Voss. b) Fase 1: Byggje gymsal, klasserom, lærararbeidsplassar og leggje til rette for EL og TO-lokalar på Nye Voss vgs. Planlagt ferdig: Hausten c) Fase 2: Rehabilitering og utbygging av Nye Voss gymnas. Planlagt ferdig: Hausten d) Fase 3: Full samlokalisering av nye Nye Voss vgs på Skulestadmo ved å byggje nye verkstader til erstatning for Bryn. Tidsplan må avklarast i saka i mars Fylkestinget vedtek følgjande vedkomande Amalie Skram vgs, Bjørgvin vgs, Bergen Handelsgymnasium (BHG) og Tanks vgs når Amalie Skram vgs vert teken i bruk ved skolestart hausten 2014: a) Bjørgvin vgs, BHG og Tanks vgs vert lagt ned. b) Bjørgvin vgs avdeling Kyrre vert vidareført som ei avdeling under Bergen Katedralskole. c) Bjørgvin vgs sine tilbod på Service og samferdsel (SS) og ST, samt Tilrettelagt gruppe innanfor service og samferdsel (HT-gruppene), vert flytta til Amalie Skram vgs. Helse- og oppvekstfag (HO-tilboda) vert flytta til Årstad vgs. d) BHG sine tilbod på ST og SS vert flytta til Amalie Skram vgs, og MK vert vidareført som eit programfag ved same skule. e) ST-tilbodet på Tanks vgs vert flytta til Amalie Skram vgs. f) Amalie Skram vert dimensjonert for 1091 elevar fordelt på ST, SS, PÅ og TO som vist i tabell i saksutgreiinga. Toppidrett symjing inngår i ST. Om toppidrett skal utvidast på

5 bekostning av tilbodet ved Tertnes vgs vert vurdert i saka i mars Bergen tekniske fagskole sine Kvardagsliv og arbeidstreningsgrupper (HTH og HTA- grupper) i Margaretastredet vert vidareført under Amalie Skram vgs. 5. Lønborg vgs vert oppretthalde til Åsane vgs er samla i nytt skulebygg. Fagtilboda ved Lønborg vgs vert då overført til Åsane vgs. Tidsplan vert fastlagt i saka i mars Samstundes med at BHG vert lagt ned, vert det oppretta eit vaksenopplæringssenter for Stor- Bergen med hovudbase i skolen sine lokale i Kalfarveien. Senteret vil organisere VO-kurs og ha opplæringstilbod på skolar i heile Stor-Bergen. Senteret vert organisert som ei avdeling under Bergen Katedralskole. 7. Når vaksenopplæringa vert flytta til Kalfarveien, får Bergen Katedralskole utvida vgs-tilbodet til 7 parallellar på ST og innføringsklassar som vist i saksutgreiinga. Tilbodet med International Baccalaureate (IB) vert vidareført og vurdert utvida med ein parallell. Det vert føresett at ein ikkje går ut over totaltalet parallellar fastsett i planen. Skolen får ikkje tilbygg, men får etablert nye pedagogarbeidsplassar ved ombygging i eksisterande bygg. Tidsplan for byggjeprosjektet vert fastlagt i saka i mars Fylkestinget vedtek følgjande for Årstad vgs: a) Bygg- og anleggsteknikk-tilbodet (BA) vert lagt ned frå skoleåret 2013/14 slik at byggjeprosjektet ved skolen kan vidareførast. BA-tilbodet vert dekt av ulike skolar i alle naboregionane. b) Tabell i saksutgreiinga som syner dimensjonering av utdanningsprogram og programfag vert lagt til grunn for den vidare planlegginga av byggjeprosjektet på skolen. Det kan verte mindre justeringar i fagtilbod og dimensjonering i saka i mars c) Årstad vgs vert knutepunktskole for helsefagopplæring. Skolens strategiske plassering mellom Bergen sine omsorgsinstitusjonar, nærleik til Haukeland sjukehus/helse Bergen HF og Høgskolen i Bergen bør kunne utnyttast til å inngå samarbeidsavtalar som løftar det faglege miljøet. 9. Fylkeskommunen sine omstillingsreglar må leggjast til grunn ved nedlegging, samanslåing og oppretting av nye skolar, og flytting/endring av utdanningstilbod. Det må setjast av nok tid og økonomiske ressursar for å få til gode omstillingsprosessar. 10. Det bør vurderast å få på plass ein samarbeidsavtale med Høgskolen i Bergen og/eller Universitet i Bergen og Norges Handelshøgskole etter same modell som på Nordahl Grieg vgs.