JUSTERING AV UNDERVISNINGSTILBODET

Transkript

1 HORDALAND FYLKESKOMMUNE Opplæringsavdelinga Arkivsak Arkivnr. 100 Saksh. Kirkevik, Svein. Skavhellen, Nils. Andersen, Birthe Haugen. Saksgang Yrkesopplæringsnemnda Opplærings- og helseutvalet Fylkesutvalet Møtedato JUSTERING AV UNDERVISNINGSTILBODET SAMANDRAG Saka om justering av undervisningstilbodet er i år ei tilpassing til forventa søkjartal, vedtaka i skulebruksplanen, røynslene frå siste års inntak og trongen for læreplassar i dei aktuelle faga. Skulane har hatt saka til uttale og kommentarar. Ein del skular har kommentert at dei ynskjer auke i elevtalet ved utdanningsprogram/programområde som skulen alt har. Fylkesrådmannen har ikkje tatt med denne typen justeringar i saka. Slike justeringar må eventuelt tilpassast søkjartala ved prognoseinntaket i mars, og eventuelt i løpet av sommaren I denne saka er det ein auke på 99 elevplassar samanlikna med inneverande skuleår. I år legg fylkesrådmannen fram ei sak om justering i undervisningstilbodet som i hovudsak tek for seg fase 1 av vedtaka i skulebruksplanen. Etter prognoseinntaket har fylkesrådmannen tidlegare år lagt fram ei justeringssak til politisk behandling i april eller mai. Røynslene viser, som hovudregel, at den politiske saka berre er ei matematisk vurdering av reduksjon/auke av elevplassar ved den einskilde skule/linje. Fylkesrådmannen ber difor om fullmakt til å tilpasse talet på elevplassar i skulane etter søkjartala ved prognoseinntaket utan å leggje dette fram for politisk handsaming. Dersom det etter prognoseinntaket kjem fram større endringar, som til dømes at det må vurderast om eit utdanningsprogram/programområde skal avviklast ved ein skule, vil fylkesrådmannen leggje fram sak om dette på vanleg måte. For å nærme oss behovet for større fagmiljø er ei første tilnærming å innføre krav til oppfyllingsgrad for igangsetting av tilbod. Fordi skulane er ulike i storleik og har ulikt elevgrunnlag, bør det etter

2 fylkesrådmannen si meining vere differensierte krav til oppfyllingsgrad som tek omsyn til nettopp skulestorleik og elevgrunnlag. Fylkesrådmannen rår til at det som hovudregel vert sett krav til oppfyllingsgrad på 85% i høve til budsjettert elevtal. Dersom ei gruppe kjem under minimumskravet skal avgjerd om eventuell nedlegging vurderast opp mot tilbodet i regionen og i fylket samla sett. Denne vurderinga blir gjort administrativt. FORSLAG TIL INNSTILLING 1. Det vert gjort følgjande endringar i tilbodsstrukturen ved dei vidaregåande skulane: Oppretting hausten 2014 Plasstal Utd.prog Trinn Kode Kurs Org.sted Skolenamn 15 ID Vg1 IDRET1---- Idrettsfag 660 Etne vgs 15 ID Vg3 IDIDR3--- Idrettsfag 660 Etne vgs 15 DH Vg2 DHIUD2---- Interiør og utstillingsdesign 660 Etne vgs 15 PB Vg3 PBPBY4YK-- Påbygg. gen. St. komp m/fagbrev 660 Etne vgs 27 PB Vg3 PBPBY4YK-- Påbygg. gen. St. komp m/fagbrev 652 Fitjar vgs 54 ST Vg3 STUSP3---- Studiespesialiserande 665 Stord vgs 15 HS Vg1 HSHSF1---- Helse- og oppvekstfag 648 Austevoll vgs 27 ST Vg2 STUSP2---- Studiespesialiserande 615 Øystese gymnas 12 TP Vg2 DHSME Smedfaget 628 Odda vgs 15 SS Vg1 SSSSA1---- Service og samferdsel 632 Voss vgs 15 PB Vg3 PBPBY4YK-- Påbygg. gen. St. komp m/fagbrev 632 Voss vgs 15 HS Vg1 HSHSF1---- Helse- og oppvekstfag 644 Fusa vgs 27 ST Vg3 STUSP3---- Studiespesialiserande 611 Os gymnas 15 ID Vg3 IDIDR3--- Idrettsfag 658 Stend vgs 27 PB Vg3 PBPBY4YK-- Påbygg. gen. St. komp m/fagbrev 633 Slåtthaug vgs 15 BA Vg2 BABYG2---- Byggteknikk 633 Slåtthaug vgs 27 ST Vg1 STUSP1Z--- Studiespesialisering m/førebuande IB 621 Bergen katedralskole 27 PB Vg3 PBPBY4YK-- Påbygg. gen. St. komp m/fagbrev 636 Laksevåg vgs HSBUA HS Vg2 /HSHEA2---- Barne og ungdomarb./helsearbeidar 661 Olsvikåsen vgs 27 PB Vg3 PBPBY4YK-- Påbygg. gen. St. komp m/fagbrev 656 Lønborg vgs 27 ST Vg1 STFOR1---- Studiespesialiserende m/formgjeving 634 Knarvik vgs 27 ST Vg2 STUSP2---- Studiespesialiserande 634 Knarvik vgs 15 HS Vg3 HSTAN3---- Tannhelsesekretær 638 Åsane vgs 15 BA Vg2 BABYG2---- Byggteknikk 641 Austrheim vgs 30 HS Vg2 HSHUD2---- Hudpleie 639 Årstad vgs 15 HS Vg2 HSHES2---- Helsearbeiderfag 639 Årstad vgs 15 HS Vg3 HSHUD3---- Hudpleie 639 Årstad vgs 15 HS Vg3 HSHSE3---- Helsesekretær 639 Årstad vgs 270 ST Vg1 STUSP1---- Studiespesialiserande Amalie Skram vgs 270 ST Vg2 STUSP2---- Studiespesialiserande Amalie Skram vgs 270 ST Vg3 STUSP3---- Studiespesialiserande Amalie Skram vgs 60 SS Vg1 SSSSA1---- Service og samferdsel Amalie Skram vgs 30 SS Vg2 SSISF2---- IKT-servicefag Amalie Skram vgs 30 SS Vg2 SSRLV2---- Reiseliv Amalie Skram vgs 15 SS Vg2 SSSSS2---- Salg, service og sikkerhet Amalie Skram vgs 15 MK Vg3 MKMED3---- Studieforbered. medium og kom. Amalie Skram vgs 16 SS Vg1 Service og samferdsel, grunnkomp. Amalie Skram vgs 2

3 8 SS Vg1 Kvardagslivstrening Amalie Skram vgs 1568 Oppretting hausten 2014 Nedlegging hausten 2014 Plasstal Utd.prog Trinn Kode Kurs Org.sted Skolenamn -15 ID Vg2 IDIDR2--- Idrettsfag 660 Etne vgs -15 PB Vg3 PBPBY3---- Påbygg. gen. studiekompetanse 660 Etne vgs -27 ST Vg2 STUSP2---- Studiespesialiserende 665 Stord vgs -27 ST Vg3 STUSP3---- Studiespesialiserende 615 Øystese gymnas -27 ID Vg1 IDRET1---- Idrettsfag 628 Odda vgs -15 PB Vg3 PBPBY3---- Påbygg. gen. studiekompetanse 632 Voss vgs -15 SS Vg2 SSRLV2---- Reiseliv 632 Voss vgs -15 MK Vg2 MKMED2---- Medier og kommunikasjon 650 Voss Husflidskule -27 ST Vg2 STUSP2---- Studiespesialiserende 611 Os gymnas -27 ST Vg2 STUSP2---- Studiespesialiserende 664 Garnes vgs -27 PB Vg3 PBPBY3---- Påbygg. gen. studiekompetanse 656 Lønborg vgs -15 ST Vg2 STFOR2---- Studiespesialiserende m/formgjeving 634 Knarvik vgs -27 ST Vg1 STUSP1---- Studiespesialiserende 634 Knarvik vgs -130 ST Vg1 STUSP1---- Studiespesialiserende 622 Bergen handelsgym -104 ST Vg2 STUSP2---- Studiespesialiserende 622 Bergen handelsgym -104 ST Vg3 STUSP3---- Studiespesialiserende 622 Bergen handelsgym -30 SS Vg1 SSSSA1---- Service og samferdsel 622 Bergen handelsgym -30 SS Vg2 SSRLV2---- Reiseliv 622 Bergen handelsgym -15 MK Vg3 MKMED2---- Medier og kommunikasjon 622 Bergen handelsgym -15 MK Vg3 MKMED3---- Studieforbered. medier og kom. 622 Bergen handelsgym -108 ST Vg1 STUSP1---- Studiespesialiserende 618 Tanks vgs -100 ST Vg2 STUSP2---- Studiespesialiserende 618 Tanks vgs -100 ST Vg3 STUSP3---- Studiespesialiserende 618 Tanks vgs -27 PB Vg3 PBPBY3---- Påbygg. gen. studiekompetanse 618 Tanks vgs -81 ST Vg1 STUSP1---- Studiespesialiserende 654 Bjørgvin vgs -81 ST Vg2 STUSP2---- Studiespesialiserende 654 Bjørgvin vgs -81 ST Vg3 STUSP3---- Studiespesialiserende 654 Bjørgvin vgs -27 PB Vg3 PBPBY3---- Påbygg. gen. studiekompetanse 654 Bjørgvin vgs -45 SS Vg1 SSSSA1---- Service og samferdsel 654 Bjørgvin vgs -15 SS Vg2 SSISF2---- IKT-servicefag 654 Bjørgvin vgs -30 SS Vg2 SSSSS2---- Salg, service og sikkerhet 654 Bjørgvin vgs -30 HS Vg2 HSHUD2---- Hudpleie 654 Bjørgvin vgs -15 HS Vg2 HSHES2---- Helsearbeiderfag 654 Bjørgvin vgs -15 HS Vg3 HSHUD3---- Hudpleie 654 Bjørgvin vgs -15 HS Vg3 HSHSE3---- Helsesekretær 654 Bjørgvin vgs 8 SS Vg1 Kvardagslivstrening 654 Bjørgvin vgs Nedlegging hausten Endring hausten

4 2. Fylkesrådmannen får fullmakt til å tilpasse talet på elevplassar i skulane etter søkjartala ved prognoseinntaket. Dersom det etter prognoseinntaket kjem fram større endringar, som til dømes at det må vurderast om eit utdanningsprogram skal avviklast ved ein skule vil fylkesrådmannen leggje fram sak om dette på vanleg måte. 3. Som hovudregel vert det sett krav til oppfyllingsgrad på 85% i høve til budsjettert elevtal Dersom ei gruppe kjem under minimumskravet skal avgjerd om eventuell nedlegging vurderast opp mot tilbodet i regionen og i fylket samla sett. Denne vurderinga blir gjort administrativt. Rune Haugsdal fylkesrådmann Svein Leidulf Heggheim fylkesdirektør for opplæring Vedlegg: Uttalar frå dei vidaregåande skulane 4

5 FYLKESRÅDMANNEN, : Saka om justering av undervisningstilbodet er kvart år ei tilpassing til forventa søkjartal, vedtaka i skulebruksplanen, røynslene frå siste års inntak og trongen for læreplassar i dei aktuelle faga. Tidlegare år har skulane blitt inviterte til å kome med framlegg om oppretting av nye utdanningsprogram/programområde. I år legg fylkesrådmannen fram ei sak som i hovudsak tek for seg fase 1 av vedtaka i skulebruksplanen. I tillegg til dette er det teke med auke/reduksjon av elevtalet på Vg2 og Vg3. Utgangspunktet for dette er elevtalet ved skulane i Vg1 og Vg2 i inneverande skuleår. Skulane har hatt saka til uttale og kommentarar. Tilbakemeldingar frå skulane er lagt som vedlegg til saka. Ein del skular har kommentert at dei ønskjer auke i elevtalet ved utdanningsprogram/programområde som skulen alt har. Fylkesrådmannen har ikkje teke med denne typen justeringar i saka. Slike justeringar må eventuelt tilpassast søkjartala ved prognoseinntaket i mars og eventuelt i løpet av sommaren Søkjar og elevtal Talet på elevar som kjem ut frå ungdomsskulen våren 2014 er om lag 60 lågare enn det var våren 2013, dvs. ca elevar. Effekten av den relativt låge skilnaden i ungdomskullet frå 2013 til 2014 vert forsterka ved at det hausten 2014 er venta at talet på private elevplassar aukar med mellom 60 og 150 på Vg1. Det er i Bergen sentrum det er venta vekst i talet på private elevplassar. Ein annan viktig faktor for talet på elevar i Vg1 er søkjarar med Ungdomsrett som har slutta, eller som gjer omval. Kvart år er det om lag elevar som tek Vg1 på nytt. Om lag halvparten av desse har av ulike årsaker fått godkjent å ta kurset over to år. Resten gjer omval til eit nytt utdanningsprogram, medan ei mindre gruppe tek same Vg1 kurs opp att. Den nye inntaksforskrifta har gjort endringar i vilkåra for dei som gjer omval. For å halde på statusen som heiltidselev må ein ta opp att alle fag i det nye Vg1- kurset, dvs at dei får annullert karakteren også i fag dei tidlegare har bestått ( i praksis gjeld dette fellesfaga). Søkjarar som ønskjer å behalde karakterane frå det første Vg1- kurset skal ved inntaket takast inn som deltidselev, dvs. at dei blir tekne inn etter heiltidselevar. Fylkesrådmannen er usikker på kva dette vil bety for talet på elevar som gjer omval, og legg førebels elevplasstalet opp etter same omvalsandel som i inneverande år. Talet på elevar som gjekk ut frå ungdomsskulen i 2013 var ca. 300 lågare enn i Dette førte sjølvsagt til eit lågare tal på inntekne elevar til Vg1. Dette var særleg markert til Studiespesialiserande utdanningsprogram. Ved inntaket til Vg2 i 2014 ser fylkesrådmannen ikkje bort frå at klassetalet på einskilde skular må justerast ned. Alternativet er å gå med lågt elevtal i klassane. Begge alternativa fører til eit dårlegare programfagtilbod for elevane, noko som kan forsterke tendensen med at ein søkjer seg over til større skular med betre tilbod i programfaga. Fylkesrådmannen ser heller ikkje bort frå at søkjartala til Vg2 kursa innanfor yrkesfag kan bli noko redusert i høve til 2013-inntaket. Truleg vil konsekvensane her bli mindre enn ved studiespesialiserande. Grunnen til dette er at nedgangen i det samla elevtalet innanfor yrkesfaga ikkje er så stor som for studiespesialiserande, klassane er mindre, og tilboda er i større grad basert på tilboda i Vg1. Tilpassing av tilbodsstrukturen til søkjartalet Etter prognoseinntaket har fylkesrådmannen tidlegare år lagt fram ei justeringssak til politisk behandling i april/mai.. Røynslene viser, som hovudregel, at den politiske saka berre er ei matematisk vurdering av reduksjon/auke av elevplassar ved den einskilde skule/linje. 5

6 Fylkesrådmannen ber difor om fullmakt til å tilpasse talet på elevplassar i skulane etter søkjartala ved prognoseinntaket utan å leggje dette fram for politisk handsaming. Talet på elevplassar ved den einskilde skule skal likevel vere i samsvar med vedtaka i skulebruksplanen, og det skal takast omsyn til at ein eventuell auke ved ein skule ikkje får negative konsekvensar ved t.d. naboskulen. Dersom det etter prognoseinntaket kjem fram større endringar, som til dømes at det må vurderast om eit utdanningsprogram skal avviklast ved ein skule, vil fylkesrådmannen leggje fram sak om dette på vanleg måte. Gruppestorleik og oppfyllingsgrad I tillegg til den vedtekne skulebruksplanen skjer det endringar i skulestrukturen som følgje av den pågåande endringa av elevtalet i fylket. Denne utviklinga skjer heile tida og endrar struktur og tilbodsomfanget i Hordaland. Det er til dømes naturleg at dette vil føra til at ein del tilbod får så lågt elevtal at det verken er fagleg eller økonomisk forsvarleg å starta desse opp. I framlegg til budsjett for 2014 har fylkesrådmannen lagt til grunn ein innsparingseffekt av dette på 3 mill. kr. I skulebruksplanen vart det diskutert kor mange parallellar ein skule bør ha for å tilby eit breitt tilbod av programfag på Vg2 og Vg3. Ein skule med færre enn 4 parallellar på studiespesialiserande utdanningsprogram vil ha problem i høve til å kunne tilby eit breitt programfagtilbod utan høgare økonomiske rammer. For ei mest mogeleg rasjonell økonomisk drift og eit godt fagtilbod bør ein skule i Bergensområdet ha minimum 4 parallellar. Utanfor Bergensområdet er dette likevel uaktuelt fordi det rett og slett ikkje er elevar til så mange parallellar; kanskje med unnatak av nokre få skular med dagens skulestruktur. Vidare er det omtala at dersom ein skule skal kunne ha eit breitt fagmiljø på yrkesfaga treng dei fleire programfag på Vg2-nivå. Grunnlaget for dette ligg i å ha større elevgrunnlag og fleire parallellar på Vg1. Ein del skular har problem i høve til rekruttering av faglærarar i yrkesfaga. Rekrutteringa og utnyttinga av dei eksisterande lærarkreftene vert betre dersom utdanningsprogramma vert samla i større einingar enn i dag. Det er og slik at einskilde små yrkesfagmiljø slit med å oppfylle alle læreplanmåla på Vg1 når dei ikkje har eit breitt fagmiljø og fleire Vg2- tilbod på skulen. På dei mest areal- og utstyrskrevjande yrkesfaga er det viktig å utnytte dei store verkstadsareala og det dyre utstyret best mogleg. For å få dette til må skulen har fleire parallellar. Betre utnytting av rom og utstyr kan til dels gje store økonomiske innsparingar målt opp mot alternativet der rom og utstyr må investerast fleire stader. For å nærme oss behovet for større fagmiljø er ei første tilnærming å innføre krav til oppfyllingsgrad for igangsetting av tilbod. Fordi skulane er ulike i storleik og har ulikt elevgrunnlag bør det etter fylkesrådmannen si meining vere differensierte krav til oppfyllingsgrad som tek omsyn til nettopp skulestorleik og elevgrunnlag. Reglane må likevel vere slik at dei sikrar at tilbod som vert sett i gang har eit godt nok elevgrunnlag til å oppretthalde Vg1, Vg2 og Vg3 der det er eit treårig tilbod i skule. Med dette som utgangspunkt meiner fylkesrådmannen at det i Stor- Bergen bør leggjast til grunn ei relativt høg oppfyllingsgrad i alle tilbod. Lenger ut i distrikta kan kravet til oppfylling vere lågare. Fylkesrådmannen rår til at det som hovudregel vert sett krav til oppfyllingsgrad på 85% i høve til budsjettert elevtal Dersom ei gruppe kjem under minimumskravet skal avgjerd om eventuell nedlegging vurderast administrativt opp mot tilbodet i regionen og i fylket samla sett. Gruppestorleiken i yrkesfaglege utdanningsprogram er elevar. I studiespesialiserande utdanningsprogram er gruppestorleiken elevar. Krav til minimum oppfyllingsgrad og eventuell nedlegging av klassar må vurderast etter inntaket pr 1. mars og pr 1. juli kvart år. 6

7 Studiespesialiserande utdanningsprogram i Stor-Bergen I innstillinga til skulebruksplanen vart det studiespesialiserande tilbodet, særleg i Stor- Bergen, lagt til færre skular. I Bergen vart det tilrådd å leggje ned Studiespesialiserande utdanningsprogram ved, Garnes vgs og Laksevåg vgs. Målsetjinga med dette var å skape berekraftige tilbod i regionen som står seg over tid. Med berekraftig tilbod meiner ein særleg at skulane må vere så pass store at ein har høve til å gje eit breitt tilbod av programfag. Dersom skulane blir for små og val av programfag blir mindre, vil dette forsterke tendensen til at søkjarane trekkjer mot Bergen sentrum. Eit godt døme på dette er at ingen skular i Bergen Sør har mindre enn fire parallellar og god oppfylling i klassane. I andre delar av Bergen er det berre unntaksvis skular med fire parallellar, og «lekkasjen» mot Bergen sentrum er større. Dette fører igjen til dårleg oppfyllingsgrad. Sjå også nedanfor. I tillegg til dette vart det i skulebruksplanen gjort framlegg om å leggje ned Fana gymnas. Dette vart gjort fordi ein meinte at ein hadde kapasitet på dei andre skulane i bydelen til å kunne oppretthalde talet på elevplassar totalt sett. Framlegget vart avvist i fylkestinget, men om Fana gymnas skal oppretthaldast som eigen skule skal vurderast på nytt i Det vil då bli lagt vekt på elevtal og søkjartal i dei neste tre skuleåra. Under handsaminga av skulebruksplanen vart tilboda ved Laksevåg videregående skole og Garnes videregående skole vedteke vidareført på dagens nivå. Samstundes vart det vedteke å utvide tilbodet mellom anna ved Bergen Katedralskole. Også ved Tertnes videregående skole er det vedteke elevauke i skulebruksplanen. Fyllingsdalen videregående skole skal iflg. skulebruksplanen ha fire parallellar, men det er fleire år sidan skulen har hatt søkjargrunnlag til så mange klassar. Det er fleire grunnar til dette, men årskulla i denne bydelen har blitt - og blir også dei neste åra - lågare enn på byrjinga av 2000-talet. Utvikling i elevtal i Stor-Bergen Inntaket til vidaregåande skule hausten 2013 syner at det vart om lag 300 færre elevar i fylket. Ein stor del av nedgangen i elevtalet kom i Stor- Bergen. I SSB sine prognosar for folketalsutvikling var nedgangen i årskullet i Stor- Bergen sett til 110. Skilnaden mellom nedgang i elevtal og nedgangen i folketalet kan mellom anna forklarast ved at talet på elevplassar i private skular aukar. Fylkesrådmannen har grunn til å tru at dei etablerte private skulane har auke i sitt elevtal samstundes som det er nyoppretta tilbod ved to skular i Bergen. Dette gjeld m.a. oppretting av elevplassar på toppidrett ved Akademiet, og to klassar studiespesialiserande utdanningsprogram på St.Paul gymnas (oppretta i 2012). Fram mot 2019/2020 er det venta at elevtalet går vidare ned. SSB sine tal syner reduksjon på om lag 350 elevar i perioden. Etter dette er det venta ein mindre vekst i elevtalet; særleg i perioden fram mot 2030 til Søkjemønster til elevane i Stor- Bergen Fylkesrådmannen har kartlagt søkje- og reisemønster for elevar ved studiespesialiserande utdanningsprogram ved dei vidaregåande skulane i Stor- Bergen i inneverande skuleår. Kartlegginga syner same tendens som kartleggingar gjennomført i samband med skulebruksplanen. Elevar frå Bergen Vest, Nord og Aust søkjer seg oftare til skulane i Bergen sentrum, både dei offentlege og private vidaregåande skulane, enn elevane i Bergen Sør (Fana/Ytrebygda bydel). Dette fører til at alle skulane i denne delen av Bergen har god oppfylling i budsjetterte klassar. Hausten 2014 startar Amalie Skram opp med ni parallellar på studiespesialiserande utdanningsprogram. Dette erstattar tilboda som finst i dag ved dei tre skulane Bjørgvin, Tanks og Bergen Handelsgymnasium. I tillegg til tilbodet ved Amalie Skram er planen at Bergen katedralskole 7

8 skal utvide sitt tilbod med tre parallellar. Hordaland fylke får med dette to store berekraftige tilbod innan studiespesialiserande utdanningsprogram i Bergen sentrum. I skulebruksplanen er utvidinga av elevplasstalet ved Bergen Katedralskole tidfesta til 2015 på grunn av trong for ombygging ved skulen. For å skape stabile og berekraftige utdanningstilbod innanfor studiespesialiserande utdanningsprogram i åra framover er det difor naudsynt å gjere tilpassingar i tilbodsstrukturen. Fylkesrådmannen må difor setje i gang ein prosess med ytterlegare kartleggingar saman med skulane. Målsetjinga er å få på plass ein betre tilpassa tilbodsstruktur frå hausten Det vert i denne saka ikkje gjort framlegg om å gjere endringar i tilbodsstrukturen innanfor studiespesialiserande utdanningsprogram i Bergen frå hausten Fylkesrådmannen vil likevel måtte kome tilbake til dette når søkjartala er klåre i byrjinga av mars 2014 og analysen av prognoseinntaket er gjort. Tilhøve mellom elevane sine ønskje og næringslivet sine behov Talet på elevplassar ved dei ulike utdanningsprogramma/programområda har dei siste åra vore godt tilpassa søkjargrunnlaget. Dette samsvarar ikkje alltid med tilgangen på læreplassar. Likevel er det slik at dei elevane som kjem ut frå ungdomsskulen har rett til inntak på eitt av tre utdanningsprogram. Inntaket til dei vidaregåande skulane må også tilpassast dette. Inntaket i 2013 viste at mange av søkjarane frå ungdomsskulen brukar søknadsskjemaet sitt for lite. Ofte blir det berre ført opp eitt utdanningsprogram og to-tre skular. Dette kan tyde på stor motivasjon for dette eine utdanningsprogrammet, men dersom søkjaren ikkje får plass vil alternativa straks bli vesentleg redusert. Det er ulike faktorar som er avgjerande for om ein elev får læreplass eller ikkje. Elevane sin bustad, kvalifikasjonane (i mange fag må ein ha over 4 i snittkarakter for å få læreplass) og fråver avgjer ofte om ein elev får læreplass eller ikkje. Skulane sitt arbeid med faget prosjekt til fordjuping, påverkar også elevane sin moglegheit til læreplass. På landsbasis blir om lag 70% av alle lærekontraktar teikna gjennom bruk av prosjekt til fordjupning. Avviket mellom elevane sine kvalifikasjonar og ønskjer, og næringslivet sin trong for lærlingar gjer at vi kvart år må ha alternative sluttopplæringsløp for nokre grupper. Det er spesielt innanfor teknologi og industriell produksjon (TIP) at det er fleire elevar enn det er læreplassar. På Vg2 køyretøy får om lag halvparten av elevane læreplass. I haust vart det difor oppretta eit Vg3- tilbod i Norheimsund med 16 elevar. I eit slikt perspektiv bør talet på elevplassar på Vg2 køyretøy reduserast. Situasjonen er ikkje betre for Vg2 Industriteknologi. På dette programområdet får om lag 60% av elevane læreplass. Det er tilbod om Vg2 industriteknologi ved 16 skular i Hordaland og kurset rekrutterer til 23 lærefag. Elevane søkjer seg i hovudsak mot lærefaget industrimekanikar. Vi har dei siste fire åra hatt sluttopplæring knytt til Hop kompetansesenter. I år har vi 21 elevar på dette tilbodet. Vg2 maritime fag har vi i dag på tre vidaregåande skuler i Hordaland. Læreplassar vert i hovudsak teikna ved maritimt opplæringskontor og forsvaret. Det er felles opplæringskontor for Hordaland og Rogaland. Det blir difor viktig å tilpasse dimensjoneringa av tilboda fylka i mellom. Til dømes slik det blir gjort til Vg2 Brønnteknikk. Opplæringskontora ventar om lag same tal på læreplassar i 2014 som i Hordaland starta i år sluttopplæring i motormannfaget ved Rubbestadneset vgs for 14 elevar. Om lag halvparten av elevane er frå Rogaland. For første gong på fem år treng Hordaland ikkje starte sluttopplæring i elektrikarfaget. Sjølv om dimensjoneringa av tilbodet av elevplassar ikkje er redusert. Bransjen varslar at toppen truleg er nådd. Hordaland vil såleis ha ein Vg3 klasse i beredskap frå hausten Næringslivet sitt behov for fagarbeidarar Fagopplæringskontoret hentar kvart år inn intensjonsavtalar om læreplassar i januar/februar. Intensjonsavtalane gjev ein viss peikepinn på kva behovet på læreplassar er på kort sikt. Hordaland har starta arbeidet med å etablere eit system for å kartlegge behovet på lengre sikt. Ei slik kartlegging krev tett samarbeid og god dialog med partane i arbeidslivet og bransjeorganisasjonane. Det også ei forventning i samfunnskontrakten at skulane i Hordaland skal setjast i stand til å hente inn realistiske intensjonsavtalar. Dette arbeidet er førebels ikkje starta opp. Mange næringar slit med å få nok fagarbeidarar, fordi at det ikkje er nok søkjarar. Eit døme er industrimålarfaget. Hordaland har p.t. ikkje tilbod i Vg2 overflateteknikk. Tilbodet vart lagt ned for nokre år sidan på grunn av dårleg søkjargrunnlag, og seinare har det vore vanskeleg å få tak i eigna 8

9 lokale. Bransjen (industrimålar) garanterer for læreplassar til minst ein klasse. Eit alternativ kan vere å etablere ein vekslingsmodell innan faget, men dette er ingen garanti for at det kjem søkjarar. Fleksible modellar Hordaland har ein stor del lærekontraktar som blir teikna anten med tre eller fire års opplæringsløp. Om lag 20% av talet på læreplassar vert omfatta av denne ordninga. I tillegg har vi tilbod innan tekniske allmenne fag (TAF) ved tre skular i fylket. Vekslingsmodellen er flagga som eit av fleire satsingsområde frå statleg hald. Hordaland starta i 2013 opp vekslingsmodell som prosjekt ved to skular innan fagområda bygg og anleggsteknikk og helse og oppvekstfag. Inneverande år er det til saman 45 elevar i vekslingsmodellen. Desse tilboda vert vidareført i 2014 og Det kan verte aktuelt å utvikle vekslingsmodellar innanfor andre utdanningsprogram. Industrimålar og bilfaga kan vere døme på dette. Kommentarar frå skulane til saka Fylkesrådmannen har sendt eit førebels utkast til denne saka til dei vidaregåande skulane, og bedt om kommentarar. Saka har ikkje vore til høyring på vanleg måte fordi ein, som hovudregel, tek utgangspunkt i vedtatt skulebruksplan. Organisasjonane har likevel blitt orientert på vanleg måte i eit felles drøftings-og informasjonsmøte. Alle kommentar ligg som uprenta vedlegg til saka, og det er også merka under den einskilde skule dersom slike kommentarar har kome inn. Etne vidaregåande skule: I skulebruksplanen ligg det føringar for kva utdanningstilbod skulen skal ha dei neste åra. I tillegg til dette er det etter politisk initiativ frå fylkesordførarane og møte mellom opplæringsavdelingane i Hordaland og Rogaland, kome fram til ei fordeling av tilboda mellom Etne og Ølen vidaregåande skule for skuleåret 2014/15. Fylkesrådmannen er glad for at det er semje mellom fylka om fordelinga av utdanningsprogram/programområde. Den vidare prosessen med utvikling og organisering av dei to skulane vil halde fram, og målet er at dette skal vere på plass til skuleåret 2015/16. I samband med dette kan det også bli gjort framlegg om andre endringar i tilbodsstrukturen. I tillegg til at ein no er samde om tilbodsstrukturen for komande skuleår, vil ein også samarbeide på ein betre måte om tilbod av programfag mellom dei to skulane. Dette for å styrkje det totale tilbodet for elevane i denne regionen. Oppretting: Vg1 Idrettsfag Skulen fekk oppretta Vg1 Idrettsfag i 2012, men søkjartalet i 2013 vart for lite til at tilbodet kunne oppretthaldast. Fylkesrådmannen gjer no eit nytt forsøk på å få oppretta dette tilbodet i regionen. Grunnlaget for det er særleg at årskullet i Etne kommune er tilbake til det normale i 2014 etter eit svært lågt årskull i I tillegg til dette har ein von om fleire søkjarar frå Vindafjord kommune, og ikkje minst at motiverte søkjarar frå Odda-området er aktuelle sidan Vg1 Idrettsfag ved Odda vidaregåande skule blir tilrådd nedlagt slik vedtaket i skulebruksplanen tilseier. Oppretting: Vg2 Interiør og utstillingsdesign Oppretting av Vg2 Interiør og utstillingsdesign er gjort på grunnlag av at skulen har tilnærma full klasse på Vg1 Design og handverk i inneverande skuleår. Tilbodet vart lagt ned våren 2013 grunna liten søknad, men elevgrunnlaget frå Vg1 i inneverande skuleår gir større grunn til å tru at det vil vere søkjarar nok til Vg2 skuleåret 2014/15. 9

10 Oppretting: Vg3 Idrettsfag Oppretting av Vg3 Idrettsfag er ei vidareføring av dagens tilbod på Vg2. Sjølv om elevtalet er lågt er det ikkje andre alternativ for desse elevane med mindre dei blir hybelbuarar. Næraste alternativ vil vere Odda/Stord vidaregåande skule Oppretting Vg3 Allmennfagleg påbyggingskurs for elevar med fagbrev/ Nedlegging Vg3 Allmennfagleg påbyggingskurs På drøftingsmøte mellom Rogaland og Hordaland fylkeskommune den 28.oktober 2013 om tilbodsstrukturen mellom Etne/Ølen vidaregåande skule var det semje om å tilrå oppretting av 15 elevplassar på Vg3 Allmennfagleg påbyggingskurs for søkjarar med fagbrev ved Etne vidaregåande skule. Tilsvarande blir talet på elevplassar ved Etne vidaregåande skule på ordinært Vg3 Allmennfagleg påbyggingskurs redusert med 15 elevplassar. Dersom det viser seg at det etter denne omlegginga blir for lite ordinære elevplassar på Vg3 på Etne vidaregåande skule, opnar ein for at det kan kjøpast plassar til desse ved Ølen vidaregåande skule. Nedlegging Vg2 Idrettsfag Nedlegging av Vg2 Idrettsfag er ein konsekvens av at skulen ikkje har Vg1 Idrettsfag i inneverande skuleår. Fitjar vidaregåande skule Oppretting: Vg3 Allmennfagleg påbyggingskurs for søkjarar med fagbrev. Skulen tilbyr no to utdanningsprogram som har fått svekka søkjargrunnlag dei siste åra. Dette gjeld Design og handverk og ikkje minst Restaurant og matfag. Elevtalet som skulen har i år vil truleg svekke søkjargrunnlaget til Vg2 innanfor desse utdanningsprogramma for skuleåret 2014/15. Ein kan såleis ikkje sjå bort frå at skulen ikkje vil ha søkjargrunnlag til dei Vg2- tilboda skulen har i dag. I tillegg til dette er det heller ikkje sikkert at skulen får søkjargrunnlag nok til å ha halde fram med Vg1 tilboda som skulen har no. På bakgrunn av dette ønskjer fylkesrådmannen å styrkje skulen ved å gjere framlegg om oppretting av det nye tilbodet Vg3 Allmennfagleg påbyggingskurs for søkjarar med fagbrev. Skulen har også god røynsle med å organisere undervisning for vaksne elevar. Dersom det ikkje skulle melde seg nok elevar til ein heil klasse på Vg3 Allmennfagleg påbyggingskurs med fagbrev, kan elevtalet på ordinært påbyggingskurs aukast tilsvarande slik at skulen uansett får grunnlag for to klassar. Stord vidaregåande skule Reduksjon av elevtal: Vg2 Studiespesialiserande utdanningsprogram blir redusert med 27 plassar. Elevgrunnlaget i Vg1 skuleåret 13/14 tilseier ein reduksjon i talet på plassar neste år med 27 plassar (ein klasse). Auke av elevtal: Vg3 Studiespesialiserande utdanningsprogram blir auka med 54 plassar Elevgrunnlaget i Vg2 skuleåret 13/14 tilseier ein auke i talet på plassar neste år med 54 plassar (to klassar). I skulebruksplanen er det vedteke ein del endringar i tilbodet ved Stord vidaregåande skule, m.a. med overføring av tilbod frå andre skular i regionen. Fylkesrådmannen ønskjer å sjå dette i samanheng med m.a. den nye skulestrukturen på Bømlo. Fylkesutvalet har bedt om at det blir sett i gang arbeid med oppretting av TAF-tilbod i Sunnhordland. Fylkesrådmannen ser det slik at dette ikkje kan kome i gang før hausten Det må gjerast eit godt og grundig arbeid i forkant for å sikre at dette tilbodet kan feste seg i regionene. Ein ønskjer ikkje å 10

11 kome i same situasjon som dei to tidlegare forsøka på å opprette TAF i Sunnhordland, og der ein berre fekk elevgrunnlag til eitt kull. Kvinnherad vidaregåande skule Fylkesutvalet har bedt om at det blir sett i gang arbeid med oppretting av TAF-tilbod i Sunnhordland. Fylkesrådmannen ser det slik at dette ikkje kan kome i gang før hausten Det må gjerast eit godt og grundig arbeid i forkant for å sikre at dette tilbodet kan feste seg i regionene. Ein ønskjer ikkje å kome i same situasjon som dei to tidlegare forsøka på å opprette TAF i Sunnhordland, og der ein berre fekk elevgrunnlag til eitt kull. Austevoll vidaregåande skule Oppretting: Vg1 Helse og oppvekstfag I skulebruksplanen er det sagt at skulen skal gje tilbodet Vg1 Helse og oppvekstfag. Dette tilbodet vart lagt ned våren 2013 på grunn av svakt søkjargrunnlag. I samsvar med skulebruksplanen tilrår fylkesrådmannen at tilbodet vert oppretta på nytt frå skuleåret 2014/15. Øystese gymnas Auke i elevtal: V2 Studiespesialiserande utdanningsprogram blir auka med 27 elevar fordi elevtalet i Vg1 tilseier dette. Reduksjon i elevtal: Vg3 Studiespesialiserande utdanningsprogram blir redusert med 27 elevar fordi elevtalet i Vg2 tilseier dette. Merknad frå skulen: Skulen ønskjer å opprette 15 elevplassar på ordinært Vg3 Allmennfagleg Påbyggingskurs og 15 elevplassar for dei med fagbrev. Merknad frå fylkesrådmannen: Vg3 Allmennfagleg påbyggingskurs vart lagt ned våren 2013 på grunn av lågt søkjartal. Søkjartala dei siste åra har også vore relativt låge. I skulebruksplanen står skulen ikkje oppført med Vg3 Allmennfagleg påbyggingskurs. Fylkesrådmannen ser ikkje grunnlag for å ta saka opp att no. Odda vidaregåande skule Nedlegging: Vg1 Idrettsfag I skulebruksplanen er det bestemt at skulen ikkje lenger skal ha utdanningsprogrammet Idrettsfag. Skulen har hatt dette tilbodet i mange år, men kostnadene med dette har vore store på grunn av lågt elevtal. I tillegg tek tilbodet søkjarar frå Vg1 Studiespesialiserande slik at heller ikkje dette programmet får tenleg gruppestorleik (klassar). Fylkesrådmannen rår difor til at skulebruksplanen sitt vedtak om nedlegging av utdanningsprogrammet idrettsfag blir gjeldande frå hausten 2014 ved at det ikkje blir tatt inn nye elevar til Vg1 idrettsfag skuleåret 2014/15. Oppretting: Vg2 Smedfag I statsbudsjettet for 2014 er det lagt inn kr. for igangsetting av Vg2 Smed ved Odda vidaregåande skule. Tilbodet er godkjent som «Landslinje», dvs. at det vert finansiert av staten, og søkjarar frå heile landet tevlar om plass på like vilkår som vertsfylket sine søkjarar. Programområdet ligg under utdanningsprogrammet Design og handverk. Fylkesrådmannen tek med dette tilbodet i klassesaka slik at det kan vere søkbart for søkjarar frå heile landet på vanleg måte gjennom Vigo.no. 11

12 Fylkesrådmannen tek atterhald om at framlegget til statsbudsjett blir vedteke i samsvar med innstillinga frå den førre regjeringa, og at tilbodet er fullfinansiert frå staten alt frå oppstarten hausten Merknad frå skulen: Skulen ønskjer å oppretthalde Vg1 Idrettsfag. Dei ønskjer å redusere elevtalet til 15 elevar og bruke differansen til ein heil klasse til å auke elevtalet i Vg1 Studiespesialiserande. Merknad frå fylkesrådmannen: I skulebruksplanen er det det vedtatt at Vg1 Idrettsfag skal leggjast ned. Ein ønskjer ikkje å ta «omkamp» på dette i denne saka. Voss vidaregåande skule Oppretting: Vg1 Service og samferdsel Dette tilbodet vart lagt ned våren 2013 på grunn av dårleg søkjargrunnlag. Skulen ønskjer å prøve å få opp att dette tilbodet. Dette er også i samsvar med skulebruksplanen. Fylkesrådmannen tilrår difor at tilbodet blir oppretta att frå skuleåret 2014/15 Oppretting: Vg3 Allmennfagleg påbyggingskurs for søkjarar med fagbrev. 15 elevplassar Fylkesutvalet gjorde hausten 2012 vedtak om at det skal opprettast Vg3 Allmennfagleg påbyggingskurs for dei som har fagbrev. I denne saka blir det tilrådd oppretting av dette tilbodet slik at dei fleste regionane blir dekka. Voss vidaregåande skule har to klassar ordinært Vg3 Allmennfagleg påbyggingskurs. Fylkesrådmannen er usikker på behovet for denne typen tilbod i regionen og gjer difor framlegg om at 15 av desse elevplassane blir frigjorte til dei med fagbrev. Dersom det skulle vise seg at det er behov for fleire plassar kan dette justerast etter prognoseinntaket. Reduksjon: Vg3 Allmennfagleg påbyggingskurs 15 elevplassar Ved oppretting av tilbod for dei med fagbrev blir ordinært Vg3 Allmennfagleg påbyggingskurs redusert med 15 plassar. I praksis betyr dette at det ordinære tilbodet får 45 plassar og 15 plassar for dei med fagbrev. Talet på plassar kan eventuelt tilpassast søkjartalet etter prognoseinntaket. Nedlegging:Vg2 Reiseliv På grunn av lite søkjartal vart Vg1 Service og samferdsel lagt ned frå skuleåret 2013/14. Skulen har difor ikkje naturleg søkjargrunnlag til Vg2 Reiseliv, og heller ikkje søkjarar frå andre regionar. Merknad frå skulen: Skulen ønskjer å opprette Vg2 Reiseliv sjølv om skulen ikkje har Vg1 Service og samferdsel inneverande skuleår. Skulen argumenterer med at fleire av elevane kjem frå andre delar av fylket, og vonar at dei ved ein god rekrutteringskampanje kan få nok søkjarar til ein slik klasse. Merknad frå fylkesrådmannen: Utan kvalifiserande Vg1tilbod, og relativt låg søknad til Vg2 også ved Bergen Handelsgymnasium dei siste åra, ser ein ikkje grunnlag for å opprette Vg2 Reiseliv ved skulen i denne omgang. Vg2 Reiseliv vil frå skuleåret 2014/15 bli flytta frå Bergen Handelsgymnasium til Amalie Skram videregående skole, og ein skal ikkje sjå bort frå at dette i seg sjølv vil auke søkjargrunnlaget til denne utdanninga. Voss husflidsskule Reduksjon av elevtal: Vg2 Medium og kommunikasjon. 15 plassar Talet på inntekne elevar til Vg1 Medium og kommunikasjon vart på grunn av lågt søkjartal redusert frå skuleåret 2013/14. Talet på elevplassar frå hausten 2014 må tilpassast i samsvar med dette. Fusa vidaregåande skule Oppretting:Vg1 Helse- og oppvekstfag Dette tilbodet vart lagt ned på grunn av lågt søkjartal skuleåret 2013/14. 12

13 Ut frå tidlegare røynsler går fylkesrådmannen ut frå at dette var spesielt for 2013, og at talet på søkjarar vil ta seg opp att til skuleåret 2014/15. Skulebruksplanen seier også at skulen skal ha dette tilbodet. Det ville vore naturleg å gjere framlegg om å leggje ned Vg2 Helsearbeidarfaget neste skuleår sidan det ikkje er rekrutteringsgrunnlag frå Vg1. Skulen har TAF-elevar innanfor Helsearbeidarfaget som uansett må halde fram. Fylkesrådmannen meiner at vil vere ønskjeleg å prøve å fylle opp dei ledige plassane på TAF-Vg2 Helsearbeidarfaget med ordinære Vg2- elevar. Etter vanlege retningslinjer vil ein etter prognoseinntaket vurdere om det er grunnlag for å oppretthalde det ordinære Vg2 tilbodet. Os gymnas Auke av elevtal: Vg3 Studiespesialiserande utdanningsprogram blir auka med 27 plassar. Tilpassing av elevtalet i Vg2 Studiespesialiserande skuleåret 2013/14 Reduksjon av elevtal: Vg2 Studiespesialiserande blir redusert med 27 plassar. Tilpassing av elevtalet i Vg1 Studiespesialiserande, skuleåret 2013/14. Stend vidaregåande skule Auke av elevtal: Vg3 Idrettsfag blir auka med 15 plassar Tilpassing av elevtalet i Vg2 Idrettsfag, skuleåret 2013/14 Slåtthaug videregående skole Oppretting: Vg3 Allmennfagleg påbyggingskurs for søkjarar med fagbrev. Fylkesutvalet har bedt om at det blir gitt tilbod om Vg3 Allmennfagleg påbyggingskurs for elevar med fagbrev. Fylkesrådmannen peikar på at det i skulebruksplanen er sagt at Slåtthaug videregående skole på sikt skal ha alle påbyggsklassane i Bergen Sør. Det er også eit argument for å ha denne typen tilbod på ein yrkesfagleg skule at elevane får halde fram i det miljøet dei er kjende med frå tidlegare, og ikkje minst at det blir ei betre fordeling mellom kjønna på desse skulane. Auke av elevtal: Vg2 Byggteknikk Auke med 15 elevplassar fordi skulen deltek i forsøk med vekslingsmodellen skuleåret 2013/14 Bergen Katedralskole Auke av elevtal: Vg1 Studiespesialiserande utdanningsprogram pre-ib. 27 plassar (1 klasse) I skulebruksplanen er det sagt at kapasiteten ved Studiespesialiserande utdanningsprogram kan aukast med tre klassar på kvart årssteg når tilhøva ligg til rette for det. I samsvar med det som er sagt tidlegare i denne saka vil dette ikkje bli vurdert før til inntaket i Skulen ønskjer frå neste år å gje eit tilbod på Vg1-Studiespesialisering som skal vere førebuande til utdanninga International Baccalaureate (IB). Dette er eit tilbod til fagleg sterke elevar. Mykje av undervisninga føregår på engelsk, og elevane kan etter dette året fritt velje om dei vil søkje seg vidare på 2IB eller ordinær Vg2 studiespesialiserande. Tilbodet inngår i skulen sin strategi for 13

14 internasjonalisering og marknadsføring for å betre rekrutteringa til eit eineståande utdanningstilbod som i dag er alt for lite kjend. Fylkesrådmannen tilrår oppretting av eit slikt tilbod ved skulen. Fleire andre fylke som har ordinært IB-tilbod gjer også tilbod på Vg1 Studieførebuande til IB-utdanning ( pre-ib). Kurset har eigen kurskode i Vigo-systemet og kan såleis søkjast direkte som alternativ til ordinært Vg1 Studieførebuande utdanningsprogram. Med relativt dårleg røynsle frå oppretting av to-årig Studieførebuande på Bergen Handelsgymnasium for fagleg sterke elevar vil skulen måtte drive eit aktivt informasjonsarbeid for dette tilbodet i den tida som er att fram til søknadsfristen er ute 1.mars. Dersom det ikkje melder seg nok søkjarar til at dette tilbodet kan starte opp frå hausten, vil dette i utgangspunktet ikkje føre til at denne klassen automatisk blir overført til ordinært Vg1 Studieførebuande utdanningsprogram ved skulen. Årstad videregående skole Oppretting: Vg2 Helseservicefag Vg2 Hudpleiar Vg3 Helsesekretær Vg3 Hudpleiar Opprettinga ovanfor eg på grunn av nedlegging av Bjørgvin videregående skole. Alle desse tilboda skal overførast til Årstad videregående skole, men for komande skuleår blir likevel tilboda lokaliserte i dei gamle lokala til Bjørgvin videregående skole Merknad frå skulen: Skulen minner om at det er kapasitet til å ta inn fleire elevar på mange av skulen sine utdanningsprogram/programområde. Skulen ønskjer også å opprette Vg2 Blomsterdekoratør. Merknad frå fylkesrådmannen: Fylkesrådmannen er glad for at det kan takast inn fleire elevar om det blir behov for dette etter prognoseinntaket. Det vil likevel ikkje bli tilrådd auke i elevtal ved skulen sine tilbod i denne saka. Fylkesrådmannen vil på noverande tidspunkt ikkje tilrå oppretting av Vg2 Blomsterdekoratør. Fyllingsdalen videregående skole Merknad frå skulen: Skulen meiner at det ikkje er naturleg å opprette førebuande studiespesialiserande ( pre-ib) ved Bergen Katedralskole som vil kome i konkurranse med søkjartalet i ordinært Studiespesialiserande utdanningsprogram. Merknad frå fylkesrådmannen: Sjå grunngjevinga ovanfor om oppretting av dette tilbodet. Ut over det har fylkesrådmannen ingen kommentarar Laksevåg videregående skole Oppretting: Vg2 Allmennfagleg påbyggingskurs for elevar med fagbrev ( 27 elevar) 14

15 Fylkesutvalet har vedteke at det dette tilbodet skal opprettast frå skuleåret 2014/15. Fylkesrådmannen tilrår at ein av desse klassane blir lagt til Laksevåg vgs. I skulebruksplanen er det sagt at Vg3 Allmennfagleg påbyggingskurs i Bergen Vest skal samlast på Laksevåg vgs. Merknad frå skulen: Skulen meiner at det ikkje er naturleg å opprette førebuande Studiespesialiserande ( pre-ib) ved Bergen Katedralskole som vil kome i konkurranse med søkjartalet i ordinært Studiespesialiserande utdanningsprogram. Merknad frå fylkesrådmannen; Sjå grunngjevinga ovanfor om oppretting av dette tilbodet. Ut over det har fylkesrådmannen ingen kommentarar. Olsvikåsen videregående skole Auke i elevtal: Vg2 Helsearbeidarfaget/Barne-og ungdomsarbeidarfaget. Auke med 20 plassar fordi skulen deltek i forsøk med vekslingsmodellen skuleåret 2013/14. Garnes vidaregåande skule Reduksjon av elevtal: Vg2 Studiespesialiserande utdanningsprogram blir redusert med 27 plassar (ein klasse) Dette er ei tilpassing til elevtalet i Vg1 Studiespesialiserande inneverande skuleår Lønborg videregående skole Oppretting: Vg3 Allmennfagleg påbyggingskurs for elevar med fagbrev Reduksjon av elevtal: Vg3 Allmennfagleg påbyggingskurs blir redusert med 27 elevplassar Fylkesutvalet vedtok hausten 2012 at det skulle opprettast Vg3 Allmennfagleg påbyggingskurs for elevar med fagbrev. Fylkesrådmannen ønskjer at tilbodet i Bergen Nord blir plassert på Lønborg videregående skole. Skulen er relativt ukjent for store søkjargrupper og treng eit tilbod som truleg vil få god søkning. Skulen har røynsle frå dette tilbodet frå nokre år tilbake, og har generelt litt eldre elevar enn mange andre vidaregåande skular. Merknad frå skulen: Skulen ønskjer at begge dei to påbygg-klassane blir gjort om til tilbod for dei som har fagbrev ( 23-timars kurset). Det er faglege grunnar for dette, m.a. ved pedagogisk utviklingsarbeid knytt både til sjølve kurset, men også det totale tilbodet på fellefagavdelinga. Merknad frå fylkesrådmannen: Tilbodet om oppretting av Vg3 Allmennfagleg påbyggingskurs for søkjarar med fagbrev er lagt skular i fleire bydelar i Bergen Dette er gjort for å unngå meir transport enn naudsynt for denne elevgruppa, som kanskje til ein viss grad også skal halde fram i jobbane sine.. Lønborg videregående skole ligg i eit område der dei fleste av elevane må bruke buss for å kome fram til skulen. Fleire andre skular som har fått dette tilbodet må dele tilbodet på to grupper ut frå 30 elevar totalt. Fylkesrådmannen endrar difor ikkje innstillinga på grunnlag av merknaden frå skulen Osterøy vidaregåande skule Merknad frå skulen: Skulen ønskjer å opprette Vg2 Design og tekstil/interiør og utstillingsdesigen Merknad frå fylkesrådmannen Fylkesrådmannen meiner at elevgrunnlaget med ein klasse ( 15 elevar) på Vg1 Design og tekstil er for lite til å opprette eige Vg2 tilbod Som hovudregel blir det ikkje oppretta Vg2 tilbod med mindre at ein har eit søkjargrunnlag frå Vg1 som er minimum to klassar ( elevar. 15

16 Vg1 Design og handverk gir også grunnlag for å søkje vidare til andre programområde i Vg2. Særleg attraktivt er det å søkje Vg2 Barne-og ungdomsarbeidarfaget og Vg2 Frisørfag. Skulen har sjølv Vg2 Barne-og ungdomsarbeidarfaget, og ved oppretting av Vg2 innanfor Design og handverk vil dette truleg gå ut over søkjartalet til dette programområde, kanskje så mykje at det blir for lite søkjarar til begge tilboda. Satsingsområdet for fylkeskommunen er innanfor helse og oppvekstfag, og ein kan ikkje gjere tilbodsstrukturen så finmaska at dette satsingsområdet blir svekka. Fylkesrådmannen er positiv til tanken om å opprette Vg2 Design og handverk ved skulen, men meiner at dette let seg gjere utan at elevtalet på Vg1 blir høgare til neste skuleår. Dersom det viser seg at skulen får så god søkning at det er grunnlag for å opprette ein ekstra klasse, er det rimeleg å sjå positivt på ein ny søknad om Vg2 tilbod frå skuleåret 2015/16. Åsane videregående skole Oppretting: Vg3 Tannhelsesekretær Dette tilbodet vart lagt ned våren 2013 på grunn av lite søkjargrunnlag. Skulen har elles om åra hatt rimeleg god søkning til dette tilbodet. Fylkesrådmannen reknar med at søkjartalet til Vg3 Tannhelsesekretær vil kome tilbake til normalen i 2014, og tilrår difor at tilbodet blir oppretta att. Merknad frå skulen: Ein ønskjer å opprette dei tre programområda som vart lagt ned våren Dette gjeld Vg2 Data og elektronikk, Vg2 Matfag og Vg3 Tannhelsesekretær. Merknad frå fylkesrådmannen: Vg3 Tannhelsesekretær er tilrådd oppretta, sjå ovanfor. Vg2 Data og elektronikk har hatt liten søknad i regionen i mange år, og det er ikkje kome signal om at dette no tek seg opp att. Tilbodet finst ved Årstad videregående skole, men det er i inneverande skuleår også ledige plassar her. Vg2 Matfag har skulen hatt tilbod om tidlegare, men med svært varierande søkjargrunnlag. Våren 2013 var søkjargrunnlaget så lite at tilbodet vart lagt ned. Vg2 Matfag ved Åsane videregående skole har vore retta mot fag innanfor kjøtindustrien. Dette ser diverre ut til ikkje å ha den store interessa for unge søkjarar. Ved Sandsli videregående skole, som er den andre skulen i fylket som tilbyr Vg2 Matfag, er undervisninga i stor grad retta mot bakar-/konditorfaget. Dette tilbodet er nok meir interessant for unge søkjarar, men søkjartalet til dette tilbodet har også variert opp gjennom åra. I inneverande skuleår har Åsane videregående skole berre ein klasse på Vg1 Restaurant-og matfag. Som hovudregel blir det berre oppretta Vg2-tilbod dersom ein har minst to klassar. I tillegg til dette er elevtalet ved dette utdanningsprogrammet det lågaste på mange år i heile fylket. Truleg må det også leggjast ned andre Vg2 tilbod etter prognoseinntaket. Ut frå søkjarhistorikken til Vg2 Matfag ved Åsane videregående skole trur ikkje fylkesrådmannen at det vil vere søkjargrunnlag for å kunne opprette eit nytt Vg2Matfag i fylket, sjølv om tilbodet ved Åsane videregående skole skil seg reint fagleg frå tilbodet på Sandsli videregående dkole Knarvik vidaregåande skule Oppretting: Vg1 Studiespesialiserande utdanningsprogram med Formgjevingsfag 16

17 Dette tilbodet vart lagt ned våren 2013 på grunn av svakt søkjargrunnlag. I skulebruksplanen er det sagt at skulen skal ha dei estetiske faga i regionen Nedlegging: Vg2 Formgjevingsfag. Grunngjevinga for dette er at skulen ikkje har Vg1 Studiespesialiserande utdanningsprogram med Formgjevingsfag, skuleåret 2013/14 Reduksjon av elevtal: Vg1 Studiespesialiserande utdanningsprogram blir redusert med 27 plassar Sjå ovanfor om oppretting av Vg1 Studiespesialiserande med Formgjevingsfag. Auke av elevtalet: Vg2 Studiespesialiserande utdanningsprogram blir auka med 27 plassar Grunngjevinga for dette er at elevtalet vart auka med 27 plassar på Vg1, skuleåret 2013/14. Skulen har søkt om at det blir oppretta TAF-Elenergi og om utviding av elevtalet på TAF-TIP inntil 28 elevar. Fylkesrådmannen kan ikkje tilrå slik oppretting både av økonomiske årsaker og det totale talet på elevplassar innanfor dette tilbodet.. Skulen kan disponere godkjent elevtal på TAF-tilboda innanfor dei programområda som skulen har. Merknad frå skulen: Skulen argumenterer for å auke elevtalet på TAF-tilboda Elektro og TiP. Merknad frå fylkesrådmannen: Sjå grunngjevinga i innstillinga Austrheim vidaregåande skule Oppretting:Vg2 Byggteknikk Skulen har i dag 18 elevar på Vg1 Bygg- og anleggsteknikk. Det er ikkje Vg2 tilbod ved skulen. Fylkesrådmannen tilrår difor at Vg2 Byggteknikk blir oppretta frå skuleåret 2014/15. I skulebruksplanen står det at Austrheim vidaregåande skule ikkje skal ha utdanningsprogrammet Bygg- og anleggsteknikk. Søkjartala frametter vil vise om det er grunnlag for dette tilbodet. I skulebruksplanen står det også at skulen skal ha utdanningsprogrammet Restaurant- og matfag. Både Vg1 og Vg2 kurset innanfor dette programmet er lagt ned på grunn av svært svakt søkjargrunnlag. Slik det ser ut no er det difor større grunnlag for å oppretthalde Bygg- og anleggsteknikk enn å gjenopprette Restaurant- og matfag ved skulen. 17