Aktiv kvar dag i barne- og ungdomsskulen

Transkript

1 Aktiv kvar dag i barne- og ungdomsskulen

2 Mål Hordaland fylkeskommune har ansvar for å legge til rette for fysisk aktivitet i kvardagen. I Fylkesdelplan fysisk aktivitet, idrett og friluftsliv Aktiv kvar dag, er eit av måla å gjere dei aktive vala enkle, med særleg fokus på barn og unge. Målet med denne brosjyren er å gjere barn og unge i grunnskulen meir aktive i kvardagen. Målgruppe Målgruppa for denne brosjyren er i første rekke dei tilsette i grunnskulen, men også slutningstakarar og tilsette som arbeidar med tilrettelegging av fysisk aktivitet som ein del av grunnskuletilbodet i kommunane. Rektorar og lærarar innafor kroppsøvingsfaget er særs viktige når det skal leggjast til rette for ein aktiv skulekvardag for elevar i grunnskulen. Brosjyren vil også vere nyttig for foreldre som ressursar og pådrivarar, gjennom å gje dei mogelegheit til påverknad. Aktiv kvar dag Barn og ungdom er skapt for å vere i rørsle. Fysisk aktivitet er ei kjelde til glede, velvere og meistringskjensle. Ein aktiv kvardag har mange gode verknader på kroppen vår, og det er samstundes den billigaste, enklaste og kan hende også den mest morosame metoden for å få betre helse. Regelbunden fysisk aktivitet gjev mellom anna betre fysisk form, auka muskelstyrke, betre leddfunksjon og rørsle, betre søvnkvalitet og eit sterkare immunforsvar. Fysisk aktivitet har også positiv verknad på barn og unge sin mentale helse, emne til sosialt samspel, emne til å konsentrere seg og lære. Dette er med på å gjere trivnaden og prestasjonen til elevane i skulen betre. Fysisk aktivitet gjev oppleving av glede, trivnad, meistring og utvikling av venskap. Aktiv bruk av både inne- og utemiljø (til dømes naturområde i nærmiljøet til skulen), vil gje god variasjon og mangfald i aktiviteten.

3 Fysisk aktivitet kor mykje? Dei nasjonale råda (Helsedirektoratet) med omsyn til kor mykje aktivitet barn i grunnskulen bør ha i kvardagen, er: minst 60 minutt fysisk aktivitet per dag aktiviteten skal inkludere både moderat og høg intensitet aktiviteten kan delast inn i fleire kortare periodar i løpet av dagen aktiviteten skal vere allsidig, med omsyn til uthald, styrkje, spenst, rørsle, snøggleik og motorisk evne. Fysisk aktivitet = leik Variert fysisk aktivitet, dvs. aktiv leik, gjev barna moglegheit til å utvikle både fin- og grovmotoriske eigenskapar. Dei aktive barna får denne læringa automatisk i sin leik. Difor er det naudsynt at vi husker på dei som har motoriske problem/ utfordringar: det er viktig å herje med barna - på same måte som det er naudsynt å snakke mykje med barna i skulen for å lære dei eit godt språk. Motivere til fysisk aktivitet For alle som arbeider i grunnskulen, er det viktig å motivere barna til å vere i rørsle. Fysisk aktivitet skal vere gøy og inspirerande. Då er det viktig at vi legger til rette for og finn aktivitetar som barna liker og meistrar - lågterskelaktivitetar. Å oppleve meistring gjev betre sjølvkjensle og motivasjon til vere i aktivitet. Dei tilsette i grunnskulen er rollemodellar kvar dag. Det er difor viktig at dei vaksne er aktive saman med barna. Fysisk aktive rollemodellar gjev fysiske aktive barn! Enkelte barn i grunnskulen treng personale med særskild kompetanse og eit godt tilrettelagt fysisk miljø for å kunne vere aktive i kvardagen. Tverrfagleg samarbeid mellom personale, fysioterapeut, ergoterapeut og helsesøster er relevant for ei god utvikling. Her er det viktig å inkludere foreldra, slik at arbeidet med å lage gode aktivitetsplanar vert til det beste for barnet. I tillegg vil følgjande råd frå Helsedirektoratet vere nyttig i høve til å fremje fysisk

4 aktivitet mellom barn og unge: Engasjere familien. Barn av fysisk aktive foreldre er meir fysisk aktive enn barn av inaktive foreldre Ta omsyn til kjønn. Jenter er generelt mindre fysisk aktive enn gutar. Val av aktivitetar kan påverkast av kjønn. Auk vilkåra for dagleg fysisk aktivitet, til dømes gjennom at vaksne er vandrande skulebussar og at det er mogleg å sykle til skulen. Ros og premiering er viktige verkemiddel i motivasjonsarbeidet. Her er det rom for å premiera både enkeltelevar, tilsette og heile klassar. Vekeplan Ein vekeplan eller ein månadsplan vil vere eit nyttig verkty i motivasjonsarbeidet. Her kan barna i skulen vere med å planleggje og registrere eigen og klassen sin aktivitet. Kosthaldsvanar kan også registrerast. Det er viktig at barna tar aktiv del i å bruke planen. Foreldre kan også delta og bli engasjert. Uteaktivitet Det er ein fordel at barn så tidlig som mogeleg kan lære seg å sette pris på uteaktivitetar. Dess tidlegare dei blir vant til å bevege seg ute i skog og mark, boltre seg i uteleik og vere ute anten det er sol eller regn, dess meir vil ein skape ei godt grunnlag for eigenorganisert fysisk aktivitet ute. Den beste garantien for at barn er fysisk aktive, er at de er ute. Ute kan barna bevege seg fritt, det blir mindre konflikter når de leker, og leken blir mer kreativ, samtidig som motorikken utvikles gjennom lek i natur og ulendt terreng. (frå temaheftet Barn og fysisk aktivitet utgitt av Helsedirektoratet, desember BUF00072). For å få eit godt forhold til fjell, sjø og skog er det naudsynt med sanseopplevingar på godt og vondt. Barn og unge må få plumpe uti ein bekk, snuble i ei rot, fryse på fingrane når vinden bles og kjenne seg små i ein mektig natur. Likeeins må dei få kjenne varmen frå bål, høyre vinden suse medan ein sit lunt og godt inne i eit telt eller sitte på svaberget og kjenne sola varme. Nokre tips for uteaktiviteten kan vere: Vel enkle og morosame aktivitetar som krev lite utstyr. Legg vekt på lågterskelaktivitet slik at det er mogleg for alle å vere med. Hugs

5 også å gje dei som ønskjer det større utfordringar. Det er viktig å varme godt opp før vi skal vere i aktivitet! Hugs godt fottøy! Egna klede = klede som ein kan vere i rørsle i. Motiver til at elevane er fysisk aktive heime også, saman med foreldra. Døme på uteaktivitet kan vere: Friluftslivs- og gåturar i nærområde Ballspel (med lette og tilpassa ballar) Utedans (anten syngje sjølv eller bruke musikkanlegg) Hinderløype og stafettar Klatring i trær og på fjell (knausar) Utforsking av omgjevnadane gjennom krabbing på ulike typar underlag Det er vesentleg med god tilgjenge og tilrettelegging. Her kjem nokre døme på kva skulen kan gjere: Setje av tid til aktivitet i skulekvardagen. Ha aktivitetsskapande utstyr tilpassa inne- og uteaktivitetar til utlån, utstyrsbibliotek og aktivitetskassar. Leggje til rette for attraktive inne- og uteareal, mellom anna med oppmerking for aktivitet (spill og lek). Arrangere aktivitetsdagar, turneringar og aktivitetskonkurransar for både elevar og tilsette. Gjere avtalar med lokale idrettslag og organisasjonar. Forplikte seg til å auke kompetansen og motivasjonen hos lærarane, spesielt i kroppsøvingsfaget. Forankre fysisk aktivitet i skulen sine overordna læringsmål. Knytte fysisk aktivitet saman med andre aktivitetar og fag som barn er opptekne av, til dømes musikk. Ha fokus på einskilde målgrupper, og med involvering frå desse, til dømes eigne jentegrupper, grupper med minoritetsungdom eller særs inaktive barn. Tenk kreativt i val av aktivitetar, ikkje alle likar å drive med dei same aktivitetane. Tips til aktivitetar: Badminton Basketball Sandvolleyball Boccia Bordtennis Frisbee Klatring Petanque Sjonglering Slakkline Slåball Stegteljar Turløype rundt skulen

6 Kosthald Kosthald er noe som angår oss alle til dagleg. Ein sunn og næringsrik kost har positive effektar både på vår fysiske og psykiske helse. Her følgjer nokre enkle og generelle kosthaldsråd. Avgrens sukkerinntaket Vi får i oss alt for mykje sukker og mellom anna brusdrikking bør avgrensast. Finn i staden freistande alternativ som vatn med sitronskiver og liknande. Drikk vatn Kroppen vår er avhengig av vatn og treng om lag 2 liter kvar dag. Om vi er i fysisk aktivitet, treng kroppen enda meir væske. Drikk vatn frå springen, det er billig og som regel best. 5 om dagen Vi bør ete minst 5 grønsaker og/eller frukt kvar dag. Frukt og grønt inneheld viktige vitaminer og mineralar som kroppen treng. Prøv å ete grønt eller frukt til kvart måltid. Varier kosthaldet Vi bør ete litt av ulike matvarer kvar dag og til kvart måltid. Om vi klarar å ete variert, får vi i oss det som kroppen treng. Meir fisk Omega 3-fettsyra er viktig for hjernen og hjartet vårt. Desse gode feittsyrene finst det rikeleg av i feit fisk som laks og makrell. Det optimale er to til tre fiskemåltid i veka. Her kan du få fleire tips Den fysiske skolesekken er eit samarbeid i Sør-Trøndelag der du finn lenker til mange gode døme på tilrettelegging av fysisk aktivitet _folkehelse/den_fysiske_skolesekken/ Den Norske Turistforening, DNT og Bergen Turlag (DNT Ung) for generell informasjon om friluftsliv, aktivitetar, lokale turlag m.m.: og Skolenettet (Utdanningsdirektoratet) for informasjon om kroppsøving, mat og helse

7 Olympiatoppen for døme på basistrening trening/basistrening/ Fitjar vidaregåande skule for informasjon om Aktivitetsglededag aspx?id=18660 Friluftsrådenes Landsforbund for informasjon om Læring i friluft (Idéhefte) Bergen og Omland friluftsråd for informasjon om friluftslivsaktivitetar for barn og unge Barne-, ungdoms- og familieetaten for informasjon om barn og fysisk aktivitet Helsedirektoratet for informasjon om fysisk aktivitet og utvikling av lokale aktivitetstilbod DNT/NRK for tips om turar, aktivitetar og kart. Hordaland fylkeskommune for informasjon om planer om fysisk aktivitet, idrett og friluftsliv i kommunen og fylket, informasjon om aktivitets- og opplæringstilbod samt støtte til nærmiljøtiltak og andre tiltak gjennom den einskilde kommune. Hordaland idrettskrets for informasjon om organisert idrett/ idrettslag, kurs, informasjon om idrettsanlegg og -aktivitetar i lag og foreiningar og mogelegheiter for sambruk og samarbeid med til dømes idrettsanlegg i nærleiken av skulen. Kommunen for informasjon om planer om fysisk aktivitet og informasjon om anlegg i kommunen og mogelegheiter for sambruk og samarbeid med til dømes skuler i nærleiken av skulen. Norges idrettshøgskole har danna eit eige nettverk for å utvikle tilbod om kompetanseutvikling og fysisk aktivitet i skulen.

8 Regelmessig fysisk aktivitet er nødvendig for riktig vekst og utvikling blant barn og unge. BEDRE HELSE PÅ Kultur- og idrettsavdelinga Agnes Mowinchelsgate 5 Postboks Bergen