Aktiv kvar dag i barnehagen

Transkript

1 Aktiv kvar dag i barnehagen

2 Mål Hordaland fylkeskommune har ansvar for å legge til rette for fysisk aktivitet i kvardagen. I Fylkesdelplan fysisk aktivitet, idrett og friluftsliv Aktiv kvar dag, er eit av måla å gjere dei aktive vala enkle med særleg fokus på barn og unge. Ved at vaksne er fysisk aktive og har det gøy saman med barn, får vi ein aktiv kvardag med glede for alle. Målet med denne brosjyren er å gjere barn i barnehage meir aktive i kvardagen. Målgruppe Målgruppe for denne brosjyren er i første rekke dei tilsette i barnehagane, men også aktuelle slutningstakarar og andre tilsette som arbeidar med barnehagetilbodet i kommunane. Brosjyren vil også være nyttig for foreldre som ressursar og pådrivarar i høve til barna sin kvardag i barnehagen. Både dei tilsette i barnehagen og foreldre er viktige rollemodellar i barnas kvardag. Det er derfor viktig at dei går føre som gode døme på kva barna kan gjere. Aktiv kvar dag i barnehagen Barn er skapt for å være i rørsle. Fysisk aktivitet er ei kjelde til glede, velvere og meistringskjensle. Ein aktiv kvardag har mange gode verknader på kroppen vår, og det er samstundes den billigaste, enklaste og kan hende også den mest morosame metoden for å få betre helse. Regelbunden fysisk aktivitet gjev mellom anna betre kondisjon, auka muskelstyrke, betre leddfunksjon og rørsle, betre søvnkvalitet og eit sterkare immunforsvar. Fysisk aktivitet har også positiv verknad på barns mentale helse, emne til sosialt samspel, emne til å konsentrere seg og lære, og såleis gjere at barn både trivst betre og presterer meir når dei startar på skulen. Barnehagen skal ha areal og utstyr nok til leik og varierte aktivitetar som fremjar rørsleglede, gir allsidig rørsleerfaring, sanseerfaring og høve til å lære og meistre. Veksling mellom leik, læring, konsentrasjon og utfalding er grunnleggjande for fysisk og psykisk velvære. Utforminga av det fysiske miljøet ute og inne gir viktige rammevilkår for trivsel, opplevingar og læring. (frå Rammeplan for innhaldet i og oppåvene til barnehagen).

3 Fysisk aktivitet kor mykje? Fysisk aktivitet betyr å bruke kroppen å vere i rørsle. Barnehagen kan gjennom tilrettelegging for fysisk aktivitet og gjennom ord og handling, gje barna gode aktivitetsvanar, haldningar og kunnskap. Arbeidet med fysisk aktivitet i barnehagen bør forankrast i barnehagen sin årsplan. Dei nasjonale råda (Helsedirektoratet) med omsyn til kor mykje aktivitet barn bør ha i kvardagen, er: minst 60 minutt fysisk aktivitet per dag aktiviteten skal inkludere både moderat og høg intensitet aktiviteten kan delast inn i kortare periodar i løpet av dagen aktiviteten skal vere allsidig med omsyn til uthald, styrkje, spenst, rørsle, snøggleik og motorisk evne. Fysisk aktivitet skal vere gøy Fysisk aktivitet skal vere gøy og inspirerande. Då er det viktig at vi legger til rette for og finn aktivitetar som barna liker og meistrar - lågterskelaktivitetar. Å oppleve meistring gjev betre sjølvkjensle og motivasjon til vere i aktivitet, også når barnehagedagen er over. Fysisk aktivitet = leik I barnehagen startar ein veldig aktiv periode av barnet si utvikling. Barn utviklar seg i sitt eige tempo, men det skjer veldig mykje i alle dei første åra. Variert fysisk aktivitet, dvs. aktiv leik, gjev barna moglegheit til å utvikle både fin- og grovmotoriske eigenskaper. Dei aktive barna får denne læringa automatisk. Difor er det naudsynt at vi husker på dei som har motoriske problem/ utfordringar: det er viktig å herje med barna - på same måte som det er naudsynt å snakke mykje med barna for å lære dei eit godt språk. Kvifor fysisk aktivitet Fysisk aktivitet gjev oppleving av glede, trivnad, meistring og utvikling av venskap. Aktiv bruk av både inne- og utemiljø (til dømes naturområde i nærmiljøet), vil gje god variasjon og mangfald i aktiviteten. Barnehagen bør gje barna sjanse til å oppleve og få gode relasjonar til friluftsliv og uteaktivitetar uansett årstid, vér og føre.

4 Det å meistre kroppen sin, inspirerer til leik og rørsle. Barn uttrykker kjensler og inntrykk gjennom leik, og dei utviklar seg gjennom fantasi og initiativ. Gjennom fysisk aktivitet lærer barn å samarbeide med andre barn og brukar heile seg gjennom kropp, sansar og språk. Barna må få prøve ut ting og skaffe seg sanseopplevingar. La heller barnet streve litt for å komme fram, framfor raskt å gje ei hjelpande hand eller sette det i vogn eller meis. Korleis motivere til fysisk aktivitet For dei tilsette i barnehagen er det viktig å ha god kjennskap til barna og sjå kor barnet er i høve til utvikling. Ut frå dette kan ein stimulere utviklinga med aktivitetar som passar til det nivå barnet er på. Ei god tilrettelegging gjev meistringskjensle og verdifull motorisk trening. Dei tilsette i barnehagen er rollemodellar kvar dag. Det er derfor viktig at dei vaksne i barnehagen er aktive saman med barna, på same måte som det er viktig at foreldre er aktive med barna i fritida. Fysisk aktive rollemodellar gjev fysiske aktive barn. Enkelte barn treng personale med særskild kompetanse og eit godt tilrettelagt fysisk miljø for å kunne vere aktive i kvardagen. Tverrfagleg samarbeid mellom personale, fysioterapeut, ergoterapeut og helsestasjon er relevant for ei god utvikling. Her er det viktig å inkludere foreldra, slik at arbeidet med å lage gode aktivitetsplanar vert til det beste for barnet. Vekeplan Ein vekeplan eller ein månadsplan vil vere eit nyttig verkty i motivasjonsarbeidet. Her kan barna sjølv vere med å planleggje og registrere aktiviteten. Kosthaldsvanar kan også registrerast. Det er viktig at barna tar aktiv del i å bruke planen. Foreldre kan også delta og bli engasjert. Uteaktivitet Det er ein fordel at barn så tidlig som mogeleg kan lære seg å sette pris på uteaktivitetar. Dess tidlegare dei blir vant til å vere ute i skog og mark, boltre seg i uteleik og vere ute anten det er sol eller regn, dess meir vil ein skape eit godt grunnlag for eigenorganisert fysisk aktivitet ute.

5 Den beste garantien for at barn er fysisk aktive, er at de er ute. Ute kan barna bevege seg fritt, det blir mindre konflikter når de leker, og leken blir mer kreativ, samtidig som motorikken utvikles gjennom lek i natur og ulendt terreng. (frå temaheftet Barn og fysisk aktivitet utgitt av Helsedirektoratet, desember BUF00072). For å få eit godt forhold til fjell, sjø og skog er det naudsynt med sanseopplevingar på godt og vondt. Barn må få plumpe uti ein bekk, snuble i ei trerot, fryse på fingrane når vinden bles og kjenne seg små i ein mektig natur. Likeeins må dei få kjenne varmen frå bål, høyre vinden suse medan ein sit lunt og godt inne i eit telt eller sitte på svaberget og kjenne sola varme. Slike opplevingar skapar gode relasjonar til naturen, og eit forhold til naturen som venteleg varar livet ut. Det ein alltid må huske på når ein er ute er at alt må gjerast i barna sitt tempo. Bruk tid på å utforske det barna og dei vaksne ser under vegs. Turen kan godt vere kort, med mange stopp og ting som tar tid. Litt mat, drikke og hygge saman er viktig på turen. Tips og døme - uteaktivitet Dei færraste barnehagane har eigen gymsal eller tilgang til dette i nærområdet. Difor er ofte utfordringa størst med å finne aktivitetar ute som er lett tilgjengelege og moro for barna. Det viktigaste vert å finne noe vi likar å gjere. Nokre tips kan vere nyttig: Vel enkle og morosame aktivitetar som krev lite utstyr. Legg vekt på lågterskelaktivitet slik at det er mogleg for alle å vere med. Hugs også å gje dei som ønskjer det større utfordringar. Det er viktig å varme godt opp før vi skal vere i aktivitet! Det gjev kroppen tid til å omstille seg frå kvile til fysisk aktivitet. Hugs godt fottøy! Barna må ha egna klede på seg, klede som dei kan være i rørsle i, og ikkje ha for mykje tøy som hindrar aktivitet og gjer det ubehageleg og for varmt Motiver barna til fysisk aktivitet heime også, saman med foreldra: Følg opp og inspirer, vis interesse for borna sine fysiske aktivitetar heime og på fritida.

6 Døme på uteaktivitet kan vere: Friluftslivs- og gåturar i nærområde Ballspel (med lette og tilpassa ballar) Utedans (anten syngje sjølv eller bruke musikkanlegg) Hinderløype og stafettar Klatring i trær og på fjell(knausar) Utforsking av omgjevnadane gjennom krabbing på ulike typar underlag Kosthald Kosthald er noko som angår oss alle til dagleg. Ein sunn og næringsrik kost har positive effektar både på vår fysiske og psykiske helse. Her følgjer nokre enkle og generelle kosthaldsråd. Avgrens sukkerinntaket Vi får i oss alt for mykje sukker og mellom anna brusdrikking bør avgrensast. Finn i staden freistande alternativ som vatn med sitronskiver og liknande. Drikk vatn Kroppen vår er avhengig av vatn og treng om lag 2 liter kvar dag. Om vi er i fysisk aktivitet, treng kroppen enda meir væske. Drikk vatn frå springen, det er billig og som regel best. 5 om dagen Vi bør ete minst 5 grønsaker og/eller frukt kvar dag. Frukt og grønt inneheld viktige vitaminer og mineralar som kroppen treng. Prøv å ete grønt eller frukt til kvart måltid. Varier kosthaldet Vi bør ete litt av ulike matvarer kvar dag og til kvart måltid. Om vi klarar å ete variert, får vi i oss det som kroppen treng. Meir fisk Omega 3-fettsyra er viktig for hjernen og hjartet vårt. Desse gode feittsyrene finst det rikeleg av i feit fisk som laks og makrell. Det optimale er to til tre fiskemåltid i veka.

7 Her kan du få fleire tips Kommunen for informasjon om planer om fysisk aktivitet og informasjon om anlegg i kommunen og mogelegheiter for sambruk og samarbeid med til dømes skuler i nærleiken av barnehagen. Friluftsrådenes Landsforbund for informasjon om korleis drive med læring i friluft for barn og unge. Hordaland idrettskrets for informasjon om organisert idrett/idrettslag, kurs, informasjon om idrettsanlegg og -aktivitar i lag og foreningar og mogelegheiter for sambruk og samarbeid med til dømes idrettsanlegg i nærleiken av barnehagen. Barnas Turlag i Bergen Turlag for informasjon om friluftsliv, lokale turlag m.m., og informasjon om friluftslivsanlegg og -aktivitar i lokale lag og mogelegheiter for sambruk og samarbeid med til dømes friluftslivsanlegg i nærleiken av barnehagen. Den Norske Turistforening og Barnas Turlag for generell informasjon om friluftsliv og Barnas Turlag Barne-, ungdoms- og familieetaten for informasjon om barn og fysisk aktivitet Helsedirektoratet for informasjon om fysisk aktivitet og utvikling av lokale aktivitetstilbod Hordaland fylkeskommune for informasjon om planer om fysisk aktivitet, idrett og friluftsliv i kommunen og fylket, informasjon om aktivitets- og opplæringstilbod samt støtte til nærmiljøtiltak og andre tiltak gjennom den einskilde kommune.

8 Regelmessig fysisk aktivitet er nødvendig for riktig vekst og utvikling blant barn og unge. BEDRE HELSE PÅ Kultur- og idrettsavdelinga Agnes Mowinchelsgate 5 Postboks Bergen