Aktiv kvar dag i vidaregåande skule

Transkript

1 Aktiv kvar dag i vidaregåande skule

2 Mål Hordaland fylkeskommune har ansvar for å leggje til rette for fysisk aktivitet i kvardagen. I Fylkesdelplan fysisk aktivitet, idrett og friluftsliv Aktiv kvar dag, er eitt av måla å gjere dei aktive vala enkle. Fokus er på barn og unge. Målet med denne brosjyren er å gjere ungdom i den vidaregåande skulen meir aktive i kvardagen. Målgruppe Unge i den vidaregåande skulen har, i følgje opplæringslova, rett til undervisning i kroppsøving. Denne brosjyren retter seg mot dei tilsette i den vidaregåande skulen, spesielt dei som er slutningstakarar for og som arbeidar med tilrettelegginga av den fysiske aktiviteten. Rektorar og lærarar innafor kroppsøvingsfaget er særs viktige når det skal leggjast til rette for ein aktiv skulekvardag. Aktiv kvar dag Ungdom er skapt for å vere i rørsle. Fysisk aktivitet er ei kjelde til glede, velvere og meistringskjensle. Ein aktiv kvardag har mange gunstige verknader på kroppen vår, og det er samstundes den billegaste og enklaste metoden for å nå betre helse. Regelbunden fysisk aktivitet gjev mellom anna betre form, vi får auka muskelstyrke, betre leddfunksjon og rørsle, vi får betre søvnkvalitet og eit sterkare immunforsvar. Fysisk aktivitet har også verknad på vår mentale helse, evne til sosialt samspel og evne til å konsentrere seg og lære. Dette er med på å gjere trivnaden og prestasjonen til elevane i den vidaregåande skulen betre.

3 Motivere til fysisk aktivitet Motivasjon til å drive fysisk aktivitet kvar dag er viktig. Det viser seg at stor grad av medverknad aukar motivasjonen for å delta og elevane/elevrådet bør difor involveras i arbeidet med å få ein meir aktiv kvardag. Fysisk aktivitet er gøy og inspirerande når vi finn aktivitetar som den einskilde likar. Det er også heilt avgjerande at vi legg til rette for aktivitetar som gjev gode meistringsopplevingar. Fysisk aktivitet vert då ei kjelde til betre sjølvtillit og gjev motivasjon til framleis å vere aktiv. Det er vesentleg med god tilgjenge og tilrettelegging. Her kjem nokre døme på kva skulen kan gjere: Sette av tid til aktivitet i skulekvardagen Ha aktivitetsskapande utstyr tilpassa inne- og uteaktivitetar til utlån, utstyrsbibliotek og aktivitetskasser Lage attraktive inne- og uteareal, mellom anna med oppmerking for aktivitet (spill og leik). Her kan skulen òg vere med på å påverke at det til dømes vert lagt til rette for sykkel- og gangvegar, i tillegg til grøntareal, slik at ein får lyst til å vere i aktivitet ute i skuletida og til/frå skulen Arrangere aktivitetsdagar, turneringar og aktivitetskonkurransar for både elevar og tilsette Tilby valfag basert på fysisk aktivitet Gjere avtalar med lokale idrettslag, organisasjonar og treningsstudio Forplikte seg til å auke kompetansen og motivasjonen hos lærarane, spesielt i kroppsøvingsfaget. Forankre fysisk aktivitet i skulen sine overordna læringsmål Knytte fysisk aktivitet saman med andre aktivitetar og fag som ungdom er opptekne av, som musikk og god og helseriktig mat Ha fokus på einskilde målgrupper, og med involvering frå desse, til dømes eigne jentegrupper, grupper med minoritetsungdom eller særs inaktive unge Ros og premiering er viktige verkemiddel i motivasjonsarbeidet. Ein kan premiere enkeltelevar, tilsette eller heile klassar. Kanskje ein kan utfordre ein annan skule til konkurranse eller å arrangera ein felles turnering, aktivitetsdag eller turmarsj. Ein eller fleire daglege turar rundt skulen er ein enkel aktivitet som alle kan klare.

4 Premiar kan vere alt frå ros til fysiske ting som skapar meir aktivitet. Andre motiverande faktorar kan vere bruk av stegteljarar. For kvar veke kan ein ha som mål å gå eit minimum tal steg. Slik målsetting er viktig i motivasjonsarbeidet. Målet må ikkje vere alt for langt fram i tid og det må vere realistisk, men utfordrande. Omgjevnadane verkar inn på oss, og korleis det ser ut rundt oss har også innverknad på motivasjon og trivnad. Lokale som er ryddige, har trivelege og lyse farger og har fine bilete, er hyggeleg å vere i og kan medverke til at lysta til å vere i fysisk aktivitet aukar. Utearealet er også viktig og med enkle midlar kan nærområdet gjerast til ein aktiv plass å vere. Å vere ute er den beste garanti for fysisk aktivitet! Tips til aktivitetar Badminton Basketball Sandvolleyball Boccia Bordtennis Frisbee Klatring Rullebrett, snøbrett Sjonglering Slakkline Slåball Speedminton Stegteljar Turløype rundt skulen Tenk kreativt i val av aktivitetar, ikkje alle likar å drive med dei same aktivitetane.

5 Kosthald Kosthald er noe som har innverknad på oss alle til dagleg. Ein sunn og næringsrik kost har positive effektar både på vår fysiske og psykiske helse. Her følgjer nokre enkle og generelle kosthaldsråd: Kantine Måltid i skulen har ein svært viktig miljøskapande verdi. I tillegg til å skulle dekke reint fysiologiske krav for energi og næring er måltida viktige element i det fysiske og psykososiale miljøet. Måltida i skulen verkar inn på unge si helse, trivnad og læring, sosiale kompetanse og kulturelle samhandling. Det bør vere mogeleg for elevane å skaffe seg eit anbefalt måltid til lunsj til ein rimeleg pris og det bør også vere eit tilbod til dei som ikkje et frukost før dei kjem på skulen. Ved å opprette kantine på skulane kan ein få dette til og køyrer samstundes kantina ein sunn profil vil elevane få tilgang på sunnare alternativ til brus, søt og feit mat og snop. Dette er særskilt viktig for dei elevane som kjem frå heimar der merksemda rundt kosthald og levevanar er lav. Avgrens sukkerinntaket Vi får i oss alt for mykje sukker og mellom anna brusdrikking bør avgrensast. Finn i staden freistande alternativ som vatn med sitronskiver og liknande. Drikk vatn Kroppen vår er avhengig av vatn og treng om lag 2 liter kvar dag. Om vi er i fysisk aktivitet, treng kroppen enda meir væske. 5 om dagen Vi bør ete minst 5 grønsaker og/eller frukt kvar dag. Frukt og grønt inneheld viktige vitaminer og mineralar som kroppen treng. Prøv å ete grønt eller frukt til kvart måltid. Varier kosthaldet Vi bør ete litt av dei ulike matvarene kvar dag og til kvart måltid. Om vi klarar å ete variert, får vi i oss det som kroppen treng. Meir fisk Omega 3-feittsyra er viktig for hjernen og hjartet vårt. Desse gode feittsyrene finst det rikeleg av i feit fisk som laks og makrell. Det optimale er to til tre fiskemåltid i veka.

6 Her kan du få fleire aktivitetstips Den fysiske skolesekken er eit samarbeid i Sør-Trøndelag der du finn lenker til mange gode døme på tilrettelegging av fysisk aktivitet Den Norske Turistforening, DNT og Bergen Turlag (DNT Ung) for generell informasjon om friluftsliv, aktivitetar, lokale turlag m.m.: Olympiatoppen for døme på basistrening trening/basistrening/ Fitjar vidaregåande skule for informasjon om Aktivitetsglededag aspx?id=18660 Friluftsrådenes Landsforbund for informasjon om Læring i friluft (Idéhefte) Bergen og Omland friluftsråd for informasjon om friluftslivsaktivitetar for barn og unge Barne-, ungdoms- og familieetaten for informasjon om barn og fysisk aktivitet Helsedirektoratet for informasjon om fysisk aktivitet og utvikling av lokale aktivitetstilbod DNT/NRK for tips om turar, aktivitetar og kart.

7 Hordaland fylkeskommune for informasjon om planer om fysisk aktivitet, idrett og friluftsliv i kommunen og fylket, informasjon om aktivitets- og opplæringstilbod samt støtte til nærmiljøtiltak og andre tiltak gjennom den einskilde kommune. Hordaland idrettskrets for informasjon om organisert idrett/ idrettslag, kurs, informasjon om idrettsanlegg og -aktivitetar i lag og foreiningar og mogelegheiter for sambruk og samarbeid med til dømes idrettsanlegg i nærleiken av skulen. Utdanningsdirektoratet har laga ein idé- og ressursbank til bruk for skulane i arbeidet med auka satsing på fysisk aktivitet. skolenettet.no/fysiskaktivitet Norges idrettshøgskole har danna eit eige nettverk for å utvikle tilbod om kompetanseutvikling og fysisk aktivitet i skulen. Kommunen for informasjon om planer om fysisk aktivitet og informasjon om anlegg i kommunen og mogelegheiter for sambruk og samarbeid med til dømes skuler i nærleiken av skulen.

8 Regelmessig fysisk aktivitet er nødvendig for riktig vekst og utvikling blant barn og unge. BEDRE HELSE PÅ Kultur- og idrettsavdelinga Agnes Mowinchelsgate 5 Postboks Bergen