Hovdebygda barnehage

Transkript

1 Hovdebygda barnehage T: Årsplan Generell del E:

2 Årsplanen er eit grunnleggande arbeidsdokument for oss i barnehagen. I tillegg er det og eit viktig dokument for foreldre og andre samarbeidspartnarar, der vi gir innsyn i både organisering og grunnlag for det pedagogiske arbeidet som barnehagen forpliktar seg til. Årsplanen er bygd opp på føringar frå Rammeplan for barnehagar og Lov om barnehagar. Disse dokumenta set premissane for innhaldet i det pedagogiske arbeidet. Rammeplanen gir retningslinjer for barnehagen sitt verdigrunnlag, innhald og oppgåver. Føremålet med barnehagen er nedfelt i barnehagelova. Barnehagen skal i samarbeid og forståing med heimen ta vare på barna sine behov for omsorg og leik, og fremje læring og danning som grunnlag for allsidig utvikling. Barnehagen sitt samfunnsmandat er, i samarbeid og forståing med heimen, å ivareta barna sine behov for omsorg og leik, og fremje læring og danning som grunnlag for allsidig utvikling. Barnehagen skal tilby barn under opplæringspliktig alder eit omsorgs- og læringsmiljø som er til det beste for barna. Årsplanen skal gi informasjon om kva både born og foreldre kan vente seg som brukarar av barnehagen. Vi oppmodar difor til aktiv lesing og bruk av planen gjennom heile barnehageåret. Årsplanen er delt inn i 3 delar. Ein generell del, ein kalenderdel og ein spesiell del for kvar av basane. Einar Magne Moe styrar Forord

3 Profil Hovdebygda barnehage er ein kommunal barnehage som blei starta opp heilt tilbake i året I 2006 flytta vi inn i nye og flotte lokale med flott utemiljø og variert turterreng som nærmaste nabo. Barnehagen er ein av dei større barnehagane i Ørsta kommune med omlag 60 barn og 21 tilsette. Vi er organisert som avdelingslaus barnehage. I praksis betyr det at barnehagen ikkje er delt inn i reine avdelingar, der barna har sine få disponible rom. I staden har barnehagen mange spesialrom med ulike funksjonar og kvalitetar. Vi har blant anna eige formingsrom, datarom, dokumentasjonsrom i tillegg til reine leikerom. Barna er delt inn i baser, og disponerer romma til ulike tider. Dei minste barna er litt meir skjerma, og har tilpassa soner som dei disponerer i stor grad aleine. Hovdebygda barnehage prioriterer friluftsliv og utetida. Vi ønskjer at friluftslivet skal vere integrert i planane og opplegga vår i kvardagen. Slagordet vårt er: med friluftsliv i kvardagen. Sjå neste side for meir info.

4 - med friluftsliv i kvardagen Hovdebygda barnehage ønskjer å prioritere friluftsliv i kvardagen. Først og fremst fordi vi meinar at friluftsliv er ein viktig del av barna sin oppvekst og utvikling. Friluftslivet står sterkt i Noreg, og er ei viktig kulturarv som vi ønskjer å føre vidare til neste generasjon. Å vere til stades i natur er utviklande, naturen gir dei aller beste rammene for leik og læring. Ingen andre miljø gir meir sanseinntrykk og fysiske utfordringar enn det ein kan oppleve i naturen. Naturen legg til rette for naturleg stimuli for både kropp og sinn, og er derfor eit sentral aktør i det pedagogiske arbeidet i barnehagen. I tillegg så er barnehagen lokalisert i eit variert og flott nærmiljø, der vi har kort avstand til ulike element som blant anna skog, fjøre/sjø, fjell og mark. Friluftsgrupper: Barnehagen har eigne friluftsgrupper (meir info på neste side). Friluftsveker: Kvar haust og vår arrangerer barnehagen friluftsveker for barna. Om hausten er det berre det eldste barnekullet som har friluftsveker, om våren har alle basane kvar si veke. Dei største barna held då mest til i fjøra ved eit naust som barnehagen får disponere. Dei yngste barna held til mest i skog og mark. I kvardagen: Friluftslivet skal prege både dagsrytma og vekerytma vår. Som sagt så ønskjer vi å nytte friluftslivet i kvardagen. Vi er mykje på tur, og er mykje ute gjennom dagen, også på føremiddagen. Merkedagar ute: Å halde arrangement ute er ein tradisjon hos oss. Både julefest, foreldrekafe, solfest og sommarfest vert haldne utandørs.

5 Organisering Baser: Frå klokka 9 til klokka 15 er barna delt inn i faste baser. Resten av dagen er ofte fellestid. Gruppetid: Dei fleste dagane delar basane barna inn i mindre faste grupper, også på tvers av basane. Til eksempel kan det vere 1. årsgruppe eller Førskuleklubben med skuleførebuande opplegg. Valdag: På valdagane vel barna på storbarns basane aktivitet (eller leikekamerat) på tvers av basar. Kvar valdag kan barna vanlegvis velje mellom 3-4 aktivitetar. Turdag: På turdagane går barna oftast på tur i nærmiljøet. Storbarnsasane har faste turdagar. Friluftsgruppe: Barnehagen har rullerande friluftsgrupper med barn frå dei største basane. Barna har eige opplegg når dei er på friluftsgruppa. Fokuset då er friluftsliv, med turar og matlaging i natur og nærmiljø. Barna er ute stort sett heile dagen, så gode kle og klesskift er naudsynt. DAGSRYTME: 07.15: Barnehagen opnar. Fellestid morgon Frukost : Fellestid morgon Leik/aktivitetar Lunsj Stell/dogåing/påkledning og fellestid ute for dei fleste. Eventuelt framhald aktivitetar. Sovetid/kvilestund. Skive/knekkebrød/fruktmåltid. Yoghurt 1 dag i veka. Stell og toalett / Fellestid ettermiddag Barnehagen stenger.

6 Foreldresamarbeid Det daglege møtet: Eit godt foreldresamarbeid er viktig for at arbeidet vårt i barnehagen skal lukkast. Om morgonen er det viktig at vi får vite om forhold som kan vere av betyding for barnet utover dagen. På same måte er det viktig at personalet gir informasjon på ettermiddagen om tilsvarande forhold som har skjedd gjennom dagen. Både personalet og foreldregruppa har eit ansvar for å kvalitetssikre utvekslinga av informasjon. Foreldremøte: 1-2 foreldremøte i løpet av barnehageåret. Foreldresamtalar: 2 bolkar med foreldresamtalar. Ein om hausten og ein om våren. I tillegg så har vi foreldresamtalar gjennom året ved behov og ønskje. SU/Foreldreråd: Foreldregruppa får innsyn i drifta av barnehagen gjennom samarbeidsutvalet og foreldrerådet. Dugnad: Vi held felles dugnad ein gong i året. Dei som ikkje har høve til å stille blir tildelt oppgåver. Diverse tradisjonar: Julefest, sommarfest, kunstkafe, foreldrekafe osv.

7 Barn sin rett til medverknad Barnehagen skal vere tilrettelagt for, og tilpassa barn. Barna skal påverke både utsjånad og innhaldet på barnehagetilbodet. Barna har rett til å medverke i kvardagen sin. Dei skal få gi uttrykk for sine syn, som skal vektleggast i samsvar med alder og modning. I denne samanhengen så er det ei viktig oppgåve å møte barna med likeverd. Barna skal oppleve å bli sett og høyrt i kvardagen, og møtast med respekt. Som personale skal vi sjå kvalitetane til kvart einskild barn, og barna skal oppleve at dei blir sett av dei vaksne i barnehagen. Medverknad skal ikkje først og fremst sjåast som ein individuell og autonom rett, men må sjåast i ein etisk og demokratisk kontekst der samhandling, lytting og respekt for kvarandre står i sentrum. Å fokusere på likestilling mellom jenter og gutar skal også kome til syne i det daglege arbeidet. Vi skal oppdra og danne barn til å møte og skape eit likestilt samfunn. Korleis personalet møter barn sine uttrykk gjennom rørsle, språk, kjensle og relasjon med andre er av stor betydning i dette arbeidet.

8 Danning gjennom omsorg, leik og læring. Å sjå omsorg og danning, leik, kvardagsaktivitetar og læring i samanheng er eit særtrekk ved norsk barnehagetradisjon og grunnsteinane i det pedagogiske arbeidet. Omsorg, leik og læring er sentralt gjennom heile dagen og skal prege og gjennomsyre kvardagen i barnehagen. Den viktigaste grunnsteinen er utan tvil å vere i eit læringsmiljø prega av omsorg. Å få omsorg, og vise omsorg for andre. Å være eller bli trygg på seg sjølv, og dei rundt oss er fundamentalt for all utvikling. Omsorg har ein eigenverdi som inspirerer til felles toleranse og forståing. Å få oppleve seg sjølv som signifikant både blant barna og personalet i barnehagen. Store delar av dagen blir brukt til leik. Både frileik, der barna i stor grad set premissane og rammene sjølve, og styrt leik der personalet i større grad er involvert. Vi ser på leiken som ein arena for både omsorg og læring. Leiken er den viktigaste læringsarena for borna i barnehagen. I leik saman med andre blir både barn og vaksne utfordra til gjensidige samhandlingsprosessar som er med på å utvikle blant anna refleksjon over eigne handlingar og væremåte (sosial kompetanse). Utvikle kunnskap og dugleik om etiske og omsorgsfulle val (danning).

9 Den viktige ressursen Vaksenrolla Barnehagen (les: personalet) skal møte barna med tillit og respekt, og anerkjenne barndomen sin eigenverdi. Barnehagen skal bidra til trivsel og glede i leik og læring, og være ein utfordrande og trygg stad for fellesskap og venskap. Barnehagen skal støtte utviklinga ut frå føresetnadene til barnet og gi kvart enkelt barn og kvar enkelt barnegruppe utfordringar. (Henta frå rammeplanen). Vaksenrolla i barnehagen er viktig for å nå måla våre. Barnehagen er ein skapande og dynamisk verksemd, der mellommenneskelege prosessar er i sentrum. Personalet er i ei særstilling, og er heilt avgjerande for kvaliteten på barnehagetilbodet. Krava til personalet er blant anna at ein er merksam, kunnskapsrik, interessert, reflekterande, omsorgsfull, leikande, kreativ, endringsvilleg vaksen, som ser kvart einskilt barn som unikt. Dette er oppgåver som vi arbeidar med kontinuerleg, og er ein naturleg del av både planlegging-, gjennomføringog evalueringsarbeidet i barnehagen.

10 Generell informasjon Informasjon og planar: Infotavle Dagen i dag. I yttergarderobane har kvar base eiga informasjonstavle der vi skriv litt om innhaldet frå dagen. I tillegg har friluftsgruppa si eiga tavle med tilsvarande informasjon. Vi oppmodar foreldra om å lese på tavlene. Det er eit fint utgangspunkt for vidare samtale med barna heime etter ein dag i barnehagen. Planar: Basane delar ut månadsplanar for si base. Der vil det først stå eit lite tilbakeblikk på førre månad. Så vil det vere informasjon om planar og aktivitetar for komande periode. Digitale informasjonskanalar: Barnehagen brukar fleire digitale informasjonskanalar aktivt. På heimsida legg vi ut aktuelle planar og dokument. Vi sender også ut informasjonpå registrerte epostadresser gjennom heimsida vår. Heimside: Facebook: facebook.com/hovdebygda (trykk liker for å abonnere på nyheiter frå barnehagen) Teieplikt personalet Til opplysning så har alle som arbeidar i barnehagen livslang teieplikt på all sensitiv informasjon om barn, foreldre, tilsette og andre som er involvert i barnehagen på eine eller andre måten. forts.

11 Fødselsdagsfeiring Når barna har bursdag så blir dei feira i barnehagen. Barnehagen i samråd med bursdagsbarnet ordnar alt i barnehagen. Vi lagar til bursdagsmat, fødselsdagskrune og bursdagssamling. Merking av kle Vi oppmodar om å merke alle klesplagg i barnehagen. Det lettar arbeidet til oss som jobbar her. Lausplagg finn vi dagleg på både naturlege og unaturlege plassar. Personalet gjer så godt dei kan for å rydde og halde orden, men utan merking er det eit vanskeleg arbeid. Sakna kle med merking har også ein oftare tendens til å dukke opp igjen etter ei stund. Ytterkle: Då vi er mykje ute så er det viktig at barna har gode og passeleg store ytterkle. Gode kle er med på å auke trivselen til barna i utfordrande ver. Strikk under regnbukse og dress må være heil, og bør sjekkast dagleg. Regnkle og dressar bør vere tette. Regntøy med fast fór (fleece) er ikkje eigna i barnehage. Klesskift: Ha rikeleg med klesskift i barnehagen. Sjekk ofte korgene, og oppdater dei for manglande (og for små) kle. Ha alltid kle for rett årstid(er) liggande i garderoben. Praksisbarnehage: Barnehagen har avtale med Høgskulen, og tek imot studentar frå førskulelærarlinja som har praksis hjå oss....forts Generell informasjon

12 Dokumentasjon, vurdering og evaluering Kontinuerlig gjennomgang av einskildbarn på møter for å sikre at alle barn blir sett, og får den oppfølginga dei treng. Vi dokumenterer kvardagen til barna blant anna ved fotografering og video. Nokre av bileta blir lagt ut på passordbeskytta heimside. Fotomontasje i dokumentasjonsrommet for dokumentasjon og refleksjon. Foto og videoframsyning i barnehagen. Bilete på cd når barna sluttar. Kontinuerleg evaluering av både opplegg og prosessar i barnehagen. Årleg brukarundersøking både til foreldregruppa og tilsette. Alle barna har eiga skuffe og perm til disposisjon. Vi set pris på tilbakemeldingar frå foreldregruppa. Skal vi være i utvikling og forbetre oss, treng vi å få tilbakemelding. Både ris og ros...

13 Progresjon i barnehageløpet I det pedagogiske arbeidet legg vi til rette for aktivitetar og leik etter barna sin alder, og deira modning og føresetnader. Det gir ei naturleg utvikling på innhaldet, og gir meir deltaking på planlagde aktivitetar til eldre barna blir. Ein naturleg progresjon i barnehagetilbodet basert på alder og modning. Frå det nære til det fjerne Frå det konkrete til det abstrakte Frå det grunnleggande til det perifere Første åra er kvardagssituasjonane viktigast i kvardagen Alder Barnet Avslutningstur Friluftsliv Prosjektarbeid Arrangement i barnehagen Kvardagssituasjonar Rutinar Innhald

14 Førskulegruppa Førskulegruppa er dei borna som har siste året i barnehagen. Dei vert i periodar samla til eigne aktivitetar der dei gjer litt andre ting enn resten av gruppa. Vi tek også kontakt med born i andre barnehagar som skal gå i lag med dei på skulen. Eit av måla er å førebu dei på skulestart. Det gjer vi blant anna ved å fokusere på oppgåver som: Lære seg å lytte til andre Lære seg å vere i fokus, og prate i forsamlingar Turtaking Samarbeid Trene opp konsentrasjon ved å halde ein aktivitet over tid Ta imot og utføre oppgåver Respektere andre sine meiningar I tillegg har vi fokus på andre oppgåver som blant anna: Skrive namnet sitt Trafikktryggleik Språkleg medvit Avslutningstur Barnehagane i Ørsta har samarbeid med grunnskulane om overgongen frå barnehage til skule.

15 Personalet Anne Elisabeth Grashoppene Anne Marte Barkebiller Atle Skrukketrolla Bente Iren Rumpetrolla Kristin Støttepedagog Einar Magne Styrar Astrid Spesialpedagog Else Marie Kjøkkepersonale Gunn Britt Skrukketrolla Gunn Margrete Skrukketrolla Hilde Beate Barkebiller Isabell Barkebiller Jannicke Grashoppene Joanna Reinhaldar Line Kristin BB og GH Mari Helen Grashoppene Marie Barkebiller Merete Kristin Rumpetrolla Siw Janne Fast vikar Thomas Grashoppene Tor Vaktmeister

16 Temaarbeid - Skog og fjell Barnehagen har felles tema gjennom heile barnehageåret. Temaet vil ofte ha utspring i profilen til barnehagen. Basane vil på bakgrunn av tema halde på med ulike prosjekt utifrå barna si interesse, modning og dugleik. Dette arbeidet tek også utgangspunkt i rammeplanen sine fagområde, der vi arbeidar med eit tema med hjelp av fleire fag og teknikkar. Rammeplanen sine fagområder: Kommunikasjon, språk og tekst Kropp, rørsle og helse Kunst, kultur og kreativitet Natur, miljø og teknikk Etikk, religion og filosofi Nærmiljø og samfunn Antal, rom og form For å få kontinuitet i temaarbeidet har vi utarbeida ein treårsplan for heile barnehagen. Vi arbeidar då med tema som heng saman i kvarandre. På denne måten blir det også ein naturleg progresjon for barna i barnehageløpet. Prosjekta vil variere i både lengd og omfang. Det handlar mykje om å følgje barna sine interesser. Det som opptek barna i kvardagen, kan og utvikle seg til å bli eit sentralt prosjekt i barnehagen. Treårsplan for temaarbeid: År 1: Vatn (saltvatn og ferskvatn). År 2: Skog og fjell. År 3: Himmel og univers. Meir om temaarbeid vil De finne i basane sine spesielle del av årsplanen.

17 Barnesyn og felles standardar for barnehagane i Ørsta kommune Barnesyn barnehagane i Ørsta kommune: Eg er liten eg, men eg vågar meg. Barn er verdifulle, kompetente og sosiale. FELLES STANDARDAR FOR DEN GODE BARNEHAGEN I ØRSTA: Barna opplever å bli sett og høyrd; bli tatt på alvor og høve til å gjere val ut frå eigne føresetnader. Barna opplever å ha tid og rom til å uttrykkje tankar og kjensler. Barna opplever dagleg gleda ved å lukkast med noko og får positiv tilbakemelding. Barna opplever eit inkluderande miljø der dei syner omsyn til kvarandre. Barna opplever å ha vener i barnehagen. Barna opplever å få leike i eit miljø prega av utforsking, undring, kreativitet og spontanitet. Barna får allsidige natur- og kurlturopplevingar som skapar identitet, samkjensle, livskvalitet, humor og glede.

18 Basene BARKEBILLER (3-6 år) Barkebiller er ei storbarnsbase med barn i alderen 3-6 år. I år er det 19 barn som delar 18 plassar. Personalet på Barkebiller 2013/2014 er: Thomas Mayer, pedagogisk leiar (100%) Line Kristin Berg, assistent (100%) Mari Helen Barstad, fagarbeidar (100%) Astrid Øye Opsal, spesialpedagog Kristin Sætre, støttepedagog GRASHOPPENE (3-6 år) Grashoppene er ei storbarnsbase med barn i alderen 3-6 år. I år er det 19 barn som delar 18 plassar. Personalet på Grashoppene 2013/2014 er: Jannicke Gjerde, pedagogisk leiar (80%) Anne Marte Weider, pedagogisk leiar (20%) Anne Inselset, assistent (80%) Hilde Beate Yksnøy, fagarbeidar (100%) RUMPETROLLA (0-3 år) Rumpetrolla er ei småbarnsbase for barn i alderen 0-3 år. I år er det 12 barn som deler 12 plassar. Personalet på Rumpetrolla 2013/2014 er: Bente Tronstad, pedagogisk leiar (100%) Anne Marte Weider, førskulelærar (60%) Gunn Britt Vindspoll, førskulelærar (40%) Merete Skarmyr, assistent (100%) Marie Ryste, assistent (80%) SKRUKKETROLLA (0-3 år) Skrukketrolla er ei småbarnsbase for barn i alderen 0-3 år. I år er det 10 barn som delar 9 plassar Personalet på Skrukketrolla 2013/2014 er: Isabell Øye, pedagogisk leiar (80%) Gunn Britt Vindspoll, pedagogisk leiar (20%) Atle Engen, assistent (100%) Gunn Vartdal, fagarbeidar (100%)

19 DelTa DelTa - Tverrfagleg samarbeid på rusområdet i Møre og Romsdal I det nasjonale folkehelsearbeidet er det eit mål å reduserer det totale forbruket av alkohol og fremje ein kultur som tek vare på enkeltpersonar, familien og samfunnet mot skadelige rusmiddelvanar. Ei viktig oppgåve til barnehagen er å oppdage born som opplever omsorgsvikt av sine foreldre/ føresette eller bur i familiar der rus pregar kvardagen. For å bli betre til å oppdage dette er auka kunnskap viktig. Som eit ledd i denne kompetansehevinga er barnehagane i Ørsta med i eit tverrfagleg prosjekt saman med andre instansar. Vi jobbar med problemstillinga "Å oppdage førskuleborn som lever i familiar med skadelege rusmiddelvanar." Gjennom dette arbeidet skal dei tilsette i barnehagane lære seg å sjå etter teikn, sjå etter endring av åtferd. I tillegg er det eit mål å bli tryggare på korleis ein går fram når ein skal ta den vanskelege samtalen med foreldra. Dersom vi gjennom observasjon og samvær med barn blir uroa er det vanleg prosedyre å ta kontakt med barnevernet, sjølvsagt gjennom dialog med foreldre. Vidare er det barnevernet som vurderer om det er grunn til bekymring og om tiltak skal setjast i verk. Dette skjer gjennom eit konsept kalla "DelTa". Det er Kompetansesenteret Rus-Midt-Norge som har utvikla konseptet og her i Ørsta er det Rustenesta som leier arbeidet. Barnehagen sine representantar er Marianne Knutsen, Ellen Bjørdal Eikenes og Reidun Mo.

20 Kontaktinformasjon Telefon: Hovudnr: Rumpetrolla: Skrukketroll: Grashopper: Barkebiller: Utepedagog: Styrarmobil: Digitale plattformer: Epost: Heimside: hovdebygda.orstabarnehagen.no Facebook: facebook.com/hovdebygda Twitter: #hovdebygda_bhg Adresse: Hovdebygda barnehage Skulevegen Hovdebygda