Hovdebygda barnehage

Transkript

1 Hovdebygda barnehage T: Årsplan Generell del E: hovdebygda.orstabarnehagen.no

2 Kontaktinformasjon Telefon: Hovudnummer: Styrarmobil: Rumpetrolla: Skrukketroll: Grashopper: Barkebiller: Friluftsgruppa: Digitale plattformer: Epost: Heimside: hovdebygda.orstabarnehagen.no Facebook: facebook.com/hovdebygda Twitter: #hovdebygda_bhg Adresse: Hovdebygda barnehage Skulevegen Hovdebygda

3 Årsplanen er eit grunnleggande arbeidsdokument for oss i barnehagen. I tillegg er det og eit viktig dokument for foreldre og andre samarbeidspartnarar, der vi gir innsyn i både organisering og grunnlag for det pedagogiske arbeidet som barnehagen forpliktar seg til. Årsplanen er bygd opp på føringar frå Rammeplan for barnehagar og Lov om barnehagar. Disse dokumenta set premissane for innhaldet i det pedagogiske arbeidet. Rammeplanen gir retningslinjer for barnehagen sitt verdigrunnlag, innhald og oppgåver. Føremålet med barnehagen er nedfelt i barnehagelova. Barnehagen skal i samarbeid og forståing med heimen ta vare på barna sine behov for omsorg og leik, og fremje læring og danning som grunnlag for allsidig utvikling. Barnehagen sitt samfunnsmandat er, i samarbeid og forståing med heimen, å ivareta barna sine behov for omsorg og leik, og fremje læring og danning som grunnlag for allsidig utvikling. Barnehagen skal tilby barn under opplæringspliktig alder eit omsorgs- og læringsmiljø som er til det beste for barna. Årsplanen skal gi informasjon om kva både born og foreldre kan vente seg som brukarar av barnehagen. Vi oppmodar difor til aktiv lesing og bruk av planen gjennom heile barnehageåret. Årsplanen er delt inn i 3 dokument. Ein generell del, ein spesiell del og kalender. Einar Magne Moe styrar Forord

4 Profil Hovdebygda barnehage er ein kommunal barnehage som blei starta opp heilt tilbake i året I 2006 flytta vi inn i nye og flotte lokale med flott utemiljø og variert turterreng som nærmaste nabo. Barnehagen er ein av dei større barnehagane i Ørsta kommune med omlag 60 barn og 15 tilsette. Barnehagen er organisert som avdelingslaus barnehage. I praksis betyr det at barnehagen ikkje er delt inn i reine avdelingar, der barna har sine få disponible rom. I staden har barnehagen mange spesialrom med ulike funksjonar og kvalitetar. Vi har blant anna eige formingsrom, datarom, dokumentasjonsrom i tillegg til reine leikerom. Barna er delt inn i baser, og disponerer romma til ulike tider. Dei minste barna er litt meir skjerma, og har tilpassa soner som dei disponerer i stor grad aleine. Hovdebygda barnehage prioriterer friluftsliv og utetida. Vi ønskjer at friluftslivet skal vere integrert i planane og opplegga vår i kvardagen. Slagordet vårt er: med friluftsliv i kvardagen (Sjå neste side for meir info).

5 - med friluftsliv i kvardagen Hovdebygda barnehage ønskjer å prioritere friluftsliv i kvardagen. Først og fremst fordi vi meinar at friluftsliv er ein viktig del av barna sin oppvekst og utvikling. Friluftslivet står sterkt i Noreg, og er ei viktig kulturarv som vi ønskjer å føre vidare til neste generasjon. Å vere til stades i natur er utviklande, og naturen gir dei aller beste rammene for leik og læring. Ingen andre miljø gir meir sanseinntrykk og fysiske utfordringar enn det ein kan oppleve i naturen. Naturen legg til rette for naturleg stimuli for både kropp og sinn, og utfordrar til kreativ leik som igjen er med på å styrke samarbeidet og samspelet mellom barn. Naturen er derfor ein sentral aktør i det pedagogiske arbeidet i barnehagen. I tillegg så er barnehagen lokalisert i eit variert og flott nærmiljø, der vi har kort avstand til ulike element som blant anna skog, fjøre/sjø, fjell og mark. Friluftsgrupper: Barnehagen har eigne friluftsgrupper (meir info under avsnittet organisering). Friluftsveker: Kvar haust og vår arrangerer barnehagen friluftsveker for barna. Om hausten er det berre det eldste barnekullet som har friluftsveker, om våren har alle basane kvar si veke. Dei største barna held då mest til i fjøra ved eit naust som barnehagen får disponere. Dei yngste barna held til mest i skog og mark. I kvardagen: Friluftslivet skal prege både dagsrytma og vekerytma vår. Som sagt så ønskjer vi å nytte friluftslivet i kvardagen. Vi er mykje på tur, og er mykje ute gjennom dagen, også på føremiddagen. Merkedagar ute: Å halde arrangement ute er ein tradisjon hos oss. Blant anna julefest, foreldrekafe, solfest og sommarfest vert haldne utandørs.

6 Friluftslivets år 2015 Vi tjuvstartar friluftslivets år 2015 ved å fokusere ekstra på friluftslivet i barnehageåret Friluftsliv og friluftsaktivitetar skal prege kvardagane i barnehagen. Vi knyt det opp mot barnehagen sin profil, og gjennomgåande fokus for innhaldet i barnehagen: - med frilutsliv i kvardagen. Opplevingar på tur og i natur som barn og vaksne evner å fange, er med på å danne grunnlaget for det pedagogiske arbeidet i barnehagen. Meir om dette i basane sine spesielle delar av årsplanen. Rammeplanen sine fagområder: Kommunikasjon, språk og tekst Kropp, rørsle og helse Kunst, kultur og kreativitet Natur, miljø og teknikk Etikk, religion og filosofi Nærmiljø og samfunn Antal, rom og form

7 Organisering Base: Alle barna er tilknytt ei base med fast personell. Gruppetid: Vi delar dagleg barna inn i mindre faste grupper, også på tvers av basane. For eksempel kan det vere Førskuleklubben med skuleførebuande opplegg. Valdag (storbarn) : På valdagane vel barna aktivitet (eller leikekamerat) på tvers av basar. Kvar valdag kan barna vanlegvis velje mellom 3-4 aktivitetar som t.d. matlaging, tur, musikk osv. Turdag: På turdagane går barna oftast på tur i nærmiljøet. Storbarnbasane har faste turdagar. Friluftsgruppe: Barnehagen har rullerande friluftsgrupper med barn frå storbarns basane. Barna har eige opplegg når dei er på friluftsgruppa. Fokuset då er friluftsliv, med turar og matlaging i natur og nærmiljø. Barna er ute stort sett heile dagen, så gode kle og klesskift er naudsynt. DAGSRYTME: 07.15: Barnehagen opnar Fellestid morgon : Frukost : Leik/aktivitetar : Lunsj : Stell/dogåing/påkledning. Fellestid ute. Framhald aktivitetar. Sovetid/kvilestund : Lett måltid og frukt. Yoghurt 1 dag i veka : Stell og toalett : Fellestid ettermiddag : Barnehagen stenger.

8 Basene BARKEBILLER (3-6 år) Barkebiller er ei storbarnsbase med omlag 18 plassar for barn i alderen 3-6 år. Personalet på Barkebiller 2014/2015 er: Thomas Mayer, pedagogisk leiar (100%) Line Kristin Berg, assistent (100%) Atle Engen, assistent (100%) Astrid Øye Opsal, spesialpedagog Kristin Sætre, støttepedagog GRASHOPPENE (3-6 år) Grashoppene er ei storbarnsbase med omlag 18 plassar for barn i alderen 3-6 år. Personalet på Grashoppene 2014/2015 er: Jimmy Grønli, pedagogisk leiar (100%) Anne Inselset, assistent (80%) Hilde Beate Yksnøy, fagarbeidar (100%) Lisbet Vatne Nielsen, støttepedagog RUMPETROLLA (0-3 år) Rumpetrolla er ei småbarnsbase med omlag 12 plassar for barn i alderen 0-3 år. Personalet på Rumpetrolla 2014/2015 er: Bente Tronstad, pedagogisk leiar (100%) Anne Marte Weider, førskulelærar (80%) Linda Iren Starheim, førskulelærar (20%) Merete Skarmyr, assistent (100%) Marie Ryste, assistent (80%) SKRUKKETROLLA (0-3 år) Skrukketrolla er ei småbarnsbase med omlag 9 plassar for barn i alderen 0-3 år. Personalet på Skrukketrolla 2014/2015 er: Isabell Øye, pedagogisk leiar (100%) Kari-Anne Nybø, fagarbeidar (100%) Gunn Vartdal, fagarbeidar (100%)

9 Barn sin rett til medverknad Barnehagen skal vere tilrettelagt for, og tilpassa barn sin kvardag. Barna skal påverke både utsjånad og innhaldet på barnehagetilbodet. Barna har rett til å medverke i kvardagen sin. Dei skal få gi uttrykk for sine meiningar, som skal vektleggast i samsvar med alder og modning. I denne samanhengen så er det ei viktig oppgåve å møte barna med likeverd. Barna skal oppleve å bli sett og høyrt i kvardagen, og møtast med respekt. Som personale skal vi sjå kvalitetane til kvart einskild barn, og barna skal oppleve at dei har ei stemme i samspelet med både barn og vaksne. Medverknad skal ikkje først og fremst sjåast som ein individuell og autonom rett, men må sjåast i ein etisk og demokratisk kontekst der samhandling, lytting og respekt for kvarandre står i sentrum. Å fokusere på likestilling mellom jenter og gutar skal også kome til syne i det daglege arbeidet. Vi skal oppdra og danne barn til å møte og skape eit likestilt samfunn. Korleis personalet møter barn sine uttrykk gjennom rørsle, språk, kjensle og relasjon med andre er av stor betydning i dette arbeidet.

10 Danning gjennom omsorg, leik og læring. Å sjå omsorg og danning, leik, kvardagsaktivitetar og læring i samanheng er eit særtrekk ved norsk barnehagetradisjon og grunnsteinane i det pedagogiske arbeidet. Omsorg, leik og læring er i fokus heile dagen, og skal prege og gjennomsyre kvardagen i barnehagen. Den viktigaste grunnsteinen er utan tvil å vere i eit læringsmiljø prega av omsorg. Å få omsorg, og vise omsorg for andre. Å være eller bli trygg på seg sjølv, og dei rundt oss er fundamentalt for all utvikling. Omsorg har ein eigenverdi som inspirerer til felles toleranse og forståing. Å få oppleve seg sjølv som signifikant både blant barna og personalet i barnehagen. Store delar av dagen er prega av leik. Både i frileik, der barna i stor grad set premissane og rammene sjølve, og i styrt leik der personalet i større grad er involvert. Vi ser på leiken som den viktigaste arenaen for utvikling av både omsorg og læring. I leik saman med andre blir både barn og vaksne utfordra til gjensidige samhandlingsprosessar som er med på å utvikle blant anna refleksjon over eigne handlingar og væremåte (sosial kompetanse). Utvikle kunnskap og dugleik om etiske og omsorgsfulle val (danning).

11 Den viktige ressursen Vaksenrolla Barnehagen (les: personalet) skal møte barna med tillit og respekt, og anerkjenne barndomen sin eigenverdi. Barnehagen skal bidra til trivsel og glede i leik og læring, og være ein utfordrande og trygg stad for fellesskap og venskap. Barnehagen skal støtte utviklinga ut frå føresetnadene til barnet og gi kvart enkelt barn og kvar enkelt barnegruppe utfordringar. (Henta frå rammeplanen). Personalet er i ei særstilling, og er heilt avgjerande for kvaliteten på barnehagetilbodet. Det er denne kompetansen som er sentral for måloppnåinga vår. Barnehagen er ein skapande og dynamisk verksemd, der mellommenneskelege prosessar er viktige. Krava til personalet er blant anna at ein er merksam, kunnskapsrik, interessert, reflekterande, omsorgsfull, leikande, kreativ, endringsvilleg vaksen som ser kvart einskilt barn som unikt. Dette er kvalitetar som vi arbeidar med kontinuerleg, og er ein naturleg del av både planlegging-, gjennomføring- og evalueringsarbeidet i barnehagen.

12 Progresjon i barnehageløpet I det pedagogiske arbeidet legg vi til rette for aktivitetar og leik etter barna sin alder, og deira modning og føresetnader. Det gir ei naturleg progresjon på innhaldet, og barna får delta i større delar av aktivitetstilbodet dess eldre barna blir. Frå det nære til det fjerne Frå det konkrete til det abstrakte Frå det grunnleggande til det perifere Første åra er kvardagssituasjonane viktigast i kvardagen Alder Barnet Avslutningstur Friluftsliv Prosjektarbeid Arrangement i barnehagen Kvardagssituasjonar Rutinar Innhald

13 Førskulegruppa Førskulegruppa er dei borna som er inne i sitt siste barnehageår. Dei vert i periodar samla til eigne aktivitetar der dei gjer litt andre aktivitetar enn resten av gruppa. Vi tek også kontakt med born i andre barnehagar som skal gå i lag med dei på skulen. Eit av måla er å førebu dei på skulestart. Det gjer vi blant anna ved å fokusere på oppgåver som: Lære seg å lytte til andre Lære seg å vere i fokus, og prate i forsamlingar Turtaking Samarbeid Trene opp konsentrasjon ved å halde ein aktivitet over tid Ta imot og utføre oppgåver Respektere andre sine meiningar I tillegg har vi fokus på andre oppgåver som blant anna: Skrive namnet sitt Trafikktryggleik Språkleg medvit Avslutningstur Barnehagane i Ørsta har samarbeid med grunnskulane om overgongen frå barnehage til skule.

14 Barnesyn og felles standardar for barnehagane i Ørsta kommune Barnesyn barnehagane i Ørsta kommune: Eg er liten eg, men eg vågar meg. Barn er verdifulle, kompetente og sosiale. FELLES STANDARDAR FOR DEN GODE BARNEHAGEN I ØRSTA: Barna opplever å bli sett og høyrd; bli tatt på alvor og høve til å gjere val ut frå eigne føresetnader. Barna opplever å ha tid og rom til å uttrykkje tankar og kjensler. Barna opplever dagleg gleda ved å lukkast med noko og får positiv tilbakemelding. Barna opplever eit inkluderande miljø der dei syner omsyn til kvarandre. Barna opplever å ha vener i barnehagen. Barna opplever å få leike i eit miljø prega av utforsking, undring, kreativitet og spontanitet. Barna får allsidige natur- og kurlturopplevingar som skapar identitet, samkjensle, livskvalitet, humor og glede.

15 Dokumentasjon, vurdering og evaluering Kontinuerlig gjennomgang av einskildbarn på møter for å sikre at alle barn blir sett, og får den oppfølginga dei treng. Vi dokumenterer kvardagen til barna blant anna ved fotografering og video. Nokre av bileta blir lagt ut på passordbeskytta heimside. Fotomontasje i dokumentasjonsrommet for dokumentasjon og refleksjon. Foto og videoframsyning i barnehagen. Kontinuerleg evaluering av både opplegg og prosessar i barnehagen. Årlege brukarundersøkingar. Alle barna har eiga skuffe og perm til disposisjon. Vi set pris på tilbakemeldingar frå foreldregruppa. Skal vi være i utvikling og forbetre oss, treng vi å få tilbakemelding. Både ris og ros...

16 Foreldresamarbeid Det daglege møtet: Eit godt foreldresamarbeid er viktig for at vi skal lukkast i det daglege arbeidet vårt. Det er viktig at vi om morgonen får vite om forhold som kan vere av betyding for barnet utover dagen. På same måte er det viktig at personalet informerer tilsvarande på ettermiddagen om dagen i barnehagen. Personalet og foreldregruppa har eit felles ansvar for å kvalitetssikre utvekslinga av informasjon. Foreldremøte: 1-2 foreldremøte i løpet av barnehageåret. Foreldresamtalar: 2 bolkar med foreldresamtalar. Ein om hausten og ein om våren. I tillegg så har vi ekstra foreldresamtalar ved behov. SU/Foreldreråd: Foreldregruppa får innsyn i drifta av barnehagen gjennom samarbeidsutvalet og foreldrerådet. Dugnad: Det blir arrangert dugnad ein gong i året. Dei som ikkje har høve til å stille får tildelt oppgåver. Diverse tradisjonar: Gjennom barnehageåret inviterer vi til blant anna julefest, sommarfest, kunstkafe, foreldrekafe osv. Sjå kalenderdelen for meir informasjon.

17 Generell informasjon I Informasjon og planar: Infotavle Dagen i dag. I yttergarderobane har kvar base/gruppe eiga informasjonstavle der vi skriv litt om innhaldet frå dagen. I tillegg har friluftsgruppa si eiga tavle med tilsvarande informasjon. Vi oppmodar foreldra om å lese på tavlene. Det er eit fint utgangspunkt for vidare samtale med barna heime etter ein dag i barnehagen. Dei dagane vi har grupper på tvers av basane blir informasjonen på tavlene gitt gruppevis. Planar: Basane delar ut periodeplanar for si base. Den inneheld eit lite tilbakeblikk på førre periode i tillegg til informasjon og planar for komande periode. Digitale informasjonskanalar: Barnehagen brukar fleire digitale informasjonskanalar aktivt. På heimsida legg vi ut aktuelle planar og dokument. Vi sender også ut informasjon på registrerte epostadresser gjennom heimsida vår. Heimside: Facebook: facebook.com/hovdebygda (trykk liker for å abonnere på nyheiter frå barnehagen) Teieplikt personalet: Til opplysning så har alle som arbeidar i barnehagen livslang teieplikt på all sensitiv informasjon om barn, foreldre, tilsette og andre som er involvert i barnehagen på eine eller andre måten.

18 Generell informasjon II Fødselsdagsfeiring: Når barna har bursdag så blir dei feira i barnehagen. Barnehagen i samråd med bursdagsbarnet ordnar alt i barnehagen. Vi lagar til bursdagsmeny, fødselsdagskrune og bursdagssamling. Vi markerer med sunn fødselsdagsfeiring i barnehagen. Merking av kle: Vi oppmodar om å merke alle klesplagg i barnehagen. Det lettar arbeidet til oss som jobbar her. Lausplagg finn vi dagleg på både naturlege og unaturlege plassar. Personalet gjer så godt dei kan for å rydde og halde orden, men utan merking er det eit vanskeleg arbeid. Sakna kle med merking har også ein oftare tendens til å dukke opp igjen etter ei stund. Ytterkle: Då vi er mykje ute så er det viktig at barna har gode og funksjonelle ytterkle. Gode kle er med på å auke trivselen til barna i utfordrande ver. Strikk under regnbukse og dress må være heil, og bør sjekkast dagleg. Regnkle og dressar bør vere tette. Regntøy med fast fór (fleece) er lite eigna i barnehage. Klesskift: Ha rikeleg med klesskift i barnehagen. Sjekk ofte korgene, og oppdater dei for manglande (og for små) kle. Ha alltid kle for rett årstid(er) liggande i garderoben. Praksisbarnehage: Barnehagen har avtale med Høgskulen, og vi har jamleg studentar frå barnehagelærarlinja i praksis.

19 Samarbeid med barnevernet Samarbeid for å sikre gode oppvekstvilkår for alle barn. Ei viktig oppgåve til barnehagen er å oppdage born som opplever omsorgsvikt av foreldre/føresette eller bur i familiar der rus pregar kvardagen. Barnehagen skal alltid handle ut i frå det beste for borna! Dersom det er mistanke om omsorgsvikt eller ein er uroa for eit barn vert dette meldt til barnevernet. I tilfeller der det ikkje er mistanke om vald eller seksuelle overgrep, skjer dette etter samtale med foreldra. Det er barnevernet som gjer vidare undersøkingar og vurderer om tiltak skal setjast i verk For å bli betre til å oppdage dette er auka kunnskap viktig. Dei barnehagetilsette skal bli flinkare til å sjå etter teikn, sjå endra åtferd og bli tryggare på korleis ein skal gå fram når ein skal ta den vanskelege samtalen med foreldra. Siste åra har barnehagane vore med på eit tverrfagleg prosjekt med andre instansar i kommunen (barnevern, NAV, lege, helsestasjon) for å betre samarbeidet og få gode rutinar. Alle som arbeider i barnehage har meldeplikt etter Lov om barnevern 6-4 og Lov om barnehage 22.

20 Personalet Anne Elisabeth Grashoppene Anne Marte Rumpetrolla Atle Barkebiller Bente Iren Rumpetrolla Kristin Støttepedagog Einar Magne Styrar Astrid Spesialpedagog Jimmy Grashoppene Kari-Anne Skrukketrolla Gunn Margrete Skrukketrolla Hilde Beate Grashoppene Isabell Skrukketrolla Lisbet Støttepedagog Joanna Reinhaldar Line Kristin Barkebiller Linda-Iren Rumpetrolla Marie Rumpetrolla Merete Kristin Rumpetrolla Siw Janne Fast vikar Thomas Barkebiller Tor Vaktmeister