SAMLA SAKSFRAMSTILLING

Transkript

1 Side 1 SAMLA SAKSFRAMSTILLING Arkivsak: 09/ /10 Saksbeh.: Arkivkode: Saksnr.: Utval Møtedato 23/10 Formannskap/ plan og økonomi /10 Kommunestyret Berit Marie Galaaen PLAN soneinndeling SAMLA SAK - VODL HYTTEFELT - REGULERINGSPLAN Administrasjonen si innstilling: 1. I medhald av plan- og bygningslova godkjenner KST detaljreguleringsplan for Vodl hyttefelt, plankart og føresegner sist revidert sign Arkitektbruket ans. Formannskap/ plan og økonomi den sak 23/10 Behandling i møte: Møtet kjende repr. H.-E. Ringkjøb ugild. Administrasjonen si innstilling vart samrøystes tilrådd. Saksordførar: Leif Arne Vangsnes Tilråding: 1. I medhald av plan- og bygningslova godkjenner KST detaljreguleringsplan for Vodl hyttefelt, plankart og føresegner sist revidert sign Arkitektbruket ans. Saksordførar: Leif Arne Vangsnes Kommunestyret den sak 25/10 Behandling i møte: Møtet kjende repr. H. E. Ringkjøb og T. Nordli Ødegård ugilde. Repr. Leif Arne Vangsnes la fram saka på vegne av utval for formannskap/plan og økonomi. Tilrådinga frå utval for formannskap/plan og økonomi vart samrøystes vedteken. Vedtak: 1. I medhald av plan- og bygningslova godkjenner KST detaljreguleringsplan for Vodl hyttefelt, plankart og føresegner sist revidert sign Arkitektbruket ans.

2 Side 2 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. * Revidert Planframlegg Arkitetktbruket ans *Udatert Fråsegn Bjørn og Laila Liseth. Eigar av gnr. 320, bnr. 21. * Fråsegn Lilly Ertkjern. Eigar av gnr. 320, bnr. 20. * Fråsegn Hordaland Fylkeskommune strategi- og næringsavdelingen. * Fråsegn Frå hytteeigarar i eksisterande hyttefelt v/ Sjur Steimler. * Fråsegn Andelseigarane til gnr. 320/ 13, 16 og 17 v/ Per Aadland. * Fråsegn Oppheim Sokneråd v/ Leif Inge Hauge. * Fråsegn Statens vegvesen 3. SAMANDRAG AV SAKA: Detaljreguleringsplan for Vodl hyttefelt på Oppheim har vore ute til offentleg ettersyn. Arkitektbruket ans legg no fram planforslag til 2.gongs behandling. Arkitektbruket ans v/ sivilarkitekt Sigbjørn Dugstad, fremjar reguleringsplanen på vegne av tiltakshavar Håkon Dregelid. Føremålet med planarbeidet er å leggja til rette for 5 nye tomter for frittliggjande fritidsbustadar innanfor eigedomsgrensa med tilkomst, parkering og VA. Hyttefeltet grensar mot eksisterande hytteområde på nordsida av Oppheimstunet Fritidssenter. Det kom inn 7 fråsegn til planforslaget ved offentleg ettersyn. Administrasjonen rår til at detaljreguleringsplan for Vodl hyttefelt vert godkjent. 4. FAKTA OM SAKA: Det vart halde oppstartsmøte om planarbeidet den Arbeidet vart, i samsvar med plan- og bygningslova, annonsert i avisa Hordaland den , og det vart sendt varselbrev, datert , til aktuelle offentlege instansar og til grunneigarar og naboar i området. Det kom inn 9 merknadar/fråsegn til oppstartsvarselet. Vedtak i FPL sak 108/09 om utlegging til offentleg ettersyn Frist for merknader ved offentleg ettersyn Det kom inn 7 fråsegn etter offentleg ettersyn. Hyttefeltet er med i kommuneplanen for Voss Tiltakshavar: Håkon Dregelid Reguleringsframlegget er utarbeidd av: Arkitektbruket ans v/ sivilarkitekt Sigbjørn Dugstad

3 Side 3 Eigedom som inngår i reguleringa: gnr 320 / bnr 2 Det skal ikkje vere køyreveg heilt fram til fritidshusværa. Tilkomst til feltet er ved privat veg som har avkøyrsle frå Oppheimsvegen. Denne vegen er kalla FA2 i tilgrensande reguleringsplan for Oppheimstunet Fritidssenter. Tilkomsten er vidare over parkeringsplass FP3 i same plan. Vegrett er sikra gjennom avtale med grunneigarar til gnr.318, bnr.3 og gnr.318, bnr bilparkeringsplassar for dei 5 tomtene er på innregulert parkeringsplass P1. Her er og 6 plassar regulert inn som erstatning for parkeringsplassar som gnr. 318, bnr. 49 mistar når tilkomstveg går over deira parkeringsplass FP3 i reguleringsplanen for Oppheimstunet Fritidssenter. Totalt skal det vera minimum 14 bilparkeringsplassar på P1. I tillegg er det regulert inn 2 bilparkeringsplassar langs Oppheimsvegen. Dette for å rydde opp i den villparkeringa som er langs denne vegen, og særleg på store utferdsdagar. I tillegg til å få ordna bilparkeringstilhøve for hytteeigarar i området med tinglyst parkerings i dette området. Det har vore vurdert eit alternativ med egen vegtilkomst på eigedomen. Terrenget er til dels bratt og det må gjerast store terrenginngrep. Den vegen vil kunne gi tilkomst for eksisterande hytter og, men da må det verta eit felles tiltak for alle eigarane i området. Tiltakshavar ynskjer no primært å få løyst tilkomst og parkering i samanheng med Oppheimstunet fritidssenter. Veg fram til parkeringsplass må planleggjast slik at den kan brøytast på vinteren. Eksisterande traktorveg inne i hyttefeltet skal brukast som transportveg under bygging av dei nye fritidshusværa. Terrenget der fritidsbustadane er planlagt hellar mot sør. Friluftsområdet mot Oppheimsvegen hellar mot aust. Området er skogkledd med i hovudsak lauvskog. Høgdeskilnaden innafor planområdet er ca 25 meter. Frå nivå 360 til nivå 385 moh. Planområdet har eit samla areal på 14 da. Planområdet er inndelt i fylgjande føremål etter plan- og bygningslova: Byggjeområde, Ledd nr. 1 - Område for frittliggjande fritidsbustader Samferdsleanlegg og teknisk infrastruktur, Ledd nr Kraftlinje med omsynssone fare Felles parkeringsplass 3. Innafor området kan det byggjast uthus / båshus. LNF-føremål, Ledd nr. 5 - Friluftsområde. Fritidsbustadane skal knytast til offentleg vass- og avlaupsanlegg. Området er eit hyttefelt med frittliggjande og spreidd bygnad. Leik føregår på eigne tomter og i friluftsområdet mellom hyttetomtene.

4 Side 4 Det går turstiar og skiløyper innover Oppheimsdalen. Dalen er eit mykje brukt turområde. Ingen av tomtene er så bratte at det gjev store terrengutslag. Området er skogkledd og ingen bygningar vert liggjande profilert mot horisonten. Området har ein del knausar med fjell i dagen. Området elles har ei helning på mellom 1:3 og 1:5. Her er ingen fare for ras eller utgliding. 5. ADMINISTRASJONEN SI VURDERING: Det har kome 7 skriftlege merknader til planframlegget i samband med offentleg ettersyn. Bjørn og Laila Liseth. Eigar av gnr. 320, bnr. 21. Har spørsmål om det vil kome eit fysisk skilje som gjerde e.l. mellom fellesområde og deira eigedom. Gjerde i grenser til planområdet må løysast som ein privatrettsleg avtale mellom involverte partar. Det vert ikkje tatt inn i planframlegget. Innafor planområdet er det ikkje tillat å setja opp gjerde rundt eigedomane. Er samd i kommentar frå planleggjar. Lilly Ertkjern. Eigar av gnr. 320, bnr. 20. Har spørsmål om bygging inntil kraftleidning, om kvar hytteeigarar skal parkera, om gangveg/sti til hyttene og om plassering av nye tomter. Ein får svar på dei fleste spørsmåla i planframlegget. Når det gjeld kraftleidningen kan det ikkje byggjast bygningar i restriksjonssona. Det er knyta spesielle reglar for bygging inntil restriksjonsområde. Som planleggjar seier kan det ikkje byggjas bygningar i restriksjonsområdet. Dagens hytteeigarar skal parkere etter dei avtalar og rettar som dei har, eller det vil verta inngått nye avtalar mellom hytteeigar og grunneigar om ny parkering. Fleire vil sikkert få tilbod om betre parkering i dei nye regulerte parkeringsplassane. Det er lagt opp til at hytteeigarane skal gå til hyttene sine. Når det gjelder plassering av tomter og forholdet til eksisterande hytter har det vore eit hovudtema i planarbeidet, så det har vorte ivareteke på ein profesjonell måte. Hordaland Fylkeskommune strategi- og næringsavdelingen. Merknad: Har ikkje kjennskap til automatisk freda kulturminne i planområdet. Har ingen vesentlege merknader til planframlegget. Dersom det i samband med gravearbeid likevel vert gjort funn av fornminne skal arbeidet straks stansast og det skal meldast til fylkeskonservatoren. Ber om at nemnde atterhald vert tatt inn i reguleringsføresegnene.

5 Side 5 Kravet om stans i gravearbeidet ved funn av fornminne er tatt inn som eige punkt ( pkt. 5) i reguleringsføresegnene. Planforslaget er endra i tråd med fråsegn frå Hordaland fylkeskommune og administrasjonen er samd i at det vert gjort. Frå hytteeigarar i eksisterande hyttefelt v/ Sjur Steimler. Pkt. 1: Ber om at parkeringsplass P2 vert utvida til 18 plassar. 1 parkeringsplass pr. eksisterande hytteeigar. Det vert tatt inn i planframlegget. Dei fleste av dei 18 hytteeigarane har tinglyst rett til parkering på gnr. 320/2 langs Oppheimsvegen Med planframlegget som grunnlag vil dei eksisterande hytteeigarane som ikkje har denne retten få tilbod om tinglyst parkeringsplass i P2-området. Pkt. 2: Ber om at tilkomst til eksisterande hyttefelt vert sikra gjennom tinglyst vegrett over legatet / soknerådet sin veg.(gnr. 318/3). Viser til merknad nr. 6. Tiltakshavar vil oppretta avtale med eksisterande hytteeigarar om rett til gangveg over gnr. 318/3. Alle eksisterande vegrettar over eigedom gnr. 320 / 2 gjennom planområdet vil vera gjeldande. Pkt. 3: Ber om at tomt 4 vert justert slik at eksisterande stiar vert ivaretatt og at etablering av nye stiar i området minst vil oppretthalda noverande standard eller betre. Plassering av tomt 4 kan ikkje justerast. Den er plassert slik for å vera byggjbar. Eksisterande sti gjennom området er flytta ca meter sidevegs i ei samla lengde på ca 65 meter. Den vil verta opparbeidd av tiltakshavar og vil få høgare standard en noverande sti. Pkt. 4: Eigar av gnr. 320 / 6 og 15-Torill Flataker Bø- ber om at eksisterande vegrett vert oppretthalden eller alternativt at eigedomen får 2 tinglyste parkeringsplassar med vegrett. Det vert tatt inn i planframlegget. Med planframlegget som grunnlag kan eksisterande hytteeigar få tinglyst rett til 2 parkeringsplassar i P2-området. For vegrett viser ein til pkt. 2. Planforslaget er no auka med 8 plassar på P2 området. Det sikre då minst 1 parkeringsplass for kvar eksisterande hytte. Administrasjonen er positiv til det og går inn for endringa. Det meste av fråsegna dreier seg om privatrettslege avtalar. Kommunen er ingen part i slike avtalar. Men når det leggast fram nye planar må ein sikre at krav til parkering og tilkomst vert løyst på ein god måte, og kan ein i planprosessen rydde opp i problema som er i området frå før, er det veldig bra. I og med at planforslaget no har regulert inn tilstrekkelig med parkeringsplassar både for nye og eksisterande hytteeigarar meiner administrasjonen at det er tilfredstillande. Korleis avtalar vert oppretta mellom

6 Side 6 grunneigar og hytteeigar er privatrettsleg. I gamle hyttefelt er det ikkje bestandig at alle har rett til parkering. Planforslaget som no legg til rette for at alle kan få ein parkeringsplass vil betre situasjonen for området. Samtidig vert det lagt til rette for ålmenta parkering, som det og er stort behov for. Når det gjeld vegrettar er administrasjonen samd i planleggjar sine kommentarar. Andelseigarane til gnr. 320/ 13, 16 og 17 v/ Per Aadland. Peikar på at dei har kjøpt biloppstellingsplass av tidlegare eigar innafor planområdet langs Oppheimsvegen. Dei har også avtale om vegrett over gnr. 320 / 2. Det vert tatt inn i planframlegget. For vegrett viser ein til kommentar til merknad nr.4 pkt 2. Når det gjelder deira parkeringsplass vil den verta stadfesta gjennom planen som seier at kvar eksisterande hytteeigedom skal ha 1 parkeringsplass. Det er regulert inn nok plassar i planforslaget. Når det gjeld vegrett over eigedom 320/2 vil alle eksisterande vegrettar over eigedomen gjennom planområdet vera gjeldande. Det er privatrettslege avtalar. Slik administrasjonen ser det er deira ynskje/krav oppfylt i planframlegget slik det no ligg føre. Oppheim Sokneråd v/ Leif Inge Hauge. Stadfestar at tiltakshavar til planframlegget får kjøpa tilkomstvegen til planområdet. Gnr. 318/3. Statens vegvesen Har ingen merknader til planframlegget. Oppsummering: Dei fleste merknadane går på korleis eksisterande avtalar og rettar vert ivareteke i den nye reguleringsplanen. Og det meste går på parkeringsforhold og vegrettar. Administrasjonen er kjent med at trafikken langs Oppheimsvegen i dag er kaotisk i vintersesongen. Administrasjonen meiner at situasjonen vil verta mykje betre når det no er lagt til rette for parkeringsplassar for både Oppheimstunet fritidssenter, for dei 5 nye hyttene, dei eksisterande hytteeigarane og ålmenta langs vestsida av Oppheimsvegen, inne på eigedom gnr 320/bnr 2. Det vil vere ei god løysing som tek opp i seg retningslinjene i kommuneplanen om at tilgjenge for ålmenta må takast omsyn til. Administrasjonen har peika på at det må leggjast stor vekt på landskapstilpassing, fjernverkning, formspråk og utbyggingsmønster. I og med at det nærmast vert fortetting av eksisterande hytteområde er det viktig å forholda seg til eksisterande omgjevnad/hytter. Administrasjonen meiner forslaget er gjennomarbeida når det gjeld korleis hyttene vil ligge i forhold til kvarandre, og det vert sikra gjennom detaljerte føresegner. Dei nye fritidsbustadane skal kople seg på det offentlege VA anlegget. Det går ein offentleg vassleidning gjennom området opp til høgdebasseng nord for området. Dette er ein eksisterande leidning som ein må ta omsyn til ved planlegging. Offentleg kloakkledning stopper på nedsida av Oppheimstunet fritidssenter (tidlegare gamleheimen). Dei nye fritidsbustadane og eventuelt dei eksisterande hyttene i området må gå saman om eit felles fordelingsnett både for vatn og kloakk. Kravet i planen er at det vert løyst for dei 5 nye fritidsbustadane. Det er krav om at ein godkjent VA-konsulent lagar plan for det private VA anlegget for hyttefeltet og tilkoplingspunkt må avklarast

7 Side 7 med VA-plan i kommunen. Det er eit mål om å få skifte eksisterande vassleidning i området for å auke kapasiteten. Kapasiteten på leidningen er stor nok for at dei 5 nye einingane kan kople seg på. Denne reguleringsplanen vil no grense inntil godkjent reguleringsplan for Oppheimstunet fritidssenter. Det gjer at dei 5 nye hyttene i denne planen må nytte same veg som ein del av Oppheimstunet fritidssenter. Tilkomsten til parkeringsplassen til dei 5 hyttene må skje over regulert parkeringsplass for Oppheimstunet. Administrasjonen meiner at løysinga som syner kor mange parkeringsplassar det vert totalt og kor mange som skal tilhøyre dei ulike hytteområda er tilfredstillande. Administrasjonen ser og positivt på at avtalen om vegrett over 318/3 er stadfesta i eit fråsegn til planen. Det er ein føresetnad for gjennomføring av planen at dei privatrettslege avtalane vert inngått. I kommuneplanen står det at grunnforhold må undersøkast nærare, men det er avklart at det ikkje er aktuelt for denne eigedomen. Det er ikkje rasfare i område så langt ein veit. Det er slått fast at det er vurderingane i kommuneplanen som er feil. Same grunneigar har derimot ein anna eigedom 320/5 som er i rasfareområde med utgliding av jordmassar. Konklusjon: Administrasjonen rår til at detaljreguleringsplan for Vodl hyttefelt vert godkjent.