MØTEPROTOKOLL LM U 03/2016 Dialogmøte mellom Læringsmiljøutvalet og AKF

Transkript

1 MØTEPROTOKOLL LM U 03/2016 Dialogmøte mellom Læringsmiljøutvalet og AKF Møtedato: kl. 13:15 14:30 Møtestad: Møterom BK 220 Arkivsak: 15/01198 Møtt: Frå AKF Administrasjon: Gunn Marit Lid, Aud Marit Sofie Wigg Seksjonsleiarar: Karen Brænne (Kunst og handverk), Ivar John Erdal (Media, IKT og design), Øystein Salhus (Musikk). Studentar: Mats Bjørnstad (Naturguide/ Friluftsliv), Gabriela Aas Vestre (Kunst og handverk) Frå LMU David Fiskaa, Joanna Antoniak, Marit Holstad Aarsæther, Leif Roar Strand, Anne Øie, Ingunn Blindheim, Eli Anne Løksa Frå 14:00 - Lisa Kalvø, Maria Kaldhussæter 1

2 SAKLISTE Saksnr Sakstittel Side Vedtakssaker 7/16 Godkjenning av innkalling - LMU 03/ /16 Dialog om læringsmiljøspørsmål - møte mellom AKF og LMU 29. februar /16 Ymse - LMU 03/ /16 Godkjenning av innkalling - LMU 03/2016 Læringsmiljøutvalet har behandlet saken i møte sak 7/16 Vedtak Innkalling til møtet vert godkjent utan merknader. Vedtak Innkalling til møtet vert godkjent utan merknader. [Lagre] [Lagre endelig vedtak] Votering 2

3 8/16 Dialog om læringsmiljøspørsmål - møte mellom AKF og LMU 29. februar 2016 Framlegg til vedtak 1. I møtet har ein diskutert sentrale læringsmiljøtema, og kartlagt område ein bør arbeide vidare med. 2. Nødvendige tiltak er peika ut og ansvaret plassert. Gangen i møtet I møtet gjekk ein gjennom spørsmåla som var sett opp på førehand. Det som kom fram i møtet vert presentert saman med spørsmåla, for å vise samanhengen. 1.0 Studentservice 1.1 Er avdelingsadministrasjonen lett tilgjengeleg for studentar? Det er ingen skranke, men ein har opne dører i arbeidstida, og sit samla og lett tilgjengeleg. Erfaringa viser at studentane oftast tek opp problem med lærarane sine. 1.2 Korleis syter avdelinga for at studentar/ søkarar får eintydig og relevant informasjon om studiet? Studieinformasjon vert vanlegvis gitt på nett, og gjennom samtalar og e-post med søkjarar som tek kontakt. Studentane får informasjon gjennom Fronter og e-post. 1.3 Har avdelinga mottatt klager på forhold knytt til læringsmiljø? Ein del vert fanga opp gjennom vernerundar, når studentar og tilsette nyttar same lokale. Det er noko misnøye med kapasiteten på bandrom, sidan ein treng lydtette rom. Innerst i idrettsbygg-kjellaren er det dårlege tilhøve for lyd, og for toalett. Studentane bør bli oppmoda om å melde problema inn, t.d. gjennom Fagutval. Uformelle kanalar gjer at informasjonsflyten stoppar opp, så problema ikkje blir meldt til dei som kan gjere noko. 2.0 Utdanningssamtale/ rettleiing om studieløp 2.1 Får alle studentar som har rett til det, tilbod om utdanningssamtale? Alle dei fleirårige studia har tilbod om utdanningssamtale, vanlegvis ved å skrive seg på lister. På MID er det knytt opp mot rettleiing på oppgåve og val av fordjuping. Kunst og handverk har betre erfaringar med ganske ope tilbod om samtalar Korleis inviterer de til utdanningssamtale, og sikrar de at dette ikkje kolliderer med obligatorisk undervising? Ja, ein sikrar at det ikkje er kollisjon. Jf. elles førre punkt. 3

4 2.2 I kor stor grad nyttar avdelinga den individuelle utdanningsplanen til studenten i utdanningssamtalar? Der det er rom for val, er dette grunnlag for samtalen. 2.3 I kor stor grad legg de til rette for val av emne på tvers av avdelingane i valfrie delar av utdanninga? Ved AKF har ein bygd opp studia med høve til å ta støttefag, og i år har ein hatt informasjonsmøte der ein presenterte alle emne ein kunne velje innafor avdelinga. Tilsvarande informasjon om andre moglege val vert vanskeleg, sidan det fort vert svært omfattande. Men ein ser at nokre val er vanskelege, fordi emne byggjer på kvarandre. Dette gjeld særleg emne som vert tilbode om våren. Med dei nye opptakskrava til PPU (180 studiepoeng i eitt fag) må ein no tenkje nytt, og reindyrke faga meir i bachelorstudia. 2.4 Forbetringspotensial? Ein ser at ulike arbeidsmåtar og opplegg gjer det vanskeleg å få fleksibilitet på tvers. Ein arbeider med å få til ein master i praktiske/ estetiske fag. 3.0 Tilrettelegging og universell utforming 3.1 Kva tiltak er gjort for å få meir universell utforming av studia? Døme: Val av lokale og verktøy i undervisninga Val av vurderingsformer, t.d. vurdering av digitale løysingar Lett tilgjengeleg materiell frå forelesingane Konsekvent bruk av mikrofon Teknisk gode kompendium Varierte læringsformer AKF har mange spesialrom, som ikkje har standard «grunnutrusting», t.d. mikrofon. Rom av denne typen vert utstyrt med avdelinga sine eigne midlar, eller gjennom investeringsmidlar. Avdelinga melder eit problem med å måtte velje mellom nødvendig spesialutstyr til undervisinga, og utstyr som vil gjere roma meir universelt utforma. Det er ikkje midlar til særleg utstyr som er nødvendig i studiet, og dette må ein difor søkje om å få som investeringsmidlar. LMU sin representant frå drift meiner det er viktig å skilje dei ulike behova når ein søkjer om investeringsmidlar, så det klart går fram kva som er til dei enkelte studia, og kva som gjeld universell utforming. Det kom framlegg om at ein bør ha overordna retningslinjer for minimumsutrusting også i spesialroma, t.d. at store rom skal ha mikrofon. Ein har justert innhaldet i studium for å gjere det meir universelt utforma, t.d. gjennom å seie at ein fjelltur ikkje er obligatorisk. 4

5 3.2 Har de samarbeidsrutinar knytt til tilrettelegging og rådgjeving for studenten? Ein kjenner ikkje studentane sine behov i starten, men prøver å vere på tilbodssida i møte med dei. Avdelinga tilbyr kurs «Frå elev til student» ved studiestart. Då ber ein til slutt om at dei som har særlege behov tek kontakt, for å få avklart behov for tilrettelegging. Ein er opptatt av at slike behov kjem fram tidleg. Ein har gode erfaringar med møte om felles møte med rettleiar og rådgivar om dei tilretteleggingssakene som dukkar opp. Informasjonen i slike saker flyt bra, sidan avdelinga er lita og oversiktleg. 3.3 Forbetringspotensial? Ein ynskjer å få på plass mikrofon i alle (større) rom, og opplegg for teleslynge. 4.0 Lærings- og bibliotekressursar 4.1 Korleis sørgjer avdelinga for at alle studentar får opplæring i bruk av kjelder? Kjelder og referansar er tema på emna, og ein viser til biblioteket sine nettsider og kurs. Det er generelt aukande kunnskap om dette hos nye studentar. 4.2 Korleis sørgjer avdelinga for at alle studentar får opplæring i studieverktøy (t.d. Fronter og andre digitale verktøy)? Ein nyttar Google+ på MID og andre studium, og underviser då i bruk av dette først. Musikk har obligatoriske kurs, medan Kunst og handverk har tilbod om kurs. 4.3 Har avdelinga registrert misnøye med lokale, t.d.: kapasiteten på grupperom/ arbeidsplassar inneklima, lys, lyd e.a. Det er nokre problem knytt til spesialrom; Spesialrom for arbeid med leire har dårleg luft «Mellomromet» har dårleg luft og heller ikkje vindauge Det er for få bandrom Det vart informert om at all ventilasjon er skrudd av frå 17.00, og at ein må melde frå til drift dersom det er særleg behov ut over dette. Det kan t.d. vere knytt til periodar med kveldsjobbing, konsertar og framføringar. 5

6 4.4 Har avdelinga rutinar for å sikre god bruk av pedagogisk verktøy (til dømes teknisk utstyr), og gjeld dette i så fall også gjesteforelesarar? Ein kan supplere med spørsmål vinkla mot den enkelte avdelinga (studiespesifikt utstyr, læremateriell, romsituasjon ) Ein har ikkje eigen rutinar for dette, men gir opplæring til studentar og tilsette styrt av behov og tema i studia. Kunst og handverk har mykje spesialutstyr og verktøy, som ein må bruke rett for at det skal vere sikkert. HMS-ansvaret ligg hos ein tilsett som er verkstads-ansvarleg, og regulerer mellom anna kor store studentgruppene kan vere. 5.0 Studiemiljø 5.1 Er det registrert mobbing, og vert det i så fall gjort noko med det? Ein har ikkje registrert mobbing, men ville i så fall teke kontakt med rådgivar i samskipnaden og rådført seg. Gruppearbeid kan vere utfordrande, spesielt for Kunst og handverk, der faget delvis handlar om personlege og individuelle utrykk. 5.2 Er det registrert rusproblem, og vert det i så fall gjort noko med det? Ein har hatt saker der ein har snakka med studentane om rus, og då på så lågt nivå som mogleg. 5.3 Opplever studentar og deira tillitsvalde at dei har reell innverknad på organisering av undervisning/ undervisningsformer og studentretta arbeid? Studentane melder at dei opplever dei fagtilsette som lydhøre, dei har reell innverknad. Studentane vert oppmoda om å seie frå om dei ikkje er nøgde. Men endringar i faginnhaldet kjem ofte forseinka, sidan det tek tid å endre planane Kor tilgjengeleg er forelesarane for studentane? Dei opplever sjølve at dei er opne og innstilt på å yte sørvis. 5.5 Kva tiltak gjer avdelingane for samarbeidsklimaet, både mellom studentar og i høve til forelesarane? Dette opplever ein fungerer, utan særlege tiltak. 5.7 Kva tiltak gjer ein for å sikre at arbeid i studentgrupper skal fungere? Det går stort sett greitt, men utfordringar ved Kunst og handverk. Jf. punkt Har de varslingssystem for å registrere misnøye/ innspel? Her viser ein til fagutvala, som kanal for å fange opp problem. Dette vert sendt vidare som del av Kvalitetssystemet, og ein risikerer å generalisere vekk problem på studienivå når ein skal løfte det vidare i systemet. Ideelt sett skal rapportane både få fram konkrete problem og sjå dei store linjene. Det er ukjent at STiV vil ha tilsendt referat frå møta i fagutvala, og ein må sjå på rutinane rundt dette. 6

7 6.0 Anna 6.1 Jobbar de bevisst med læringsmiljø i arbeid med studie- og emneplanar? Dette er innbakt i arbeidet med faga, ut frå erfaring med kva som bidreg til godt læringsmiljø. 6.2 Jobbar de bevisst med universell utforming i arbeid med studie- og emneplanar? Det vart diskusjon om kva dette handlar om, men flest mogleg skal kunne følgje studiet utan behov for tilrettelegging. I tillegg vart det peika på nokre sentrale punkt: Varierte lærings- og vurderingsformer Tydeleg informasjon til søkjar og student om basiskrav i studiet, om ein nyttar særlege metodar eller verkty osb. Ein søkjar skal skjøne kva som er kjernen i studiet. Gode læringsmål vil hjelpe. Det bør gå fram om ein vil trenge ferdigheit som ikkje går fram av kravet om generell studiekompetanse. Døme: Må ein kunne/ lære notar, gjennomføre fysisk krevjande turar, symje, ha god finmotorikk osb. Det vil ikkje vere mogleg å sjå på førehand alle variantar av utfordringar ved ulike funksjonsnedsettingar, så det vil framleis vere behov for tilrettelegging. 6.3 Har de andre kommentarar eller innspel? - Vedtak 1. I møtet har ein diskutert sentrale læringsmiljøtema, og kartlagt område ein bør arbeide vidare med. 2. Nødvendige tiltak er peika ut og ansvaret plassert. [Lagre] [Lagre endelig vedtak] 9/16 Ymse - LMU 03/2016 Det vart ikkje meldt saker under ymse. 7