VURDERINGSRAPPORT ÅGOTNES SKULE

Transkript

1 VURDERINGSRAPPORT ÅGOTNES SKULE Tema: KLASSELEIING med fokus på reglar og rutinar Vurdering veke 14: 30.mars 02.april

2 1 FØREORD Regionalt samarbeid om vurdering og kvalitetsutvikling Fjell, Øygarden og Sund (FØS) har etablert eit samarbeid om ekstern skulevurdering; med start våren I dette samarbeidet er økonomiske og personlege ressursar samla og nytta på tvers av kommunegrensene på ein god og effektiv måte. Ut frå forskrift 2-1- knytt til Opplæringsglova 14-1, fjerde ledd: Skulen skal jamleg vurdere i kva grad organiseringa, tilrettelegginga og gjennomføringa av opplæringa medverkar til å nå dei mål som er fastsette i den generelle delen av læreplanen og dei enkelte læreplanane for fag. Kommunen har ansvar for å sjå til at vurderinga blir gjennomført etter føresetnadene. I Opplæringsslova 13-10,2.ledd heiter det også: Kommunen skal ha eit forsvarleg system for vurdering av om krava i lova og forskriftene blir oppfylte. Det vart i 2007 vedteke av skulesjefane/skulefagleg ansvarlege i FØS at det skulle etablerast eit vurderingsnettverk i regionen. Mål: Ei vurderingsgruppe på tvers av kommunegrensene skal vera til hjelp i arbeidet med pedagogisk kvalitetsutvikling i skulane. Føremålet er mellom anna: Knyta saman god praksis i regionen. Vedkjenna oss at skulen både treng, og kjem til å få «auge utanfrå». Nytta ekstern hjelp i vurderingsarbeidet og utvikla vurderingskompetanse. Oppfylla kravet i Opplæringslova om kommunane sitt ansvar for å sjå til at skulane jamleg vurderar si eiga verksemd. Kven er vurderar? 15 personar i regionen er medlemmer i vurderingsnettverket. Dei har brei og variert pedagogisk bakgrunn, og skal vurdera dei 31 grunnskulane i regionen innan 3 år, dvs. om lag 10 skular for kvart skuleår. 2-3 medlemar frå nettverket gjennomfører vurdering på ein skule, og ingen vurderer skular i eigen kommune. Om prosessen Skulen vel eit fokusområde for vurdering, i samråd med skuleeigar. Fokusområdet må ha utviklingspotensiale. Fokusområdet vert meld inn til prosjektkoordinator. Vurderarane førebur sjølve vurderinga gjennom eit samarbeid med skulen, med utarbeiding av kriterium, og metodeval og verktøy tilpassa det området skulen ynskjer fokus på. Skulevitjing med kartlegging, observasjon og samtalar. Vurderinga vert gjennomført. Våren 2009 vil vurderinga verta gjennomført i veke 14. Rapporten Vurderarane skriv rapport om resultatet av vurderinga. Rapporten trekkjer både fram verksemda sine sterke sider innanfor vurderingsområdet, og kva utfordringar skulen har framover. Den gjev også informasjon om rammene for vurderinga tidsbruk, metodeval, verktøy m.m. 2

3 Vurderinga tek ikkje mål av seg til å gje eit fullstendig bilete av skulen, men kanskje eit bidrag til kva ein skal arbeida vidare med innan det fokusområdet som er vurdert. Det er eit ynskje at dei reiskapar og metodar som har vore nytta, kan overførast til det interne vurderingsarbeidet skulen årleg arbeider med. Rapporten vert gjort offentleg på kommunen si web-side om lag ein månad etter at den er lagt fram for skulen og skuleeigar. 2 FAKTA OM SKULEN Ågotnes skule er ein kombinert barne- og ungdomsskule på Ågotnes i Fjell kommune, ein halv times køyretur frå Bergen sentrum. På Ågotnes ligg oljeforsyningsbasen CCB med kring arbeidsplassar. Ågotnes-området har stor tilflytting av folk, og elevtalet på skulen er aukande. Skuleåret har skulen 230 elevar på barnesteget og 250 elevar på ungdomssteget, til saman 480 elevar. På skulen arbeider det 51 lærarar, 1 sekretær, 1 vaktmeister, 5 reinhaldarar, 1 leiar SFO, 5 barne- og ungdomsarbeidarar, 5 assistentar og 1 lærling. Elevane på barnesteget kjem frå gardane Eide, Kårtveit og Ågotnes. Ungdomsskuleelevane kjem frå Misje, Landro, Knappskog og Ågotnes skular. Skulen sto ferdig til skuleåret 1981/82 og vart påbygd i 1994 og i 2005/2006. Frå skuleåret vert det teken i bruk ny ungdomsskule for Store-Sotra. Då vert Ågotnes skule gjort om til rein barneskule for klasse. Skulen ønskjer å vere ein HEFRES-skule. Dette tyder at skulen prioriterer arbeidet med helsefremjande tiltak både for barn og vaksne. Det kjem mellom anna fram i formuleringa av skulen sin visjon: Ågotnes skule skal vera ein helsefremjande skule der det vert lagt vekt på helse og trivsel for store og små. Vi ynskjer eit trygt læringsmiljø der opplæringa er tilpassa den einskilde elev. Solide basiskunnskapar skal gje grunnlag for vidare kunnskapstileigning. Skulen har eigen elevkantine, 25-meters symjebasseng, tilgang til idrettsanlegg og idrettshall med klatrevegg og eit variert uteområde med skog, sjø og vatn i gangavstand frå skulen. Skulen er også øvingsskule for Høgskulen i Bergen og tek imot grupper av lærarstudentar i periodar av skuleåret. I arbeidet mot mobbing deltek Ågotnes skule i Olweus-programmet. Skulen har teke i bruk den nye, digitale læringsplattforma It s Learning. Etter kvart vil elevane kome på nett med klassen og læraren sin og få sitt eige område å jobbe opp mot både på skulen og heime. 3

4 3 VURDERINGSTEMA Skulen har bede om vurdering på følgjande tema: KLASSELEIING med fokus på reglar og rutinar ved Ågotnes skule God klasseleiing heng saman med lærarferdigheiter som bidrar til å skape produktiv arbeidsro i klassar og skjermar aktivitetane mot indre og ytre forstyrring. Innarbeidinga av reglar og rutinar er proaktiv læring, og er med på å skape respekt og tillit, samt ein trygg og forutsigbar kvardag for elevane. I denne vurderinga skal vi hovudsakleg sjå på skulen sin felles praksis av reglar og rutinar. Arbeidet med å utvikle, iverksetje og handheve reglar er ikkje berre viktig i høve til å kontrollere og disiplinere elevane, men er også viktig i arbeidet med å utvikle elevane sine sosiale evner, og for å bygge positive relasjonar mellom elevane, og mellom elevar og vaksne på skulen. For å byggje eit godt og trygt skule- og læringsmiljø er det viktig at heile skulesamfunnet samlar seg om nokre viktige prinsipp for bruk og praktisering av reglar. Desse kan ein bruke på skule-, klasse-, og individnivå. På Ågotnes har den eksterne vurderinga fokus på skulen sitt ordensreglement, samt klassereglar og anti-mobbereglar. Vi viser mellom anna til Utdanningsdirektoratet sitt rundskriv: UDir , om ordensreglementet i grunnskular og vidaregåande skular. 4

5 4 KRITERIUM/KVALITETSKRAV Kriterium tyder her krav til kjenneteikn på god kvalitet. Dei fastsette kriteria er henta frå lov, regelverk, rettleiingar, læreplanverk og skulen sine eigne planar. Når vurderarane gjennomfører ei vurdering, vert kriteria og teikn på god praksis jamført med den informasjon som er samla inn om temaet; gjennom intervju, observasjon o.a. på skulen. Kriteria speglar ønskje om å finna ut om kvar skulen står i dag med omsyn til vurderingstemaet. Kriterium i denne rapporten er utforma av vurderarane, og godkjende av skulen. KLASSELEIING med fokus på reglar og rutinar ved Ågotnes skule KRITERIUM Regelverket på skulen er oversiktleg og godt gjennomarbeidd Lærarane praktiserer og gjer elevane kjende med skulen sine ordensreglar og antimobbereglar TEIKN PÅ GOD PRAKSIS Skulen har eit tydeleg ordensreglement Skulen har tydelege klassereglar Skulen har plan for avdekking og førebygging av mobbing Skulen har ein tiltaksplan ein skal følgje når mobbing vert oppdaga Skulen har rutine på kva konsekvensar dei ulike regelbrota fører til Dei ulike aktørane i skulen er med på å utforme og endre reglane Administrasjonen involverer seg i oppfølging og utøving av felles reglar Reglane er diskuterte og gjennomgått ved skulestart Reglane er synlege i alle klasserom Reglane er korte, presise og tydelege, og tilpassa alderstrinna Elevane kjenner reglane som gjeld Reglane er godt innarbeidde i elevane og lærarane sin kvardag Elevane forstår kvifor reglane er naudsynte Lærarane set jamleg av tid til informasjon om, og repetisjon av, reglane Læraren er eit godt føredøme 5

6 Lærarane vektlegg arbeidet med klassereglar og klassemiljøarbeid Alle kontaktlærarar har utarbeidd klassereglar saman med elevane Desse reglane/rutinane er synlege i klasserommet Dei andre lærarane som underviser i klassen er gjort kjende med klassereglane Læraren vektlegg sosiale aktivitetar som bygg opp om klassemiljøet Læraren tar tak i, og bidrar til å ordne opp i, konfliktar i klassen Det er gode relasjonar mellom lærar og elevar Dei vaksne ved skulen følgjer opp inspeksjonsordninga for å sikre at elevane trivast i friminutta Elevane respekterer ordensreglementet, klassereglane og antimobbereglane Dei vaksne følgjer inspeksjonsplanen Dei som inspiserer er synlege med gul vest Vakta vert ikkje hefta på veg ut. Først ut sist inn. Lærarane som er i klasserommet sender elevane heilt ut, og låser klasserommet Administrasjonen har god oversikt, og sett inn vikarar dersom lærarar med inspeksjon er fråverande Det er felles praksis i utøvinga av reglar og konsekvensar også på uteområdet Elevane er trygge i eit godt klasse- og skulemiljø Elevane er godt kjende med, og følgjer reglane Ved regelbrot viser dei vaksne til reglane, og elevane rettar seg etter tilsnakk utan diskusjon Elevane viser høfleg framferd seg imellom, og i høve til vaksne Det er gode relasjonar mellom lærar/elev og elev/elev Elevane får positive tilbakemeldingar på god framferd 6

7 Skulen kommuniserer med heimen om ordensreglar, og brot og konsekvensar av desse Reglane vert sende heim ved skulestart Foreldra møter på foreldremøta, og har høve til å påverke eventuelle regelendringar Foreldra vert gjort kjende med konsekvensar av brot på reglane Heimen vert informert ved brot på reglane Foreldra følgjer opp konsekvensar av regelbrot Foreldra støttar skulen sine avgjerder Foreldra møter på foreldremøta og engasjerer seg i skulekvardagen Kontaktlærar har jamleg kontakt med dei føresette om utviklinga til eleven Skulen har felles praksis i høve til konsekvensar ved regelbrot Elevane kjenner til konsekvensar ved brot på reglane Elevane opplever at reglane vert handtert rettferdig og konsekvent av dei vaksne Alle dei vaksne på skulen får same informasjon om kva reglar som gjeld Dei tilsette ved skulen ser på reglane som viktige og tydelege Lærarane vektlegg felles praksis og samtalar om reglane Kollegiet er lojale og praktiserer reglane Skulen/administrasjonen støttar lærarane i møte med elev og foreldre, eventuelt andre instansar, når vanlege sanksjonar ikkje strekk til 7

8 5 DELTAKARAR I VURDERINGA Interne: - Alle elevane har fått høve til å uttale seg om temaet ved å fylle ut eit påstandsskjema. Dessutan har vurderarane intervju/samtalar med nokre tilfeldig utvalde grupper av elevar (frå 4., 7. og 8.kl). - Samtale med elevrådet på barnetrinnet og ungdomssteget. - Alle tilsette har fått høve til å fylle ut eit påstandsskjema. Samtalar med lærarane på dei tre nemnde trinna. - Påstandskjema til alle føresette. - Møte/samtale med FAU. - Samtale med administrasjonen. Eksterne: - Torbjørg Bakke frå Sund kommune - Nina Håvik Pettersen frå Sund kommune - (Annie Rysjedal frå Øygarden kommune) Grunngjeving for val av informantar Vurderarane måtte gjere eit utval av informantar, først og fremst fordi Ågotnes er ein 1-10 skule med høgt elevtal og mange klassar. Vi såg nærare på nokre klassar, og valde ut 4 klasse og 7 klasse fordi dei representerer byrjinga og slutten på barnetrinna. På grunn av praktiske årsaker med arbeidsveke og tentamen, såg vi på 8. trinnet på ungdomssteget. Dette ga oss likevel eit viktig innblikk i utfordringane på ungdomsskulen fordi elevane her kjem frå ulike krinsar. Arbeidet med å skape ei felles forståing for reglar og rutinar og det å skape eit klassemiljø, er difor svært sentralt på dette trinnet. For å få eit meir fullstendig bilete både i høve til elevane og lærarane sin kvardag, var det naturleg å ha samtalar med lærarane på dei same trinna, samt ein samtale med representantane i FAU. Vi hadde i tillegg daglege samtalar med administrasjonen, for å avklare spørsmål og utfordringar som dukka opp undervegs. 8

9 6 TIDSBRUK Det er avsett ei veke (5 arbeidsdagar) til å vurdera ein skule. Med i dette er også ein startdag der vurderarane møter skulen for fyrste gong - for avklaringar og planlegging. Møtet vert kalla Førehandsmøtet. Under sjølve vurderinga, er vurderarane på skulen i inntil 4 dagar. Skulen får rapporten siste dagen. I forkant og undervegs førebur vurderarane informasjon, metodar, verktøy og driv vurdering av informasjon og har oppsummeringar. Å gjennomføra ei kvalitetsvurdering på 3 dagar er knapp tid, og inneber ei avgrensing av vurderinga. Tidsplan Ågotnes skule. Eksternvurdering i veke 14 TID TILTAK ANSVAR Veke Veke 3 Frist for å melda inn vurderingstema Skulen - Møte om vurderingskriteria nettverket (14.01) - Avtale om førehandsmøte med rektor og personale Vurderarane - Gjennomgang og fordjuping i vurderingstema. Veke Gjorde ytterlegare avklaringar i tema - Lagde framlegg til kriterium og endeleg tidsplan - Koordinator hadde møte med rektorane om forventningar Vurderarane Koordinator Vurderarane møtte personalet/rektor ved skulen: , og Førehandsmøte: Samarbeid om utarbeidinga av glansbiletet Innan veke 9 Veke 11 seinast Informerte om metodebruk og kven vi ynskjer som informantar - Presenterte framlegg til kriteria og teikn på god praksis; dvs. glansbiletet - Sette frist for tilbakemeldingar om kriteria - Kom med ynskjemål til rektor om timeplan for vurderingsveka - Ba om relevant materiell frå skulen til bruk i vurderingsarbeidet - Skulen drøfta kriteria, men hadde ingen innspel til endringar - Sende ut påstandsskjema og avtalte tid for retur Vurderarane/ Rektor + kollegiet Vurderarane/ rektor 9

10 Veke 12 - Førebuingar: endeleg val av metodar, dokumentanalyse, observasjonsskjema, samtaleguidar og timeplan for vurderingsveka - Oppsummering av eventuelle påstandsskjema Vurderarane og admin. ved skulen Veke 14 Dato: Observasjon (tysdag og onsdag) intervju med personale (tysdag), elevar og leiing (måndag og tysdag) - Samtale med FAU og elevråd (tysdag) - Endeleg utarbeiding av rapport onsdag og torsdag. - Presentasjon torsdag kl. 13 (skulesjef og administrasjon) Kl (for dei tilsette) Alle 07.april Frist for skulen: innspel om faktiske feil Skulen sin frist for evaluering av vurderinga Skulen Før Endeleg rapport vert sendt skule/ kommune og vert lagt ut på nettet og its-learning Vurderarar, skule og kommune Innan 6 mnd Rektor rapporterer til skuleeigar om arbeidet med utviklingsområda Rektor 10

11 7 METODAR Tema og tid til rådvelde verkar inn på val av metode. Vanlege metodar er dokumentanalyse, spørjeskjema, krysskjema, individuelle samtalar og gruppesamtalar, møte og observasjon. I denne vurderinga er følgjande metodar nytta: Dokumentanalyse Vurderarane fekk utdelt lærarpermen for skulen på eit av førehandsmøta. Her ligg kart over området + rom-plan og praktiske opplysningar, samt skulen sine handlingsplanar mot mobbing, Hefres-planen, ordensreglementet, rutinar for klasserommet, og konsekvensar ved regelbrot. Vi har også fått fellesskjema for melding til heimen, skjema for medarbeidarsamtalar, og sett på resultata for Temperaturmålaren ei kartlegging av arbeidsmiljøtilhøva ved Ågotnes skule. I tillegg har vi sett på resultata av mobbeundersøkinga dei siste åra. Kriterium og teikn på god praksis Vurderarane utarbeidde kriterium og teikn på god praksis med utgangspunkt i Kunnskapsløftet og lovverket. Vurderarane gjennomførte fleire førehandsmøte med skulen for å klargjere ytterligare temaet for vurdering, informere kort om metoden og for å igangsetje prosessen med å utarbeide teikn på god praksis i dei ulike laga. Desse vart seinare samla inn på eit møte med leiargruppa, samla og omformulerte og tilslutt sende til skulen for endeleg godkjenning. Desse punkta vart utgangspunktet for utarbeiding av samtaleguidar, observasjonsskjema og spørsmål til foreldremøte. Påstandsskjema Ved denne vurderinga valde vi å nytte oss av påstandsskjema til alle heimane, alle tilsette og alle elevar. Vi brukte samtaleguidar til eit utval elevar, eit utval lærarar, administrasjonen, elevrådet og FAU. Både påstandsskjema og samtaleguidane er knytt opp mot teikn på god praksis i glansbilete. Observasjon I løpet av veka har vi hatt observasjonsøkter i 4., 7. og 8.kl, samt i friminutt og gangar både inne og ute. Vurdering Vurderarane føretok ei vurdering, ved å spegla utsegnene frå tilsette, elevar og føresette mot utarbeidde kriterium og teikn på god praksis. Utifrå vurderinga vart det trekt konklusjonar. 11

12 8 SKULEN SINE STERKE SIDER INNAN VURDERINGSOMRÅDET Kriteria og teikna på god praksis er henta direkte frå glansbiletet, våre kommentarar er skrivne i kursiv. Regelverket på skulen er oversiktleg og godt gjennomarbeidd Skulen har eit tydeleg ordensreglement Skulen har tydelege klassereglar Skulen har plan for avdekking og førebygging av mobbing Skulen har ein tiltaksplan ein skal følgje når mobbing vert oppdaga Skulen har rutine på kva konsekvensar dei ulike regelbrota fører til Administrasjonen involverer seg i oppfølging og utøving av felles reglar Vi har observert og sett dokumentasjon på at skulen har eit tydeleg ordensreglement med konsekvensar for ulike regelbrot. Administrasjonen er med på å informere kollegiet og foreldre om ordensreglane, og organiserer fellesmøte for dei eldre elevane (5.-10.kl). Alle involverte aktørar gir uttrykk for at Olweus sitt anti-mobbeprogram er i aktiv bruk. Skulen har rutinar for klasserommet. Nokre elevar seier at arbeidet med utarbeiding av klassereglar er meir vanleg på barnetrinnet enn på ungdomsskulen, men vi observerte at også ungdomssteget er i gang med dette arbeidet. Vi kjem tilbake til punktet om deltaking av ulike aktørar i utforminga og endringa av ordensreglane i kapittelet om skulen sine potensielle utviklingsområde. Lærarane praktiserer og gjer elevane kjende med skulen sine ordensreglar og antimobbereglar Reglane er diskuterte og gjennomgått ved skulestart Reglane er synlege i alle klasserom Elevane kjenner reglane som gjeld Reglane er godt innarbeidde i elevane og lærarane sin kvardag Elevane forstår kvifor reglane er naudsynte Lærarane set jamleg av tid til informasjon om, og repetisjon av, reglane Læraren er eit godt føredøme 12

13 Det er fokus på ordensreglane ved skulestart kvar haust, og elevane kjenner til dei reglane som gjeld. I nokre klasserom heng desse som oppslag på veggen. Reglane er tema i nokre klassar, spesielt når det har skjedd regelbrot. Nokre klassar brukar jamleg klassens time til refleksjon rundt ordensreglane, mobbereglane og korleis elevane skal oppføre seg mot kvarandre og dei vaksne på skulen. Elevane fortel at dei stort sett set pris på og ser opp til kontaktlærarane sine. Lærarane vektlegg arbeidet med klassereglar og klassemiljøarbeid Desse reglane/rutinane er synlege i klasserommet Dei andre lærarane som underviser i klassen er gjort kjende med klassereglane Læraren vektlegg sosiale aktivitetar som bygg opp om klassemiljøet Læraren tar tak i, og bidrar til å ordne opp i, konfliktar i klassen Det er gode relasjonar mellom lærar og elevar Elevane og lærarar fortel at det stort sett er gode relasjonar mellom lærarar og elevar, og elevane uttrykkjer at lærarane bryr seg om dei, og tek tak i viktige konfliktar. Skulen organiserer også sosiale aktivitetar, mellom anna kantinedrift, aktivitetsdagar og Å vere ung prosjektet, knytt til vidareføringa av Hefres prosjektet. Det ser derimot ut til at det er stor variasjon i arbeidet med klassereglar og om desse er utarbeidde og diskuterte saman med elevane. Dei vaksne ved skulen følgjer opp inspeksjonsordninga for å sikre at elevane trivast i friminutta Dei vaksne følgjer inspeksjonsplanen Dei som inspiserer er synlege med gul vest Lærarane som er i klasserommet sender elevane heilt ut, og låser klasserommet Administrasjonen har god oversikt, og sett inn vikarar dersom lærarar med inspeksjon er fråverande 13

14 Elevane og dei fleste av lærarane uttrykkjer at inspeksjonsordninga fungerer greitt. Dei vaksne er ute, med gul vest, og elevane blir som oftast sendt heilt ut i friminutta. Elevane seier at dei likevel kunne tenkje seg fleire vaksne ute, og at vaktene gjerne kan engasjere seg meir i det elevane held på med. Ved fråvær har administrasjonen eit system der dei som tek på seg vikartimar også skal ha ei inspeksjonsøkt. Dette er ei av oppgåvene til sekretæren. Det kan vere ei utfordring å finne lærarar som er villige til å ta på seg ekstra inspeksjon. Elevane respekterer ordensreglementet, klassereglane og antimobbereglane Elevane er trygge i eit godt klasse- og skulemiljø Elevane er godt kjende med, og følgjer reglane Ved regelbrot viser dei vaksne til reglane, og elevane rettar seg etter tilsnakk utan diskusjon Elevane viser høfleg framferd seg imellom, og i høve til vaksne Det er gode relasjonar mellom lærar/elev og elev/elev Elevane får positive tilbakemeldingar på god framferd Elevane på barnetrinnet uttrykkjer at dei trivast svært godt i klassesamanheng, og er godt kjende med reglane, som dei prøver å følgje. Både lærarar og elevar fortel om gode relasjonar, og mange elevar spesielt på barnesteget, får positive tilbakemeldingar på god framferd. Foreldra derimot, uttrykkjer at det føregår mykje på uteområdet som gjer ein del elevar utrygge. Elevane fortel heime om episodar der dei føler at dei vaksne grip for lite inn. Vi har fått tilbakemeldingar på at det er fleire negative kommentarar mellom elevane dess eldre dei blir, og ovanfor yngre elevar. Dette kjem særskilt til uttrykk i tøff språkbruk på fotballbana i følgje elevane. Det er viktig å halde fokus på haldningsskapande arbeid også på ungdomssteget. 14

15 Skulen kommuniserer med heimen om ordensreglar, og brot og konsekvensar av desse Reglane vert sende heim ved skulestart Foreldra vert gjort kjende med konsekvensar av brot på reglane Heimen vert informert ved brot på reglane Foreldra følgjer opp konsekvensar av regelbrot Foreldra støttar skulen sine avgjerder Foreldra møter på foreldremøta og engasjerer seg i skulekvardagen Kontaktlærar har jamleg kontakt med dei føresette om utviklinga til eleven Heimane vert informert om ordensreglane ved skulestart, både på fellesmøte og skriftleg. Foreldra seier likevel at dei ynskjer tettare kontakt med skulen, på eit tidlegare tidspunkt, ved uønska åtferd. Slik kan dei følgje borna sine tettare opp. Foreldra har kontaktsamtalar med kontaktlærar, og dei fleste møter på klasseforeldremøta, og vil gjerne engasjere seg i livet på skulen. Skulen har felles praksis i høve til konsekvensar ved regelbrot Elevane kjenner til konsekvensar ved brot på reglane Alle dei vaksne på skulen får same informasjon om kva reglar som gjeld Dei tilsette ved skulen ser på reglane som viktige og tydelege Lærarane vektlegg felles praksis og samtalar om reglane Kollegiet er lojale og praktiserer reglane Skulen/administrasjonen støttar lærarane i møte med elev og foreldre, eventuelt andre instansar, når vanlege sanksjonar ikkje strekk til Elevane på Ågotnes skule kjenner til kva konsekvensar dei ulike regelbrota skal føre til utifrå ordensreglementet, og alle dei vaksne på skulen er også godt kjende med desse. Det ser likevel ut som om det er vanskeleg for alle lærarar å praktisere reglane likt, sjølv om dei ser på reglane som viktige. Dei ynskjer å vere lojale, men vert av og til hindra av praktiske årsaker, samt det høge tidspresset. 15

16 9 SKULEN SINE UTVIKLINGSOMRÅDE INNAN VURDERINGSOMRÅDET Dette er teikn på god praksis henta frå glansbilete, som skulen kan sjå på som utviklingsområde. Dei aktuelle teikna på god praksis står med vanleg skrift, våre kommentarar står i kursiv. 1. Arbeid med reglar Om regelverket: Dei ulike aktørane i skulen er med på å utforme og endre reglane Om praksis i høve ordensreglar og klassereglar: Reglane er korte, presise og tydelege, og tilpassa alderstrinna Om arbeidet med klassereglar: Alle kontaktlærarar har utarbeidd klassereglar saman med elevane Om skulen sin kommunikasjon med heimen: Foreldra møter på foreldremøta, og har høve til å påverke eventuelle regelendringar Rundskrivet til opplæringslova UDir framhevar kor viktig det er å ha eit godt gjennomarbeidd sett med reglar: Arbeidet med å utvikle, iverksette og håndheve regler har ikke primært til hensikt å disiplinere og kontrollere elevene, men bør inngå som et viktig element i utviklingen av sosiale ferdigheter og bygging av positive relasjoner mellom elevene og mellom lærerne og elevene. Reglene skal bidra til trygge rammer i læringsmiljøet. Nokre elevar fortel at dei ikkje føler eigarskap til reglane, og at dei ikkje har vore med på arbeidet med å utforme klassereglar, eller har hatt høve til å uttale seg om ordensreglementet. Vi trur at skulen brukar mykje tid og energi på å oppretthalde felles reglar. Men dersom elevane ikkje opplever reglane som naudsynte eller legitime, vil dei heller ikkje vere motiverte for å følgje desse. Ågotnes er ein skule med stor aldersblanding. Difor er det viktig at setta med reglar vert tilpassa alder og at dei er relevante. Elevane er ikkje passive 16

17 mottakarar, men aktive deltakarar som ynskjer å skape ei meining i skulekvardagen sin. Dei kan difor vere ganske kritiske til skulen sine reglar og lærarane sitt tilhøve til dei gjeldande reglane. Det er viktig å starte prosessen med å gjere regel endringar på lågast mogeleg nivå. Elevane er ekspertar på å vere elevar på eigen skule. Dei må få høve til å vere aktive med på utviklinga og utforminga av reglar som gjeld både heile skulen og for si eiga gruppe. I ein demokratisk prosess bør skulen bruke elevrådet som ein medaktør og høyringsinstans, samt oppfordre dei til å møte i Samarbeidsutvalet, slik at dei har reell påverknad. Også FAU ynskjer å vere ein aktiv aktør i skulekvardagen. Dei fortel at dei har praktiske idear, og at dei vil kome i dialog med skulen i høve til utarbeidinga av ordensreglementet. Eit aktivt samarbeid med alle dei nemnde aktørane, er i følgje Udir eit viktig prinsipp for utforming og bruk av reglar: 1. Involvering av foreldre og elevar 2. Reglane bør vere positivt formulerte og vise til ønska åtferd 3. Spesifikke, korte og klare reglar Ordensreglementet bør innehalde reglar som fremjar samarbeid, engasjement, trivsel, respekt og medansvar for alle i skulesamfunnet. 2. Inspeksjon Om inspeksjonsordninga: Vakta vert ikkje hefta på veg ut. Først ut sist inn. Skulen har ein tydeleg inspeksjonsplan der alle kan sjå når og kva vakter dei har. Den praktiske gjennomføringa byr på nokre problem. Dersom klasseleiaren ikkje har avslutta timen nokre minutt før det ringer ut, oppstår det problem med å vere tidsnok ute til vakta. Det er ofte i desse overgongane det skjer noko med elevane som gjer at læraren vert hindra i å møte ute til rett tid. Uteområdet på Ågotnes skule er allsidig og spanande, samstundes som det gjev utfordringar til dei som har inspeksjon. For dei elevane som ynskjer det, er det 17

18 lett å gjømme seg vekk. Det er behov for alle vaktene som er sett opp i høve til inspeksjonsplanen, og det er difor naudsynt at dei er på plass heile friminuttet. Vi har observert at dei som har vakt vert forhindra fordi dei må vere att med elevar i klasserommet. I samtale med elevane kom det fram at dei er nøgde med at inspiserande lærar har gul vest på, og er difor lette å sjå. Men dei ga og uttrykk for at dei var utrygge når dei ikkje ser vaksne ute, og kan difor tenke seg fleire vaktar ute. Nokre elevar fortalde oss om ein prøveperiode der dei eldste elevane gjekk mobbevakter på skulen. Elevane følte at dei gjorde ein meiningsfull innsats, og at dei var med på å trygge utemiljøet for medelevane. Kanskje bør skulen ha rutinar på kva ein skal gjere om ein vert hefta på veg ut. Ein kan til dømes byte vakt med dei andre i same gong, eller gje eleven beskjed om at han/ho må vente til neste friminutt med å ta straffa si. Dersom ein skal bruke sanksjonane som ligg i Assertive Discipline programmet (til dømes eit eller fleire minutt attsitjing i friminuttet), må dette få konsekvensar for utarbeidinga av inspeksjonsplanen. 3. Konsekvensar ved regelbrot Om skulen sin felles praksis i høve til konsekvensar ved regelbrot: Elevane opplever at reglane vert handtert rettferdig og konsekvent av dei vaksne Det er felles praksis i utøvinga av reglar og konsekvensar også på uteområdet Vi har mellom anna brukt Elevers stemmer om regler i skolen ei doktorgradsavhandling av Robert Thornberg frå 2006, som kjelde i dette arbeidet. Han seier følgjande: Ein effektiv strategi for eit godt og trygt skulemiljø er at heile skulesamfunnet samlar seg om nokre viktige prinsipp for reglar som kan brukast på skule-, klasse-, og individnivå. Elevane seier stort sett at reglar er bra, men det er viktig at dei forstår poenget med regelen. Dei set relasjonelle reglar som til dømes antimobbereglane høgt, og er også positive til strukturelle ( rekk opp handa og vent ) og beskyttande ( ikkje spring i korridoren ) reglar. 18

19 Dei har derimot mindre til overs for reglar som gir uttrykk for vanar og tradisjonar i skulen (t.d forbod mot lue/caps inne og forbod mot tyggis). Elevane uttrykkjer at dei brukar lite tid på å reflektere over personlege reglar som Ikkje lyg, Tenk før du snakkar og liknande. Vi har likevel høyrt at dette arbeidet føregår i samspel mellom lærar og elev, i klassens time og i fellesmøta knytt til Olweus programmet. Foreldra uttrykkjer at dei støttar skulen sine avgjersler om sanksjonar ved alvorlege regelbrot, men dei opplever at det ikkje er felles praksis i høve til sanksjonar som merknader, gjensitting, å bli sendt til rektor osb. Lærarane sitt arbeid med reglane er tradisjonelt, og til tider autoritært. Reglane vert sjeldan diskuterte eller endra dei berre er der. Elevane seier også at dersom dei skal sjå poenget med, og følgje reglane, er det viktig at lærarane er gode rollemodellar. Då er det aller viktigast at dei opplever læraren som konsekvent, deretter tydeleg og rettferdig. Dette er også det fjerde prinsippet for utforming av reglar: 4. Det må knytast klare konsekvensar til regelbrot (UDir ). I UDir står det: Mangel på klarhet, forutsigbarhet og konsistens i skolens bruk av regler kan føre til økt problematferd. Et uklart verdigrunnlag og manglende bevisstgjøring i lærerpersonalet er en viktig årsak til at regler ikke følges opp, at konsekvensene blir uklare og håndhevelsen uteblir. Ågotnes er iferd med å iverksetje klasseleiingsprogrammet Assertive Discipline. Dette har vi allereie sett i bruk, og nokre andre klassar som ikkje endå er med i prosjektet, brukar element frå programmet. Etter kvart som heile kollegiet får opplæring i klasseleiing, vil dette kunne vere med på å skape eit felles verdigrunnlag knytt til positiv åtferd, og ei felles bevisstgjering i lærarpersonale. Målet er å gjere alle lærarar til trygge klasseleiarar, slik at kvar einskild tek kontroll i klasserommet. I følgje Terje Ogden er god klasseleiing knytt til læraren si kompetanse til å skape produktiv arbeidsro, fange merksemda til elevane og motivere til innsats i timane. I tillegg til eit tydeleg ordensreglement, må skulen reflektere over kva felles reglar dei har behov for knytt åtferd. Reglane må vere korte, enkle å handheve og positivt formulerte, og det må brukast tid på innlæring. Det er svært viktig å 19

20 fokusere på å bekrefte ønska åtferd. Når det gjeld sanksjonar må desse vere gjenstand for diskusjon i heile kollegiet, for å sikre felles praksis. Lærarane må vere trygge og komfortable med sanksjonane og forma for belønning. På Ågotnes skule ser vi at det for fleire klassar er vanleg å vise urolege elevar til rektor. Både elevar og foreldre er skeptiske til om dette er ein sanksjon som har den ønska effekten. Nokre elevar opplever det som positivt å få ein pause frå undervisninga i tillegg til ein samtale med nokon i administrasjonen. Sjølv om vi ser at det er vanskeleg å handtere svært urolege elevar i ein klassesituasjon, ser vi at dette kan vere uheldig for læraren som klasseleiar, fordi det undergrev læraren sin autoritet. I følgje Assertive Discipline sitt hierarki av sanksjonar ved regelbrot, skal berre administrasjonen brukast som ein av dei sterkaste verkemidla ein har å ty til. AD er eit svært omfattande program som grip inn i alle delane av læraren og eleven sin kvardag. For å lukkast er det heilt vesentleg at alle dei tilsette får same opplæring og støtte, i tillegg til at heile personalet må engasjere seg i arbeidet. Dette er ikkje eit program som kan gjennomførast halvvegs, då risikerer skulen at det oppstår meir usemje om reglar og konsekvensar. Dersom ein får til å implementere AD på Ågotnes skule, seier erfaringane frå andre skular at dette fører til sterkare samhald i personalet, auka grad av meistring, og stor betring av elevåtferd. Vi ser og høyrer at lærarane er under eit stort tidspress, og det er difor viktig å velje vekk ein del arbeidsoppgåver og prosjekt, for å kunne konsentrere seg mest mogeleg om innføringa av programmet. Det er administrasjonen si oppgåve å prioritere. 20

21 10 IDEAR TIL VIDARE ARBEID Utviklingsområde Elev-, lærar- og foreldremedverknad i utforming og endringar av ordensreglane Idear - Involvere elevane i arbeidet med å utforme og endre ordensreglement - Aktive elevråd - Bruke engasjementet i FAU - Få i gang SU som rådgjevande organ - Bruke dei ulike aktørane i skulen som ressursar Haldningsskapande arbeid for felles praksis av reglar og konsekvensar - Fokus på klassemøte, utarbeiding og refleksjon rundt klassereglar og positiv åtferd (Olweus også i klassane) - Utarbeide felles retningsliner for kva regelbrot som kvalifiserer til kva type sanksjonar (også i klasserommet) - Samkøyre kollegiet på gjeldande reglar og felles praksis - Erfaringsdeling i kollegiet, dele positive erfaringar Læraren som klasseleiar - Halde fram med og setje sterkt fokus på implementeringa av AD programmet - Fokus på heile kollegiet og den einskilde lærar 21

22 Kjelder: Forskrift om ordensreglementet UDir : Trivsel og trygghetsplan ved Kringlebotn skole: le12929.ece Elevers stemmer om regler på skolen: &aq=f&oq Medlem av samarbeidsutvalget?: 6 månadar etter at skulevurderinga finn stad, vil rektor rapportera attende til skulesjef/skulefagleg ansvarleg korleis skulen har arbeidd med utviklingsområda sine. Det politiske fagutvalet vil få ei orientering. Ågotnes skule Torbjørg Bakke vurderar FØS vurderingsnettverk Nina Håvik Pettersen vurderar FØS vurderingsnettverk 10 stk Vedlegg 22

23 Til foreldra ved Ågotnes skule Mars 2009 SKULEN SKAL HA EKSTERN VURDERING I MARS/APRIL! Lærarar, foreldre, elevar og styremakter er alle opptekne av kvaliteten i skulen. Alle skular har ynskje om å utvikla seg og å gjera tilbodet til elevar og føresette best mogleg. Difor har dei i mange år vurdert arbeidet sitt, eller delar av det, for at kvaliteten stadig skal verta betre. Skuleeigarane i (SFØ) har no etablert eit eige vurderingsnettverk som skal hjelpa skulane i dette arbeidet. Nettverket er sett saman av 14 pedagogar frå kommunane våre. Desse skal i åra som kjem reise rundt for å hjelpa skulane i vurderingsarbeidet, og for å sjå skulen gjennom nye briller. Vurderarane på din skule vil alltid koma frå ein av dei to nabokommunane. I mars/april får skulen besøk av 3 frå dette nettverket. Me skal vera på skulen i veke 14, frå måndag 30.mars til torsdag 2.april. og skal hjelpa skulen å vurdera kvaliteten på skulen sitt arbeid innanfor emnet: KLASSELEIING med fokus på reglar og rutinar ved Ågotnes skule Resultatet av vurderinga vert lagt fram i ein rapport, som vil vera tilgjengeleg for alle. Vi treng hjelp av foreldra i arbeidet vårt. Vi ynskjer at de kryssar av på påstandsskjemaet for føresette, og returnerer dette til skulen innan måndag 16.mars. Dette er til nytte for vurderarane og skulen sitt læringsarbeid. Vi ser fram til eit spennande møte og godt samarbeid. Helsing Vurderingsnettverket i Nina Håvik Pettersen Annie Rysjedal Torbjørg O. Bakke vurderar vurderar vurderar 23

24 Påstandsskjema til føresette kl ved Ågotnes skule Denne informasjonen er til bruk for dei eksterne vurderarane. Set kryss i riktig kolonne, om du er heilt einig, delvis einig, ueinig, eller veit ikkje, i følgande påstandar: Påstandar: 1. Eg/ vi kjenner til at skulen har eit tydeleg ordensreglement 2. Eg/ vi kjenner til at skulen har tydelege klassereglar i alle klasserom 3. Eg/ vi veit at elevane kjenner reglane som gjeld 4. Eg/vi kjenner til konsekvensane ved regelbrot 5. Eg/ vi vert informert ved brot på reglar 6. Dersom eg/vi får melding om brot på reglar vil eg/vi støtta skulen si avgjerd 7. Dei tilsette handhevar reglane ved skulen likt 8. Eg/vi kjenner til at skulen har ein plan for å avdekka mobbing 9. Eg/vi kjenner til at skulen har ein tiltaksplan dei fylgjer når mobbing vert oppdaga 10. Eg/ vi opplever dei tilsette som gode førebilete 11. Dei som har vakt nyttar gul vest 12. Elevane er trygge i eit godt klasse og skulemiljø 13. Elevane syner høfleg framferd i høve til medelevar og vaksne 14. Det er gode relasjonar mellom lærar/ elev og elev/elev 15. Eg/vi får reglane heim ved skulestart 16. Føresette møter på foreldremøte 17. Administrasjonen tek aktiv del i arbeidet med regelhandsaming heilt einig delvis einig ueinig veit ikkje 24

25 Påstandsskjema elevar i 1. 4.kl ved Ågotnes skule Skulen din skal ha besøk. På førehand vil vi gjerne vite litt om korleis du har det i skulen. Derfor vil vi at du kryssar av på dette skjemaet. Læraren les spørsmåla for deg, og du skal krysse av under det fjeset du meiner passar best. = Dette passar heilt slik det er = Dette passar nokså bra = Dette passar ikkje 1 Eg veit kva eit ordensreglement er 2 Læraren har forklart kva reglar som gjeld på skulen 3 Eg veit kva som skjer dersom eg bryt ein av reglane 4 Eg forstår kvifor vi må ha slike reglar 5 Klassen min har laga eigne reglar 6 Desse reglane fins på store plakatar i klasserommet vårt 7 Vi snakkar ofte om klassereglane med læraren 8 Dei vaksne brukar reglane likt 9 Eg trivst i klassen min 10 Vi gjer ting saman slik at vi blir betre kjende med kvarandre 11 Viss nokon blir mobba, veit eg kva eg skal gjere 12 Viss nokon i klassen ikkje er snille med kvarandre, hjelper læraren til å ordne opp 13 Eg har eit godt forhold til læraren min 14 Eg er høfleg og grei på skulen 25

26 15 Eg er trygg i friminutta 16 Det er vaksne ute som passar på at alt er greitt i friminutta 17 Dei vaksne som er ute har gul vest 18 Eg får skryt når eg oppfører meg fint 19 Eg går bort til elevar som står aleine 20 Viss eg bryt alvorlige reglar, får foreldrene mine vite om det 21 Foreldrene mine er av og til på møte på skulen 22 Eg har det bra på Ågotnes skule 26

27 Påstandsskjema elevar i kl ved Ågotnes skule Denne informasjonen er til bruk for dei eksterne vurderarane. Set kryss i riktig kolonne, om du er heilt einig, delvis einig, ueinig, eller veit ikkje, i følgjande påstandar: Påstandar: 1. Skulen har eit tydeleg ordensreglement heilt einig delvis einig ueinig veit ikkje 2. Lærarane gjekk nøye gjennom ordensreglementet ved skulestart 3. Ordensreglementet heng godt synleg i klasserommet 4. Eg kjenner til dei ordensreglane som gjeld 5. Eg veit og forstår kvifor reglane er nødvendige 6. Eg veit kva som skjer med meg dersom eg bryt reglane 7. Foreldra mine veit kva som står i ordensreglementet 8. Eg er høfleg mot vaksne, og respekterer reglane 9. Eg er grei mot medelevane mine 10. Eg opplever at dei vaksne på skulen praktiserer reglane likt og rettferdig 11. Kontaktlæraren min har laga klassereglar saman med klassen 12. Desse reglane står på plakatar i klasserommet 13. Klassen snakkar ofte om klassereglane 14. Dei andre lærarane som underviser i klassen, prøver å følgje våre klassereglar 15. Det er godt miljø i klassen 16. Vi har sosiale aktivitetar i klassen som gjer oss betre kjende med kvarandre 17. Læraren hjelper til å ordne opp dersom det er konfliktar i klassen 27

28 18. Eg har eit godt forhold til lærarane mine 19. Kontaktlæraren min er eit godt førebilete 20. Eg får positive tilbakemeldingar når eg oppfører meg fint 21. Det er nok vaksne ute i friminutta 22. Dei vaksne går med gul vest 23. Vi blir sende heilt ut i friminutta, og læraren låser klasserommet 24. Eg er trygg og trivast i friminutta 25. Dersom eg bryt ein regel, og får tilsnakk, rettar eg meg etter dette 26. Dei heime er einige i skulen sine reglar 27. Dersom eg bryt ein alvorlig regel, får dei heime vite om det 28. Foreldra mine går alltid på foreldremøte 29. Kontaktlæraren har møter med foreldra mine og meg minst to gonger i året 30. Eg bryr meg ikkje om skulane sine reglar 28

29 Påstandsskjema til dei tilsette ved Ågotnes Skule Vurderingsveke Dette påstandsskjema er til bruk for dei eksterne vurderarane ved skulen. Kryss av i kolonnen som samsvarer best med di meining om kvar påstand. Påstandar: 1. Skulen har eit tydeleg ordensreglement 2. Skulen har plan for førebygging og avdekking av mobbing 3. Alle på vår skule har ei felles forståing av kva konsekvensar dei ulike regelbrota fører til 4. Administrasjonen involverer seg i utøving og oppfølging av reglementet 5. Ved vår skule utarbeider kontaktlærar klassereglar saman med elevane 6. Kvar haust, ved skulestart, gjennomgår og diskuterer kontaktlærarane reglane med elevane sine 7. Reglane er synlege i alle klasserom Heilt enig Delvis enig Ueinig Veit ikkje 8. Eg set jamleg av tid til samtale med elevane om rutinar og reglar ved skulen 9. Alle lærarane er kjende med reglar og rutinar i klasseromma. 10. Eg tek alltid tak i og ordnar opp i konfliktar som skjer i klasserommet og i friminutta 29

30 11. Eg følgjer alltid opp inspeksjonsplanen 12. Når timen er slutt sender eg elevane mine heilt ut og låser klasserommet 13. Administrasjonen set inn vikar når inspiserande lærar er fråverande 14. Eg meinar at elevane er godt kjende med og følgjer reglar og rutinar både inne og ute 15. Når elevane bryt reglar, viser eg til kva regel som vert broten. 16. Elevane mine rettar seg etter tilsnakk, utan diskusjon 17. Dei vaksne handterer reglane rettferdig og konsekvent 18. Dei vaksne ser på reglar og rutinar i skulekvardagen som særs viktige 19. Alle i kollegiet praktiserer skulen sine reglar og rutinar lojalt 20. Eg gjev elevane mine positive tilbakemeldingar på god framferd 21. Dei fleste foreldre/føresette møter til foreldremøta i klassen 22. Foreldra har høve til å komme med innspel i høve til regelverket ved skulen 23. Foreldra/føresette er godt kjende med regelverket og rutinane ved skulen 24. Skulen har gjort foreldra/føresette godt kjende med konsekvensane av brot på reglane Ynskjer du å komme med fleire opplysningar kan du skrive her: 30

31 Samtale guide til møtet med FAU. Ordensreglementet - Korleis får de kjennskap til reglane? - Korleis kan de koma med innspel? - Korleis har de vore med å utarbeida reglane? - Er det noko det saknar i reglementet? - Får alle føresette informasjon om korleis skulen handhevar brot på reglane? - Kva konsekvensar på regelbrot kjenner de til? - Vil de støtta skulen si avgjerd ved konsekvensar på brot på reglar? I friminutta. - Seier elevane at dei er trygge på skulen? - Opplever de at dei vaksne handhevar reglane likt?. - Er dei vaksne synlege ute? Antimobbereglar: - Kor mykje kjenner de til Olweus programmet? - Har de noko kjennskap til om det fins mobbing på skulen? - Korleis vert resultata frå mobbe undersøkinga lagt fram for FAU? - Kjenner de til kva tiltak skulen set i gong når mobbing vert oppdaga? - Kjenner de til korleis skulen arbeider for å førebygge mobbing? - Kva kan de som føresette gjera for å førebygge mobbing? - Er dette tema på foreldremøte? 31

32 Samtale guide elevar og elevråda ved Ågotnes skule. Spørsmål Ordensreglement. 1. Kor finn de ordensreglane i klassen? 2. Korleis vert de kjende med ordensreglane? 3. Korleis og kor tid arbeider de med ordensreglane? 4. Er det reglar de saknar? Om kva? 5. Dersom de bryt reglane,kva då? Klassereglane/ Rutinar i klasserommet 1. Korleis veit du kva som forventast av deg i klassen? 2. Korleis arbeider de med klassereglane.? 3. Er det ulike reglar i ulike klassar? 4. Lagar de nye reglar kvart år? 5. Hugsar de nokre reglar som de kan så godt at de ikkje treng minnast på lenger? 6. Korleis opplever de at dei ulike lærarane som er i klassen, kjenner klassereglane. 7. Er lærarane gode førebilete? Arbeide mot mobbing. 1. Kor ofte arbeider de med tiltak for å hindre mobbing? Sosiale tiltak i klassen Klassemøte Undersøkingar Andre tiltak 2. Kjenner de til kva som skjer når nokon på skulen vert mobba? 3. Har de vore med å laga antimobbereglar? Svar 32

33 I friminutta. 1. Kva gjer dei vaksne som er ute og har vakt? 2. Kva anna kunne du tenkje deg at dei kunne gjere? 3. Trur de at alle elevane på skulen føler seg trygge? 4. Dersom nei kvifor ikkje? 5. Går alle elevane heilt ut i friminutta? Tilbakemeldingar. 1. Opplever de at de ofte får positive tilbakemeldingar frå dei tilsette og medelevar. 2. Opplever de at alle dei vaksne handhevar reglane likt? Utdjup dette. 33

34 Samtaleguide tilsette ved Ågotnes skule Ordensreglementet: Kva legg de i at skulen har eit tydeleg ordensreglement? På kva måte vert felles forståing av ordensreglement praktisert? Og eventuelt: korleis kjem ulik forståing til syne i arbeidskvardagen? Administrasjonen har eit særskilt ansvar i forhold til utarbeiding og praktisering av ordensreglementet. Korleis handterer adm. denne oppgåva? Kva aktørar er med i denne prosessen? Klassereglar: Ang. utarbeiding av klassereglar. Kva rutinar praktiserer de før klassereglane vert endeleg formulerte som grunnlag for praksis? I kva grad meinar du at alle i kollegiet brukar tid på arbeid med ordensog klassereglar? Korleis er praksis i høve til å kjenna til reglar og rutinar i klasseromma? Tryggleik og trivsel er grunnbjelken i elevar sitt læringsutbytte. På kva måte kan læraren si innsikt i klassen sine reglar og rutinar ha innverknad på læring? Antimobbereglar: Kor ofte har de møte der de evaluerer og oppdaterer arbeidet og erfaringane med Olweus programmet? Kva seier spørjeundersøkingar o.l om klima ved skulen, i kva grad finns mobbing? Korleis brukar de Olweus programmet i undervisninga/klassemiljøarbeidet? På kva måte arbeider de aktivt for å auka elevtrivsel og sosial dugleik? Inspeksjonsplanen: Korleis fungerer inspeksjonsplanen her? Kva betyr heilt ut? Kva rutinar har de når inspiserande lærar er fråverande? Kan de seia noko om lojalitet/ illojalitet i forhold til planen? Kva reglar gjeld på uteområdet? Kva med språkbruk? 34

35 Har kollegiet felles praksis med utøving av reglar i uteområdet? Kva rutinar praktiserer de ved alvorlige regelbrot, og konsekvenshandtering av desse? Skule heim samarbeid: På kva måte vert dei føresette informerte om ordensreglementet og andre reglar som gjeld ved skulen? Vert føresette inviterte til å koma med innspel eller til å uttale seg om reglementet? Korleis? Kva plan/rutinar har skulen for konsekvensar ved brot på reglar? Involverer administrasjonen seg i utøvinga av sanksjonar i høve regelbrot? 35

36 Samtaleguide administrasjonen ved Ågotnes skule Ordensreglementet: - På kva måte jobbar administrasjonen med utarbeidinga av ordensreglementet? - Kva aktørar er med i dette arbeidet? - Kor ofte vert ordensreglementet evaluert og eventuelt endra? - På kva måte involverer administrasjonen seg i oppfølging og utøving av felles reglar? - Korleis kvalitetssikrar skulen at dei tilsette utover felles praksis med omsyn til reglane og konsekvensar ved regelbrot? Klassereglar: - På kva måte er administrasjonen engasjert i arbeidet med klassereglane? - Har skulen ein felles mal for klassereglane? - Korleis gjer andre lærarar seg kjende med dei reglane som gjeld i dei ulike klassane? Antimobbereglar: - Fortel om arbeidet med Olweus programmet: - Kor ofte har de felles økter der de evaluerer og oppdaterer arbeidet og erfaringane med dette? - Kva seier spørjeundersøkingar o.l om klimaet ved skulen, i kva grad fins det mobbing? Inspeksjonsordninga: - Korleis fungerer inspeksjonsplanen ved skulen? - Er dei tilsette flinke til å følgje opp når dei har inspeksjon? - Kva rutinar har de når ein inspiserande lærar er fråverande? - Har lærarane felles praksis ved utøving av reglar på uteområdet? - Kva er rutinane ved alvorlege regelbrot, og konsekvenshandteringa av desse? Skule heim samarbeid: - På kva måte vert dei føresette informert om ordensreglementet og andre reglar som gjeld ved skulen? - Kor mange av dei føresette møter jamleg på foreldremøte? 36

37 - Kva er tema for slike foreldremøte? - Har foreldra høve til å vere med på å evaluere og eventuelt endre reglane som gjeld på skulen? - Kva er rutinane for informasjon til heimen ved brot på reglane? - Har de inntrykk av at foreldra støttar og følgjer opp skulen sine avgjerder ved brot på reglane? - Diverse: 37

38 Observasjonsskjema Ågotnes Teikn på god praksis observasjon observasjon observasjon observasjon Reglane er synlege i alle klasserom (ordens-, klasse- og antimobbereglar) Reglane er korte, presise og tydelege, og tilpassa alderstrinna Læraren er eit godt føredøme Det er gode relasjonar mellom lærar og elevar Dei vaksne følgjer inspeksjonsplanen Dei som inspiserer er synlege med gul vest Vakta vert ikkje hefta på veg ut. Først ut sist inn. Lærarane som er i klasserommet sender elevane heilt ut, og låser klasserommet Administrasjonen har god oversikt, og sett inn vikarar dersom lærarar med inspeksjon er fråverande Ved regelbrot viser dei vaksne til reglane, og elevane rettar seg etter tilsnakk utan diskusjon 38

39 Elevane viser høfleg framferd seg imellom, og i høve til vaksne Elevane får positive tilbakemeldingar på god framferd Kollegiet er lojale og praktiserer reglane Anna: 39