TRIVSELSREGLAR FOR ROMMETVEIT SKULE.

Transkript

1 TRIVSELSREGLAR FOR ROMMETVEIT SKULE. Elevane sin rett til eit godt fysisk og psykososialt læringsmiljø er blitt styrka og konsekvensar for dei som bryt reglane er blitt skjerpa i Opplæringslova. Også krava til elevane sin orden, åtferd og arbeidsinnsats er skjerpa ( 3-5). Trivselsreglane vil difor vere eit hjelpemiddel på desse to områda: Eit vern for elevar som vert utsette for krenkande åtferd ( 9a) Konsekvensar for dei som bryt reglane ( 2-9) Dette medfører at det er viktig at det er tydeleg for elevane kva reglar og konsekvensar som gjeld, og at foreldrene er godt informerte. Skulen vil difor sende reglane heim i informasjonsheftet kvart år, i tillegg til at dei blir gjennomgått i alle klassar og vil ligge tilgjengeleg på heimesida. Konfliktar vil ein alltid først prøva å løysa gjennom dialog med elevane før ein tek i bruk større konsekvensar. Dersom milde konsekvensar ikkje fører til betring, må ein ta i bruk større konsekvensar. Her vil dialogen med foreldre vere viktig. Kommunen har også ulike hjelpeinstansar skulen vil nytte dersom elevane sine vanskar overstig vår kompetanse. Frå Opplæringslova: 3-5. Grunnlaget for vurdering i orden og i åtferd Grunnlaget for vurdering i orden og i åtferd er knytt til i kva grad eleven opptrer i tråd med ordensreglementet til skolen. Grunnlaget for vurdering i orden er knytt til om eleven er førebudd til opplæringa, og korleis arbeidsvanane og arbeidsinnsatsen til eleven er. Det inneber mellom anna om eleven er punktleg, følgjer opp arbeid som skal gjerast, og har med nødvendig læremiddel og utstyr. Grunnlaget for vurdering i åtferd er knytt til korleis eleven oppfører seg overfor medelevar,lærarar og andre tilsette i og utanfor opplæringa. Det inneber mellom anna om eleven viser omsyn og respekt for andre. Vurderinga av orden og åtferd skal haldast åtskild frå vurderinga av eleven sin kompetanse i fag. I vurderinga i orden og i åtferd skal det takast omsyn til føresetnadene eleven har. Til vanleg skal det ikkje leggjast avgjerande vekt på enkelthendingar; unntaket er dersom enkelthendinga er særleg klanderverdig 1

2 Reglar og konsekvensar: Før konsekvensar vert sette i verk, må læraren / assistenten først snakka med og rettleia elevane. Eleven må få sjanse til å bli høyrt og til å retta opp. Aktuelle konsekvensar blir eventuelt sett i verk. Avhengig av alvorsgraden, vil vidare prosedyre vere: Rektor vert varsla. Heimen vert varsla anten ved at lærar ringjer eller sender melding heim, eleven ringjer heim, eleven skriv om si rolle og leverer attende neste dag med underskrift frå føresette, rektor eller sosiallærar ringjer heim. I særs alvorlege tilfelle kan elevar frå 1.-7.trinn bli bortvist frå skulen for resten av dagen eller ein annan dag. Føresette må varslast på førehand. (Jfr. Oppl.lova 2-10.) Reglane gjeld for alle samvere på skulen, også utanom skuletida. På skulen vår er alle høflege mot kvarandre og viser omsyn og respekt for kvarandre. 1.ÅTFERD: Ingen skal verta utsett for mobbing korkje i timar, i pausar eller på skulevegen. Dersom nokon oppfører seg krenkande mot andre skjer dette: Den krenkande åtferda blir stansa straks. Den som blir utsett for dette må tryggast. Kor alvorleg hendinga er vil avgjere kva som skjer vidare. Alternativ: Konflikten/åtferda tek slutt, og kontaktlærar arbeider vidare med saka. Samtale med den som blir utsett for dette og føresette Sosiallærar og/eller rektor vert varsla og arbeider vidare med løysing saman med elevane det gjeld. Føresette blir informert. Handlingsplan mot mobbing blir tatt i bruk. 2. TIMAR OG ØKTER: Presis: Alle møter til rett tid om morgonen og til timane. Konsekvensar: Om morgonen: Melding heim etter tredje gong. Til timane: Ta att arbeidet i pausar. 2

3 Arbeidsvanar: Alle kjem raskt i gang, arbeider konsentrert og effektivt og held arbeidsro i timar/økter (sløsar ikkje vekk tida eller uroar andre)) Døme på konsekvensar: Verta flytta til annan arbeidsstad i rommet, til tilstøytande rom, til andre trinn eller til administrasjonen. Melding heim. Ta att tapt tid i pausar. Utstyr: Alle har med bøker og anna utstyr. Alle har med gymnastikk- klede. Melding heim etter tredje gong. Lekser: Alle gjer leksene og møter førebudd til timane Alle leverer lekser til rett tid Døme på konsekvensar: Gjere lekser i midttimar. Gjere lekser etter skuletid. Dette må skje etter avtale med foreldre. Andre sine ting: Me let andre sine ting vera i fred Konsekvensar: Dersom nokon øydelegg andre elevar eller skulen sine ting, bøker o.a., har foreldre erstatningsansvar. 3. MIDTTIMAR OG PAUSAR: Alle leikar slik at ingen vert skada eller såra. Aktivitetar som verkar negativt på skulemiljøet skal ikkje brukast. Elevane skal vere ute i friminutt og midttime. Me sparkar fotball berre på grusbanen og i ballbingen. Elevane på trinn kan bruka kunstgrasbanen når det ikkje er snø eller glatt. Handballbanen, fotballbanen, ballbingen og kunstrgrasbanen blir fordelt på klassane av elevrådet. Det er ikkje høve til elles å bruka sparkesyklar, rulleskeiser, rullesko og syklar på skulen i opniningstida ( ). Rullebrett kan berre brukast på rampen og med verneutstyr. Me kastar snøball berre på blink og ikkje på medelevar Alle held seg innanfor skulen sine grenser i skuletida. Sjå kart. Me tek vare på og fer fint med skulen og andre sine ting. 3

4 Døme på konsekvensar: Mista rett til å vera inne i midttimar i tidsavgrensa periodar. Sitja på rektor sitt kontor i pausar. Vera saman med læraren som har tilsyn i pausar. Sitja att 20 minutt etter skuletid. Foreldre skal varslast på førehand. 4. MOBIL, DATA OG SPEL:: Det er ikkje høve til å ta mobilen med på skulen. Dersom foreldre skriv melding om det (avtalar), kan eleven ha mobilen med seg ein einskilddag. Det kan gjerast skriftlege avtalar mellom foreldre og skule også for lenger tid. Mobilen skal då liggja i sekken utan lyd. Det er ikkje lov å bruka MP3, dataspel, ipad, ipod eller liknande på skulen. Læraren tek mobilen, og føresette hentar han på skulen. Føresette skal ha beskjed om dette. 5. SYKLING TIL SKULEN: Frå 5. trinnet er det lov å sykla til skulen Det skal nyttast hjelm Syklane må vera i god stand Trafikkreglane må følgjast Føresette blir kontakta. Elevar får ikkje sykla på turar i skulen sin regi utan hjelm. 6. MELDING TIL SKULEN: Når nokon er sjuke, skal dei vaksne heime melde frå til skulen om det før skulestart. Dersom ikkje anna er avtalt, skal det sendast SMS til kontaktlærar. Læraren svarer ikkje på desse, Det skal i tillegg skrivast melding i meldingsboka når eleven kjem tilbake til skulen. Dersom nokon søkjer permisjon må dei bruke meldingsboka eller epost dersom det gjeld ein dag eller mindre. For fleire dagar må skjema på heimesida nyttast. Kontaktlærar kan gje permisjon i ein dag Rektor kan gje permisjon i inntil 2 samanhengande veker dersom han / ho vurderer det som forsvarleg. Elevar har ikkje krav på å få permisjon. Dersom elevar har permisjon frå skulen, er det dei føresette som har ansvar for å følgje opp skulearbeidet og læringsmåla for eleven denne tida. Dersom det vert søkt om permisjon utover 2 veker, må eleven skrivast ut frå skulen og skrivast inn att når han/ho kjem attende. 4

5 7. ANNA: Snop og brus tek ein berre med på skulen etter avtale Røyk, snus eller andre rusmiddel skal ikkje nyttast på skulen sitt område Snop og brus: Blir inndratt, og det blir gitt melding heim. Røyk, snus og andre rusmiddel: Blir inndratt og heimen blir kontakta. I alvorlege tilfelle kan også politiet bli kontakta. 5