Mandatory Assignment 07 Rapport

Transkript

1 Mandatory Assignment 07 Rapport Malin Ersland Bjørgen våren 2015 Introduksjon Oppgåva me fekk handla om å utvikle ei merkevare og designe innpakning og salspunkt. Eg synes oppgåva virka veldig interessant når me fekk ho, og føler etter fire veker med arbeid at det har vore svært lærerikt. Eg valde tidleg å spele på mitt eige forhold til dyr og dyremat, og gjekk difor for eit alternativ eg føler at mangler i butikkane i dag: skikkeleg næringsrik, økologisk dyremat noko som òg ville vere passande ettersom økologi er svært «trendy» for tida. OBS! For å gjere teksten meir lettlest og uavbrutt har eg samle alle skisser og bilete på slutten av rapporten, med henvisning til bileta i teksten. Research og arbeidsprosess Mitt produkt Det første eg skulle gjere var å utvikle eit namn/merke og deretter lage ein logo for produktet. Ettersom eg er katteeigar og òg har hatt hund/dyr mykje i livet, så passa denne oppgåva fint for meg. Det første eg tenkte på var kva for type hundemat som kunne vore attraktivt/aktuelt å selje. Det første som spratt inn i hovudet var økologisk og næringsrik hundemat. Denne typen produkt er populært for tida, og for oss som bur ute på landet er det ikkje særleg mange dyrebutikkar som sel «god hundemat» lett tilgjengeleg. Difor valde eg to fokuspunkt for mitt produkt: økologisk og sunt/næringsrikt. Med desse to tinga i bakhovudet byrja eg å tenkje på namn. Av alle eg kom på var det ein av dei første som vart ståande: ECODOG. Namnet speler på «ecology/ecological» og «dog», og er eit namn som fungerer godt både på norsk og engelsk, slik at produktet vil kunne appellere òg til turistar eller utanfor landet. Merkevare og logo Som oppgåva spesiferte starta eg med å lage ulike forskjellige skisser med forslag til logoar i lite format. Ettersom eg veldig ofte ender opp med logoar som er unødig detaljerte (føler eg sjølv iallefall), valde eg denne gongen å sikte meg inn på noko langt enklare, med mindre bruk av farge og grafikk, og fokus på simplisitet. Det som var fokuspunktet for meg i produktet var at dette skal være hundemat som er bra for hunden, som er næringsrik og sunn, og difor ville eg setje hunden i fokus i logoen. Ut i frå skissene eg hadde laga så valde eg ut tre av desse som eg

2 likte godt og viste til fleire, og utifrå eiga meining og tilbakemelding frå andre valde eg så ut 2 stk som eg arbeida vidare med digitalt. Det som begynte som enkle skisser, blei til slutt omgjort til to digitale prosjekt eg kunne arbeida vidare med (bilete 1). Det neste steget var å gjere ferdig logografikken, som i mitt tilfelle som sagt blei med to forslag. Den første var ein logo kor økologi kom i fokus, med ein hund som kviler foran eit gardsbruk (bilete 3). Her hadde eg det eg følte var ein god idè, men under vidare arbeid følte eg at eg ikkje fekk det resultatet eg ynskja, og eg valde difor å leggje denne idèen til side. Den andre skissa var ein langt enklare variant, med konturen av to hundar som former eit hjerte (bilete 2). Denne likte eg langt betre, blant anna då han hadde eit simplare design. Eg hadde ein grov idè i hovudet som eg hadde skissert frå før, som eg deretter teikna inn i Photoshop og arbeida vidare med, før eg til slutt sat att med ei ferdig skisse. Denne overførte eg til Illustrator og brukte Trace Image for å konvertere den digitale A3 teikninga til vektorgrafikk. Eg var lenge usikker på korleis eg ville ramme inn logoen, så eg skisserte fleire alternativ i grovt format på papir. Desse viste eg fram til fleire, som var samde om at ei oval ramme med dobbel kant ville ta seg best ut. Eg teikna difor dette inn. Deretter eksperimenterte eg litt med fargar før eg sat att med ein hovudlogo eg var nøgd med.det siste som skulle gjerast var å plassere navnet på produktet/ideen inn i logoen. Her nytta eg etter litt prøving ein font som heitte Aires, som eg blåste opp i stor storleik. Denne blei òg konvertert til vektor, og eg brukte den same paletten som eg nytta på logoen for å setje farge, slik at det vart eit gåande design/fargeval både på logo og skrift. Til slutt sat eg igjen med ein ferdig logo som eg vart svært nøgd med, og som eg følte passa godt til produktet eg skisserte (bilete 4 og 5). Plakat og brosjyre Når eg skulle lage plakat og brosjyre starta eg med utgangspunktet eg hadde frå før; logoen og fargepaletten eg hadde vald meg ut i arbeidet med logo. I tillegg visste eg godt kva for slags produkt eg ynskja å lage, og det gjorde at tankeprosessen rundt oppgåva var starta allereie veka før. Etter at logoen var ferdig starta eg med skisseringa av både plakat og brosjyre (bilete 6-7). Som eg var inne på tidligare var eg tidlig ute med å tenkje på korleis eg ville nytte fargar i oppgåva mi, og her valde eg å halde fram med paletten eg hadde laga meg når eg skulle arbeide med plakat og brosjyre. Først ut var plakaten, og eg starta med inndelinga. Her skisserte eg opp eit forslag eg var nøgd med, og tok det vidare i Adobe InDesign. Oppgåva spesiferte at plakat og brosjyre skulle demonstrere næringsinnhaldet i hundematen, samt ein illustrasjon. Dette valde eg å løyse ved å nytte ei grafisk samanlikning mellom EcoDog og anna, generisk hundemat kjøpt i butikk både på plakaten og i brosjyren, som viste næringsinnhaldet i EcoDog samanlikna med andre typar hundemat. I brosjyren valde eg vidare å inkludere ein fòrtabell, og eg vurderte lenge å ha med ei komplett oversikt over vitaminer, mineraler osv. i tillegg. Denne valde eg derimot å ta han bort då eg følte det vart for mykje tekst. Oversikta som blei laga til brosjyren blei likevel tatt med vidare, og hamna til slutt på baksida av innpakninga. Det siste eg gjorde var å få på plass bakgrunn og typografi. Eg var lenge usikker på korleis eg ville ha bakgrunnen, anna enn at eg ville nytte fargane frå paletten. Etter litt prøving og feiling

3 fann eg ut at ein gradient med to av fargane frå paletten blei det eg var mest nøgd med, då med den mørkaste fargen på topp. Når det kom til skrifttypen/typografien ville eg ha ein enkel skrifttype som ikkje var «oppbrukt» (som t.d. Times New Roman, Arial eller verst av alt; Comic Sans). Etter å ha prøvd ulike variantar slo eg meg ned på Copperplate Gothic, kor eg valde å nytte Bold til overskrifter og Regular til brødtekst. Eg valde òg å nytte tekstfarge frå paletten for å gi heilskap i designet. Innpakning Innpakninga var det eg følte var enklast. Eg bestemte meg tidleg for at eg ville ha ein enkel innpakning, ulik det som dei fleste merka har i dag. Når eg var rundt i butikkane og kika følte eg at dei fleste dyremat-pakkane var veldig «blærete» og ikkje alltid like relevante til produktet. Eg ville i mykje større grad ha ei innpakning som harmonerte både med produktet og måten eg ynskja å selje det. Som tidlegare sagt, eg var opptatt av at dette skulle vere eit produkt kor designet skulle vidareføre konseptet slik at det var konseptet i seg sjølv som var attraktivt, ikkje berre designet. For å få ein heilskap valde eg å vidareføre mykje av arbeidet frå plakaten og brosjyren, og eg jobba i grunn lite på skissestadiet med denne oppgåva, med kun to enkle skisser av fram- og bakside (bilete 8 og 9). Eg hadde frå før bestemt meg kva for type innpakning eg ville ha, og designa ut i frå det. Designet var på mange måtar to-delt; logo og presentasjon i front, informasjon bak. Vidare tok eg tidligare arbeid med i prosessen, og blant anna havna tabellen med næringsinnhald, som eg fjerna frå brosjyren, på baksida saman med ingrediensane. Når det kom til sjølve formen valde eg typisk dyrematpose, med opning i toppen. Eit savn eg har hatt i forhold til dyremat har vore skikkeleg bærehåndtak, og eg teikna inn ein patent kor eg ville ha eit forsterka hjørne med separat handtak framføre å «skjære» eit handtak inn i pakken. Dette er illustrert i skissene bak (bilete 8 og 9), samt på foto av innpakninga (bilete 10). «Point of sale» Når eg skulle lage point of sale eller «sjokkar» så eg er vant med å kalle det, brukte eg mykje erfaring frå då eg sjølv arbeida i butikk. Det eg hugsa var at dei sjokkarane som fekk merksemd frå kundane var i stor grad dei som var rett på sak, gjorde lite nummer ut av produktet, og som hadde informasjon vedlagt. Utifrå dette såg eg for meg ein sjokkar basert på typisk EuroPallstørrelse, med to «etasjar» kor det kunne stå produkt. Eg valde å tenke marknadsføring, og køyrte på med gratis prøveporsjonar i toppetasjen, og store sekkar i underetasjen. I tillegg valde eg å ta med ein brosjyrehaldar, samt eit «ekstraskilt» kor ein kan ha pris og/eller informasjon. Utforminga kom difor svært kjapt, og eg gjekk vidare til designdelen. Som nemnd tidligare ynskja eg eit design som var meir anonymt enn vanleg, og som heller vidareførte konseptet og satte dei i fokus, framfor «overdriven» marknadsføring, som eg som sagt har sett tidligare at ikkje lokka kundar noko særleg. Eg starta med den vanlege paletten eg

4 nytta i heile oppgåva, men bestemte meg tidleg for å gå bort i frå gradienten som eg hadde nytta på dei andre produkta, og gjekk heller for ein av dei andre fargane. På denne måten følte eg at produkta ville komme meir i fokus. Vidare plasserte eg på brosjyrehaldar, ein godt synleg logo, og overskrifta kjent frå brosjyre, plakat og innpakning. Som eg var inne på i brand manual var det lite reklame på sjølve «sjokkaren», noko som vart gjort bevisst, med den tanken at ein heller nytter plakaten rundt/ved sjokkaren, samt henviser kunden til den informative brosjyren. På den måten får ein fram alt det ein vil utan at det blir eit «sirkus» av det. I arbeidet med point of sale / sjokkar nytta eg Illustrator til å lage sjølve utforminga, før eg nytt Photoshop til å setje saman eit komplett bilete med brosjyrar og produkt plassert. For illustrasjons skuld inkluderte eg både tom og full sjokkar i manualen (òg inkludert her som bilete 11 og 12). Brand manual / presentasjon Det siste eg arbeida med var å samle alt arbeidet i ein brand manual, som eg satte saman i InDesign. Tanken var at alle dei ulike produkta skulle visast fram, saman med guide rundt typografi og palett. Eg valde å vidareføre bakgrunnen frå dei andre produkta, men noko meir anonymt, med kvite ruter i senter til å plassere grafikk og tekst i. Eg valde å gå for eit A4- format (bretta A3) slik at sidene vart store nok til at grafikken vart godt synleg. Dette var den delen av arbeidet eg nytta minst tid på, då det i stor grad handla om å setje saman dei eksisterande produkta til eit felles framstilling. Etter at eg hadde satt alt saman brukte eg nokre timar på formulere tekstar til kvert enkelt element, slik at mykje av det som er med i manualen blei forklart. Det einaste eg blei mindre nøgd med var at plakaten blei mindre enn eg håpa i manualen, noko eg valde å «leve med» ettersom det same innhaldet var godt synleg i brosjyren og på innpakninga. Eg valde å samle bileta av produktet heilt til slutt. Design og inspirasjon Mykje om design er sagt i foregåande kapittel, men eg vil prøve å oppsummere litt dei tankane eg hadde rundt designbiten. Allereie frå første dag hadde eg mange tankar rundt dette med fargar, ettersom eg ville ha fargar som kunne representere økologi på ein god måte. Etter å ha prøvd ut mange variantar enda eg til slutt opp med ein palett av ulike grønne tonar ettersom eg følte det passa produktet, merkevara og dei ideane eg hadde på ein gode måte. Desse fargane blei difor tatt i bruk allereie i logoen første veka, og same paletten blei vidareført i dei tre neste vekene av arbeid. Når eg jobba så brukte eg mykje LOGO DESIGN WORKBOOK, for å få tips og idear for korleis eg skulle lage logoen, og mykje av tipsa eg fekk tok eg med meg vidare i heile arbeidet. Eg brukte og internett for å sjå om eg fann noko som kunne hjelpe meg med inspirasjonen, samt at eg var innom fleire butikkar og såg på utvalet av hunde- og dyremat for å sjå korleis andre hadde gjort det før. Når første veka nærma seg slutt hadde eg difor eit bilete i hovudet av

5 korleis eg ville at dei ulike delane skulle vere og sjå ut, og det blei i grunn få endringar i forhold til dei første planane mine utover i arbeidet dei neste vekene. Når eg skulle lage logoen tenkte eg mykje over korleis eg ville at kundane skulle sjå produktet. Etter forskjellige forsøk endte eg opp med ein logo eg sjølv meinar er både enkel, elegant og ikkje for mykje rot på, noko eg har slitt med i tidligare arbeidsoppgåver, nemlig at eg lager logoar som vert for innvikla. Eg følte samstundes at dei andre alternativa eg skisserte ville bli i overkant for mykje i forhold til konseptet eg ynskja. Når det kom til innpakninga såg eg over dei andre produkta som eg på markedet idag og kva eg sjølv kunne tenkt meg var annerledes med dei. Her valde eg som nevnt ovanfor å vidareføre logo og konsept på ein slik måte at konseptet kom i fokus, ikkje designet, då eg ynskja at det skulle vere konseptet som selde, ikkje designet. På den måten skapte eg mi eiga innpakning som eg sjølv vart svært nøgd med. Med dei resterande elementa (plakat, brosjyre, point of sale osv.) var eg veldig opptatt av dei same tinga, nettopp at det var konseptet som skulle selje. Difor valde eg å gå for eit svært anonymt design som gjekk igjen over heile oppgåva og alle produkta. Dette blei mest synleg i «point of sale», kor eg gjekk for ein veldig enkel modell, med tanke om å heller gi fokus til dei øvrige elementa (plakat, brosjyre osv.) Egenevaluering Eg føler sjølv at eg har fått til eit bra resultat med denne oppgåva, sjølv om designet kanskje har blitt veldig enkelt. Det er likevel det eg ynskja, men eg er spent om det er slik oppgåva ynskja det. Ved tidligare oppgåver har eg blitt veldig fokusert på å oppfylle oppgåva, framfor å bli nøgd med eige arbeid, og denne gongen har eg snudd veldig på dette, slik at eg no sit med eit produkt og ei oppgåve eg sjølv er svært nøgd med, med større usikkerheit rundt korleis evalueringa i forhold til oppgåva vil bli. Dette var den første store oppgåva på over eitt år, og eg merka godt at det var lenge sidan eg hadde arbeide med denne typen oppgåver. Eg brukte ei veke mindre enn tiltenkt på oppgåva pga. sjukdom, slik at eg starta med oppgåva i veke 2 og arbeida mykje inn att i påskeferien i staden for. Eg føler sjølv at eg er blitt meir rutinert og har betre arbeidsvanar no enn for eitt år sidan, sjølv om eg framleis kjenner litt på usikkerheita i forhold til eige arbeid. Likevel ei forbetring sidan sist, som eg er svært nøgd med.

6 Kilder og referansanser Inspirasjon og hjelp i arbeidet: Adams, Morioka, Stone (2004). Logo Design Workbook. Mass, USA: Rockport Publishers Bilete nytta til inspirasjon eller basis i arbeid: Basis for næringsinnhold til hundemat: t_energy_18294.pdf?1&_ga=

7 Bilete 1: Skissene som eg arbeida med når eg skulle lage logo.

8 Til venstre, bilete 2: skissa eg valde å arbeide vidare med til ferdig logo. Under, bilete 3: Skissa eg arbeida med ei stund, men forkasta då eg ikkje var nøgd med ho.