Søk regionale miljøtilskudd elektronisk

Transkript

1 Søk regionale miljøtilskudd elektronisk I 2015 er det endå enklare å levere søknaden om regionalt miljøtilskot på internett. Me vonar du søkjer elektronisk. I denne folderen er det ei skildring av korleis du søkjer elektronisk med tips og råd til utfylling. Ta vare på den og finn den fram når du skal søkje. Du kan òg få hjelp og støtte frå kommunen din. Du kan søkje elektronisk frå 1. august! Elektronisk søknad har fleire fordelar: Kartteikningane frå 2014 eller 2013 kan nyttast om att Du får ferdig utfylte opplysningar om føretaket Du får løpande beskjed om du har fylt ut skjemaet rett Opplysninganevert kontrollert undervegs Du får kvittering i Altinn på at søknaden er motteken. «Min meldingsboks Arkivert» I Altinn «Mitt landbruksforetak» kan du sjå når det er gjort vedtak på søknaden Lever søknaden elektronisk - trygt og sikkert på

2 Landbruksdirektoratet Side: 2 av 5 Kva må du gjere på forhånd? Du treng berre ein vanleg nettlesar for å søkje. Dersom du ikkje har tilgong til ein datamaskin, kan du kontakte landbruksansvarleg i kommunen. Dei kan hjelpe deg med å få lagt inn søknaden elektronisk. Sjølve søknadsskjemaet ligg på Altinn, så du logge deg på med MinID eller BankID. Det er lurt å ordne dette i god tid før du skal fylle ut søknaden. Slik søkjer du elektronisk Gå til og klikk på banneret. Søk om tilskot i landbruket elektronisk. Der finn du direktelenke til skjemaet i Altinn. Når du kjem inn i Altinn, husk å velje å representere føretaket og ikkje deg sjølv som person. Du kjem no inn i søknadsskjemaet og får sjå grunnopplysningane om føretaket ditt. På denne sida vel du kva fylke du skal søkje i.

3 Landbruksdirektoratet Side: 3 av 5 Eigedomar Når du har valt fylke, trykkjer du Neste>> og legg inn eigedomane du skal søkje for. Søkte du i fjor vil eigedomane du hadde tiltak på i fjor automatisk vere fylt ut i søknadsskjemaet. Dersom du ikkje hadde RMP-søknad i fjor, men har sendt inn elektronisk søknad for produksjonstilskot i år, vil eigedomane derfra allereie vere fylt ut i søknadsskjemaet. Miljøtiltak på kart Dei fleste tiltaka skal stadfestast i kart. Trykk Neste>> for å kome til sida Miljøtiltak på kart. Her må du trykkje på knappen Åpne kart. Søkte du i 2013 eller 2014 får du spørsmål om du vil importere kartteikningane kommunen godkjente. Dette kan ta litt tid sidan alle kartteikningane du hadde skal hentast opp. Du kan etter importen endre/slette flatene eller teikne nye. Du kan òg velje å importere kartteikningar seinare, men hugs det vil då slette det du ev. har teikna allereie i år. Dersom du ikkje har søkt før får du sjå den første eigedomen som er lagt inn i søknaden. Du kan berre teikne inn tiltak på én eigedom i gongen. Har du flere eigedomar du skal søkje for, kan du bytte mellom desse i nedtrekksmenyen øvst i kartvinduet. Om du ynskjer å leggje til andre eigedomar i søknaden, må du gjere dette i søknadsskjemaet. Importknapp

4 Landbruksdirektoratet Side: 4 av 5 1. Trykk på Velg tiltak øvst i kartet. I lista er alle tiltak som finst i fylket tilgjengeleg. Lista er sortert på aktivitetsområde og tiltak. Skal du velje tiltaksklasse, skal du velje dette etter at tiltaket er teikna inn. 2. Før du kan teikne, må du velje mellom «Tegn i kart» eller «Velg område». 3. Vel område: Du kan nå velje ein markslagsfigur innan for eigedomen med eit enkeltklikk i kartet. 4. Teikn i kart: Du får beskjed om tiltaket skal teiknast som punkt, linje eller flate. Punkt vert teikna med eitt klikk i kartet. Linjer vert teikna med fleire klikk i kartet. Avslutt med ett dobbeltklikk. Flater vert teikna med eitt klikk for kvart hjørne av området. Avslutt med eitt dobbeltklikk. Om kartet syner eit merka område i blått, kan tiltaket berre teiknast innafor dette. Teikner du utanfor, vil det automatisk verte klippa vekk. Det er ikkje naudsynt å teikne nøyaktig langs for eigedomsgrenser el. 5. Trykk «Lagre» og hald fram med innteikningane. Trykk «Angre» om du ikkje vil lagre tiltaket. 6. Når du er ferdig, trykker du «Avslutt» øvst til høgre og vert sendt attende til søknadsskjema. 7. Alle tiltaka du har teikna vert vist i ei liste under kartet. Her kan du trykkje på Endre eller Slett for å rette opp i tiltaka. Når du har teikna i kartet, må du trykkje på «Hent kartdata» i skjemaet for å få tiltaka med i søknaden. HUGS: Ta kontakt med landbruksansvarlige i kommunen dersom du treng hjelp med å teikne i kartet. Andre miljøtiltak Nokre tiltak skal ikkje teiknast i kart. Dette er: Beite i utmark Bevaringsverdige husdyrraser Drift av enkelt- eller fellesseter med foredling. Dersom du søkjer om tilskot til desse tiltaka, skal de fyllast ut på sida Andre miljøtiltak. Tilleggsinformasjon Trykk Neste>> for å kome til sida Tilleggsinformasjon. Her må du krysse av for dei eigenerklæringane som gjeld for deg. Om du har en melding til sakshandsamar, kan dette fyllast ut her. Om du skal leggje til vedlegg, trykk på fana øvst til venstre:

5 Landbruksdirektoratet Side: 5 av 5 Samandrag Gå vidare til Samandrag for å sjå heile søknaden. Ps.Dette er ikkje ein kvittering. Innsending! Når du er ferdig med å fylle ut søknadsskjemaet, trykkjer du på knappen «Kontroller skjema». Du får då melding om det er noko som må rettast opp. Dernest trykkjer du «Vidare til innsending». På den siste sida må du tilslutt klikke på «Send inn» for å sende inn søknaden. For å vere heilt sikker på at søknaden er sendt inn skal du finne det innsendte skjemaet under «Min meldingsboks - Arkivert». Ligger det ikkje der har du kanskje gløymt å trykkje «Send inn». Innsyn i sakshandsaminga Om du lurer på om det er gjort eit vedtak på søknaden eller om den er under handsaming, gå til «Mitt landbruksforetak» i Altinn. Der kan du sjå status på søknaden. Her kan du òg sjå på eller endre kontonummeret som tilskotet vert utbetalt til. Gå til Mitt landbruksforetak for å sjekke at kontonummeret stemmer. Nytt kontonummer må endrast i Altinn. Du kan endre dette fram til 2.februar 2016.