Fjell kommune Arkiv: 504 Saksmappe: 2011/703-24389/2011 Sakshandsamar: Jonas Bjørklund Dato: 17.11.2011 SAKSDOKUMENT Utvalsaksnr Utval Møtedato 38/12 Komité for plan og utvikling 13.03.2012 Framlegg til reguleringsplan for gravplass ved Foldnes kyrkje gnr 36/227 m.fl. 1.gongs handsaming Tiltakshavar: Fjell sokneråd Samandrag av saka: Saka gjeld 1. gongs handsaming av framlegg til reguleringsplan for gravplass ved Foldnes kyrkje. Planframlegget er utarbeidd av Bergen kyrkjelege fellesråd på vegne av Fjell sokneråd. Arealet, som utgjer ca 57,6 daa, ligg aust for Foldnes kyrkje. Det er i kommunedelplan for Straume satt av til gravplass, friområde samt Straumemila, og vil erstatte delar av reguleringsplan for ny kyrkje på Litlesotra, stadfesta 30.09.1999 samt delar av Turveg Hjelteryggen - Foldnes, stadfesta 08.02.2001. Hovudføremålet i planen er å leggje til rette for opparbeiding av gravplass. Planen legg til rette for 10 gravfelt, 3 urnefelt, barnehage, driftsbygning, friområde og infrastruktur. Utvidinga av gravplassen vil kunne gje plass til omlag 1130 kistegraver og 400 urnegraver, med høve til å utvide med omlag 1000 urnegraver i namna minnelund. Oppstart av planarbeidet vart kunngjort mai 2011, og det kom inn 7 merknader. Rådmannen rår til at framlegg til reguleringsplan for Foldnes kyrkje vert lagt ut til offentleg ettersyn. Innstilling: Komité for plan og utvikling vedtek: Komité for plan og utvikling godkjenner at reguleringsplan for gravplass ved Foldnes kyrkje gnr 36/227 m.fl. datert 05.03.2012 med føresegner datert 10.01.2012 vert lagt ut til offentleg ettersyn i samsvar med 12-10 i plan- og bygningslova. Straume, den 05.03.2012 Steinar Nesse Bjørn Erik Kristiansen
Rådmann Konst. plan- og utbyggingssjef Handsama i Komité for plan og utvikling - 13.03.2012: Innstillinga vart samrøystes vedteken. Vedtak i Komité for plan og utvikling - 13.03.2012: Komité for plan og utvikling vedtek: Komité for plan og utvikling godkjenner at reguleringsplan for gravplass ved Foldnes kyrkje gnr 36/227 m.fl. datert 05.03.2012 med føresegner datert 10.01.2012 vert lagt ut til offentleg ettersyn i samsvar med 12-10 i plan- og bygningslova. Dokument vedlagt saka: Reguleringsplankart datert 05.03.2012 Reguleringsføresegner datert 10.01.2012 Planskildring datert 28.10 2011 Illustrasjonsplan datert 05.03.2012 Saksopplysningar: Tiltakshavar Bergen kyrkjelege fellesråd har på vegne av Fjell sokneråd utarbeidd framlegg til reguleringsplan for Foldnes Gravplass. Bakgrunn for saka Området er allereie regulert til gravplass i reguleringsplan for ny kyrkje på Litlesotra. I denne planen er høgspentlina plassert inn tvers over deler av det potensielle gravfeltet, noko som gjer det lite eigna til opparbeiding av gravplass. Forskrift til gravferdslova 7 seier at det ikkje er tillete å plassere gravfelt under høgspentliner, og det er difor naudsynt å flytte lina lengre aust. I tillegg har Straume kyrkjegård liten ledig kapasitet, medan Lov om kirkegårder, kremasjon og gravferd (gravferdslova) 2, 1. ledd krev at det finst ledige graver til minst 3% av kommunen sitt innbyggjartal. Etablering av ny gravplass på Foldnes er naudsynt for å overhalde desse lovkrava. Planstatus I kommunedelplan for Straume er området avsett til gravplass og friområde, og ein del av Straumemila kryssar gjennom området. Området er også markert som ein del av stille område rundt Skiftedalsvatnet i kommunedelplanen. I gjeldande plan for ny kyrkje på Litlesotra stadfesta 30.09.99, planid 19990006, er området satt av til spesialområde gravlund, friområde, høgspentanlegg, vegetasjonsbelte, køyreveg og parkering. Delar av området er også regulert til turveg i planen Turveg Hjelteryggen - Foldnes, planid 20010013. Denne planen vil erstatte dei eldre planane innafor planområdet.
Planprosess Oppstartsmøte vart halde i mars 2011. Oppstart av regulering vart kunngjort 21.05.2011. Det kom 7 merknader, ingen av desse var frå private partar. Det er gjort greie for korleis merknadene er handsama i saksframstillinga. Det har vore halde undervegsmøte mellom plan- og utbyggingssjefen og Fjell sokneråd. Planområde og eksisterande situasjon Planområdet utgjer om lag 57,6 daa og ligg rett aust for Foldnes kyrkje, med sørleg avgrensing mot Skiftedalsvatnet og mot LNF- område i aust og nord. Tussetjødna barnehage med to avdelingar ligg vest i planområdet, nær inntil kyrkja. Delar av planområdet av myrlandskap, og terrenget fell slakt mot søraust. Området er prega av knausar, og har nokre større vekstar der jordsmonnet tillet det. Ei høgspentline går sørvest/ nordaust gjennom området, og er føresatt flytta til utkanten av planområdet. Planframlegget: Bygg og anlegg Grav- og urnelund Hovudføremålet med planen er å legge til rette for etablering av 10 nye gravfelt samt 3 urnelundar. Desse føremåla utgjer til saman 17,8 daa, og inneheld 1130 kistegraver og om lag 400 urnegraver. Planen opnar i tillegg til dette for etablering av ein namna minnelund med plass til omlag 1000 urner. Med "namna minnelund" meinest at det på eit område av gravlunden er et felles gravminne med tilhøyrande gravfelt for urne/kistegraver. Det vert reist eit felles gravminne for namneplater med namnet til dei avdøde. Dette er ein arealeffektiv måte å innrette urnefeltet, der kvar urne får eit felt på 50 x 50 cm. Namna minnelund er nytta mellom anna i Stavanger, Trondheim og Oslo, og vil vere eit godt tilskot til gravlunden no eller på litt lengre sikt. Andre tiltak som inngår i føremålet er interne vegar, sitjeplassar, vasspostar og vegetasjon. Opparbeiding av gravlunden inneber etablering av nytt terreng egna til gravfelta. Naudsynte bygg og anlegg for grav- og urnelund Planen gjer det og mogleg å etablere eit driftsbygg til drift av og lager for kyrkjegarden. Bygget kan i tillegg innehalde garderobe, lunsjrom, kontor og wc for tilsette. Gesimshøgda er satt til 6 meter for å gjere plass til maskiner og anna driftsmateriell. Eit eventuelt driftsbygg skal liggje nordvest i planområdet, ved inngangen til gravlunden, som vist i illustrasjonsplan. Barnehage Tussetjødna barnehage ligg inne i planområdet, og nyttar delar av planområdet til leik og uteopphald. Barnehagen disponerar ei leikehytte som skal flyttas inn i friluftsområde 3 eller 4 i samband med etablering av gravlunden. I begge desse felta har barnehagen særskilt bruksrett etter planframlegget. Samferdselsanlegg og teknisk infrastruktur Veg Planframlegget inneheld ein ny offentleg veg frå rundkøyringa ved Foldnes kyrkje til den nye gravlunden, Veg 1. Vegen skal ha ei bredde på 4 meter, så han kan fungere som prosesjonsveg ved seremoniar og tilkomstveg i anleggsfasen. Planområdet inneheld ikkje eigen parkering, og dette skal løysas på eksisterande parkeringsplass ved kyrkja. Lengst sør i planområdet ligg Veg 2, som er BKK sin private veg til trafostasjonen. Fortau
Langs den nye offentlege vegen er det planlagt fortau for trygg tilkomst for fotgjengarar. Planen legg opp til fotgjengarfelt som kryssar Veg 1 mellom eksisterande parkering og eksisterande barnehage. Anna veggrunn Føremålet er tiltenkt fyllingar og sideareal for veg, og kan nyttast til drenering og snølagring. Grønstruktur Turveg Gjennom området går ein turveg, delt opp i tre føremål; Turveg 1-3. Turveg 2 som går frå offentleg veg og ut av planområdet mot nord er den største, med ei regulert bredde på 3 meter. Sørover ligg Turveg 1 og 3 med ei bredde på 2 meter. Vegen er ein del av den planlagde turvegen frå Straume til Hjelteryggen. Friluftsføremål LNF-R friluft Det største føremålet i areal i planen er friluftsområda, med totalt 26 daa fordelt på 6 område. Desse er i hovudsak myrområde med lyng, gras og mose. I friluft 3 nede ved vatnet er det opning for bygging av små bryggjer og anna relatert til friluftsføremålet. Planen inneheld og 7,3 daa. friluft i vatn i nord - austlege del av Skiftedalsvatnet. Omsynssoner Høgspenningsanlegg Eksisterande høgspenningsanlegg er i planframlegget flytta austover for å gjere plass til gravlunden. Høgspentlina har ein omsynssone på 15 meter på kvar sid, og det er ikkje tillete å etablere graver i denne sona. Sona ligg delvis i føremålet grav- og urnelund, og det er gjort for å kunne opparbeide gangvegar, ny vegetasjon o.a i området. Merknadar: Statens Vegvesen, 06.06.2011 Ingen merknad Teken til orientering. NVE, 10.06.2011 Ønskjer at området rundt Skiftedalsvatnet skal reguleras til bruk og vern av sjø og vassdrag, og at kantsonene kan regulerast til Natur og friluftsliv. Planen tek i vare desse omsyna ved å regulere inn dei aktuelle føremåla. Hordaland Fylkeskommune, Kultur- og idrettsavdelinga, 14.06., 16.09. og 24.10.2011 Finn det naudsynt å gjennomføre ei arkeologisk registrering. Registreringa resulterte ikkje i funn av automatisk freda eller andre verneverdige kulturminne. Teken til orientering. BKK, 22.06.2011 Syner til kraftleidninga som går gjennom området, og at denne må regulerast til omsynssone. Leidninga er bygd etter anleggskonsesjon, og NVE må difor handsame ein søknad om
endring av konsesjonen i samband med flytting av traseen. Tiltakshavar må bere alle kostnadane med omlegging av traseen. Vidare meiner BKK at ein av beredskapsmessige omsyn ikkje ønskjer at planen legg opp til auka ferdsel forbi deira installasjonar sør i området. Leidningstraseen er regulert inn som omsynssone i planframlegget, og Fjell kommune er i dialog med BKK Nett a/s om omlegging av traseen. Når det gjeld ferdsel i dei sørlege områda, ligg Straumemila gjennom området både i eksisterande reguleringsplan og i kommunedelplan for Straume. Turvegen ligg i planframlegget på austsida av BKK sin veg til koplingsanlegget, og vil etter rådmannens sitt syn ikkje kome i konflikt med BKK sin bruk av området. Fylkesmannen, v/ kommunal- og samfunnsplanavdelinga, 28.06.2011 Ingen særlege merknadar. Teken til orientering. Naturmangfald: Det går fram av naturmangfaldlova (nml) 7 at prinsippa i 8 til 12 skal leggast til grunn ved utøving av offentlig mynde. Vurderinga skal gå fram av vedtaket. Nml 8 Kunnskapsgrunnlaget: Dagens situasjon for området er relativt godt kartlagt for området på overordna nivå. Det føreligg ingen eigen naturmangfaldrapport for området. Nml 9 Føre-var-prinsippet: Det er med dagens kunnskapsgrunnlag liten fare for vesentleg skade på naturmangfaldet. Eit område det må utvisas særlig aktsemd på er drenering av avlaupsvatn frå gravfelta. Rådmannen legg til grunn at dette må gjerast slik at det ikkje blir forureinande avrenning til myrpartia i aust og Skiftedalsvatnet. Nml 10 Økosystemtilnærming og samla belastning: Gravplassen ligg i eit naturområde som er typisk for Fjell kommune, med knausar, lyngrabbar og små myrar. Planframlegget inneber større terrenginngrep ved masseutskifting og heving av terrenget, og senking av grunnvassnivået med ein fangdam sør i området. Det er ikkje registrert viktige eller truga naturtypar eller artar i området. Rådmannen kan ikkje sjå at området har ein slik viktigheit/funksjon for naturmangfaldet, at opparbeiding av gravplassen vil føre til vesentleg endring av økosystemet sitt samla belastning, og gje nemneverdige negative konsekvensar i høve til forvaltningsmåla jf. 4 og 5. Nml 11 Kostnadene ved reduserte miljøverdiar skal bærast av tiltakshavar: Det er etter rådmannen si meining ikkje hensiktsmessig å stille særskilte krav til tiltakshavar utover det generelle ansvar som kan utledast av lovteksten. Nml 12 Miljøforsvarlige teknikkar og metodar ved drift: Reguleringsføresegna seier at omsyn til natur og miljø skal vere prioritert under opparbeiding av areala. Viktig eksisterande vegetasjon skal takas vare på, og gravplassen skal byggjas med økologiske materialar. Rådmannen legg til grunn at dette vert gjort. Vurdering: Reguleringsplanen er i samsvar med gjeldande kommuneplan. Hovudføremålet i planen er å gjere det mogleg å etablere gravplassar ved Foldnes kyrkje, som eit viktig steg i å løyse
kapasitetsproblema knytt til gravplassar. Den gjeldande planen for gravplass i området er vurdert som lite eigna for gjennomføring, hovudsakeleg pga. høgspentlina over gravfelta. Rådmannen synes og det er positivt at det nye planframlegget legg opp til eit moderne og framtidsretta anlegg. Planen legg i første rekke til rette for ein gravlund i form av eit funksjonelt og verdig parkanlegg som tek omsyn til naturgjevne kvalitetar i området, og dei verdifulle naturkvalitetane rundt Skiftedalsvatnet. I forlenginga av dette vil planen gje betre tilkomst til turområda, og sikre barnehagen sitt behov for uteopphald og leik. Rådmannen rår til at framlegg til reguleringsplan for gravplass ved Foldnes kyrkje vert lagt ut til offentleg ettersyn.