Fjell kommune Arkiv: : 504 Saksmappe: 2011/ /2012 Sakshandsamar: Jonas Bjørklund Dato: SAKSDOKUMENT

Transkript

1 Fjell kommune Arkiv: : 504 Saksmappe: 2011/ /2012 Sakshandsamar: Jonas Bjørklund Dato: SAKSDOKUMENT Utvalsaksnr Utval Møtedato Komité for plan og utvikling Kommunestyret Reguleringsplan for gravplass ved Foldnes kyrkje, gnr 36/227 m.fl. Slutthandsaming. Tiltakshavar: Fjell sokneråd. Samandrag av saka: Saka gjeld slutthandsaming av framlegg til reguleringsplan for gravplass ved Foldnes kyrkje. Planframlegget er utarbeidd av Bergen kyrkjelege fellesråd på vegne av Fjell sokneråd. Arealet, som utgjer ca 57,6 daa, ligg aust for Foldnes kyrkje. Det er i kommunedelplan for Straume satt av til gravplass, friområde samt Straumemila, og vil erstatte delar av reguleringsplan for ny kyrkje på Litlesotra, stadfesta samt delar av Turveg Hjelteryggen - Foldnes, stadfesta Hovudføremålet i planen er å leggje til rette for opparbeiding av gravplass. Planen legg til rette for 10 gravfelt, 3 urnefelt, barnehage, driftsbygning, friområde og infrastruktur. Utvidinga av gravplassen vil kunne gje plass til omlag 1130 kistegraver og 400 urnegraver, med høve til å utvide med omlag 1000 urnegraver i namna minnelund. Planen vart lagt ut på høyring og det kom inn 5 merknader, alle frå offentlege instansar. Rådmannen rår til at framlegg til reguleringsplan for Foldnes kyrkje vert godkjent med dei endringar i føresegnene som går fram av saka. Innstilling: Komité for plan og utvikling tilrår: Kommunestyret godkjenner i medhald av i plan- og bygningslova, framlegg til reguleringsplan for gravplass ved Foldnes kyrkje, gnr 36/227 m.fl. datert med tilhøyrande reguleringsføresegner revidert Straume, den

2 Steinar Nesse Rådmann Bjørn Erik Kristiansen Konst. plan- og utbyggingssjef Dokument vedlagt saka: Plankart datert Føresegner revidert Planskildring revidert Illustrasjonsplan datert Saksopplysningar: Tiltakshavar: Bergen kyrkjelege fellesråd har på vegne av Fjell sokneråd utarbeidd framlegg til reguleringsplan for Foldnes Gravplass. Bakgrunn for saka: Området er allereie regulert til gravplass i reguleringsplan for ny kyrkje på Litlesotra. I denne planen er høgspentlina plassert inn tvers over deler av det potensielle gravfeltet, noko som gjer det lite eigna til opparbeiding av gravplass. Forskrift til gravferdslova 7 seier at det ikkje er tillete å plassere gravfelt under høgspentliner, og det er difor naudsynt å flytte lina lengre aust. I tillegg har Straume kyrkjegård liten ledig kapasitet, medan Lov om kirkegårder, kremasjon og gravferd (gravferdslova) 2, 1. ledd krev at det finst ledige graver til minst 3% av kommunen sitt innbyggjartal. Etablering av ny gravplass på Foldnes er naudsynt for å overhalde desse lovkrava. Planstatus: I kommunedelplan for Straume er området avsett til gravplass og friområde, og ein del av Straumemila kryssar gjennom området. Området er også markert som ein del av stille område rundt Skiftedalsvatnet i kommunedelplanen. I gjeldande plan for ny kyrkje på Litlesotra stadfesta , planid , er området satt av til spesialområde gravlund, friområde, høgspentanlegg, vegetasjonsbelte, køyreveg og parkering. Delar av området er også regulert til turveg i planen Turveg Hjelteryggen - Foldnes, planid Denne planen vil erstatte dei eldre planane innafor planområdet. Planprosess: Oppstartsmøte vart halde i mars Oppstart av regulering vart kunngjort Det har vore halde undervegsmøte mellom plan- og utbyggingssjefen og Fjell sokneråd. Planen vart handsama første gong av KPU (sak 38/12), og lagt ut på høyring Det kom inn 5 merknadar, alle frå offentlege instansar. Planområde og eksisterande situasjon: Planområdet utgjer om lag 57,6 daa og ligg rett aust for Foldnes kyrkje, med sørleg avgrensing mot Skiftedalsvatnet og mot LNF- område i aust og nord. Tussetjødna barnehage med to avdelingar ligg vest i planområdet, nær inntil kyrkja. Delar av planområdet består av myrlandskap, og terrenget fell slakt mot søraust. Området er prega av knausar, og har nokre større vekstar der jordsmonnet tillet det. Ei høgspentline går sørvest/ nordaust gjennom området, og er føresatt flytta til utkanten av planområdet. Planframlegget:

3 Bygg og anlegg Grav- og urnelund Hovudføremålet med planen er å legge til rette for etablering av 10 nye gravfelt samt 3 urnelundar. Desse føremåla utgjer til saman 17,8 daa, og inneheld 1130 kistegraver og om lag 400 urnegraver. Planen opnar i tillegg til dette for etablering av ein namna minnelund med plass til omlag 1000 urner. Med "namna minnelund" meinast at det på eit område av gravlunden er eit felles gravminne med tilhøyrande gravfelt for urne/kistegraver. Det vert reisteit felles gravminne for namneplater med namnet til dei avdøde. Dette er ein arealeffektiv måte å innrette urnefeltet, der kvar urne får eit felt på 50 x 50 cm. Namna minnelund er nytta mellom anna i Stavanger, Trondheim og Oslo, og vil vere eit godt tilskot til gravlunden no eller på litt lengre sikt. Andre tiltak som inngår i føremålet er interne vegar, sitjeplassar, vasspostar og vegetasjon. Opparbeiding av gravlunden inneber etablering av nytt terreng egna til gravfelta. Naudsynte bygg og anlegg for grav- og urnelund Planen gjer det og mogleg å etablere eit driftsbygg til drift av og lager for kyrkjegarden. Bygget kan i tillegg innehalde garderobe, lunsjrom, kontor og wc for tilsette. Gesimshøgda er satt til 6 meter for å gjere plass til maskiner og anna driftsmateriell. Eit eventuelt driftsbygg skal liggje nordvest i planområdet, ved inngangen til gravlunden, som vist i illustrasjonsplan. Barnehage Tussetjødna barnehage ligg inne i planområdet, og nyttar delar av planområdet til leik og uteopphald. Barnehagen disponerar ei leikehytte som skal flyttas til eigna stad i samband med etablering av gravlunden. I felta Friluft 3 og 4 har barnehagen særskilt bruksrett etter planframlegget. Samferdselsanlegg og teknisk infrastruktur Veg Planframlegget inneheld ein ny offentleg veg frå rundkøyringa ved Foldnes kyrkje til den nye gravlunden, Veg 1. Vegen skal ha ei bredde på 4 meter, så han kan fungere som prosesjonsveg ved seremoniar og tilkomstveg i anleggsfasen. Planområdet inneheld ikkje eigen parkering, og dette skal løysas på eksisterande parkeringsplass ved kyrkja. Lengst sør i planområdet ligg Veg 2, som er BKK sin private veg til trafostasjonen. Fortau Langs den nye offentlege vegen er det planlagt fortau for trygg tilkomst for fotgjengarar. Planen legg opp til fotgjengarfelt som kryssar Veg 1 mellom eksisterande parkering og eksisterande barnehage. Anna veggrunn Føremålet er tiltenkt fyllingar og sideareal for veg, og kan nyttast til drenering og snølagring. Grønstruktur Turveg Gjennom området går ein turveg, delt opp i tre føremål; Turveg 1-3. Turveg 2 som går frå offentleg veg og ut av planområdet mot nord er den største, med ei regulert bredde på 3 meter. Sørover ligg Turveg 1 og 3 med ei bredde på 2 meter. Vegen er ein del av den planlagde turvegen frå Straume til Hjelteryggen. Friluftsføremål LNF-R friluft Det største føremålet i areal i planen er friluftsområda, med totalt 26 daa fordelt på 6 område. Desse er i hovudsak myrområde med lyng, gras og mose. I friluft 3 nede ved vatnet er det

4 opning for bygging av små bryggjer og anna relatert til friluftsføremålet. Planen inneheld og 7,3 daa. friluft i vatn i nord - austlege del av Skiftedalsvatnet. Omsynssoner Høgspenningsanlegg Eksisterande høgspenningsanlegg er i planframlegget flytta austover for å gjere plass til gravlunden. Høgspentlina har ein omsynssone på 15 meter på kvar sid, og det er ikkje tillete å etablere graver i denne sona. Sona ligg delvis i føremålet grav- og urnelund, og det er gjort for å kunne opparbeide gangvegar, ny vegetasjon o.a i området. Offentleg ettersyn: Planen har lagt ute til offentleg ettersyn i tida Det er etter dette motteke 5 merknader. Under følgjer ei gjennomgang av innkomne merknader og rådmannen si vurdering av desse. Merknadene er kort oppsummert under, og ligg i sin heilskap som vedlegg til saka. Statens Vegvesen, På bakgrunn av dei opplysningane og framlegg til planløysingar som kjem fram i plandokumenta har Statens vegvesen ikkje vesentlege merknader til planframlegget. Teken til orientering Noregs Vassdrag- og Energidirektorat, NVE er nøgde med at det ikkje vert gjort inngrep i Skiftedalsvatnet, og at det er regulert inn areal til friluftsføremål langs vatnet. ROS vurderingane i planmaterialet er svært knappe. Det bør gå tydeleg fram om skred- og flaumfare er vurdert. Desse vurderingane er no innarbeida i planskildringa s. 21, punkt 8.9 Risiko. Hordaland Fylkeskommune, Regionalavdelinga Peiker på at det er viktig at barnehagen får alternative areal til å plassere gapahuken, og ventar at det vil bli lagt vekt på i den vidare prosessen, og at ein legg vekt på å ta dei omsyna som er moglege for landskapet, og vurdere avbøtande tiltak ved terrenginngrep. Vidare minner dei om meldeplikt etter kulturminnelova, og ber om at følgjande blir inkludert i planen sine generelle føresegner: Tiltakshavar har plikt til å vise aktsemd, og å straks melde ifrå til Hordaland Fylkeskommune dersom ein under gjennomføring av tiltaket skulle støyte på funn av automatisk freda kulturminne, jf. 8, 2. ledd i kulturminnelova. Føresegna 1.7 og 1.10 tek i vare omsyna til barnehagen og landskapet. Rådmannen ser ikkje på det som naudsynt å inkludere den føreslegne setninga i føresegnene, då dette er styrt gjennom anna lovverk, i dette høvet kulturminnelova. Fylkesmannen i Hordaland, motteken Fylkesmannen har ingen særlege merknader til planframlegget. Teken til orientering. Samarbeidsutvalet ved Tussetjødna barnehage, motteken

5 Merknaden er ikkje nøgd med den føreslåtte plasseringa av leikeområdet med gapahuken, og ønskjer den flytta til ein meir eigna plass. For å ivareta tryggleiken til barna når dei er i barnehagen, meiner SU at det er trong for å få høgare gjerde og port ved inngangspartiet til barnehagen. Dei peiker og på trong for høgare gjerde mot gravplassen i aust. Vidare krev dei at vegbygginga (fortau frå rundkøyringa til gravplassen) ikkje må ta areal frå barnehagen, og at tuja-hekken langs eksisterande veg vert ståande. Rådmannen rår til at rekkefølgjekrav ( 1.7) vert endra slik at leikehytta opparbeidd av barnehagen skal flyttast til eigna stad saman med tilhøyrande leikeapparat. Arbeida skal avklarast mellom barnehagen og landskapsarkitekt. Utbetringa av vegen tek ikkje areal frå barnehagen, men dersom tuja-hekken likevel vert skada eller øydelagt under arbeidet, skal han i.h.t. føresegn 2.7. erstattas med hekk av same storleik. Rådmannen føreset vidare at endeleg utforming av gjerde vert gjort i samband med barnehagen, og at tryggleiken til borna vert ivareteken. Under sakshandsaminga vart det oppdaga at det ved ein inkurie var lagt inn i føresegna at fortau og fotgjengarfelt inn til gravlund skulle vere ferdig opparbeidd før det vart gjeven igangsettingsløyve til grav- og urnelund samt driftsbygning. Dette er vanskeleg å gjere i praksis, knytt til m.a gjennomføringsplan for tiltaket. Rådmannen er kjent med at anleggsmaskinene har tilkomst direkte frå parkeringsplassen, og at dei ikkje vil kome i konflikt med drifta av barnehagen i anleggsperioden. Føresegna vert føreslege endra slik at fortau og fotgjengarfelt skal vere ferdig før bruksløyve kan gjevast. Endringar i planen etter høyring: Føresegner: Endring i føresegn 1.6: Fortau og fotgjengarfelt skal vere ferdigstilt før bruksløyve vert gjeven for bygging av Grav- og urnelund og Driftsbygning. Endring i ordlyd 1.7: Før bruksløyve vert gjeven til Grav- og urnelund skal leikehytte opparbeidd av barnehagen flyttast til eigna stad saman med tilhøyrande leikeapparat. Arbeida skal avklarast mellom barnehagen og landskapsarkitekt. Setning føyd til 2.6: "Eksisterande hekk mot barnehage skal takas vare på, eller erstattas med hekk av same storleik". Planskildringa: Punkt 8.9 er utdjupa i høve risiko knytt til terrenginngrep. Endringane er innarbeida i reviderte føresegner datert Vurdering: Reguleringsplanen er i samsvar med gjeldande kommuneplan. Hovudføremålet i planen er å gjere det mogleg å etablere gravplassar ved Foldnes kyrkje, som eit viktig steg i å løyse kapasitetsproblema knytt til gravplassar. Gjeldande planen for gravplass i området er vurdert som lite eigna for gjennomføring, hovudsakeleg pga. høgspentlina over gravfelta. Rådmannen tykkjer og at det er positivt at den nye planen legg opp til eit moderne og framtidsretta anlegg. Planen legg i første rekke til rette for ein gravlund i form av eit funksjonelt og verdig parkanlegg som tek omsyn til naturgjevne kvalitetar i området, og dei verdifulle naturkvalitetane rundt Skiftedalsvatnet. I forlenginga av dette vil planen gje betre tilkomst til turområda, og sikre barnehagen sitt behov for uteopphald og leik. Høyringsinnspela har vore etter rådmannen sitt syn vore gode og konstruktive, og har bidrege

6 til å auke kvaliteten på planen. Rådmannen rår til at reguleringsplanen og føresegnene vert godkjent med dei endringar som går fram av saka.