Her vil de finne forslag på ulike refleksjonsoppgåver. Desse er meint som inspirasjon. Plukk nokre få. Kvar avdeling/eining kan med fordel tilpasse desse slik at dei er spissa mot deltakarane sin arbeidsdag. Arbeidsgivarpolitikk for framtida legg vekt på at våre leiarar og medarbeidarar skal ha Møre og Romsdal fylkeskommune sine verdiar og visjonar godt integrert i samband med utøving av yrkesrolla si. Vi vil vere ein tydeleg medspelar på vegne av fellesskapet, profesjonelle i alt vi gjer, fagretta og med tydeleg respekt for samfunnsoppdraget vi er gitt. Vårt samfunnsoppdrag byggjer på verdiane respekt, likeverd, medråderett, openheit og fellesskapsansvar. Våre verdiar er meiningsberande bindeledd på alle område og på alle nivå, internt og i vår dialog med innbyggarar, elevar, pasientar, kommunar, arbeidsliv og organisasjonsliv. Arbeidsgivarpolitikk for framtida legg opp til eit tydelegare møte mellom leiarar og medarbeidarar. Vi utfordrar våre leiarar til både å inspirere og rettleie sine kompetente medarbeidarar, samt gje dei autonomi og fleksibilitet. Våre leiarar vil i møte med - og i utviklinga av - kompetente medarbeidarar, i større grad sette regi og utøve leiing gjennom visjon og mål for det vi skal oppnå, meir enn å utøve kontroll og styring av arbeidet.
verkstad om identitet og omdøme Vår felles visjon er ein tydelege medspelar Korleis kan du i din jobb utvikle deg til å bli ein tydleg medspelar? Kvifor er det viktig å ha felles visjon ein tydeleg medspelar for Møre og Romsdal fylkeskommune?
verkstad om identitet og omdøme Møre og Romsdal fylkeskommune sitt verdigrunnlag: respekt likeverd medråderett fellesskapsansvar openheit Korleis kan du utvikle bevisst haldning til verdiane i ditt møte med elevar, foreldre, pasientar på tannklinikken, samarbeidspartnarar, kommunar, medarbeidarar, leiar? Korleis utfordrar verdiane deg i ditt daglege arbeid? På kva måte kan til dømes verdiane respekt og likeverd vere krevjande i møte med elevar, foreldre, pasientar på tannklinikken, samarbeidspartnarar, kommunar, medarbeidarar, leiar?
Regional utviklingsaktør Kva er kjernen i ditt samfunnsoppdrag? Kvifor er du ein viktig aktør for regional utvikling? Kva er du stolt av i jobben din, og korleis synleggjer du det?
tannhelse Vår felles visjon «Ein tydeleg medspelar «Korleis kan du i din jobb utvikle deg til ein tydleg medspelar i møte med pasientane, føresette, medarbeidarar og leiarar. Kva forventningar har du til arbeidsgivar som tydeleg medspelar. Tenk gjerne ansvarsdeling, medråderett, kvalitet på tenesten osv.
tannhelse Vårt felles verdigrunnlag : respekt likeverd medråderett fellesskapsansvar openheit Korleis kan du utvikle bevisst haldning til verdiane i ditt møte med pasientar på tannklinikken, samarbeidspartnarar, kommunar, medarbeidarar og leiar? Korleis utfordrar verdiane deg i ditt daglege arbeid? På kva måte kan til dømes verdiane respekt og likeverd vere krevjande i møte med ulike pasientgrupper? Korleis kan din arbeidsplass utvikle gode system der verdiane blir ein naturleg del av all samhandling. Tenk gjerne etablerte møteplassar som AMU, personalmøte, distriksmøte, medarbeidarsamtale, fagsamling o.l.
tannhelse Tannhelsetenesten i Møre og Romsdal fylkeskommune er organisert i tannhelsedistrikt med klinikkstruktur. Samhandling og kompetanseoverføring blir sett som kjerneelement i kvalitetsutvikling. På kva område kan eit samarbeid mellom klinikkane gi betre tannhelseteneste for brukargruppene. Kom gjerne med døme på korleis eit slikt samarbeid kan utviklast.
utdanning Vår felles visjon «Ein tydeleg medspelar «Korleis kan du (som pedagog, leiar, reinhaldar, vaktmeister) utvikle deg til ein tydeleg medspelar i møte med elevar, foreldre, medarbeidarar, leiarar osv. Sjå AGP styringsdokument saman med nasjonale styringsdokument frå sektoren nedfelt i lov, forskrifter og avtaleverk. Korleis reflekterer vi over dette temaet? Korleis kan skolen din kople styringsdokumenta for kvalitet på utdanninga, med rolla di som ein tydeleg medspelar?
utdanning Kva forventningar har du til arbeidsgivar/leiar som tydeleg medspelar i møte med deg som pedagog, mellomleiar, reinhaldar, vaktmeister. Tenk gjerne ansvarsdeling, medråderett, kvalitet på tenesten osv.
utdanning Vårt felles verdigrunnlag : respekt likeverd medråderett fellesskapsansvar openheit På kva måte brukar de verdiane i drøftingar kring utvikling og samhandling, og korleis er vala forankra i verdiane? Tenk gjerne etablerte møteplassar for drøfting og samhandling: Foreldremøte, utviklingsmøte mellom lærar og elev, personalmøte, Team-møte, AMU, drøftingsmøte, medarbeidarsamtale osv. Korleis utfordrar verdiane deg i ditt daglege arbeid? På kva måte kan til dømes verdiane respekt og likeverd vere krevjande i møte med elevar? Korleis syner verdiane seg att i kvalitetsplan, tiltaksplan, arbeidsplan og vurderingskriterier som er våre lokale styringsdokument?
lærande organisajon Vi ønkjer å utvikle miljø og kulturar for læring og utvikling som er kunnskapsbaserte, skape arena for systematisk bearbeiding og refleksjon over eigne og andre sine erfaringar/praksis Kva gjer vi på vår arbeidsplass for å sikre kunnskapsbasert læring og utvikling? Korleis kan vi legge til rette for systematisk bearbeiding og refleksjon over eigne og andre sine erfaringar/praksis?
Godt medarbeiderskap Forventning: «Tilsette i Møre og Romsdal fylkeskommune skal vere kjenneteikna av høg etisk standard i alt vi gjer.» Er fylkeskommunen sine etiske retningslinjene kjende for deg? Korleis kan du og din arbeidsplass utvikle høg etisk standard med retningslinjene i botn? Sjå: http://mrfylke.no/intranett/arbeidsgivar-hr/lov-avtale-reglement/reglement
Godt medarbeiderskap Forventning: «Alle tilsette skal medvirke aktivt i målprosessar som budsjett, verksemdsplan, prosjekt, kvalitetssystem mål for mitt arbeid osv, og kome med forslag til løysing.» Slik du er kjent med deg sjølv og din arbeidsplass: Korleis er tilsette aktivt med i målprosessar? Forventning: «Alle tilsette seier i frå til leiar på en konstruktiv måte når han eller ho er ueing.» Drøft korleis kulturen er på din arbeidsplass.
Godt medarbeiderskap Forventning: «Alle tilsette skal arbeide lojalt for å nå politiske og administrative mål når vedtak er fatta.» a. Kva tyder lojalitet her? b. Korleis forheld du og din arbeidsplass seg til fatta vedtak de er usamde i? Forventning: «Alle tilsette nyttar fagkompetanse og ressursar til beste for brukarar og samarbeidspartnarar.» Korleis kan fagkompetansen og ressursane på din arbeidsplass møte forventninga om å bli nytta til beste for brukarar og samarbeidspartnarar?
Godt medarbeiderskap Forventning: «Alle tilsette tek avgjerder innanfor område han eller ho har kompetanse på i forståing med leiar.» Opplever de klåre ansvarslinjer på din arbeidsplass? Drøft om de har ansvar og mynde på dykkar kompetanseområde? Korleis kan ansvarsdelinga bli endå tydelegare?
Godt medarbeiderskap Forventning: «Alle tilsette tek ansvar for eiga læring, personleg utvikling og deler kompetanse med andre.» Korleis tek du og din arbeidsplass ansvar for eiga utvikling? Kom med døme på korleis de deler kompetanse med andre kollegaer eller andre avdelingar.
Godt medarbeiderskap Forventning: «Alle tilsette medverkar til eit godt arbeidsmiljø» Korleis kan du og dine medarbeidarar medverke til eit godt arbeidsmiljø.