Leiarutviklingsprogram for Møre og Romsdal fylkeskommune

Transkript

1 Notat som grunnlag for utarbeiding av kravspesifikasjon (Versjon ) Leiarutviklingsprogram for Møre og Romsdal fylkeskommune Bakgrunn Viser til Møre og Romsdal fylkeskommune sin vedtekne «Arbeidsgivarpolitikk for framtida» med m.a. plattform for leiing og medarbeidarutvikling. I vår arbeidsgivarpolitikk heiter det m.a. at «Møre og Romsdal fylke skal framstå som ein organisasjon med eigen vilje til kontinuerlig utvikling. Evne til kontinuerlig refleksjon over vegval, mål, tiltak og aktivitetar er grunnleggande. Vi skal utvikle kulturar for læring og utvikling som er kunnskapsbaserte. Møre og Romsdal fylke vil utvikle sin praksis på bakgrunn av praksisnær forsking og ved systematisk bearbeiding og refleksjon over eigne og andre sine erfaringar, både i og utanfor organisasjonen.» «Arbeidsgivarpolitikken legg opp til eit tydelegare møte mellom leiarar og medarbeidarar. Vi utfordrar våre leiarar til både å inspirere og rettleie sine kompetente medarbeidarar, samt gje dei autonomi og fleksibilitet. Våre leiarar vil i møte med - og i utviklinga av - kompetente medarbeidarar, i større grad sette regi og utøve leiing gjennom visjon og mål for det vi skal oppnå, meir enn å utøve kontroll og styring av arbeidet.» Dette vil utfordre oss i forhold arbeid med rolleforståing og bevisstgjering av den enkelte medarbeidar i forhold til oppgåver, ansvar, klargjering av forventningar og krav til kvalitet. Myndiggjering vil måtte skje gjennom at leiarane er tett på sine medarbeidarar, definerar mål, utfordrar gjennom krav, gir støtte/"heiar på", gir og får tilbakemelding, driv kontinuerlig refleksjon/evaluering av praksis, driv oppfølging og legg til rette for utvikling. Arbeidsgivarpolitikk for framtida set kvalitet på tenestene og profesjonalisering av oppgåveløysinga i sentrum. Dette vil stille store krav til kvalitetsplanlegging, resultatvurdering- og oppfølging. Vi skal møte utfordringane og endringsbehova ved å vere tydelege på at vi ønskjer å vere ein innovativ og lærande organisasjon. Plattforma for leiing og medarbeidarutvikling tek utgangspunkt i desse hovudperspektiva: kompetente medarbeidarar heilskapleg og utfordrande leiarskap relasjon, dialog og refleksjon Vi viser også til KS sin arbeidsgivarstrategi mot 2020 som har vore sentral referanseramme for utviklinga vår lokale arbeidsgivarpolitikk. Møre og Romsdal fylkeskommune etablerer no fylkesakademiet som ein arena for interne opplæringstiltak på arbeidsgivar- og organisasjonsområdet. For oss er det viktig å få på plass rullerande opplæringstiltak som kan medvirke til at vi arbeider kontinuerleg og systematisk med organisasjons- og tenesteutvikling. Fylkesakademiet skal styrke identiteten til fylkeskommunen som arbeidsgivar og medvirke til å utvikle økt organisasjonskunnskap- og forståing. Leiarutvikling står svært sentralt i dette, og vi ønskjer å inngå langsiktige avtalar med eksterne miljø som gjer at vi kan tilby våre leiarar kvalifiserte leiarutviklingsprogram med god oppfølging over tid. Leiarutviklingsprogram struktur og innhald Arbeidsgivarpolitikk for framtida tek utgangspunkt i definerte innsatsområde. Leiarutviklingsprogrammet

2 skal ta utgangpunkt i og støtte opp under dei definerte innsatsområda. Programmet skal vere kopla til kjerneverksemda og praksisfeltet som den enkelte deltakar arbeider i. Leiarutviklingsprogrammet skal likevel vere eit felles og sektorovergripande program med deltakarar frå ulike delar og nivå i organisasjonen. Programmet skal utvikle og avklare forståing av Møre og Romsdal fylkeskommune som organisasjon og deltakarane sin eigen leiarrolle i lys av dette utvikle allmenne kunnskapar om leiing av kunnskapsorganisasjonar, men med tydeleg kopling til vår plattform for leiing og medarbeidarutvikling gje deltakarane praktiske verkty som leiarane sjølv kan ta i bruk for å gjennomføre prosessar på eigen arbeidsplass. Trening og utvikling av deltakarane sine leiarferdigheiter skal vektleggast, jf. fokus på utvikling av lærande organisasjon og relasjonsleiing (dialog og refleksjon). Utviklingsområde: 1. Utvikling av organisasjon 2. Felles og heilskapleg leiarskap 3. Individuell leiarkompetanse Utvikling av organisasjonen Deltakarane i programmet skal kople programmet til reelle utfordringar og utviklingsområde som det skal jobbast med på samlingane og på eigen arbeidsplass mellom samlingane/modulane. Felles tilnærming for alle deltakarane er at programmet skal føre til utvikling av eigen organisasjon, og dette skal vere kopla til desse prioriterte hovudtema: Visjon, mål og verdiar Myndiggjering kompetente medarbeidarar Kompetanseutvikling lærande organisasjon Kvalitet og profesjonalisering Dei prioriterte temane er valt fordi Arbeidsgivarpolitikk for framtida løftar fram at Møre og Romsdal fylkeskommune gjennom systematisk arbeid skal sikre og utvikle kvalitet og profesjonalitet på alle område og nivå i verksemda. Vi skal vere ein organisasjon med tydeleg kultur for læring, der leiarar og medarbeidarar viser vilje til kontinuerleg utvikling og refleksjon over eigen praksis. Kompetanseutvikling og utviklingsarbeid er ein del av kjerneverksemda, og er ein kontinuerleg prosess (jf. Innleiinga). Felles og heilskapleg leiarskap legg til grunn at det er eit godt samspel mellom det politiske og administrative leiarskapet. Det er også nødvendig at det administrative leiarskapet lukkast med samarbeid på tvers og mellom nivåa i organisasjonen og i høve eksterne nettverk og partnarskap for å realisere fylket sine samla oppdrag. Dette betyr at linjeleiarane både må ivareta eiga eining og fellesskapets interesser. Vi ser føre oss at dette blir eit avgrensa tema i sjølve leiarutviklingsprogrammet, men og at dette blir løfta fram på den årlege arbeidsgivarpolitikk-konferansen til Møre og Romsdal fylkeskommune der alle leiarar, tillitsvalte og verneombod deltek. Dette ser vi også på som eit viktig ledd i å binde organisasjonen saman og skape felles identitet, jf. prosessar med implementering av arbeidsgivarpolitikken og KS sitt nasjonale omdømmeprosjektet som Møre og Romsdal fylkeskommune deltek i. Individuell leiakompetanse må ta utgangspunkt i den enkelte leiar sine personlege eigenskapar og ferdigheiter. Metodikk og ferdigheiter innan relasjonsleiing;, teamutvikling, dialog og refleksjon vil stå svært sentralt her. Leiarane må lære meir om seg sjølv og på den måten etablere betre relasjonar til sine medarbeidarar. Metodar for kartlegging av og refleksjon over eigne ferdigheiter og utviklingsbehov vil bli viktig. Målgruppe: Alle leiarar med personalansvar. Alle nye leiarar skal ha starta på leiarutviklingsprogrammet seinast

3 innan 12 månader etter tiltreding, og gjennomføring av programmet er å sjå som obligatorisk for desse. Leiartalent (omtalt i arbeidsgivarpolitikken i samband med alternative karrierevegar) Tillitsvalte skal delta på enkelte modular i programmet Det vil ikkje vere ope for deltaking i programmet for andre utan arbeidsforhold i Møre og Romsdal fylkeskommune. Som regional utviklingsaktør vil vi likevel gjere konseptet tilgjengeleg for kommunar eller andre aktørar som arbeider med utvikling av leiarutviklingsprogram. Modul- og temabasert program: Leiarutviklingsprogrammet skal vere modul- og temabasert. Det vil seie at det skal vere mogleg å følgje enkelte modular/samlingar utan å måtte delta på heile programmet. Dette vil vere aktuelt for enkelte leiarar som har tatt del i leiarutvikling tidlegare og som ønskjer oppfølging og fordjuping på enkelte tema. Det same vil gjelde for tillistvalte som vi er opptatt av skal utvikle ei felles referanseramme saman med leiarane i forhold til korleis vi tenkjer leiing og medarbeidarutvikling i vår verksemd. Tillitsvalte skal i sterkare grad inn som utviklingspartnar i arbeidsprosessar der dette blir balansert i forhold til den meir tradisjonelle tillitsvaltsrolla som ekspert/fullmektig/forhandlar. Tillitsvalte skal i sterkare grad «inviterast inn i leiing». Det er lagt opp til aktivitet mellom modulane/samlingane der deltakarane skal arbeide med konkrete utviklingsprosessar på eigen arbeidsplass som eit ledd i utvikling av organisasjonen og seg sjølv som leiar. Omfang, studiepoeng og eksamen: Det er inngått eit samarbeid med Høgskolesektoren slik at programmet kan gje studiepoeng. Programmet skal gjennomførast over ein periode på 15 månader (evt. 18 månader) og vil ha ei ramme som tilsvarar 15 studiepoeng. Oppstart av programmet med nye deltakarar skjer i januar kvart år. For den som gjennomfører alle modulane skal det vere mogleg å ta eksamen. Vi ønskjer at alle våre nye leiarar fullfører heile programmet og tek eksamen. Oppfølging og støtte til deltakarane under programmet Møre og Romsdal fylkeskommune vil legge stor vekt på oppfølging. Det er berre når deltakarane tek i bruk kunnskapane og verktya i kvardagen at medarbeidarar og andre interessentar vil merke positiv effekt av programmet. Deltakarane i programmet skal inngå avtalar med kvarandre om å ha ein eller fleire faste dialogpartnarar som skal støtte og rettleie/»coache» kvarandre undervegs i programmet og i ein periode etter at programmet er avslutta. Det kan vere aktuelt at to og to deltakarar inngår avtalar om å vere dialogpartnar/coach for kvarandre, eller at deltakarar frå same geografiske nærområde etablerer basisgrupper som kan drive med kollegarettleing/»coaching» av kvarandre. Forslag til modulinndeling av leiarutviklingsprogrammet: 1. Modul Tema: Organisasjons- og rolleforståing (2 dagar) Det overordna teorigrunnlaget for og introduksjon av programmet (dag 1) Møre og Romsdal fylkeskommune som organisasjon (dag 1) Den arbeidsgivarpolitiske plattforma for Møre og Romsdal fylkeskommune (dag 1) Mål- og rammestyring avklaring av leiarrolla og handlingsrommet (dag 2) Heilskapleg og utfordrande leiarskap - myndiggjering i praksis (les myndiggjorte og kompetente

4 medarbeidarar) Kva skal kjenneteikne vårt leiarskap når leiarutviklingsprogrammet er over? (dag 2) Modul 1 vil innhaldsmesssig ha ei klar kopling til introduksjonsdag for nye leiarar, jf. det nye introduksjonsprogrammet. 2. Modul Tema: Vurdering og val av utviklingsområde i eit organisasjonsperspektiv (2 dagar) Kva er dei viktigaste utviklingsområda for min arbeidsplass, jf. ovanfor om utvikling av organisasjon, og kva av dette skal den enkelte deltakar jobbe med gjennom programmet? Metodikk for oppfølging av utviklingsområda prosessleiing og proaktivt leiarskap (korleis initiere utviklingsprosessar og involvere arbeidsmiljøet i dette). Avklar kva slags nettverk og arena som skal nyttast på eigen arbeidsplass. Involver tillistvalte. Utviklingsområda skal vere kopla til dei prioriterte hovudtema: Visjon, mål og verdiar (bygge felles identitet) Myndiggjering kompetente medarbeidarar Kompetanseutvikling lærande organisasjon Kvalitet og profesjonalisering Coaching / støtte undervegs (etablering av basisgrupper, avtale om dialogpartnar/rettleiar) Definering av arbeidsoppgåver for mellomperioden fram til neste samling 3. Modul Tema: Utviklingsverkstad arbeid med utviklingsområde (1 dag) Oppfølging og refleksjon rundt arbeid med utviklingsområda valt på førre samling: 1. Kulturdugnad korleis beskriv vi eigen organisasjon og kva har vi oppnådd på vår arbeidsplass? 2. Arbeide med utviklingsområda- og mål (høgdepunkthistorier) Modul 3 kan med fordel koplast til konsept for arbeidsgivarpolitiske verkstader (fase 2) der fleire aktørar på eigen arbeidsplass blir involvert (tillistvalte og andre leiarar frå same arbeidsplass). 4. Modul Tema: Individuell leiarkompetanse relasjonsleiing (2 dagar) Introduksjon av relasjonsleiing (dag 1) Kartlegging av leiarferdigheiter (introduksjon og bruk av verkty) Val av individuelle utviklingsområde og utviklingsmål ein vil jobbe spesielt med under programmet (dag 2). Det må vere ein god samanheng mellom dei val som blir gjort her og val av utviklingsområde som er valt under 2. modul. 5. Modul Tema: Relasjonsleiing med hovudvekt på trening (2 dagar) Kommunikasjon og refleksjon (målstyring, leiing og samhandling med og i mellom kompetente medarbeidarar)

5 Team og teamutvikling Dei vanskelege personalsamtalane-/sakene (og konflikthandtering i lys av relasjonsleiing). Bruk av verkty og metode m.v. i samband med konflikthandtering blir følgt oppgjennom eigen modul i HMS-grunnopplæring i regi av Fylkesakademiet. Arbeide med eigne utviklingsområde, jf. 2. og 3. modul 6. Modul Tema: Kompetanseutvikling/-styring og -mobilisering (2 dagar) Føresetnadar for læring og målretta utvikling (individ- og organisasjonsnivået) Medarbeidar-/utviklingssamtalen (verkty/trening) Følgje opp progresjon i forhold til arbeid med eigne utviklingsområde 7. Modul Tema: Oppfølging (1 dag) Korleis har vi arbeidd med utviklingsområda på eigen arbeidsplass? Kva utfordringar møtte vi? Kva treng den enkelte deltakar å jobbe vidare med (personlege utviklingsmål) Deltakarane får høve til å spele inn eit tema som dei ønskjer påfyll på i samband med avslutning av programmet og som grunnlag for oppfølging i etterkant Deltaking på dei ulike modulane Modul 1, 2 og 3 (2 og 3 heng saman), dag 1 på modul 4 og modul 6 vil vere open for leiarar som ikkje skal følgje heile programmet. Det vil likevel vere klare avgrensingar i høve til kor mange som kan delta. Vi ser føre oss ca. 25 deltakarar i kvart kull som følgjer heile programmet, men med noko høgare deltakartal på enkeltmodular. Leiartalent som blir identifiserte gjennom medarbeidar-/utviklingssamtalen som potensielle leiarkandidatar, jf. pkt. 2.5 om karriereperspektiv og karriereplan i retteiar for medarbeidar-/utviklingssamtalen, kan delta på alle dei 6 første modulane. Utviklingsoppgåvene- og måla som det skal arbeidast med i gjennom programmet må likevel tilpassast og ta omsyn til at denne målgruppa ikkje er i ein leiarposisjon i dag. For at leiartalent skal kunne delta er det også ein føresetnad at leiargruppa ved den eininga deltakeren kjem i frå legg til rette slik at vedkommande kan tildelast reelle utviklings- og/eller prosjektoppgåver ved eigen arbeidsplass. Det blir lagt til grunn at det må vere minium 2 leiartalent i kvart kull for at denne gruppa skal kunne delta. Leiartalenta vil bli kopla saman i gruppearbeid på modulane og som dialogpartnar/coach for kvarandre under programmet. Tillitsvalte kan delta på 1. modul, modul 2 og 3 (heng saman) samt dag 1 på 4. modul. For at tillitsvalte skal kunne delta på modul 2 og 3 er det ein føresetnad at det deltek leiar(ar) i programmet frå same eining. Krav til tilbydarane Programmet må kunne tilpassast, godkjennast og gje studiepoeng (med eksamen) gjennom høgskulesystemet. Det må vere krav til bruk av / referanse til litteratur der relasjonsleiing, leiing av kunnskapsorganisasjonar og myndiggjering av kompetente medarbeidarar står sentralt. Litteratur vedkommande nettverksarbeid og partnarskap bør også inngå som ein del av pensum. Konsulentane skal ha kunnskap om og kunne dokumentere brei erfaring med leiarutvikling og omstillings-/endringsprosessar frå kommunale- og eller fylkeskommunale verksemder Konsulentane skal kunne presentere og bruke verkty for kartlegging av individuelle leiarferdigheiter og leiarvurdering/oppfølging

6 Ein eller fleire av konsulentane skal ha tyngre kompetanse innan relasjonsleiing, kommunikasjon og coaching. Alle konsulentane må kunne dokumentere prosessleiar- og utviklingskompetanse Tilbydarane blir gjort merksam på at det vil vere aktuelt for Møre og Romsdal fylkeskommune å ta eit sjølvstendig fagleg ansvar for oppfølging og gjennomføring av mindre innhaldselement i programmet. Dette vil gjelde spesielt i høve modul 1. Leiarvurdering og oppfølging Uavhengig av leiarutviklingsprogrammet må organisasjonen drøfte korleis vi vil drive systematisk med leiarvurdering og oppfølging. Spørsmål om leiaravtalar, resultatvurdering, 360 graders vurdering m.v. vil stå sentralt i forhold til dette. Motsatsen til leiarutvikling er leiaravvikling og organisasjonen må også drøfte korleis vi vil følgje opp dette. Andre tema for leiaropplæring Generell opplæring innafor andre temaområde som styringsrett, lov- og avtaleverk, økonomiforvaltning, bruk av fagsystem m.m. vil måtte ivaretakast gjennom eigne temakurs på sida av sjølve leiarutviklingsprogrammet. Det vil vere behov for slike kurs i organisasjonen med jamne mellomrom, også for ei breiare målgruppe enn dei som deltek på leiarutviklingsprogrammet. Slike tiltak vil kunne følgjast opp i regi av Fylkesakademiet. Dag Lervik Personalsjef