Førde kommune Arkiv: FA - L12 JournalpostID: 16/647 Sakshandsamar: Holme, Berit Dato: 12.01.2016 Saksframlegg Saksnr. utval Utval Møtedato 001/16 Planutvalet 21.01.2016 Detaljregulering Angedalsvegen 47 og 49 - offentleg ettersyn Rådmannen sitt framlegg til vedtak: I samsvar med Plan- og bygningslova 12-10, vert detaljreguleringsplan for Angedalsvegen 47 og 49, med plankart dagsett 17.4.15 og føresegner dagsett 24.4.15, sendt ut på høyring og lagt ut til offentleg ettersyn. Vedlegg i saka: 24.04.2015 Planomtale, føresegner, ROS-Angedalsvegen 49 og 47 164952 11.05.2015 Plankart Angedalsvegen_47-49 167072 11.05.2015 Flyfoto 167073 24.04.2015 Angedalsvegen 47 49 vegtrafikkstøy 164954 24.04.2015 Skredfarevurdering Angedalsvegen_47_49 164957 24.04.2015 Flaumkart år 2100 Angedalsvegen 164955 24.04.2015 Underskrift ROS-analyse 164956 11.05.2015 Revidert føresegner Angedalsvegen 47 og 49 167082 21.01.2016 Planutvalet Handsaming: Samrøystes vedtak PLAN-001/16 Vedtak: I samsvar med Plan- og bygningslova 12-10, vert detaljreguleringsplan for Angedalsvegen 47 og 49, med plankart dagsett 17.4.15 og føresegner dagsett 24.4.15, sendt ut på høyring og lagt ut til offentleg ettersyn. Saka gjeld: Landskapsarkitekt Gyril Fimreite AS har i samarbeid med Arki AS utarbeidd framlegg til
detaljregulering for Angedalsvegen 47-49. Føremålet med planen er å legge til rette for å etablere konsentrert småhusbusetnad (6 bueiningar i to etasjar) i Angedalsvegen 49. Framlegget omfattar også Angedalsvegen 47 som frittliggande småhus. Det er utarbeidd planomtale med risiko-sjekkliste, vurdering av skred, flaum og støy, reguleringsføresegner og plankart. Planframlegget skal handsamast etter Plan- og bygningslova (PBL) 12-3. Planutvalet skal ta stilling til om framlegget tilfredsstiller dei krav som er stilt til reguleringsplan, og ev. sende denne til offentleg ettersyn. Plankart og føresegner vil vere juridisk bindande, medan andre dokument er av opplysande art. Bakgrunn for saka: Reguleringsplan Grovene-Flata, vedteke 12.2.76, gjeld for området. Eigedomane er regulert til frittliggande bustadhus med inntil 2 sjølvstendige familiehusvære på inntil 2 etasjar. Planframlegget vil ikkje samsvare med gjeldande plan. Det er ynskje om ei fortetting av eigedom 49 med 6 bueiningar. Det er halde førehandskonferanse om plansaka og det er m.a. peika på at området Angedals-vegen 43 til 49 bør regulerast samla for å få ei heilskapleg vurdering og utforming. Grunneigarane ynskjer ikkje dette, og området vert detaljregulert i to planar. Varsel om start av planarbeid er kunngjort i avisa Firda, og sendt grunneigarar, naboar og offentlege instansar med merknadsfrist 28.07.14. Innkomne merknader i samband med start av planarbeidet er kort kommentert i planomtalen. Omtale av planframlegget: Framlegg til planområde gjeld gbnr. 21/149, 22/10, 17,19, 29, og delar av 22/135, og samla areal er ca. 2,5 dekar. Føremålet er byggeområde for frittliggande småhus og konsentrert småhus. Utnyttingsgrad er for frittliggande småhus sett til 30 % BYA og for konsentrert småhus sett til 55 % BYA. Bygga kan førast opp i 2 etasjar med loft/ hems med skrå- eller saltak. Tilkomst til området skal skje frå Lindborgvegen i aust. Det vert vist til planomtale for fleire opplysningar om framlegget. Vurdering: I framlegg til ny arealplan er det m.a. fokus på fortetting i eksisterande bustadfelt, og planframlegget vil såleis vere i samsvar med dette. Det er likevel viktig at bukvalitet og dei nære omgjevnadane vert teke vare på. Dette kan m.a. sikrast ved at det vert sett av nok eigna areal til rekreasjon, leik, parkering og tilkomst. I planomtalen er det vist til at det vil vere privat og felles uteopphaldsareal på eigedomane. Det er krav om at felles uteopphaldsareal skal settast i stand når bygga
vert teke i bruk, jf. 3.2. Storleiken skal følgje framlegg til reglar for uteopphaldsareal til arealdelen, jf. 6.3. Om lag 30 m frå planområdet i aust ligg eit offentleg friområde på ca. 2 dekar med ein ballplass. Det private uteopphaldsarealet mot Angedalsvegen kan bli redusert når vegen skal endrast/ rustast opp. Ein utnyttingsgrad på 30 % bebygd (BYA) for frittliggande husvære er vanleg, medan 55 % BYA for konsentrert småhusbusetnad er noko høg. Krav til uteopp-haldsareal vil sikre ubygd areal, og rådmannen vurderer at dette vil vere i samsvar med ny arealdel om fortetting i sentrumsnært område. Området er nesten flatt, slik at det ligg godt til rette for god tilgjenge for alle. Dette er sikra i 6.2. Det er sett krav om kvalitet på uttrykk og form i 4.4 i føresegna, som vil sikre tilhøve til karakter og form i området. Tilkomst til eigedomane skjer i dag frå Angedalsvegen. På grunn av høg trafikk og låg standard på veg og fortau vert tilkomst til eigedomane flytta til Lindborgvegen i nordaust. Det er sett krav om at eksisterande tilkomstar skal stengast når det vert sett i gang nye byggetiltak, jf. 3.3. Areal til parkering tek utgangspunkt i framlegg til reglar for parkering i kommuneplanen sin arealdel. Det er brukt igangsettingsløyve i føresegnene 3.1, 3.4, 3.5. Rådmannen rår til at dette vert endra til bruksløyve, då tilhøva er retta mot bruk og ikkje bygging. Risiko og sårbarheit Planområdet er vurdert i høve potensielle risiko- og sårbare tilhøve ved hjelp av ei sjekkliste. Det viser seg at grunntilhøve, flaum og støy kan verke inn på området. Det er ikkje avdekka andre tilhøve som gjer at det må setjast i verk særskilde tiltak. Radon er nemnt i sjekklista, men det er ikkje vist til registreringar for området. Byggetekniske forskrifter TEK10 i høve radon vil derfor gjelde for området. Støy: Det er gjort ei vurdering av støy frå vegtrafikk i planområdet, jf. rapport. Området ligg i raud og gul støysone. Det må gjerast tiltak som oppføring av støyskjerm og bygge-
teknisk tiltak på bygg for å få tilfredsstillande støynivå. Sidan det ikkje er klart korleis Angedalsvegen skal rustast opp må støyskjerm plasserast mellombels fram til det er avklart kvar dei nye veglinjene skal gå. Støyskjermen må flyttast på grunneigar si rekning når vegen skal opparbeidast. I framlegget til føresegner er tiltak og rekkjefølgjekrav i høve støy sikra i 3.5, 4.6 og 4.7. Føresegner om omsynssone manglar. Rådmannen føreslår å endre 3.5 og flytte 4.6 og 4.7 til ny 7.3 med noko endra tekst. Grunntilhøve, skred og flaum Det er utarbeidd ei vurdering av skred og flaum. Det er vurdert at flaum- og snøsørpeskred kan nå området, men utan å gjere særleg skade på bygg. Det vert rådd til å fjerne oppsamla lausmasse i Tverrgrova nord for ballbana. Det er ikkje sett krav om dette i framlegget, og rådmannen rår til at dette blir lagt inn i 3.2. Området er utsett for flaum, og området er vist på plankartet med omsynssone for flaum. Tiltak er å heve terreng til kote 5, jf. 7.2. Plankart viser flaumsone for 200 års-flaum med klimapåslag i år 2100. Det er samtidig rådd til at fundamentering av bygg skal tole å stå under vatn. Dette er ikkje sikra i føresegnene, og rådmannen rår til å legge dette inn i 7.2. Det er opplyst at det kan vere parti med setningar og kvikkleire langs Angedalsvegen og under elvebotnen til Anga. Ved heving av terrenget må det gjerast geotekniske undersøkingar for å avklare stabiliteten i grunnen. Dette er sikra i føresegn 7.2. Naturmangfald Området er etablert med bustader, og det er ikkje urørd natur i området. Det er derfor ikkje naudsynt med særskild omsyn til naturtypar, artar e.l., eller vurderingar etter prinsippa i 8-12 i Naturmangfaldlova. Oppsummering/ konklusjon Framlegget vil vere i samsvar med mål om fortetting og effektiv arealutnytting i nære sentrumsområde. Planen sikrar at det vert gjennomført tiltak i høve flaum, grunntilhøve, og støy. Rådmannen viser elles til saksutgreiinga, samt forslag til reviderte føresegner, datert 24.4.15, der endringar er merka med raud skrift. Handsaming i Planutvalet 21.05.2015: Det vart gjort framlegg om at saka vert utsett.
Avrøysting: Saka vart samrøystes utsett PLAN-018/15 Vedtak: Saka vert utsett Førde, den 12.01.2016