EID KOMMUNE Finansutvalet Møteinnkalling Møtedato: 16.10.2014 Møtestad: Kommuenstyresalen Møtetid: Kl. 13:00 Sakliste Sak nr. Saktittel 018/14 Godkjenning av innkalling og saksliste 019/14 Godkjenning av møteprotokoll 020/14 Referatsaker 021/14 Rapport over kommunens finansforvaltning pr 31.08.2014 022/14 Budsjettendring oktober 2014 023/14 Årsbudsjett 2015 - Økonomiplan 2015-2018 Den som har lovleg forfall, eller er ugild i nokon av sakene, må melda frå så snart råd er til post@eid.kommune.no eller tlf. 57 88 58 00, slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av på rådhuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei tilgjengelege på rådhuset. Eid kommune 10.10.2014 Alfred Bjørlo Ordførar
Elin Leikanger Rådmann
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 16.10.2014 018/14 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 14/1760 GODKJENNING AV INNKALLING OG SAKSLISTE RÅDMANNEN SI TILRÅDING: Godkjenning av innkalling og sakliste 16.10.2014 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 16.10.2014 019/14 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 14/1761 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte 18.06.2014 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 16.10.2014 020/14 JEA Avgjerd av: Saksansv.: Janne Endal Andersson REFERATSAKER Arkiv: Namn-, Namn- Objekt: Arkivsaknr 14/1759 Nr Dok.ID T Dok.dato Avsendar/Mottakar Tittel 1 14/7884 U 04.07.2014 Avdelingsleiarane i Eid Årsbudsjett 2015 - budsjettrundskriv 1 2 14/7961 U 08.07.2014 Formannskapet i Eid Aktiv forvaltning pr 30.06.2014 3 14/10747 U 25.09.2014 Kommunestyret Investeringsprosjekt - rapport andre tertial 2014 4 14/10751 U 26.09.2014 Kommunestyret i Eid Økonomisk rapportering drift pr. 31.08.2014 RÅDMANNEN SI TILRÅDING: Refererte saker vert tekne til etterretning slik dei ligg føre.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 16.10.2014 021/14 OST Formannskapet 16.10.2014 183/14 OST Kommunestyret 23.10.2014 OST Avgjerd av: Kommunestyret Saksbehandler: Ole Starheim Arkiv: 250 Objekt: Arkivsaknr 14/1658 Rapport over kommunens finansforvaltning pr 31.08.2014 Prenta vedlegg: Rapport over kommunens finansforvaltning pr. 31.08.2014 Aktuelle lover, forskrifter, avtalar m.m.: Kommunelova 52 Forskrift om kommuners finansforvaltning Kommunens finansreglement, sist vedteke 24.06.10 Saksutgreiing: Kommunelova 50 og 52, og forskrift om kommuners finansforvaltning stiller krav til kommunane både vedkomande finansforvaltninga og rapportering av dette til kommunestyret. Kommunens finansreglement, sist vedteke 24.06.10 K-sak 53/10, stiller krav til rapportering i kapitla 6.5, 7.7 og 8.9: Rådmannen skal ved tertialrapporteringar pr. 30. april og 31. august leggje fram rapport for kommunestyret som syner status for finansforvaltninga. I tillegg skal rådmannen så snart råd etter årets utgang leggje fram ein rapport for kommunestyret som syner utviklinga gjennom året og status ved utgangen av året. Rapporten som følgjer denne saka er utarbeidd etter forskrift og kommunens eige reglement. RÅDMANNEN SI TILRÅDING: Kommunestyret tek rapporten om kommunens finansforvaltning pr 31.08.2014 til orientering.
Elin Leikanger -konst.rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 16.10.2014 184/14 OST Finansutvalet 16.10.2014 022/14 OST Kommunestyret 23.10.2014 OST Avgjerd av: Kommunestyret Saksbehandler: Ole Starheim Budsjettendring oktober 2014 Arkiv: 153 Objekt: Arkivsaknr 14/1662 Aktuelle lover, forskrifter, avtalar m.m.: Kommunelova 45 47 Forskrift om kommunale årsbudsjett Saksutgreiing: Kommunestyret i Eid har vedteke budsjettet for 2014 den 12.12.2013. Etter kommunelova er kommunen pålagt å gjere budsjettendring når det er postar som vil få vesentleg avvik i forhold til eksisterande budsjett. Administrasjonen har gått gjennom rekneskap og budsjett pr. 31.08.14, og teke tak i dei postane som bør justerast. Dei tilrådde endringane går fram av tabellen vidare i saksutgreiinga, med forklaringar i tekstdelen etter tabellen.
Vedteke Auka utg. Auka innt. Revidert Nr. Art nr. Art tekst Ansvar Teneste Avdeling budsjett Red. innt. Red. utg. budsjett 1 13510 Driftstilskot 1120 12091 Nordfjordnett 1 895 000 588 000 2 483 000 2 10110 Fastløn 1110 12010 Sentraladm 4 882 000-419 000 4 463 000 3 12705 Bedr.helse 1110 12010 Sentraladm 550 000-70 000 480 000 4 18710 Skatteinntekt 8000 80000 Fellespostar -125 766 000 1 000 000-124 766 000 5 18750 Eigedomsskatt 8000 80000 Fellespostar -5 500 000-390 000-5 890 000 6 18010 Rammetilskot 8000 84000 Fellespostar -156 766 000-109 000-156 875 000 7 15010 Renteutgift 8000 87000 Fellespostar 11 424 000-600 000 10 824 000-8 35290 Kjøp eigardel 8000 17200 KLP-eigenkap 700 000 131 000 831 000 9 39480 Inv.fond 8000 17200 KLP-eigenkap -700 000-131 000-831 000 10 32012 Programvare 1110 12010 Eigedomsskatt 202 000 109 000 311 000 11 32012 IKT-utstyr 1110 12010 Rådhuset - 150 000 150 000 12 39480 Inv.fond 1110 12010 Rådhuset -202 000-259 000-461 000 13 34000 Bygg/anlegg 4400 33210 Veg Naustdal 480 000-173 000 307 000 14 39100 Bruk av lån 8800 87000 Fellesfinans -480 000 173 000-307 000 15 34000 Bygg/anlegg 4400 33210 Veg Løkja - 173 000 173 000 16 39100 Bruk av lån 8800 87000 Fellesfinans - -173 000-173 000 2 324 000-2 324 000 Pkt.1 Tilskot Nordfjordnett: I samband med konsekvensjustert budsjett for 2014, utarbeidd i oktober og november 2013, blei det lagt inn driftstilskot til Nordfjordnett i samsvar med oppstillingar som kommunen fekk frå det interkommunale samarbeidet. Dette førte til ei auke i ikt-driftsutgifter på ca kr 450.000,- for Eid kommune i forhold til det som var kommunen sine utgifter på dette i 2013. Kommunestyret vedtok i desember 2013 å redusere dette driftstilskotet til Nordfjordnett med kr 400.000,-. Nordfjordnett har no sendt ut økonomirapportering pr. 31.08.2014. Dette syner at samarbeidet har eit overforbruk i forhold til budsjett. Ut frå prognose i økonomirapporteringa frå samarbeidet, blir no driftstilskotet frå kommunane auka for 2014. For Eid kommune aukar driftstilskotet med kr 188.000,-. Frå før ligg Eid kommune sitt budsjett kr 400.000,- under det som var sendt ut frå Nordfjordnett i november 2013. Dersom årsrekneskapen for Nordfjordnett blir om lag som motteken prognose, vil Eid kommune måtte betale eit driftstilskot på kr 2.571.000,-i 2014. Dette er kr 588.000,- (kr 188.000 + kr 400.000) over det som ligg i Eid kommune sitt budsjett i dag. Pkt 2 Fastløn rådmannskontoret Eid kommune vil i 2014 ha konstituert rådmann frå 1. juli til 31. desember. Kommunalsjef for teknisk går i denne stillinga. Det er ikkje teke inn vikar for denne kommunalsjefstillinga. Dermed er det innsparing i løn med 6 mnd tilsvarande lønsutgift for kommunalsjef. Pkt 3 Bedriftshelseteneste Eid kommune har budsjettert med bedriftshelseteneste ut frå arbeidsomfang som blei lagt til grunn ved anbodsutlysing av denne tenesta for eit par år tilbake. Tenesta er lovpålagt. Omfanget av teneste som blir kjøpt i 2014 viser seg å vere noko lågare enn det som låg til grunn i anbodsutlysinga. Budsjettet kan difor takast ned noko i 2014 på denne posten. Pkt 4 Skatteinntekt Det er svikt i skatteinntekta til kommunane på nasjonal basis. Dette rammar også Eid kommune og er nærare omtalt i økonomirapporteringa på 31.08.2014. Det ser ut no som skatteinntekta kan bli om lag kr 1,0 mill lågare enn det som ligg i kommunen sitt justerte budsjett.
Pkt 5 Eigedomsskatt Eigedomsskatt blei i budsjettendring i juni justert opp til kr 5,5 mill ut frå foreløpig taksering som låg føre då. Fyrste halvdel er no fakturert ut, og inntekta frå eigedomsskatt vil bli kr 5,9 mill for 2014. Pkt 6 Rammetilskot Etter justeringar i revidert nasjonalbudsjett får Eid kommune kr 109.000,- meir i rammetilskot for 2014 enn det som ligg i budsjettet Pkt 7 Renteutgift Renta på kommunen sine lån er noko lågare enn det som er lagt til grunn i budsjettet for 2014. Denne kan difor reduserast noko i budsjettet for å vere med og finansiere manglande skatteinntekt. Pkt 8-9 Eigenkapitalinnskot i KLP Eid kommune har for budsjettet 2014 sett av kr 700.000,- til innbetaling av eigenkapitalinnskot i KLP. Når faktura no er motteken frå KLP, syner det at kommunen må betale inn kr 831.000,-. Innbetalinga skjer fordi eigenkapitalen i selskapet må styrkast i takt med avsette midlar til framtidige pensjonsutbetalingar. KLP er eigd av kommunane sjølve. Innbetalinga skal førast i investeringsrekneskapen og budsjettjusteringa på kr 131.000,- kan dekkast av kommunens investeringsfond. Det udisponerte investeringsfondet har ein saldo på kr 3,5 mill før vedtak i denne saka. Pkt 10 Programvare for eigedomsskatt Budsjettet for 2014 blei vedteke med m.a. kjøp av programvare for eigedomsskatt på kr 200.000,-. Då vedtaket blei gjort, hadde ein ikkje fått inn pris på kva slik programvare ville koste, og kva omfang den skulle vere på. Samla utgift med innføring av programvaren kom på kr 311.000,-. Denne skal førast i investeringsrekneskapen og kan finansierast med investeringsfond. Pkt 11-12 Trådlaus nettløysing på rådhuset Omfanget av digitalisering aukar også på rådhuset i Eid. Papirutgåver av dokument blir erstatta av digitale dokument, og ein er meir avhenging av bærbare pc-ar og nettbrett med nettilgang i alle møterom og kontor. Det let seg ikkje gjere å ha nok tilkoplingspunkt i vegg i alle rom. Eksisterande trådlaust nett dekkjer berre deler av møteromma, og er tungvint å drifte. Nordfjordnett har teikna inn nytt trådlaust nett som skal dekkje heile rådhuset. Utgifta til dette kjem på om lag kr 150.000,-. Dette skal førast i investeringsrekneskapen og kan dekkjast av kommunen sitt investeringsfond. Pkt 13-16 Utbetring og sikring av veg til nausta på Løkja Denne vegen ligg på kommunal grunn frå bustadfeltet og ned til nausta på Løkja. Vegen treng utbetring og sikring forbi verftsområdet. Eigar av verftsområdet dekkjer deler av utgifta. Det er inngått avtale på at Eid kommune skal dekkje deler av arbeidet, kalkulert til kr 173.000,-. Tidlegare er det løyvd kr 480.000,- til utbetring og asfaltering av vegen frå RV15 og mot Naustdalvikja. Dette har også vore eit spleiselag mellom Eid kommune og eigar av verftsområdet. Ein ser no at det vil bli midlar til overs i dette prosjektet, som kan overførast til vegen til nausta på Løkja. Det er difor i denne budsjettendringa tilrådd at kr 173.000,- vert flytta frå prosjektet Utbetring av veg til Naustdal, og over til prosjekt Utbetring av veg til nausta på Løkja. Ubrukte lånemidlar blir flytta tilsvarande.
RÅDMANNEN SI TILRÅDING: Kommunestyret vedtek endringar i Eid kommune sitt budsjett for 2014 i samsvar med tabellen som inngår i saksutgreiinga med nummererte punkt frå 1 til 16. Elin Leikanger -konst.rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 16.10.2014 023/14 OST Formannskapet 16.10.2014 185/14 OST Avgjerd av: Kommunestyret Saksbehandler: Ole Starheim Arkiv: 151 Objekt: Arkivsaknr 14/1072 Årsbudsjett 2015 - Økonomiplan 2015-2018 Prenta vedlegg: Hefte «Årsbudsjett 2015 og Økonomiplan 2015-2018», versjon 10.10.2014 Eigedomsskatt eksempel inntekt ved forskjellige skattesatsar Hefte «Statsbudsjettet 2015 sentrale dokument om kommuneøkonomien» Aktuelle lover, forskrifter, avtalar m.m.: Kommunelova 45 Forskrift om kommuners årsbudsjett av 15.12.2000. Saksutgreiing: Eid kommune er mellom kommunane i Noreg med lågast inntekt. Utgiftskorrigerte frie inntekter ligg på 96 prosent av landsgjennomsnittet. Vidare har kommunen høg lånegjeld. Dette betyr at kommunen må prioritere innafor tronge rammer. I økonomiplanperioden seier marknaden at renta skal noko opp på sikt. Dette vil gje auka renteutgift etterkvart. Vi er ved oppstart på ei stor utbygging innan pleie og omsorg for å skaffe moderne einingar for heildøgns omsorg og ny gymsal/fleirbrukshall ved Nordfjordeid skule. Dette vil gi auka renteutgifter og avdrag. Denne utfordringa vert synleggjort i økonomiplanen. I tillegg kjem andre investeringsbehov som også vil gje auke i renteutgifter og avdrag. For å kompensere noko på dette blei det vedteke å innføre eigedomsskatt på bustader og fritidseigedomar frå og med 2014. På tross av desse rammevilkåra og utfordringane greier Eid kommune å produsere gode teneste til innbyggjarane. Dette er blant anna vist i Kommunal-rapport sine årlege Kommunebarometer. Det krev gode politiske vedtak, administrativ oppfølging og innsats frå dei tilsette for å lykkast med dette.
Det er dei sentrale partane som gjennom forhandlingar set rammene for lønsveksten i kommunen. Det har over fleire år synt seg at lønsauken og pensjonskostnad har blitt høgare enn det som er lagt inn som føresetnad i statsbudsjetta. Dette betyr at Eid kommune har ein realnedgang i inntektene. Lønsauken er ei utfordring for landet samla sett, og kommunen må henge med i denne utviklinga, om ein ynskjer å halde på og rekruttere godt kvalifisert personell. Dette dokumentet er konsekvensjustert budsjett. Dette viser kostnadane i 2015 i 2015-kroner for det tilbodet kommunen gir hausten 2014. Her ar alle større verknader av statsbudsjettet teke omsyn til. Det er vidare teke omsyn til lønsoppgjeret for 2014. Pensjon er rekna ut etter dei nye føresetnadane for 2015. Vidare tidsplan for arbeidet med årsbudsjett og økonomiplan er i hovudsak som følgjer: Konsekvensjustert budsjett presentert til politiske utval Saldert budsjett frå rådmann til finansutvalet/formannskapet Saldert budsjett til samfunnsutviklingsutvalet og driftsutvalet Frå finansutvalet/formannskapet til kommunestyret Kommunestyrevedtak 16. / 30. oktober 13. november 20. november 27. november 11. desember I tillegg vil budsjettet bli handsama i møte med hovudtillitsvalde og avdelingsleiarmøte. Konsekvensjustert budsjett er å rekne som faktainformasjon. Innstillinga til Formannskapet er difor at saka vert teke til vitande. RÅDMANNEN SI TILRÅDING: Formannskapet tek saka til vitande. Elin Leikanger -konst.rådmann-
Side 1 av14