Politisk sekretariat «MOTTAKERNAVN» «ADRESSE» «POSTNR» «POSTSTED» «UTLANDSADRESSE» Saksbehandlar Tlf. direkte innval Vår ref. Dykkar ref. Dato Anbjørn Høivik 2017/88-4 «REF» 21.03.2017 Særutskrift - 95/3 - arealoverføring - Dimmelsvik - Statens vegvesen Kvinnherad forvaltningskomite hadde saka føre i møte 15.03.2017 med vedtak nr 2017/30. Vi legg ved utskrift av møteboka og syner til vedtaket. Då saka gjeld dispensasjon etter plan- og bygningslova (pbl) kap 19, vert kopi av vedtaket også send til berørte regionale og statlege styresmakter for eventuell klagevurdering. Dette brevet er sendt elektronisk utan underskrift og vert ekspedert med e-post som inneheld lenkje til kommunen sin arkiv webmodul. Her kan de finna alle dokument som er vedlegg til saka: http://innsyn.kvinnherad.kommune.no/einnsyn/registryentry/case?caseid=53825 Dersom du vurderer å klaga på vedtaket, viser vi generelt til reglane i forvaltningslova og spesielt til plan og bygningslova 1-9. Vi viser også til pbl 21-9 om at eit dispensasjonsløyve fell bort etter 3 år dersom eit tiltak ikkje er igangsett. Tiltak omfattar også oppretting og endring av eigedom (frådeling). Eventuelle spørsmål kan rettast til saksbehandlar. Med helsing Bente Høyland Møtesekretær Rosendalsvegen 10 5470 Rosendal Tlf: 534 83 100 Fax: 534 83 130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no
Brevet er godkjent elektronisk og har derfor inga underskrift. Kopi til: Anbjørn Høivik Mottakarar: Hordaland fylkeskommune Postboks 7900 5020 Bergen Statens Vegvesen, Region Vest Askedalen 4 6863 Leikanger Fylkesmannen i Hordaland Postboks 7310 5020 Bergen
Saksframlegg Kvinnherad kommune Saksmappe Saksbehandlar 2017/88-2 Anbjørn Høivik Saksgang Saksnr Utval Møtedato 2017/30 Forvaltningskomiteen 15.03.2017 Behandling dispensasjon - 95/3 - arealoverføring - Dimmelsvik - Statens vegvesen Innstilling frå rådmannen: Kvinnherad forvaltningskomite gjev dispensasjon frå arealføremålet landbruks-, natur- og friluftsområde i arealdelen til kommuneplanen og frå forbodet om tiltak i 100-metersbeltet langs sjøen. Det vert såleis gitt løyve til omsøkt arealoverføring jf. pbl. 20-1 bokstav m. Dispensasjonen er heimla i pbl. 19-2 då omsyna til jordvern og strandsonevern ikkje vert vesentleg sett til side og fordelane ved auka trafikktryggleik og offentleg eigarskap til veggrunnen er vesentleg større enn ulempene ved tapet av dyrka mark. Behandling i Forvaltningskomiteen den 15.03.2017 Rådmannen si innstilling vart samrøystes vedteken. Vedtak frå Forvaltningskomiteen den 15.03.2017 Kvinnherad forvaltningskomite gjev dispensasjon frå arealføremålet landbruks-, natur- og friluftsområde i arealdelen til kommuneplanen og frå forbodet om tiltak i 100-metersbeltet langs sjøen. Det vert såleis gitt løyve til omsøkt arealoverføring jf. pbl. 20-1 bokstav m. Dispensasjonen er heimla i pbl. 19-2 då omsyna til jordvern og strandsonevern ikkje vert vesentleg sett til side og fordelane ved auka trafikktryggleik og offentleg eigarskap til veggrunnen er vesentleg større enn ulempene ved tapet av dyrka mark. Søkjar: Statens vegvesen, Region vest, Askedalen 4, 6863 Leikanger. Søknad dagsett: 03.01.2017 Om søknaden og eigedommen: Statens Vegvesen har bygd ny busslomme ved fylkesveg 48 i Omvikdalen og søkjer om arealoverføring og dispensasjon frå kommuneplanen for arealet som no er opparbeidd. Vegvesenet har gjort avtale med grunneigaren om dette.
Arealet er oppgitt å vere 134 m 2 og var før bygginga del av ein fulldyrka teig på ca. 23,5 dekar. Søknaden vert grunngitt med at utbetringane er gjort for å auke trafikktryggleiken og det er ein fordel at areal som vert opparbeidd til offentleg vegformål vert overført til offentleg veggrunn. Arealstatus og strandsone I kommunedelplan for Rosendal-området vedteken i 2003 har arealet status som landbruks-, natur- og friluftsområde. I framlegg til ny arealdel til kommuneplan (høyring hausten 2016) vert dette vidareført. Arealet ligg ca. 65 m. frå sjøen. I gjeldande arealplan er det ikkje sett byggegrense mot sjø, medan det i framlegg til ny arealdel er føreslege ei byggegrense 4-5 meter nærare sjøen enn det omsøkte arealet. Rådmannen vurderer det omsøkte arealet til å liggja utanfor funksjonell strandsone, men formelt sett må det gis dispensasjon frå byggeforbodet etter pbl. 1-8 (100-metersbeltet langs sjøen).
Nabovarsel Søkjaren ber om fritak frå å senda nabovarsel og viser til at det allereie er inngått avtalar om arealavståing med grunneigar og at naboane sine interesser vert sett som ikkje eller lite råka av at opparbeidd areal no skal overførast til offentleg veg. Rådmannen sluttar seg til denne vurderinga og meiner at kommunen kan akseptere at nabovarsling vart unnlate jf. pbl. 21-3 andre avsnitt. Uttale frå regionale og statlege styresmakter Saka har vore sendt på høyring til Fylkesmannen i Hordaland og Hordaland fylkeskommune. Ingen av dei har uttalt seg til saka. Naturmangfaldlova Det er ikkje registrert utvalde naturtypar, lokalitetar for raudlista artar, verneområde e.l. i eller i nærleiken av området. Kunnskapsgrunnlaget om naturmangfaldet i denne delen av kommunen vert rekna som godt. Tiltaket vert vurdert til ikkje å vere i konflikt med naturverdiar og kriteria i naturmangfaldlova er oppfylt. Kulturminne Næraste registrerte/freda kulturminne er ei nausttuft ca. 120 m. mot sørvest. Tiltaket vert vurdert til ikkje å vere i konflikt med kulturminne eller kulturmiljø. Klimatilpassing Det er ikkje registrert rasfare på staden. Aktsemdkart for flaum viser at området ligg i grenseland for mogleg flaumfare. Dette gjeld truleg springflo, sidan tiltaket ligg langt frå elv men berre 2 m. over havnivå. Rådmannen vurderer tiltaket til både å vere lite og robust mot naturfare slik at det ikkje er naudsynt med spesiell klimatilpassing. Aktuelle lovheimlar Den planlagde arealoverføringa krev dispensasjon etter pbl. 19-2 frå formålet LNF i arealdelen til kommuneplanen og frå pbl. 1-8 om forbod mot tiltak langs sjø og vassdrag. Vurdering Ny busslomme er eit trafikktryggingstiltak langs hovudferdselsåra i denne delen av kommunen. Arealoverføringa er ein sterkt ønskjeleg del av dette. Eit lite areal dyrka mark må omdisponerast, men fordelane ved tiltaket vegar opp for dette med godt monn. Tiltaket vert vurdert til ikkje å vere i konflikt med strandsoneverdiar sidan busslomma utgjer eit lite areal godt integrert med eksisterande hovudveg, og med god avstand til stranda. Tiltaket er ikkje i konflikt med andre interesser i området. Den eldre delen av hovudvegnettet i Kvinnherad er ikkje omfatta av detaljreguleringsplanar og slike vegar vert i kommuneplanen berre vist med ei line i kartet. Mindre tiltak langs desse vegane må såleis ofte handsamast som dispensasjonssaker sjølv om dei i stor grad utgjer naudsynt vedlikehald og utvikling av infrastrukturen. Grunngjeving Dispensasjonen set ikkje vesentleg til side jordvernomsyna eller strandsoneverdiane i området. Trafikktryggleik og framkomelegheit langs vegane er også viktige omsyn i planlegginga, og desse interessene vert fremja ved dispensasjonen. Fordelane ved å gi dispensasjon er klart større enn ulempene etter ei samla vurdering.