Førde kommune Styre, råd og utval Møtedato Saksnr Planutvalet 14.06.2012 046/12 Sakshandsamar: Berit Holme Arkiv: FA-L13, FA- Arkivsaknr.: 10/1165 Detaljregulering Luftambulansebase Førde sentralsjukehus - offentleg ettersyn Vedlegg: Dok.dato Tittel Dok.ID 01.06.2012 Planomtale Luftambulansebase Førde sentralsjukehus 75456 14:25:45 06.06.2012 Plankart 75734 10:56:22 06.06.2012 Plankart over bakkenivå 75736 10:56:34 06.06.2012 Flyfoto 75735 10:56:34 01.06.2012 Fasade Nord og Syd 75458 14:26:22 01.06.2012 14:26:29 Fasade Vest og Øst 75459 Saka gjeld: Nordplan AS har på vegne av Helse Førde utarbeidd framlegg til detaljregulering av Luftambulansebase Førde sentralsjukehus. Det er utarbeidd planomtale med risikoanlayse, reguleringsføresegner og plankart. Planframlegget skal handsamast etter Plan- og bygningslova (Pbl) 12-3. Planutvalet skal ta stilling til om framlegget tilfredsstiller dei krav som er stilt til reguleringsplan, og ev. sende denne til offentleg ettersyn. Bakgrunn for saka: Helse Førde ynskjer å legge til rette for ein permanent ambulansebase og landingsplass for helikopter i tilknyting til Førde Sentralsjukehus. Eksisterande landingsplass vert flytta ca 230 m lenger sør/sørvest for sjukehuset. I tillegg skal basebygg og hangar etablerast ved landingsplassen. Det er varsla start av detaljregulering for området den 15.07.2010. Det er utarbeidd planprogram for detaljreguleringa som er fastsett av Planutvalet i møte den 24.03.2011, sak 014/11. 1
Området er regulert til offentleg formål, sjukehusområde, i reguleringsplan Sentralsjukehuset vedteke 26.04.2001. Delar av området er regulert til fareområde, flaum. Det er krav til utbyggingsplan (detaljregulering etter Pbl. av 2010). Bygg og delar av området er freda ved «Forskrift om fredning av statens kulturtekniske eiendommer» vedteke 16.02.2012. Planomtale: Planområdet er 41,3 dekar der ca. 13,5 dekar er sett av til byggeområde for offentleg tenesteyting som institusjon/sjukehus med ei utnyttingsgrad på 70 % BYA. Plassering av basebygg og landingsplass er vist i planomtalen, og er retningsgjevande. Plassering av teknisk anlegg er lagt inn i detaljkartet. Det er mogleg med vidare utbygging i område nord for luftambulansebasen. Elles er arealet regulert til trafikkareal med parkering, og grøntområde som park og friområde. Fleire omsynssoner som flaum, støy og kulturmiljø er lagt inn i planen. Planen er delt inn på bakkenivå og over bakkenivå med bru mellom nytt bygg og sjukehuset. Innkomne merknader i samband med oppstart av planarbeidet er innarbeidd og kommentert i planomtalen. Vurdering: Framlegget viser eit tiltak som vil samordne helikopterplass, ambulansebase og hangar. Helikopterplass og ambulanse knytt til sjukehuset vil gje innbyggjarane i heile fylket eit viktig og effektivt tilbod på pasienttransport og akuttberedskap. Plassen vil vere eit viktig ledd i å trygge liv og helse til innbyggjarane, og vil truleg vere den samfunnsmessig viktigaste helikopterplassen i fylket. Flytting av helikopterplassen ca. 230 m sør/sørvest, etablering av ambulansebase og hangar vil gje nokre utfordringar som er peika på i fastsett planprogram. I hovudsak gjeld dette tilhøve som flaum, byggegrunn, støy, bygningsavfall i grunnen, natur og arkitektonisk tilpassing, jf. pt. 7 i planomtalen. Norconsult AS har undersøkt grunntilhøva, og lagt fram ein rapport 20.02.2012 som viser resultat og framlegg til tiltak. Det er rekna at massen over fjell har ei djupne på 15,9 21,6 m i byggeområdet. Av omsyn til masse som er tilnærma kvikkleire, vert det rådd til å setje konstruksjonar/bygg på pelar til fjell. Armert underlag for fylling kan vere mogleg til parkeringsplassar og/eller helikopterplass. Dersom det vert fundamentering direkte i grunnen må det setjast i verk ei omfattande grunnundersøking. Dette er regulert i reguleringsføresegn pt. 4.4.. Det er ikkje gjort særskilde undersøkingar i høve bygningsavfall som er deponert i området. I planomtalen pt. 5.16 vert det vist til munnleg informasjon om at det ikkje er deponert farleg avfall. I samband med undersøking av grunnen vart det ikkje påvist avfall i borepunkta, jf. boreplan til Norconsult. Sidan bygga skal stå på pelar vil 2
grunnen i hovudsak ligge urørd. Det vil likevel bli teke stikkprøver av grunnen i samband med peling av bygga, jf. reguleringsføresegn pt. 4.6. NVE har utarbeidd flaumsonekart for området. Det er opplyst i planomtalen at det er avklart med NVE kva tiltak ein kan gjere i høve flaumsonearealet. Det er ikkje tillate med nye bygg lågare enn 1000-års flaum, dvs. 4,3 m.o.h. i flaumsona med mindre det er utført tiltak som sikrar mot flaum, jf. pt. 8.3 i føresegna. Det er høve til å heve terrenget i flaumsona så lenge dette ikkje hindrar gjennomstrøyming og unngår erosjon, jf. pt. 4.2. Tilhøve kring natur i området er vurdert, og det vert konkludert med at det ikkje føreligg risiko for alvorleg eller irreversibel skade på naturmangfaldet, eller at tiltaket vil gje auka belastning på økosystemet i høve situasjonen i dag, jf. pt. 5.6 og 6.8 i planomtalen. SINTEF utarbeidde ei støyvurdering for eksisterande helikopterplass i 2004, og for ny plassering av helikopterplass i 2012. Rapportane viser kartlegging av støy etter ureiningsforskrifta og Miljøverndepartementet (MD) sine retningslinjer T-1227 (tidledgare) og T-1442 (noverande). Kartlegginga frå 2004 baserer seg på tal flyrørsle i juni-august 2003, medan kartlegginga i 2012 baserer seg på tal flyrørsle for 2008. Opplysningar henta frå Norsk Luftambulanse si nettside viser at det var 66 fleire flyrørsler samla i 2008 enn det var i 2003. Rapporten i 2012 tek vidare utgangspunkt i at trafikkmengda vil auke 10 % dei neste ti åra (2018). Det er opplyst at trasear for inn- og utflyging er fastlagt i samarbeid mellom Luftambulansepersonellet og pilot, SINTEF, samt flyteknisk rådgivar (med bakgrunn frå Luftfartstilsynet). Flytraseane er valt med utgangspunkt i ønskje om å redusere støy mest mogleg, men naturlegvis og at flyoperative tilhøve er gode. Det vert opplyst at det sannsynlegvis er lite å vinne på å endre flytraseane, ein vil berre flytte «problemet» over på andre deler av omliggande bustadmasse. I følgje ureiningsforskrifta 5-5, 5-8 og 5-9 skal tiltakshavar innafor grensa kartlegge, og ev. gjennomføre tiltak på bygga slik at desse oppnår tilfredsstillande støynivå inne i bygningane. Dette er kravd i reguleringsføresegna pt. 3.1 og pt. 8.5. Kartlegging etter ureiningsforskrifta viser at det i dag ligg 3 bygningar innafor grensa, medan 7 bygningar vil ligge innafor kartleggingsgrense i 2018 (prognoseåret). Det er færre bygningar enn det som er vist i rapporten frå 2004 for eksisterande landingsplass. Kartleggingsgrense frå 2004 Kartleggingsgrense frå 2018 3
Kartlegging etter MD sine retningslinjer viser at flytting av landingsplass vil endre støysone både for dagens situasjon og for prognosen (fram til 2018). Støysone i høve T-1227 Støysone i høve T-1442 Rapport 2004 dagens/prognose situasjon Rapport 2012 dagens situasjon Støysone i prognoseår 2018 Konsekvensane ved flytting av landingsplass blir at nye bustadområde, t.d. Presteholten i vest, vil få eit utandørs støynivå mellom L den 52-62 og L 5AF 80-90. Rapporten opplyser at 70 bygg ligg innafor gul støysone i dag, og 205 bygg vil ligge i gul støysone i prognoseåret 2018. I desse områda kan støynivået vere over tilrådd grense både ute og inne. Krav gjeve i ureiningsforkrifta må følgjast, medan tilrådingar etter MD sine retningslinjer skal følgjast dersom kommunen tek slik avgjersle. Rådmannen meiner at det er naudsynt at område innafor gul støysone etter T-1442 i dag også må kartleggast, og ev. greiast ut kva tiltak som må gjennomførast for å oppnå tilfredsstillande støynivå. Der det er trong for tiltak skal dette gjennomførast. Kartlegging og gjennomføring av tiltak må utførast av tiltakshavar før ny helikopterplass vert teke i bruk. I tillegg må det gjerast ei ny kartlegging 5 år etter at plassen er teke i bruk. Dette må gå klart fram av reguleringsføresegnene pt. 3.1 og 7.1. Dersom det vert dokumentert at kostnadane ved støyisolering, eller andre avbøtande tiltak er uforholdsmessig høge, kan dei tilrådde støygrensene fråvikast, jf. pt.3.3.2 i MD sine retningslinjer. Avstanden til Prestholten er ca. 500 m til ny landingsplass, medan avstanden mellom Gamle Vievegen/Leirstad og eksisterande landingsplass er ca. 100 m. Truleg vil det vere færre bustader (Vie-området) som ligg i den nye gule støysona for ny landings- 4
plass, enn støysone frå eksisterande landingsplass. Dette er ikkje dokumentert fordi støyvurderinga ikkje viser gul støysonekart i dag for eksisterande landingsplass. Før detaljreguleringsplanen vert vedteke må tiltakshavar greie ut om det er mogleg å Rådmannen sitt framlegg til vedtak: I samsvar med Plan- og bygningslova 12-10, vert detaljplan Luftambulansebase Førde sentralsjukehus med føresegner begge dagsett 00.00.2012, lagt ut til offentleg ettersyn. Før detaljreguleringsplanen vert vedteke må tiltakshavar greie ut om det er mogleg å Handsaming i Planutvalet 14.06.2012: Rådmann Ole John Østenstad reiste spørsmål om han var inhabil i saka. Det fann planutvalet at han ikkje var. Samrøystes vedtak PLAN-046/12 Vedtak: I samsvar med Plan- og bygningslova 12-10, vert detaljplan Luftambulansebase Førde sentralsjukehus med føresegner begge dagsett 00.00.2012, lagt ut til offentleg ettersyn. Før detaljreguleringsplanen vert vedteke må tiltakshavar greie ut om det er mogleg å Førde, den 06.06.2012 Ole John Østenstad rådmann Odd Harry Strømsli plan- og byggesjef 5