SAUDA KOMMUNE Møtebok SAKSGANG Saksnr. Utval Møtedato 013/08 Kommunestyret 30.04.2008 Arkivkode Sakshandsamar Arkivsak C00 Nils Moldøen 06/71 Sauda Kulturverk - Prosjekt Kultur og Fritidspark Forslag til vedtak: 1. Sauda kulturverk skal utviklast vidare til eit forprosjekt og brukarmedverknad vert organisert særskild. 2. Det framlagde forslaget til organisering vert lagt til grunn for prosjektgjennomføringa. 3. Kommunestyret tek den framlagte prosessplanen med milepelar til etterretning. 4. Den framlagde kostnadsprognosen vert lagt til grunn for arbeidet fram til ferdig prosjekt. 5. Det vert løyvd inntil kr. 10,5 millionar kroner (inklusiv mva.) til prosjektering av Kulturverket. WBS 5.013.01 Kulturverket art 32700 vert auka med kr. 10,500,000,- med følgjande finansiering: Forbruk eigedomsskattefondet art 39400 vert auka med kr. 8.400.000,-. Forbruk overførte driftsmidlar art 39700 vert auka med kr. 2,100,000,-, Art 17280 momskompensasjon (inntekt i driftsrekneskapen) PrCtr 902 38520 vert auka med kr. 2.100.000,-, mot at art 15700 overføring til investeringsrekneskapen PrCtr 930 88010 også aukar med kr. 2.100.000,-. 30.04.2008 KOMMUNESTYRET Rådmannen informerte om arbeidet fram til i dag, og noko om vurderingane som er gjort. Representanten Jan Birger Eide (FrP) sette fram følgjande forslag: Saken utsettes inntil en vet hvor stort bidraget frå næringslivet blir. Det vart røysta over utsetjingsforslaget. Forslaget fall mot 2 røyster (FRP). Representanten Ordin Søndenå (SP), sette fram følgjande forslag: Forslag om å bygge ut etappevis etter det kommunens økonomi vil tåle og det gaver fra næringslivet vil gi. Planlegge etapper og bygge ut etter økonomien. Representanten Ordin Søndenå (SP), trekte forslaget. Han bad òg om å få fem minutt etter drøftinga og før avrøystinga. Ordføraren innvilga dette.
KOM-013/08 VEDTAK: Vedteke mot 3 røyster: Mette Helen Seim (AP) og FRP. 1. Sauda kulturverk skal utviklast vidare til eit forprosjekt og brukarmedverknad vert organisert særskild. 2. Det framlagde forslaget til organisering vert lagt til grunn for prosjektgjennomføringa. 3. Kommunestyret tek den framlagte prosessplanen med milepelar til etterretning. 4. Den framlagde kostnadsprognosen vert lagt til grunn for arbeidet fram til ferdig prosjekt. 5. Det vert løyvd inntil kr. 10,5 millionar kroner (inklusiv mva.) til prosjektering av Kulturverket. WBS 5.013.01 Kulturverket art 32700 vert auka med kr. 10,500,000,- med følgjande finansiering: Forbruk eigedomsskattefondet art 39400 vert auka med kr. 8.400.000,-. Forbruk overførte driftsmidlar art 39700 vert auka med kr. 2,100,000,-, Art 17280 momskompensasjon (inntekt i driftsrekneskapen) PrCtr 902 38520 vert auka med kr. 2.100.000,-, mot at art 15700 overføring til investeringsrekneskapen PrCtr 930 88010 også aukar med kr. 2.100.000,-. Sauda, 13.04.2008 Nils Moldøen rådmann Vedlegg: Heftet, Sauda kultur- og fritidspark. Status og videre prosjektgjennomføring. Nils Olav Berge, 10.04.08. Fakta: Sauda har hatt ei negativ folketalsutvikling sidan 1990-talet, og har forklart dette med tilbakegangen i industrisysselsettinga, særleg på Smelteverket. Tiltaka for å demma opp mot dette har vore entreprenørskap, skaffa og utvikla nye arbeidsplassar og knoppskyting nær
eksisterande. I denne perioden vart visjonen Sauda nr 1 på fritid utvikla der reiselivet vart eit satsingsområde for vekst og utvikling. I dag er problemstillingane langt på veg snudd. Næringslivet er inne i ein eventyrleg høgkonjunktur, der kampen om nye arbeidsplassar er avløyst av kampen om arbeidskrafta. I dag er det vanskeleg å få utført alle oppgåvene fordi det er mangel på folk til å utføra dei. Samtidig er det teikn som viser at folketalsutviklinga er i ferd med å stabilisera seg, og at arbeidet såleis ber frukter. Det er ei felles oppfatning i Sauda at skal me vera med i konkurransen om arbeidskrafta i tillegg til å vera attraktive som reisemål, må Sauda leva opp til visjonen Nr 1 på fritid. Det inneber ei strategisk satsing på kultur inkludert gode, moderne møtestader for aktivitet og kreativitet. At innbyggjarane, næringslivet og kommunen står saman om dette, kjem ikkje minst til uttrykk ved dei mange viljeserklæringane som er komne om at dette skal me få realisert! Prosjektet Sauda Kultur og Fritidspark vart handsama i kommunestyret 11. april 2007, og det vart avgjort å gå vidare i prosjektet. Det innebar å få til arkitektkonkurranse og arbeida vidare med finansiering og organisering. Dette er gjort og kommunestyret må no ta stilling til om me skal gå vidare med prosjektet eller ikkje. Kommunen har starta innkjøpsprosessen med sikte på å få engasjert kompetent prosjektleiing. Vedlegget til saka viser elles i detalj kor langt arbeidet er kome pr i dag. Økonomiske konsekvensar: Då kommunestyret handsama saka i april 2007 opererte me med følgjande plan for dekking av kostnadene: Gåver Spelemidlar Kommunale lån Kommunale fond 100 mill kr I dag er kostnadene sett til 145 millionar. Ei revurdering av kva som er realistisk å få i statlege midlar (spelemidlar) reduserer den summen til 12 mill. Me må såleis finna nye 48 mill. kr for å finansiera Sauda Kulturverk. Når det gjeld kommuneøkonomien i åra som kjem, er det mange usikre faktorar. Men me må i denne samanhengen peika på Dei mange gamle eldre vil krevja store, nye ressursar fram til 2015, jf. Pleie og omsorgsplanen, vedteken 25.02.2008 Det er eit etterslep på vedlikehald på kommunale eigedomar Ein skiftande statleg kommunepolitikk, med m.a. varsla endringar i inntektssystemet Stigande renter Det er etter rådmannen si vurdering lite klokt å låna meir enn. kr til Sauda kulturverk, dvs. årlege utgifter til renter og avdrag i prosjektet på 4 mill. kr. Går me inn på økonomien for 2009, ser me det er ei rekkje usikre faktorar som kan utfordra oss både politisk og administrativt. Når kommuneproposisjonen kjem i mai månad veit me
meir både om inntektssystemet og satsinga frå regjeringa, men tala viser likevel at me framleis må vera nøkterne og tilbakehaldne i bruken av pengar. Usikre, men viktige faktorar for drifta Nytt inntektssystem Folketalsutvikling Satsing Pleie og omsorg Budsjettert overskot Satsing frå Regjeringa Må ta inn - 5 mill - 2 mill - 5 mill + 3 mill + 3 mill - 6 mill kr Sauda kommune har store verdiar plassert i fond: Disposisjonsfond (E-skattefondet): Overskot 2007 Etneveg-fondet Avtalefondet 30 mill 5 mill 8,5 mill 83,5 mill kr Rådmannen har gjort ei vurdering av om det er råd å gjera tiltak for å auka inntektene til kommunen. Det er m.a. sett på hytteskatt, eigedomsskatt generelt og eigedomsskatt frå kraftverka, parkeringsavgift i sentrum, endra grunnlaget for konsesjonskraftutrekninga o.a. Konklusjonen er at dette kan vera interessant å arbeida vidare med, men at det ikkje er tenleg å kopla det til Sauda Kulturverk i denne fasen av arbeidet. For eit år sidan sa me: Det er ( ) ingen veg utanom at næringslivet tek eit stort ansvar for prosjektet. Tiltrua til analysen om at Kultur og Fritidsparken er eit avgjerande element i kampen om arbeidskrafta, må visast i talet på investerte millionar frå det lokale næringslivet. Sauda Vekst har vore ein aktiv og positiv samarbeidspart i arbeidet, og er innstilt på eit større millionbeløp til prosjektet. På den andre sida er det ingen av dei større verksemdene som konkret har avsett midlar til prosjektet. Etter rådmannen si meining trengst det grundigare samtalar om føremålet med kultursatsinga, mellom politisk nivå og representantar for større verksemder i kommunen, der målet må vera å finna gode måtar næringslivet vert med på ei forpliktande fellessatsing for å få realisert prosjektet. Rådmannen meiner at skissa (sjå under) til finansieringsløysing der næringslivet står for 25 mill. kr, må sjåast på som ei nedre grense. Om alle partar held fast på tanken om at dette skal vera eit fellesprosjekt mellom kommune, stat og det lokale næringslivet, er det i dag likevel mest realistisk å rekna med at kommunen må ta storparten av løftet med å realisera Sauda Kulturverk. Det inneber at dei pengane som er avsett til Etne-veg, vert lagt inn i finansieringsplanen. Dette er eit stort steg å ta, og må sjåast i lys av dei politiske prioriteringane rundt debatten om Nasjonal Transportplan og om det politiske miljøet i Sauda vurderer det som realistisk å få til tunnel til Etne til ein kostnad på 1 mrd kr. Slik rådmannen vurderer saka er det i dag rett å gjera ei slik omprioritering. Finansieringa kan då sjå slik ut:
Kommunale lån Kommunale fond Næringslivet Spelemidlar 68 mill 25 mill 12 mill 145 mill kr Alle fire finansieringskjeldene krev vidare arbeid og avklaringar. Det er til no brukt 2,33 mill. kroner i prosjektet Sauda Kultur og Fritidspark. Av desse er 1,88 mill. kr finansiert i drifta pr.31.12.2007. Det som er brukt i 2008 450 000,- kr kjem med i budsjettjusteringane i kommunestyret sitt junimøte. Vurdering og konklusjon: Slik rådmannen vurderer saka, er det eit særs godt samsvar mellom prosjektet og det Sauda treng og har forventningar til, og det er lagt fram ei nøktern vurdering av kostnadene for kommunestyret. Difor vert spørsmålet om me skal arbeida vidare med å realisera prosjektet Sauda Kulturverk eller om me skal stoppa dette arbeidet no. Å gjera grep for å redusera kostnadene i t.d. storleiken 40 % vert vurdert som lite realistisk. Då maktar me ikkje å nå dei måla som er sett for prosjektet og då får ein heller starta ein ny prosess ved eit seinare høve. Sjølve utviklings- og byggeprosjektet er ei stor og krevjande oppgåve som sjølvsagt må prioriterast høgt. Samstundes vil prosjektet innebera starten på eit kulturarbeid i Sauda som skal vera i stand til å ta opp i seg alle kvalitetane ved det nye bygget. Bygget opnar opp for nye aktivitetar, nye måtar å gjennomføra aktivitetane på, og nye måtar å driva kultur og kulturpolitikk på. Den kommunale organisasjonen vil måtta innstilla seg på heilt andre måtar å få gjort oppgåvene på, og rådmannen ser for seg store endringar i både kompetanse, organisasjonsstruktur, bemanning, drift og driftsutgifter. Når det nye bygget står ferdig i juni 2011 må me ha gjort dei nødvendige omstillingane slik at me frå første dag er organisert for å gjera bruk av det potensialet Kulturverket gjev oss. Dette må skje i prosessar der tilsette, kulturarbeidarar, næringslivet og politikarar må spela sentrale roller. Også dei frivillige organisasjonane og publikum, ikkje minst, må omstillast til det nye livet i Kulturverket.