SAKSFRAMLEGG Sakshandsamar: Jan Magne Svåi Arkiv: N30 Arkivsaksnr.: 13/565 Ferjesamband Solvorn - Ornes Godkjenning av rutealternativ og kostnadsoverslag. Val av entreprenør Rådmannen si tilråding: ::: Sett inn innstillingen under denne linja 1. Ferjesambandet Solvorn Ornes vert vidareført som kommunalt rutetilbod. Lustrabaatane AS vert vald som entreprenør 2. Kostnadsråma for avtalen med Lustrabaatane AS for 2015-21 vert sett til inntil kr. 2.600.000,- pr år. Leige av kaien på Urnes og eventuell regulering av kontrakt( drivstoffkostnadar) kjem i tillegg. 3. Rådmannen får fullmakt til å gjennomføra slutt-tingingar med Lustrabaatane AS og godkjenne endeleg avtale. ::: Sett inn innstillingen over denne linja... Sett inn saksutredningen under denne linja
Saksutgreiing: Prenta vedlegg: Utdrag av konkurransegrunnlag, datert 12.05.2014 Innspel frå samarbeidsgruppa for sørsida Innspel frå Fortidsminneforeningen Innspel frå Sogn Brann og Redning Tilbodsskjema Uprenta vedlegg: Konkurransegrunnlag, datert 12.05.2014 Samandrag: Avtalen med Lustrabaatane AS om drift av ferjesambandet Solvorn - Ornes går ut 31.12.14. Drifta av ferjesambandet Solvorn - Ornes frå 1.1.15-31.12.21 har i samsvar med dette vore lyst ut for ny periode. Det vart innlevert berre eit tilbod og rådmannen tilrår i saka at ein inngår avtale med Lustrabaatane for operasjon av sambandet. Kostnadsramma vert sett til 2,6 mill.kr pr år. Utval som har vedtaksmynde: Kommunestyre Fakta: Avtalen med Lustrabaatane AS om drift av ferjesambandet Solvorn - Ornes går ut 31.12.14. Drifta av ferjesambandet Solvorn - Ornes frå 1.1.15-31.12.21 har så vore lyst ut for ny periode. Regelverket ligg i Lov om yrkestransport med motorvogn og fartøy, av 21. juni 2002 nr. 45 (yrkestransportlova). Forskrift om yrkestransport innenlands med motorvogn eller fartøy, av 26. mars 2003 nr. 401.Lov om fri utveksling av tjenesteytelser innen sjøtransport av 4.12.1992, og Føresegn om offentlige anskaffelser av 7.4.2006. Konkurransen er gjennomført som open tilbodskonkurranse i samsvar med reglane i kapittel I (alminnelige bestemmelser) og III (anskaffel-ser over EØS-terskelverdiene) i føresegnene. Konkurransen er kunngjort på Doffin og i Official Journal of the EU for EØS-området. Han er og annonsert i lokale avisar og nettsida til Luster kommune. Avtalen er på seks år og dersom partane er einige om det innan eit år før kontrakten går ut, kan kontrakten forlengjast med eitt år om gangen i tre år. Lustrabaatane får i 2014, jamfør noverande kontrakt, utbetalt eit tilskot på kr 2.290.000,- frå Luster kommune. Luster kommune har fått refundert kr 450.000,- pr/år frå fylkes-kommunen. Denne avtalen går ut 31.12.14. Fylkeskommunen skal ta stilling til forlenging av avtalen og refusjonssum i samband med sin budsjetthandsaming. Til å utarbeide konkurransegrunnlaget har Luster kommune fått bistand av Asplan Viak AS. Utdrag av konkurransegrunnlaget ligg ved som prenta vedlegg. I samband med utlysinga kom det innspel frå samarbeidsgruppa på sørsida, Fortidsminneforeninga og Sogn Brann og Redning. Deira innspel ligg ved som prenta vedlegg. I konkurransegrunnlagt var det lagt opp til at det kunne gjevast pris på både ferje og passasjerbåt. Leverandørane kunne sjølve velja om dei vil gje tilbod på drift av ferja eller passasjerbåten eller på både to.
Leverandørane skulle rekne desse turane inn i basisprisen/basistilbod: Solvorn Oppvekstsenter får disponera to ekstraturar som vert avtala for kvart skuleår. På same måte får Soknepresten disponera to ekstraturar som vert avtala for kvart kalenderår i perioden utanom sommarruta. Følgjande rutefrekvens og opsjonar var utgangspunktet i konkurransegrunnlaget: 1. Anboda skal ta med avgangen kl. 08.30 tysdagar i vinterperioden. Godtgjersle for opsjon med rundturer med avgang kl. 08.30 DX67 (ikkje berre tysdagar) i vinterperioden - dvs. 4 gonger per veke. 2. Anboda skal ta med avgangen alle kvardagar kl. 13.00 i vinterperioden 3. Anbodet skal ta med pris for avgangane kl. 10.00 og 17.00 i vinterperioden som bestillingsruter. Konkurransegrunnlaget, datert 12.05.2014, vart sendt/lasta ned av 12 interesserte selskap. Ved tilbodsfrist var det berre kome inn 1 eitt tilbod på ferjedrift, ingen på passasjerbåt: Lustrabaatane AS: Godtgjersle pr. år - kr. 2.600.000,- Opsjonsprisar kjem fram av tilbodsskjema. Godtgjørsla er fast i heile avtaleperioden, men Lustrabaatane får kvar 12. månad rett til regulering dersom delindeks Drivstoff i SSB s Kostnadsindeks for innenriks sjøfart (Tabell 08576) er auka eller gått ned med meir enn 10 prosent i perioden Kaien på Ornes er privat eigd. Avtalen mellom eigaren og Luster kommune om bruk av kaien går ut 31.12.14. Rådmannen er i forhandlingar med eigar av kaien om ny leigeavtale. Vurdering: Anbodskonkurranse med berre ein tilbydar er ikkje det beste utgangspunktet. Rett nok står det slik i konkurransegrunnlaget pkt 2.11; Dersom det berre kjem inn eitt tilbod i konkurransen, vil oppdragsgjevaren forhandla med denne leverandøren før eventuell kontrakt vert teikna.
Rådmannen har gjennomført forhandlingar med Lustrabaatane for å sjå om det er mogeleg å få redusert tilbodssummen. Lustrabaatane AS vart konkret utfordra på følgjande punkter: Auke i billettakst frå sone 7-nivå til sone 9-nivå (ihht Riksregulativet for ferjetakstar) samt at det skal vera høve til å kjøpa klippekort med 12 klipp der ein betalar for 10. (slik at det ikkje vart prisauke for lokalt reisande) Svar: Lustrabaatane vil ikkje på dette grunnlaget redusera beløpet i tilbodet då me er usikre på effekten ei slik takstauke vil ha på trafikken. Lustrabaatane åpnar for å drøfta dette på eit seinare tidspunkt dersom auka salgsinntekt beviseleg kan sporast til auka takstar og ikkje generell auke i trafikken. Men Lustrabaatane er villige til å vurdere differensiert takst for fastbuande og turistar, for på sikt å kunne redusere tilskotssummen. I 2015 vil det bli eventuelt bli prøvd ut ein takst på for.eks. kr. 100,- for bil (turistpris), lokaltrafikk kan få kjøpe klippekort med 12 klipp der ein betalar for 10. For 2015 vil det ikkje ha noko å bety for tilskotet. Redusert skuldersesong. (redusert frekvens 1-15.05 og 15.09-31.09) Svar: I redusert sommarrute i skuldersesongane (tilsvarande den me gjekk i 2014-sesongen) vil då kunna spara inn ca 35 000 kr per år. Auke i tall parkerkeringsplassar i Solvorn: Svar: Lustrabaatane åpnar difor for å vurdera dette etter at ein ser kva innverknad auka antal parkeringsplassar betyrfor omsetnaden om bord. Lustrabaatane ønskjer i tillegg at oppstillingsfilene må på plass igjen, og det må vurderast andre løysningar for bussane som er nedom Solvorn. Desse tingingane har etter rådmann si vurdering ikkje gitt tilfredstillande resultat. Dersom det ikkje kjem fram meir konkrete resultat er det rådmannen sin vurdering at Luster kommune held fram med dei same takstane, sone 7 nivå. Rådmannen opnar likevel for å drøfta vidare differensiering av takstane, for på sikt å kunne redusere tilskotet. Rådmannen bør vidare få mandat til å godkjenne aktuelle takstar. Fylkeskommunen har gitt tilbakemelding på at dei ikkje vil gå inn å vurdere takstane. På bakgrunn av at reduksjon på redusert tilbod i skuldersesongen gir for lite, samt at Fortidsminneforeninga i e-post har stadfesta at dei vil halde Urnes stavkyrkje ope frå 02.05 til 30.9 i 2015, såframt at det blir (tilnærma) sommarrute på Solvorn-Ornes i same periode, vil ikkje rådmannen tilrå redusert frekvens i skuldersesongen Vidare vil rådmannen arbeide vidare med å utvide tall parkeringsplassar i Solvorn og då sjå på om oppstillingsplassane til ferja kan opnast att. I samband med utarbeiding av konkurransegrunnlaget hadde Samarbeidsgruppa for sørsida følgjande innspel på konkrete forslag til ferjeruter (som eit tillegg til dagens rute): Faste turar: Alle kvardagar: Frå Solvorn: 08.30 og 13.00 Stjerneturar/bestillingsruter: Måndag, torsdag og fredag: kl. 20.00 og 22.00 frå Solvorn Laurdag og søndag : 10.00, 14.00, 17.00 og 19.00 frå Solvorn Søndag: kl. 21.00 frå Solvorn Samarbeidsgruppa ønskte også at dei seine stjerneturane kvardagar, og den siste stjerneturen søndagen (kl. 21.00 frå Solvorn) kan gå heile året, både i vinter- og sommarruta.
Alle turar har avgang frå Ornes 20 min. etter avgang frå Solvorn Rådmannen imøtekom delvis ønskje ved at det i konkurransegrunnlaget vart bedt om opsjonsprisar på nokre av desse turane. Det gjaldt: Fast tur Dx67 frå Solvorn 08.30 (i dag går denne turen berre tysdag). o Opsjonspris kr. 140.000,- pr/år Fast tur Dx67 frå Solvorn 13.00 o Opsjonspris kr. 175.000,- pr/år Bestillingsrute kl. 10.00 og 17.00 laurdagar og kl. 10.00 søndag i vinterperioden. o Opsjonspris kr. 195.000,-pr/år Etter rådmann si vurdering er det ikkje rom for, med det pristilbodet ein har fått, å tenkje seg ei ytterlegare utvida kostnadsramme. Dette gjer at rådmannen ikkje kan tilrå at Luster kommune vel opsjonsruter. Rådmannen vil tilrå rutefrekvens i samsvar med utgangspunktet i konkurransegrunnlaget. Til dette kjem at det kan vere usikkert om fylkeskommunen vil, ev kor mykje fylkeskommunen vil, bidra med til drift av tilbodet. Fylkeskommunen har plikt til å syte for skuleskyss og etter rådmannen si vurdering treng dei då skyss over fjorden. I lys av dette og andre vurderingar omkring skuleskyss må fylkeskommunen bidra med minimum 500.000 pr år til skuleskyssen slik rådmann ser saka. I tillegg bør fylkeskommunen bidra i høve den regionale verdien av tilbodet, ikkje minst i reiselivssamanheng, til stavkyrkja som verdsarvområde. Me har fått administrative signal om at det kan verte tilrådd tilskot i same storleiksorden som tidlegare. Denne saka skal handsamast politisk i fylkeskommunen i løpet av hausten. Slik sett tek kommunen ein viss risiko her. Ved val av ferjeruter som var utgangspunktet i konkurransegrunnlaget blir kostnadane fyrste året på kr 2.600.000,-. Prisauken frå førre kontrakt vert på kr. 310.000,- pr/år. I tillegg kjem at tilskotet frå fylkeskommunen i verste fall kan bli redusert. Luster kommune har og kostnader med leige av kai på Ornes og drift av kai i Solvorn Denne kostnaden vil og truleg auke noko i høve dagens kostnader. Til tross for den høge kostnaden har det kome politiske signal om at kommunen i denne omgang må prøve å vidareføre ferjetilbodet. Etter ei samla vurdering tilrår rådmannen at det kommunale ferjetilbodet vert vidareført ved at ein går inn på tilbodet frå Lustrabaatane AS. Rådmannen bør og få fullmakt til å sluttføre tingingar og avtalar innanfor rammene i saka. Dei samla økonomiske verknadane må innarbeidast i budsjett/økonomiplanarbeidet. (saksutgreiing kan verte supplert/justert fram mot møte dersom det kjem fram ny informasjon.) Dato:10.09.14. Jarle Skartun rådmann Jan Magne Svåi rådgjevar Særutskrift skal sendast: m/kopi til:... Sett inn saksutredningen over denne linja