Kvinnherad - Gnr 143 Bnr 26 mfl - Detaljreguleringsplan for Husnes gravplass - Offentleg ettersyn

Sakshandsamar, telefon Christian Johan Alstad, 5557 2112 Vår dato 11.05.2017 Dykkar dato 05.04.2017 Vår referanse 2016/15868 421.4 Dykkar referanse 16/3822 Kvinnherad kommune Rosendalsvegen 10 5470 Rosendal Kvinnherad - Gnr 143 Bnr 26 mfl - Detaljreguleringsplan for Husnes gravplass - Offentleg ettersyn Vi viser til brev av 05.04.2017, dykkar ref. 2016/3822, med høyringsfrist 22.05.2017. Saka gjeld detaljreguleringsplan for Husnes gravplass som er lagt ut til offentleg ettersyn. Føremålet er å legge til rette for eksisterande og ny kyrkjegard, med tilhøyrande parkeringsareal. Fylkesmannen er, som vi uttalte til oppstart av planarbeidet, positiv til at kommunen tek ansvar og sørgjer for tilstrekkeleg med areal til gravplass. Vi legg til grunn at planframlegget i hovudsak er i samsvar med kommunedelplanen, og at det ikkje er i vesentleg strid med nasjonale føresetnader for arealpolitikken innanfor ansvarsområda våre. Vidare arbeid med utforming av gravplassen må følgje krava i gravferdsforskrifta 3. Planframlegget omdisponerer 7,7 dekar fulldyrka jord til grav- og urnelund. I tillegg kan det sjå ut til at det går med fulldyrka jord til etablering av tilkomstveg o_skv2. Jordlova (jl.) gjeld ikkje for område som i overordna plan er avsett til bygging og anleggsføremål etter pbl. 11-7 andre ledd nr. 1., jf. jl. 2 første ledd bokstav b nr. 1. Jordvern er uansett eit viktig omsyn i planlegginga, jf. pbl. 3-1 første ledd bokstav b. Fylkesmannen legg vekt på at området er sett av til utbygging i gjeldande kommunedelplan og at samfunnsnytten av å få utvida gravplassen er stor. Vi saknar likevel ei interesseavveging i planframlegget, slik at konsekvensane av tap av dyrka mark vert vurdert og synleggjort. Det går ikkje fram av planframlegget kvifor ein må nytte regulert landbruksareal (LL) til mellombels bygge- og anleggsområde. Vi minner elles om at kommunane skal rapportere all omdisponering av landbruksareal via KOSTRA til Landbruks- og matdepartementet. Det er generelt lite forureining av avrenningsvatn frå gravplassar, jf. NOU 2014:2 s. 201. Planområdet heller bort frå landbruksarealet og ut mot sjøen. Kommunen bør vurdere om det er trong for tiltak mot avrenning for å ta omsyn til andre aktivitetar eller naturmangfald ved Bogsnesvågen. I følgje ROS-analysen pkt. 16 om støy vil ingen graver ligge innanfor gul støysone, og det skal etablerast ein mur som vil skjerme gravplassen mot støy. Dette samsvarer ikkje med omsynssona for støy på plankartet, og det er ikkje knytt føresegner om opparbeiding av mur mot støy. Vi rår til å justere planen slik at dei ulike plandokumenta samsvarar. Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: 55 57 20 00 Kommunal- og samfunnsplanavdelinga Kontakt: www.fylkesmannen.no/melding Nettside: www.fylkesmannen.no/hordaland Org.nr: 974760665

Arealføremålsflater dannar ein samanhengande «mosaikk» innanfor planavgrensinga til planen. Alle arealføremål i ytterkant av planen skal ha ei føremålsgrense mot planavgrensinga, og denne føremålsgrensa skal ha identiske koordinatar med planavgrensinga, jf. nasjonal produktspesifikasjon for arealplan og digitalt planregister del 1 s. 58. Dette må rettast opp. Føremålsgrensene må elles omslutte heile føremålsflata og eigedomsgrenser skal framstillast i gråtonar. Vedlagt illustrasjonsplan syner m.a. framtidig internvegsystem, plassering av kistegravar utanfor støysona m.v. Kommunen bør vurdere å gje illustrasjonsplanen juridisk verknad gjennom tilvising i reguleringsføresegnene. Fylkesmannen legg til grunn at merknadene våre vert teke omsyn til i den vidare planprosessen. Vi ønskjer lykke til med det vidare planarbeidet. Med helsing Egil Hauge seksjonsleiar Christian Johan Alstad seniorrådgjevar Brevet er godkjent elektronisk og har derfor inga underskrift. Kopi til: Statens Vegvesen, Region Vest Askedalen 4 6863 Leikanger Hordaland fylkeskommune Postboks 7900 5020 Bergen 2

REGIONALAVDELINGA Seksjon for plan - REG AVD KVINNHERAD KOMMUNE Rosendalsvegen 10 5470 ROSENDAL Dato: 11.05.2017 Vår ref.: 2016/34987-13 Saksbehandlar: HANVIE_ Dykkar ref.: Fråsegn til høyring av reguleringsplan for Husnes gravplass - Kvinnherad kommune Vi viser til brev datert 05.04.2017 om høyring av forslag til detaljregulering for Husnes gravplass. Hovudføremålet med reguleringa er grav og urnelund med tilhøyrande parkeringsareal. Føremålet er i hovudsak i samsvar med gjeldande kommuneplan der området er sett av til offentlige bygningar. I arbeidet med ny kommueplan er planområdet føreslått regulert til framtidig sentrumsføremål. Hordaland fylkeskommune vurderer reguleringsplanen ut i frå fylkeskommunens sektoransvar og målsettingar i regionale planar, i tillegg til oppstartmeldinga i brev av 07.12.2016. For utfyllande planfaglege råd viser vi til internettsidene våre: www.hordaland.no. Vurdering Kulturminne og kulturmiljø Viser til brev til Cowi AS datert 06.01.2017 med varsel om arkeologisk registrering med vedlagt kostnadsoverslag. Kostnadsoverslaget vart akseptert av Kvinnherad kommune i brev av 10.01.2017. Etter avtale med Kvinnherad kommune vart den arkeologiske registreringa starta opp 06.03.2017. Arbeidet vart utført av arkeologar frå Fylkeskonservatoren 6. 9. mars 2017. Det vart nytta gravemaskin og grave 13 sjakter i planområdet, utan funn av automatisk freda kulturminne. Rapport vart oversend Kvinnherad kommune ved Ivar Kåre Døssland i e-post av 21.04.2017. Eit automatisk freda kulturminne, gravhaug id. 66386, var kjent frå før og ligg inne på kyrkjegarden i nordaustre del. Dette kulturminnet er lagt inn på plankartet med rett SOSI-kode H730 Bandlegging etter lov om kulturminner, men er lagt inn med feil geometri i høve til det som er registrert i Riksantikvaren sin database Askeladden. Sjølve gravhaugen ligg innanfor, men geometrien må rettast på plankartet så den også omfattar sikringsona på 5 meter, sjølv om den eksisterande gangvegen ligg innanfor sikringsona. Gangvegen har lege der lenge og vert ikkje kravd flytta, så det er utelukkande eit teknisk problem å retta plankartet. Det vert ikkje stilt krav om at sikringsona går inn på Køyreveg SOSI-kode 2011 (o_skv1) i aust, men fylgjer kanten på Fortau SOSI-kode 2012 (o_sf2). I telefonsamtale 02.05.2017 med Anbjørn Høivik, Kvinnherad kommune, vart ein einig om at kommunen sender over plankartet med retting før vedtak vert gjort.

Elles gjer vi merksam på at tiltakshavar har plikt til å visa aktsemd, og til straks å melda frå til Hordaland fylkeskommune dersom ein i samband med tiltaket skulle støyta på automatisk freda kulturminne (jfr. kulturminnelova 8, 2.ledd). Konklusjon Hordaland fylkeskommune har merknad til planforslaget når det gjeld kulturminne. Vi ber om at merknaden vert teke omsyn til i prosessen vidare. Eva Katrine R. Taule fagleiar kommunal plan Hanne Kathrin Vie saksbehandlar Brevet er godkjent elektronisk og har derfor inga underskrift. Saksbehandlar: Hanne Kathrin Vie, Planseksjonen, Regionalavdelinga Lars Øyvind Birkenes, Fylkeskonservatoren, Kultur og idrettsavdelinga Kopi til: Fylkesmannen i Hordaland

file:///c:/ephorte/pdfdocproc/ephorte/479588_fix.html Side 1 av 1 05.05.2017 Fra: Otnes Toralf[toot@nve.no] Sendt: 04.05.2017 15:01:04 Til: Kvinnherad kommune[post@kvinnherad.kommune.no] Tittel: Gjeld offentleg ettersyn av detaljreguleringsplan for Husnes gravplass - Del av GBnr 143/26 mfl - Kvinnherad kommune Syner til brev datert 05.04.2017. NVE har ingen merknader til planframlegget. Med helsing Toralf Otnes Senioringeniør Avdeling: Skred- og vassdragsavdelinga Seksjon: Region vest Norges vassdrags- og energidirektorat (NVE) Telefon: 22 95 95 27/95 87 50 35 E-post: toot@nve.no Web: www.nve.no

Kvinnherad kommune 5470 ROSENDAL Ingo Bewer Behandlande eining: Sakshandsamar/telefon: Vår referanse: Dykkar referanse: Vår dato: Region vest Guri Finne Sognnæs / 56520284 16/188653-5 22.05.2017 Statens vegvesen sin uttale til offentleg ettersyn av detaljreguleringsplan for del av gnr. 143 bnr. 26, 150, 163 og 175 - Husnes gravplass - Husnes - Kvinnherad kommune Syner til dykkar oversending av plandokument til offentleg ettersyn (motteke 05.04.2017), samt revidert plankart som vart motteke 19.05.2017. Statens vegvesen uttaler seg med bakgrunn i rollen som vegadministrasjon for fylkeskommune i fylkesvegsaker, samt statleg fagorgan med sektoransvar for samordna areal- og transportplanlegging, trafikktryggleik, kollektivtrafikk, tilrettelegging for sykkel og gange, universell utforming og miljøulemper knytt til veg- og vegtrafikk. Bakgrunn «Kvinnherad kommune har eit prekært behov for gravplassar, og innan utgangen av mars 2017 er eksisterande gravlund full. Formålet med reguleringa er å leggje til rette for ei utviding av gravplassen ved Husnes kyrkje på grunnlag av dagens arealmangel, samt regulering av eksisterande parkeringsplass. Planforslaget foreslår nokon mindre endringar av arealbruken i forhold til gjeldande kommunedelplan». Våre merknader Statens vegvesen setter pris på at vår uttale ved oppstart av planarbeidet er fylgt opp. Då spesielt med omsyn til støy, parkering og mjuke trafikantar. Våre merknader er spesielt retta mot plankartet. Syner difor til telefonsamtale med Marko Ostojic 28.04.17 og revidert plankart motteke 19.05.2017. Postadresse Telefon: 02030 Kontoradresse Fakturaadresse Statens vegvesen Flyplassvegen Statens vegvesen Region vest firmapost-vest@vegvesen.no 5705 VOSS Regnskap Postboks 43 Postboks 702 6861 LEIKANGER Org.nr: 971032081 9815 Vadsø

2 - Statens vegvesen setter pris på at gangtilkomstane o_svg7 og o_sgg3 er stengt i det reviderte plankartet, slik at det vert færre og tryggare kryssingspunkt av fylkesveg 44. - Sjå figur 1. Ved markerte symbol må det leggast til rette for kryssing av mjuke trafikantar. Her må fortauskanten førast ned (universell utforming) og tilrettelegging med forsterka belysning. Figur 1 - I det reviderte plankartet er fortauet o_sf4 teikna inn, etter drøfting i telefonsamtale mellom Statens vegvesen og Cowi. I etterkant har Statens vegvesen våre i samtale med Kvinnherad kommune, og kome fram til at det er tilstrekkeleg med gang- og sykkelvegen o_sgs. o_sf4 kan difor takast ut av plankartet. Statens vegvesen ynskjer at gang- og sykkelvegen o_sgs strekker seg ned til kryss mellom fv 44 og den kommunale vegen Heiamyro, slik at ein planlegger mot eit framtidig samanhengande gang- og sykkelvegnett på Husnes. Det er også eit behov for belysning langs denne vegstrekninga. - Gangtilkomstar vert også rekna som «avkøyrsler» og siktliner må difor teiknast inn på kartet. - Sidan ÅDT-en i avkøyrsla inn til kyrkja er større enn 50, må avkøyrsla utformast som eit kryss. O_SKV1 er ikkje forkøyrsregulert, difor må køyretøy som kjem i frå sørvest kunne sjå 20 m inn i sekundærvegen (i kapittel 3.12 i handboka V121). Sidan o_skv2 skal nyttast av anleggsmaskiner må radiusen være 9 m. Vil også gjere dykk oppmerksame på stigningskrav synt i figur 2.

3 Figur 2 - Me tilrår at det vert ført opp eit kantstopp langs o_sf2 for på- og avstiging for skuleborn som kjem med buss. Dersom dette ikkje er aktuelt må avkøyrsla til parkeringsplassen dimensjonerast for større køyretøy. Det vil sei at radiusen må vera 12,5 m (etter handboka N100). - Syner til vårt sektoransvar innan universell utforming og krav om universell utforming av parkeringsplassar. Føresegnene: - Saknar at det vert nemnt i føresegnene at avkøyrsler også skal utformast etter Statens vegvesen sin handbøker og godkjennast. - 7.1.1: «Enkelståande tre, stolpar og liknande, som ikkje hindrar sikt, kan stå innanfor sikttrekanten. I siktsonen tillates enkelttrær men dei stammast opp til 2,4 meter over bakken». Vil gjere dykk oppmerksame på at vedlikehaldet må fylgjast opp etter planting. Statens vegvesen har ikkje fleire merknader. Ta kontakt dersom noko er uklart, og lykke til vidare med planarbeidet! Plan og forvaltning Voss og Hardanger Med helsing Carl-Erik Nielsen Seksjonssjef Guri Finne Sognnæs

4 Dokumentet er godkjent elektronisk og har difor ingen handskrivne signaturar. Kopi Fylkesmannen i Hordaland, Postboks 7310, 5020 BERGEN Hordaland fylkeskommune, Postboks 7900, 5020 BERGEN Kvinnherad kommune, 5470 ROSENDAL

Seksjon forvaltning COWI v/ Marko Ostojic Saksbehandlar Tlf. direkte innval Vår ref. Dykkar ref. Dato Ingo Bewer 47655391 2016/3822-19 22.05.2017 Ynskje om merknadshandsaming av detaljreguleringsplan for del av 143/26, 150, 163 og 175 - Husnes gravplass - Husnes - Kvinnherad kommune Følgjande merknader og notater er sendt til oss. Plankontoret på seksjon forvaltning / Kvinnherad kommune ynskjer at Dig Plan AS tar stilling til innkomne merknader, går i dialog og prøver å samordna privatrettslege forhold mellom samtlege grunneigar, diskuterer vidare framgang med administrasjonen i Kvinnherad Kommune og sender den reviderte planen + føresegner tilbake til oss (krav aktuell SOSIstandard 4.5). Vi visar særleg til Fylkeskommunen, Fylkesmannen og Statens vegvesen sine merknader i saken. Med venleg helsing Ingo Bewer arealplanleggjar Brevet er godkjent elektronisk og har derfor inga underskrift Rosendalsvegen 10 5470 Rosendal Tlf: 534 83 100 Fax: 534 83 130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no