Klage på vedtak - Godkjent reguleringsplan for hyttefelt Tuftaheio - Del av gnr. 16 bnr. 1 - Ølve - Kvinnherad kommune

Transkript

1 Kvinnherad kommune 5470 ROSENDAL Behandlande eining: Sakshandsamar/telefon: Vår referanse: Dykkar referanse: Vår dato: Region vest Guri Finne Sognnæs / / Klage på vedtak - Godkjent reguleringsplan for hyttefelt Tuftaheio - Del av gnr. 16 bnr. 1 - Ølve - Kvinnherad kommune Me syner til dykkar oversending motteke med orientering om vedteke privat detaljreguleringsplan med klagefrist Føremålet med reguleringsplanendringa er å leggje til rette for 3 nye fritidsbustader, slik at det totalt vert 10 fritidsbustader i Hyttefeltet Tuftaheio. Statens vegvesen sine interesser i alle plan- og forvaltningssaker omfattar primært etaten sitt ansvar for planlegging, bygging, drift og vedlikehald av riks- og fylkesvegnettet. Vår hovudmålsetting er å leggja til rette for trygg og god trafikkavvikling, eit godt miljø og i tillegg ta omsyn til naboar og samfunnsinteresser elles. Vedtak: Vedtak frå kommunestyret den : Kvinnherad kommunestyre godkjenner med heimel i plan- og bygningslova at forslag til for detaljreguleringsplan for del av 16/1 - Hyttefelt Tuftaheio - Ølve, sist revidert den blir godkjent slik han ligg føre. Grunnlaget for kommunal eigengodkjenning er til stades. Bakgrunn for klagen Vår klage er knytt til rekkefylgjekravet i føresegnene 1.3.1: Postadresse Telefon: Kontoradresse Fakturaadresse Statens vegvesen Flyplassvegen Statens vegvesen Region vest firmapost-vest@vegvesen.no 5705 VOSS Regnskap Postboks 43 Postboks LEIKANGER Org.nr: Vadsø

2 2 «Ny avkøyring frå Fv 49 skal vera ferdigstilt før det vert gitt bruksløyve / ferdigattest for fritidsbustadar». Klagen er også relatert til tilgrensande planar: - Detaljregulering-fritidsbustader Troppo-15/4 m.fl.-ølve (Troppo-planen), planid , vedteken Detaljregulering for del av gnr. 12 bnr. 8 - Skarvatunkrysset mellom Skarvatunvegen og fv. 49 Ølve, planid , er i oppstartsfasen. Uttale ved offentleg ettersyn I Statens vegvesen sin uttale ved offentleg ettersyn hadde me to merknadar: I føresegnene må det leggjast til at krysset skal byggjast i samsvar med Statens vegvesen sine vegnormalar og godkjennast av Statens vegvesen. Syner til vår uttale datert Nytt kryss må opparbeidast før det vert gjeve igangsettingsløyve, ikkje bruksløyve/ferdigattest. Dette må stå i føresegnene. Desse merknadane er ikkje fylgt opp i vedteken plan og det er ikkje grunngjeve kvifor dei ikkje er fylgt opp. Bakgrunnen for rekkefylgjekravet Krysset mellom fv. 49 og Skarvatunvegen samsvarar ikkje med våre krav til sikt i høve vegnormalane (dette på grunn av eit høgdebrekk på fylkesvegen). Skarvatunkrysset gjev tilkomst til eit område med fleire regulerte fritidsbustadfelt. Utbygging etter desse reguleringsplanane vil auka trafikkbelastninga på krysset, som reduserer trafikktryggleiken for harde og mjuke trafikantar. Av den grunn er det sett rekkefylgjekrav til utbetring av krysset i omtalte reguleringsplan (Tuftaheio) og i reguleringsplanen for fritidsbustader Troppo. I Troppo-planen er rekkefylgjekravet formulert slik: 1.8: Det kan ikkje gjevast igangsettingsløyve for nye hytter før sikttilhøva i kryss med fylkesvegen er utbetra i samsvar med Statens vegvesen sine vegnormalar 1.8 er kome med i føresegnene som fylgje av at Statens vegvesen i hadde motsegn til Troppo-planen. Årsaken til motsegnet var at siktforholda i Skarvatunkrysset måtte utbetrast før trafikkauken. Statens vegvesen trakk motsegnet då 1.8 kom med i føresegnene. Pr. i dag er det sett i gang ein reguleringsplan for utbetring av Skarvatunkrysset med Kvinnherad kommune som oppdragsgjevar. Planen er no ute på høyring for oppstart.

3 3 Statens vegvesen klagar på Kvinnherad kommunestyre sitt vedtak den med fylgjande grunngjeving: - Som vegadministrasjon for fylkeskommune i fylkesvegsaker skal Statens vegvesen godkjenna at all avkøyring frå fylkesvegar er bygd etter ein plan, jf. 40 tredje ledd i veglova. Krysset skal også byggast i tråd med Statens vegvesen sine vegnormalar. Difor må det forankrast i føresegnene at krysset vert bygd etter våre vegnormalar og godkjennast av Statens vegvesen. - Statens vegvesen meiner at det ikkje er tilstrekkeleg at ny avkøyring frå Fv 49 vert ferdigstilt før det vert gitt bruksløyve / ferdigattest for fritidsbustadar. Bruksløyve og ferdigattest opnar opp for at arbeidet med å byggje fritidsbustader kan starte opp før Skarvatunkrysset er utbetra. Dette arbeidet vil føre til trafikkauke i krysset og med stor andel tungtrafikk. - Me meiner at rekkefylgjekrava i Tuftaheio-planen og Troppo-planen må innehalde dei same vilkåra. Det vil sei at krysset skal utbetrast før det vert gjeve igangsettingsløyve og godkjennast av Statens vegvesen. Slik føresegnene no er utforma kan ein byrja å bygga fritidsbustader i på Tuftaheio, medan dei på Troppo må venta til Skarvatunskrysset er ferdig utbetra. Denne endringa er viktig med omsyn til likebehandling av reguleringsplanar og for å unngå å skapa presedens. - Statens vegvesen har drøfta vedtaket med administrasjonen i Kvinnherad kommune via telefon og e-post (sjå vedlegg). Administrasjonen i kommunen og utførande konsulten er einige med Statens vegvesen at må utformast etter våre merknadar ved offentleg ettersyn av planen. Administrasjonen i kommunen syner til at det har oppstått ein sakshandsamingsfeil og at dei ikkje har vore nok oppmerksam på våre merknadar. Delar av Statens vegvesen sine merknadar var utelatt i saksframlegget (Saksmappe 2016/ ), som er i strid med 17 fyrste ledd i forvaltningsloven og fyrste ledd i plan og bygningsloven.

4 4 Klagerett etter PBL 1-9 Statens vegvesen er eit berørt statleg organ som kan påklaga enkeltvedtak dersom det direkte berører vårt saksområde. I følgje PBL ledd gjeld ikkje dette i plansaker der vedkommande myndighet er gitt høve til å fremja motsegn. Statens vegvesen har ikkje fremja motsegn til planen, men hadde ein tydeleg merknad til planforslaget ved offentleg ettersyn. Rekkefylgjekravet er også forankra i eit eldre motsegn i Troppo-planen. Rekkefylgjekravet er, som skildra over, årsaka til at motsegnet til Troppoplanen vart trekt. Dette saman med konsekvensen av trafikkauke i eksisterande kryssutforming, feil sakshandsaming, ulik sakshandsaming av planar og presedensen i skapar, meiner Staten vegvesen at me har klagerett etter PBL 1-9 og nyttar oss av den. Plan og forvaltning Voss og Hardanger Med helsing Carl-Erik Nielsen Seksjonssjef Guri Finne Sognnæs Dokumentet er godkjent elektronisk og har difor ingen handskrivne signaturar. Kopi Fylkesmannen i Hordaland, Postboks 7310, 5020 BERGEN

5 Fra: Sognnæs Guri Finne Sendt: 16. november :00 Til: Sognnæs Guri Finne Emne: VS: e-post frå Kvinnherad kommune Vedlegg: PDF Frå: Send: 14. november :45 Til: Sognnæs Guri Finne Firmapost-Vest Kopi: Emne: Kommentar til kunngjering av godkjent detaljreguleringsplanendring for hyttefelt Tuftaheio - Del av gnr. 16 bnr. 1 - Ølve - Kvinnherad kommune Hei, visar til dykkar e-post frå den , der Statens vegvesen meiner at ein finn det svært uheldig at merknaden frå den ikkje blir tatt til følgje i den nå godkjente planen. Ein saknar der spesielt at det under rekkjefølgjekrav i føresegner sin fortsatt står: "(...) før det vert gitt bruksløyve/ferdigattest for fritidsbustader." istaden for: "(...) før det vert gitt igangsettingsløyve for fritidsbustader." Administrasjonen i Kvinnherad kommune er her veldig einig med Statens vegvesen og beklager dette. Nåværande situasjon skyldas mest ein forsømmelse frå vår sida og vi må innrømme at ein rett og slett ikkje har vore nok merksam på den sterke merknaden dykkar. Vi vurdere saken selv som ein sakshandsamingsfeil, og har angåande saken snakket i diverse telefonsamtalar i løpe av dagen med Statens Vegvesen v/ Guri Finne Sognnæs. Ein har i etterkant tatt opp saken med konsulenten Harald Bjørndal AS og fikk bekreftelse om at også konsulenten er einig i avgjørelsen mellom Statens vegvesen og Kvinnherad kommune; reviderte føresegner har da blitt sendt til oss. Vi ynskjer å rette opp i dette, særleg siden saken kan rask skape presedens og/eller motarbeida likebehandling av andre tiltakshavar i området. Ut frå dette ser vi det som meist tenarleg, om at Statens vegvesen vil påklage framstilte reg.planen i eit brev. Administrasjonen behandlar der saken politisk som ein klagebehandling, der vi tar klagen til følgje (reviderte føresegner følgjer med). Med venleg helsing Ingo Bewer