SAKSFRAMLEGG Sakshandsamar: Jarle Skartun Arkiv: 613 Arkivsaksnr.: 13/968 Kommunale utleigebustader - Status Gaupne og bygging Indre Hafslo og Veitastrond. Rådmannen si tilråding: 1)Kommunestyret har ikkje merknader til opplegg og framdrift i utbyggingssak bustader Gaupne sentrum, reguleringsgrensa vert som tidlegare fastsett. 2)Kommunestyret har ikkje merknader til at Stiftinga Luster utleigestader bygger 2 husvære eit på Indre Hafslo og eit på Veitastrond slik som skissert i saksutgreiinga. 3)Kommunen garanterer for husleigekostnad i den grad husværa står tomme. Kommunestyret vedtek å auka stiftingskapitalen i Stiftinga Luster utleigebustader med kr 400.000. Summen vert dekka av tidlegare avsett post til sosial bustadbygging.(0.31505)
Saksutgreiing: Prenta vedlegg: Skisser bustader Indre Hafslo og Veitastrond. Uprenta vedlegg: K-sak 30/12. Samandrag: Kommunestyret handsama våren 2012 sak vedk. status og utvikling av kommunen sin bustadmasse. For nokre av tiltaka er det behov for politisk oppfølging. I saka vert det gitt nærare føringar for arbeidet med å utnytte tidlegare tomt for Gaupne barnehage og oppfølging av sak med å bygge gjennomgangsbustadar på Indre Hafslo og Veitastrond Utval som har vedtaksmynde: Kommunestyret Fakta: Kommunestyret handsama i møte 26.4.2012 ei sak vedk. kommunen sin bustadmasse. Dette omhandla m.a. tomteområde for og ved tidlegare Gaupne barnehage. Det er for dette området varsla oppstart av reguleringsarbeid. Det er innkome merknad frå Gaupne ungdomslag som signaliserer vilje til å la tomta til Gaupne ungdomshus inngå i eit framtidig regulert bustadområde på visse vilkår. Utover dette er berre mindre innvendingar mot å utnytte området til bustadføremål. Kommunen har tidlegare kjøp gbnr 84/8 som vil inngå i ny bustadutbygging. Kommunen har og hatt tilbod om å kjøpe gbnr 84/12, men ikkje gått inn på dette. Ut frå pressa kapasitet på plansida har rådmann bedd om at stiftinga Luster utleigebustader engasjerar seg i saka frå starten av. Det vert derfor lagt opp til eit forprosjekt, som kan syne utbyggingspotensiale(skisseprosjekt), og deretter ein samordna plan- og prosjekteringsprosess. BOiVEST er/vert engasjert for å vidareføre første del av arbeidet. I dette arbeidet vert det føresett byggestart for området våren 2014. I same kommunestyresak vart rådmannen beden om å fremje ny sak om bygging av utleigebustader, gjennom stiftinga Luster Utleigebustader, i Fortun og Indre Hafslo, jf. tidlegare vedtak i kommunestyret. Rådmannen vart også bedd om å vurdere behovet i andre bygdelag. Vurdering: Rådmannen meiner at området til tidlegare Gaupne barnehage, inkl tidlegare tilleggsareal bør regulerast slik som skissert i k.sak 26.4.2012. D.v.s. til grensa med ungdomshustomta. Ei evt. utviding av bustadområde med tomta til Gaupne ungdomslag kan evt. koma som ein seinare reguleringsendring. Det står att så mange avklaringar for ei slik løysing at framdrift i prosjektet vert dårlegare om ein revurderar dette. Rådmann er derfor innstilt på å vidareføre planarbeidet som skissert. Gbnr 84/12 må få ein avklara tilkomst og det kan vere aktuelt å drøfte nokre mindre grensejusteringar. Det vert lagt opp til ei høg utnytting av arealet med bygging av relativt små bueiningar.(10-15 einingar?) Rådmannen vil tilrå at ein no bør gjennomføre vedtaket om bygging av ein utleigebustad på Indre Hafslo. Behov i grenda og nærleik til Hafslo og Gaupne vil kunne sikre god utnyttingsgrad. Det er utarbeidd eit skisseprosjekt med kostnadskalkyle for ei bueining med to soverom. Kostnaden er vurdert til 2,1 mill kr +/- 15%.
Rådmannen finn at ein i tillegg til Indre Hafslo kan vurdere ein utleigebustad på Veitastrond. Dette både med bakgrunn i sterke ynskje frå bygdelaget og politiske innspel. Ei positiv utvikling både med bakgrunn i vegsikring og landbruksutbygging gjer at rådmannen under tvil tilrår bygging. Kommunen vil her kunne risikere at bustaden i tider vil kunne stå tom. Kostnadskalkylen for bygging av ein bustad i Veitastrond med 1 soverom syner 1,75 mill kr +/- 15%. Bustaden kan byggjast i tilknyting til eksisterande bustad som har to soverom. Når det gjeld Fortun så meiner rådmannen at behovet for slik bustad er liten og/eller kan dekkast på anna måte. Her er det fleire aktuelle objekt for leige ev kjøp. Kommunen har heller ikkje aktuell tomt til disposisjon pr no. Om ein får realisert/får ei avklaring på skuleeigedommen så kan her vere aktuell tomt. Rådmannen vil med bakgrunn i dette foreslå at Fortun vert vurdert på nytt i samband med rullering av bustadsosial handlingsplan. Rådmannen meiner at vidare utbygging utover det som no er i gong i Gaupne, ein bustad på Indre Hafslo og ein i Veitastrond bør prioriterast som ein del av bustadsosial handlingsplan. Økonomi/finansiering. Det er lagt opp til at bygga skal finansierast med 20 % tilskot frå Husbanken og resten som lån i Husbanken med avdragstid 50 år. Rådmannen har nedanfor utarbeidd eit driftsbudsjett for bustadane. Driftsbudsjettet føreset at bustadane vert utleigde 12 månader pr år. Det er lagt til grunn vedteken gjengs husleige for tilsvarande bustader som SLU leiger ut. I posten forvaltning drift og vedlikehold inngår kommunale avgifter, forsikring og adm.kostnader og vedlikehold. Årlege inntekter Husleige 4655*12 55860 Veitastrond I. Hafslo Husleige 6.224*12 74688 Årlege kostnader Rente/avdrag år 1-10 fastrente 56000 67200 Forv. Drift og vedlikeh. 22000 25000 Sum utgifter 78000 92200 Underskot pr år -22140-17512 Oversikten syner at skal ein bygge desse 2 husværa vil det gje eit årleg underskot på +/- 40.000 kr. pr år. Stiftinga vil ikkje ha eigenkapital til å kunne dekke slike underskot. Eit alternativ kan vere at ein aukar husleigene med kr. 1500 pr månad. Dette vil føre til at ein vil få husleiger som vil føre til at husa vil vera vanskeleg å leige ut og dårleg verkemiddel for tilflytting. Rådmannen vil foreslå at ein for å kunne gjennomføre bygging av desse husa og kunne halde ei husleige som for dei andre bustadane i SLU at kommunen går inn for ein auke i stiftingskapitalen i SLU med kr. 400.000. Dette vil dekke underskotet for desse bustadane dei fyrste 10 åra. I investeringsbudsjettet er det avsett midlar til bustadtiltak/sosial bustadbygging som kan dekke denne løyvinga.
Rådmann vil på eit seinare tidspunkt vurdere nærare korleis me i kommunen er organiserte på bustadområdet og korleis me driftar og forvaltar dette. I denne omgang er det naturleg å kopla det vidare arbeidet til stiftinga Luster Utleigebustader. Dato:3.4.2013 Jarle Skartun rådmann
Særutskrift skal sendast: m/kopi til: